Рет қаралды 2,473
2020թ․ լրացավ նշանավոր կոմպոզիտոր, քանոնահար և մանկավարժ Խաչատուր Ավետիսյանի ծննդյան 95-ամյակը:
Այս տարի Հայաստանի պետական ֆիլհարմոնիան, ԿԳՄՍ նախարարության աջակցությամբ իրականացրեց կոմպոզիտորին նվիրված հոբելյանական միջոցառումների շարք, որոնց թվում Bekart studio ընկերության հետ համագործակցությամբ նկարահանվեց վավերագրական ֆիլմ՝ նվիրված մեծանուն երաժշտին։
Նկարահանումներն իրականացվել են 2020թ․ մայիս-հունիս ամիսներին Գյումրիում և Երևանում։ Ֆիլմում Խաչատուր Ավետիսյանի մասին պատմում են՝ կոմպոզիտորի որդին, դիրիժոր Միքայել Ավետիսյանը, «Հայաստանի փոքրիկ երգիչներ» երգչախմբի գեղարվեստական ղեկավար, խմբավար Տիգրան Հեքեքյանը, «Նարեկացի» նվագախմբի գեղարվեստական ղեկավար, թառահար Արտեմ Խաչատուրը, Երևանի պետական կոնսերվատորիայի Գյումրու մասնաճյուղի տնօրեն, երաժշտագետ Կարինե Հարությունյանը, Գյումրու Խաչատուր Ավետիսյանի անվան ժող․ գործիքների պետական նվագախմբի տնօրեն, երգիչ Մուրադ Մալխասյանը, քանոնահար, մանկավարժ Անահիտ Վալեսյանը։
- Նա լեգենդար մարդ էր, նրա հայացքը արդեն կրթում էր։
- Նա մաքրեց քանոնի տաճկական հնչողությունը և հայեցի հնչեցրեց:
- Նա միշտ ասում էր երիտասարդ կոմպոզիտորներին " ինչ որ գրում եք, եթե տաղանդ ունեք ու գրում եք, հողից մի կտրվեք":
------------------------------
BekArt studio 2021
tel: (+374)91340119
E-mail : bekartstudio@gmail.com