Xəzər Süleymanlı - Anamı Yuxuda Görmüşəm ( Nəriman Həsənzadə Şeiri)

Aparıcılar: Xəzər Süleymanlı
Kamal Yaşar
Şeir Mənim Üçün...
Sizi söz və səsin vəhdətini dinləməyə dəvət edirik. Xəzər Süleymanlı və Kamal Yaşarın təqdimatında həftəiçi hər gün, saat 20:00-21:00 arası Radio Space 104FM-də şeirlər sizin üçün səslənəcək !
Bizi İzləyin:
Kanala Abunə Olmaq Üçün: / space104fm
Space 104 FM Facebook: / space104fm
Space 104 FM İnstagram: / space104fm
Nəriman Həsənzadə - Taleyim
Anamı yuxuda görmüşəm dünən,
Yuxuda bir ömür sürmüşəm dünən
Anam evimizə dönmək istəyir,
Görünmək istəyir, görmək istəyir,
İpək kəlağayı salıb başına
Qayıdıb gəlinlik, qızlıq yaşına
Bəzənib elə bil, o, toya gəlib
Mənim ad günümdə Poyluya gəlib.
Analar unutmur balalarını,
Tanrım, anaların dualarını,
Bizim üstümüzdən əskik eləmə,
Qadın kəsik olur, kəsik eləmə.
Anam gördüyünə məəttəl qalıb
Nə ocaq yeri var, nə çəpər qalıb,
Nə qapı bacadan əsər əlamət,
Kimdən soruşsunki, kimindi həyət
Qalxıb pəncərədən baxır yuxarı
Nə ev var, nə evin köhnə şeyləri.
Sənəyi var idi götürübdülər,
Su daşı var idi itiribdilər,
Divardan gəvəni qoparıbdılar
Söküb taxtımızı aparıbdılar
Üstü müşəmbəli çörək stolu
O da gözə dəymir yerində yoxdur
Deyirəm ay ana, ev bizimkidir,
Divarlar bir idi, indi ikidir,
Mebel alıbdılar təzə, qət-təzə,
Parket döşəyiblər kənd evimizə
Kran çəkibdilər təzə su gəlir,
Dağların kəndlərə havası gəlir.
Bir az aralıda bizim doqqaza
Qızılgül əkiblər bizim doqqaza.
Anam evini tanıya bilmir,
Anam yolu-izi tanıya bilmir.
Yol onu tanıyıb gətirib evə
Tale talesizi tanıya bilmir
Evinin yerində evini gəzir
Mən onu gəzirəm, o məni gəzir
Anam baxa-baxa qayıdıb gedir
Məni də yuxudan ayıldıb gedir...
#SpaceRadio #NerimanHesenzadeHeftesi

[@ilhameabdulayeva7802]

Ne gozel . Yazan da sag olsun . Bu proqramin yaradicilari da var olsun . Qiraetci de istedaddir de . Tesekkur!

[@gulyanaqsmdova9986]

Bu gözəlliyə niyə baxış azdır. Heyif...

[@Spinturkan]

Çox sağ olun təşəkkür edirəm duyğulandim ❤

[@xyalsgrova6285]

Heqiqetende anam gəlsəevini tanıya bilməz.sanki bizim evə yazılıb😢

[@ma-yc2sg]

😢😢

[@SSSSSS-ks9qc]

SİZDƏN SORUŞSALAR ALLAHIN YARATDIĞI ƏN GÜCLÜ VARLIQ KİMDİR ---DEYİN ANADIR. QİRAƏT AŞİQLƏRİNƏ SALAMLAR OLSUN.SİZİ DİNLƏYİRİK.

[@shriyarqafarzad4386]

Niyə gözəl şeylərin ömrü az olur bu verliş kimi.