Рет қаралды 282
સાંપ્રત ગુજરાતી સાહિત્યમાં અનોખું પ્રદાન કરનાર કવિ, લેખક, સંપાદક યોગેશ જોષીનું શિક્ષણ અને એમનો વ્યવસાય વિજ્ઞાન સાથે સંકળાયેલા હોવા છતાં એમણે કવિતા ઉપરાંત નવલકથા, વાર્તા, નિબંધ, સંસ્મરણ, અનુવાદ, ચરિત્ર અને બાળ સાહિત્ય જેવા સાહિત્યપ્રકારોમાં સર્જન કર્યું છે. અને એમને લગભગ દરેક સાહિત્ય પ્રકારના એમના સર્જન માટે એવોર્ડ પ્રાપ્ત થયા છે. એમને પ્રાપ્ત સન્માનોમાં નર્મદ સુવર્ણ ચંદ્રકનો સમાવેશ થાય છે. ગુજરાતી સાહિત્ય પરિષદના વિવિધ હોદ્દા પર રહી એમણે સક્રિય પ્રદાન કયું છે અને લગભગ ૧૮ વર્ષ સુધી એના માસિક 'પરબ'નું સંપાદન કર્યું . હાલ તેઓ પરિષદના ઉપ-પ્રમુખ છે અને ગુજરાતી સાહિત્ય સભાના મંત્રી પણ રહી ચૂક્યા છે. પ્રસ્તુત કાવ્ય પઠનમાં તેઓ એમનાં પ્રતિનિધિ કાવ્યો રજૂ કરે છે.