Рет қаралды 23,702
Ananın vaxtsız gedişi və əziz xatirəsinə həsr olunmuşdur…
Səni dünyaya gətirəni dünyadan yola salmaq ağır olsa da, analar həmişə varlar, varlığımızdadırlar, müqəddəsdirlər!
şeir: Tural Ağayev
səs: Xəzər Süleymanlı
piano: Maho Music
Bir mələk gəlmişdi, fəqət qayıtdı.
Bitincə Allahdan möhlət, qayıtdı.
Tanrı hüzuruna əlbət qayıtdı.
Bu mələk misalı Allaha sadiq
Geri dönüşün də alqışa layiq.
Vədə tez yetişdi ayrılmaq üçün
Yox oldun, hər yerdə var olmaq üçün
Izn ver ruhuna sarılmaq üçün.
İndi həm yerdəsən, həm də göylərdə,
Yoxluğun var etdi səni hər yerdə.
Gizlincə ruhumun nəğməsin dinlə,
İndi həm sənsizəm, həm də səninlə,
Tutaraq əlimi sən öz əlinlə,
Möhkəm ol - dediyin o son sözlərin,
Həm qəlbi əridir, həm möhkəmlədir.
Sən bizə öyrətdin möcüzə nədir...
Bu gizli sirr sənin kimliyindədir...
Sən bizə öyrətdin möcüzə nədir...
Bu gizli sirr sənin kimliyindədir...
Müqəddəs baxışın, o gülər sima
Gözümün önündən bir an çəkilməz.
Sən elə böyüksən, bu böyük dünya
Zərrələşər, sənə tay ola bilməz.
Zərrələşər, sənə tay ola bilməz.
Bu qədər mötəbər olarmı insan?
Sən elə yüksəklik məqamındasan,
O ali zirvəni dərk edən zaman
Bi-ixtiyar təbəssüm qonur dodağa,
Göz yaşım utanır gözdən axmağa.
Mənim mənliyimin qüruru oldun,
Qəlbin ən müqəddəs hüzuru oldun.
Görməyən gözlərə göz nuru oldun.
Gözlə görünməzi göstərdin bizə,
Öz imzanı atdın düşüncəmizə.
Bir mələk gəlmişdi, fəqət qayıtdı.
Bitincə Allahdan möhlət, qayıtdı.
Tanrı hüzuruna əlbət qayıtdı.
Bu mələk misalı Allaha sadiq
Geri dönüşün də alqışa layiq.
#xezersuleymanli #xəzərsüleymanlı
Facebook: / xzrslmnli
İnstagram: / xezersuleym. .
Tik-tok: vm.tiktok.com/...
Telegram: t.me/xezer_sul...