【遺愛人間】陳僖儀慈善基金成立

陳僖儀（Sita）雖然前年4月不幸因車禍離世，不過樂於做慈善工作的Sita依舊遺愛人間。「陳僖儀慈善基金」昨晚在觀塘舉行簡介會，讓Sita的歌迷了解基金會運作。
「陳僖儀慈善基金」由Sita胞妹陳楚晶（Crystal）擔任基金主席，她謂Sita生前經常參與義工工作，雖然已經離開了，不過Crystal和媽媽都希望繼承Sita這個願望。Crystal說:「好多歌迷會買公仔或者禮物放喺Sita靈前，我哋就覺得不如送暖俾老人家或者小朋友更加好，又可以集合大家嘅力量同愛心，所以希望歌迷們參與一齊做。」
Crystal又提到基金主要會幫助長者和小朋友，不過陳媽媽昨晚因為事忙，未能出席。而Sita生前好友，Hotcha成員Crystal亦有到場支持，她說:「其實係Sita妹妹邀請我，希望多啲人會響應Sita愛同關心人嘅精神。」
Crystal@Hotcha成又提到Sita生前經常主動向身邊的人提出幫助，她說:「佢好識照顧人，有次參加佢嘅生日會，但係我一個人都唔識，佢一直都好驚我悶，又成日讓啲衫俾我著，做朋友佢真係好好、好主動。」她續道:「我最懷念佢嘅笑聲，因為我哋同公司，成日一齊玩好開心，又會互相傾訴。之前佢生日（忌）我都諗起佢，希望佢喺另一個地方生活得快樂。」