相法歌訣 - 通勝 - 粵語版

三寶中心
地址：香港炮台山屈臣道金都大廈商場27A地舖
電話：25788727 / 28062230
website：www.sanbaoctr.org
facebook： / sanbaoctr
youtube： / sanbaoctr
真特別，又改良，世界維新國運昌，件件時興無以尚，進步文明日富強，中華到處開風氣，全憑演說及歌章，所以相士串成呢套新書唱，指明部位甚端詳，
金形色白聲清響，木形粗髮指如鎗，色黑頂平為水相，頭尖屬火土帶肥黃，雖則係五行齊備必定為人上，恐怕世間無幾得咁榮昌，或者生得有好心田無好相，所以相從心轉改禍呈祥，
五官端正乃係聰明相，富翁圓滿頂平方，有等話光頭為叫富相，咁就果啲辣痢和尚座座都係銀房，牙齊衣食能豐享，滕蛇入口必要餓到硬邦邦，壽長耳大兼神壯，至怕腳踭唔到地必定少年亡，準頭青現身沾恙，印堂黑影就要買定棺箱，眉粗折斷兄弟喪，烏雲滿面就要損爹娘，奸門有痣官非旺，墨侵月角小人傷，眼下浮青兒女喪，
奸門低陷至少都要兩個填房，準頭光潤財星降，倘若一時微彩色帶浮光，總要指甲光明正得兒女易養，掌中明潤定必貴人長，骨硬艱辛榮耀軟掌，高生驛馬遠走他方，自古道額角岩嶄爹早喪，山根低陷母先亡，面皮寬厚朋情廣，紅根滿眼品性堅剛，鼻內空囊斜目看，此人奸滑必要提防，水星角卸乃係孤寒相，目長眉短難望兄弟幫，
眉低壓目神無壯，必定帶埋籐條去跪妻房，紅筋泛面盡把煙花蕩，好搽胭粉必定眼光光，唇紅眼細必主邪緣廣，步步垂頭果啲係扭計大王，未言先笑兼斜看，果種就係淫人妻女冇天裝，行成擺柳好似隨風抰，此等名為擺尾都無一半係男郎，重有部位幾般須要直講，行完兩耳正到天倉，天庭塚墓邱陵上，轉角邊成共印堂，此係少年部位如斯樣，
重有中年眉目兩顴當，山根年上隨行往，年壽準頭講到在行，地庫水星係年老倚向，行埋地角都係晚景韶光，咁多故事不過乃係言男漢，重有讀書談論講到女嬌娘，婦人第一要益子將夫旺，背圓掌厚一世好風光，口小鼻圓雙孔不昂，能生貴子可旺才郎，莫話矮婆墮臀唔好樣，一味仔多唔怕絕燈香，聲清色潤兩目無斜望，
必係同諧到老至少都有三代同堂，臍凹一分兒一養，二分能見子成雙，三分三個不是虛言講，臍深半寸必有五個兒郎，肥婆腰窄乃係無兒相，刑夫眉大額頭光，兩顴黑墨屎雙夫喪，顴高眼突就要剋夠三個才郎，眼露髮粗皮肉帶慷，定然生產有災殃，髮短髮粗原係壽相，髮長到地又怕自縊懸樑，面滑身粗係淫賤相，倘若不為奴婢亦要當娼，
半掌一紋為叫斷掌，必要過房養育正保得壽元長，見人掩面偷斜看，私情密約任偷香，托腮咬指倚傍門邊望，一見男人鍾意佢啫咁就動心腸，喜怒無常將曲唱，行前盼後好梳粧，眼光先笑言詞講，但有咁多般形象都係淫娘，腰長口闊偷愁想，果啲係懶精唔會把家當，口咬牙筋兼共鼻昂，果種係一門陰毒叫做咒人王，面緊咀尖聲爛帶響，
掩住半邊口都嗌得幾條鄉，唇薄帶青兼共面昂，果啲嗌交時文隔外在行，
露齒係口疏言語亂講，是非常弄舌劍唇鎗，此係依書情理來直講，可以揸埋呢一套去睇偏房，句句是真常要看，勝過麻衣共柳莊，特意傳來挑醒吓世上，
憑根蔃，莫作哂歌文唱，
可以憑書鑒貌咁就睇出佢點樣心腸

[@sytse6607]

太快了

[@siukaucheung5600]

从前清末民初 乡间厚厚的(书)胜也有附印在内 此口诀曾看诵过

[@dandanli6586]

好趕時間，所以讀咁快？

[@waimingchan772]

驚你瞓着覺

[@waichan1047]

古人智慧 看掌 看相 看身型 …

[@tophoney6045]

五官端正哩四个字几乎所有睇相嘅人都理解错了

[@yuetngotsoi5513]

讀咁快，趕收工？