Рет қаралды 3,412
يا أبو شعور رقيقة
تسمح بي دقيقة
ورينا الفي بالك
قول لينا الحقيقة
بالتلميح بنفهم
كل ما إنت داير
رب القدرة عالم
بالجوة الضماير
لكن ليك مدة
أسدلت الستاير
عملت الحبة قبة
و جافيت الحقيقة
الإنسان مخير
يا قلبي العطوف
ناس تزداد محبة
ناس يجتاحها خوف
ناس في أياما صعبة
تتحدى الظروف
ناس بتصيبها رهبة
في بداية طريقها
العشاق بتعزف
ألحان الخلود
و الأيام بتعرف
ما مضى لن يعود
خليك بي جوارنا
نلتحم السدود
و نبني عشان صغارنا
تعريشة و حديقة
نرحل في الليالي
عبر الأمسيات
نزرع للأماني
نعيد الذكريات
يا حلو الشمايل
يا سكر نبات
نظراتك رسايل
كلماتك موسيقى