Рет қаралды 1,649
Алматы қаласының тұрғындары кептелістің жиілеп кеткеніне наразы. Сағаттап жолда тұрамыз деген жұртшылық жергілікті билік бір амалын тапса дейді. Ал, қала басшысы биыл бұл мәселені шешу үшін жасанды интеллект арқылы басқарылатын бағдаршамдар қоямыз деп сендірді. Жаңа жоба Алматыдағы басты мәселелердің бірін шеше ала ма, қалай жұмыс істейді толығырақ әріптесім Бауыржан Жақсымбет тарқатады.
Миллиондаған тұрғыны бар мегаполистегі кептеліс баялаудың орнына үдеп бара жатқандай. Бұрын таңғы және кешкі уақытта ғана қала көшелерінде сағаттап тұратын жүргізушілер, күндіз де баратын жерімізге жете алмайтын болдық деп қынжылады. Кептелістің жиілеуіне автобус жолағы мен әр жерден қойылған бағдаршамдар да әсер етті дейді. Сонымен бірге, жыл өткен сайын көліктердің көбеюі де қозғалыстың қалыпқа келуін қиындатып жатыр деген ойда.
Ал, сарапшылар болса көлік кептелісін азайтудың тиімді әдістерін шет елдерден үйрену қажет деп есептейді. Көшелерді кеңейткенімен, шешімі өзгермейді деп отыр. Сондықтан, темір тұлпарларды маңызды шаруаларды реттеуге ғана пайдалану жағын қарастыру қажеттігін айтады.
ДИАС МАРАТҰЛЫ, сарапшы:
- Автокөлік қолдану бағасын, баға дегенде тек қана ақша емес, жалпы бағасын, уақытын, комфорт жағынан да және ақша жағынан да қиындату керекпіз. Қымбаттатыру керекпіз. Ал керісінше, қоғамдық көлікпен қолданатын адамдарға, велосипедпен, самокатпен жүретін адамдарға қолдану бағасын азайту керекпіз.
Бұл сұрақты шешу бүгін қала әкімі Ерболат Досаевқа да ұсынылды.Күн өткен сайын қалада еркін қатынау мүмкін емес деген тұрғынның сауалына Алматы басшысы жауап берді. Әкім Алматыда бағдаршамдарды ауыстыру жиілігі жасанды түрде реттеледі дейді. Және бағдаршамдарды басқаруда жасанды интеллект қолдану мәселесі тұрғанын айтты.
БАУЫРЖАН ЖАҚСЫМБЕТ, Тілші:
- Әлемдік тәжірибиеде жасанды интеллект арқылы басқарылатын бағдаршамдар бірнеше тәсілмен жұмыс істейді. Мәселен бірінде ауаның ластануын анықтайтын бергіш орнатылады. Көліктердің тұрып қалу себебінен таралатын газдың қысымын анықтап, бірден өз бетінше әрекет етеді. Сонымен бірге тағы бір түрі бағдаршамға қойылатын арнайы бейбеқалау камералары. Осы арқылы қаладағы кептелісті анықтап, сонымен бірге жаяу жүргіншілердің де жүрісін бақылайды. Егер мүмкіндігі шектеулі жан жолдан өтпек болса, тиісінше жасыл түсті көбірек жағуға тырысады. Алматыға жасанды инттеллект арқылы басқарылатын бағдаршамдар нақты қалай жұмыс істейтіні белгісіз. Өйткені, қалалық әкімдіктегілер әзірге тек жоспар күйінде деп отыр.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал