Рет қаралды 40,922
يا دار بودعك و اروح و ارتاح
ما دام ما بيني و بينك قرابه
كنت احسبك دار السعادة و الافراح
و اثرك تزيد آعلى المعذب عذابه
يا كم على بابك عثر ساقي و طاح
حتى فتح لعيوني الحزن بابه
وبيحت سدٍ قد له سنين ما باح
و احرمت من قلبه تولع شبابه
وآآصبر قلبٍ كله اطعون و جراح
و ان عاتبك ما عاد ينفع عتابه
كثر الهقاوي و الثقه و التمداح
باعتني و سوّت عليّه عصابه
صدقت ناس صدقهم كذب و امزاح
حتى كتب قلبي لهم في كتابه
و اعطيتهم كل المكاسب و الارباح
و علمتهم فن اللغة و الخطابه
سلمتهم في الشدة اسيوف و ارماح
حتى رماني لينهم في خرابه
اوجيههم في المصلحه نور مصباح
و قلوبهم و الليل الاسود تشابه
لا احتجتهم حطّو على الصايح اصياح
و اتفرقوا و الصايب اخطى صوابه
لا شك فرقى دارهم عيد و افراح
لو مكرهم جرحٍ يزيد التهابه
اقسم بمن كتبته في وسط الالواح
ما ينكر المعروف غير الزلابه
اخذت عن غدر الزمن طب و كفاح
عقب السؤال اللي جرحني جوابه
و آمنت بأن الصبر للخير مفتاح
و عوضني اللي ما يخيب الرجاء به
بخوة مطاليق ايتفادون الارواح
منهاجهم نهج النبي والصحابه
بين النشاما لاح برق الوفا لاح
وهلت على دار الجميل السحابه
نصيحتي مادام عطر الغلا فاح
اتعلم الصادق وحضرة جنابه
لا لحّت الصدّقه على الصادق الحاح
لا يعتمدها قبل يحسب احسااابه...،