Рет қаралды 266,115
#anarmemmedxanov #birivaridi #trend
O, çox çətin illərdə yetişdi. Dişi-dırnağı ilə özünə karyera qurdu. Bütün bacarığını, nüfuzunu Azərbaycana sərf etdi. Əziyyətinin bəhrəsini görəcəyi illər yaxınlaşanda müəmmalı şəkildə qeybə çəkildi. Hər zaman gülən, güldürən şəxs bir bahar axşamı bütün Azərbaycanı yasa qərq etdi. Amansız ölüm onu qəfil yaxalamışdı. Hər kəsi təbəssümdə saxlayan şən və hazırcavabın 40 yaşında evində rastlaşdığı həmin kabusa verəcək hazır cavabı olmadı.
Anar Məmmədxanov 20 iyul 1970-ci ildə Bakıda anadan olub. 1987-ci ildə Bakı şəhər 160 saylı məktəbi bitirib. Həmin il Azərbaycan Dövlət Universitetinin mexanika-riyaziyyat fakültəsinə daxil olub, 1992-ci ildə oranı bitirib. 1992, 1993, 1995-ci illərdə Şən və Hazırcavablar Klubları arasında MDB çempionu, 2000-ci ildə XX əsr çempionu olub.
Anar ictimai həyata olduğu kimi ailə həyatına da erkən yaşdan atılıb. 1987-ci ildə bir rəfiqəsinin səbəb olduğu görüşdə həyat yoldaşı İradə Məmmədxanlı ilə görüşür. Bu zaman Anarın 17 yaşı var idi. Gördüyü qıza aşiq olur və 3 aydan sora qıza sevgisini bildirir. Qarşılıq görən Anar elə həmin yaşda da evlənməyə can atır. Ancaq Anarın atası və yaxınları onu bir neçə il evlənməyə qoymurlar. Sonra qızın nənəsi Mədinə xanımın təklifi ilə cütlük Anarın 23 yaşı tamam olduqda evlənirlər...
Anar Məmmədxanov Ermənilərin at oynatdığı Rusiyanın KVN səhnəsində onların kürəyini yerə vurur. Özünün yaratdığı komanda ilə qalib olur. Təbii ki, o, ən uğurlu gününün həmin gün olduğunu düşünür. Ən xoşbəxt gününü isə ömür vəfa etsəydi, 2020-ci ilin 8 noyabrında görəcəkdi.
Anar Məmmədxanov həm də media kapitanı idi. Bu gün bir çoxlarının qurmaqda çətinlik çəkdiyi bitərəf media orqanı yaratmışdı. Həm müxalifət, həm iqtidar, həm də xalqa bu media orqanında eyni tribuna verilirdi. O, hətta bəzi sosial və siyasi çətinliklərlə qarşılaşan vətəndaşların problemləri ilə şəxsən maraqlanır, həmin problem həll olunana qədər prinsipiallıq göstərirdi. Media orqanını yaratmaqda ən ümdə məqsədi isə düşməni informasiya müharibəsində məğlub etmək idi.
Bütün bu nailiyyətlər, gərgin əmək Anara iki düşmən qazandırırdı: 1 - i səhhətini gəmirən gərginlik, yorğunluq, əsəb, digəri isə suların durulmağını istəməyən qüvvələr.
Ölümündən iki saat öncə A.Məmmədxanovla telefonla danışan “Exo” qəzetinin baş redaktoru Rauf Talışinski “deyir ki həmin gün A.Məmmədxanov ona bir məqaləsini bəyəndiyi ilə bağlı mesaj yollayıb: “Mənə mesaj yolladı ki, məqalən çox yaxşıdır, xoşuma gəldi. Sonra mən ona zəng elədim. Yarım saata yaxın söhbət elədik”.
R.Talışinskinin sözlərinə görə, telefon danışığı zamanı A.Məmmədxanovun əhvalı çox yaxşı imiş. Tez-tez zarafat edib, gülürmüş: “Heç səhhətindən şikayət edən nəsə demədi. Mənə dedi ki, yeni bir film hazırlayıb. Yanılmıramsa, yəhudilərin Azərbaycanda olması ilə bağlı filmdir. Mən də ondan xahiş etdim ki, məni filmin prezentasiyasına çağırsın. Dedi, mütləq çağıracam”.
Bacısı müsahibəsində deyir ki, o ölümündən 3 ay qabaq tibbi inkişaf etmiş xarici ölkələrdən birində ümumi analiz vermiş və orqanizmini təpədən dırnağa müayinə etdirmişdi. Nəticə isə çox gözəl idi, həkimlər onun harasındasa xırda problem belə olduğunu deməmişdilər.
Anarın ölüm anı isə olduqca heyrətamiz idi. Onun ölüm xəbərini alan əksər adamlar deyir ki, biz bu xəbəri alanda o hələ feysbukda onlayn idi. Bəli... Yoldaşı və uşaqları həmin an evdən çıxmışdı. Onların evdən çıxmasından təxminən 2 saat sonra, 5-ə 15 dəqiqə işləmiş telefonda dostu ilə danışıb, yarım saat sonra Anar qarşısındakı kompüter açıq şəkildə, iki telefonu da yanında aktiv olduğu halda heç bir siqnal vermədən, narahatlıq ifadə etmədən huşunu itirir. Sürücüsü evə gələndə Anarı huşsuz vəziyyətdə aşkarlayır. Yoldaşına bu barədə məlumat verilir. Yoldaşının dediklərinə görə isə, o artıq evə çatanda Anarın bədəni isti olsa da, nəbzi vurmurdu. Təcili yardım gəldikdə isə artıq Anar Məmmədxanlı dünyasını dəyişmişdi.
Təsdiqini tapmış yeganə fakt bundan ibarətdir: Sabiq deputat, “Bakılı oğlanlar” Şən və Hazırcavablar Klubunun keçmiş kapitanı Anar Camal oğlu Məmmədxanov 2011-ci il aprelin 23-də 40 yaşında dünyasını dəyişib.
Səhiyyə Nazirliyi Məhkəmə-Tibbi Ekspertiza və Patoloji Anatomiya Birliyinin yaydığı açıqlamaya görə, ölümün səbəbi kəskin ürək qan-damar çatışmazlığı, ürəyin işemik xəstəliyi olub.
Anar kimi adamlar hər ölkəyə təxminən bir əsrdə bir dəfə gəlir. Hansı ki, o adamlar niyyət etdikləri sahədə uğur qazanmaq kimi unikal bacarığa malik olur və bu uğuru fərdi mənafeyi naminə deyil, ölkə, cəmiyyət uğruna xərcləyir. Təəssüf ki, belə insanlar çox yaşamır. Anar Məmmədxanlı da ömrünün ən faydalı, effektiv illərnə qədəm qoyduğu bir zamanda ölkəsinə ağır bir faciə yaşatdı. Bəli onun ölümünün nə qədər ağır faciə olduğunu təkcə ailəsi yox, bütün Azərbaycan yaxşı başa düşürdü. Anar da bütün yaxşı kişilər kimi bu dünyanın çirkabına bulaşmağı yox, səmaya çəkilməyi seçdi. Bəli elə simaya elə səma yaraşırdı. Ruhun şad olsun, bakılı oğlan!