Рет қаралды 532
يوم ليلة ١٢ محرم ١٤٤٦هـ
موكب اولاد ام البنين
الشطرة / البو بوكه
#علي_جبار_الخفاجي #ابو_محسن
ــــــــــــــــــــــــــــــــــــــــــــــــــ
قصيدة " يالحاضر دفن سلمان "
#عاشوراء #ليلة_الدفن
تجليبه
ــــــــــــــــــــــــــــــــــــــــــــــــــ
علي الكرار يالحاضر دفن سلمان
تعال الحگ على حسين انذبح عطشان
ــــــــــــــــــــــــــــــــــــــــــــــــــ.
أنه السجاد احشمك يا علي وينك
گوم من النجف و الحگ على حسينك
يا جدّي شْگطع ما بينه و بينك
على صدره العبت خيل العده ميدان
ــــــــــــــــــــــــــــــــــــــــــــــــ.١
حسين من الحوافر يگطع الأنفاس
بسيف الشمر جسمه انفصل عن الراس
لا عنده أخو ولا ولد لا عباس
ربعه انذبحوا و ولده و گمر عدنان
ــــــــــــــــــــــــــــــــــــــــــــــــــ.٢
حيل بعازتك يا حيدر الكرار
على خْيمكم يجدّي هجمت الأشرار
برض الغاضريه الخيم وجّت نار
و بسوط و شتم تتيسّر النسوان
ــــــــــــــــــــــــــــــــــــــــــــــــــ.٣
عمّاتي مشت للكوفه مسبيّه
بصيره عيوني لاچن تگصر ايديّه
أنه لْوَحدي عليل و حيل ما بيّه
عفت عودي سليب و مرمي عالتربان
ــــــــــــــــــــــــــــــــــــــــــــــــــ.٤
دفن سلمان تحضر ليه بطرفة عين
يحيدر عن مصاب الغاضرية وين
ثلث تيّام بالطف عاري جسم حسين
لحّك عالحسين بعازة الدفان
ــــــــــــــــــــــــــــــــــــــــــــــــــ.٥
ضل جسم الحسين بكربله مگطّع
حْسين ب باريَه بالگوّه يتجمّع
وراسه اعله الرمح و شچم بلد يگطع
وِ يْباري السبايه الحرم و الرضعان
ــــــــــــــــــــــــــــــــــــــــــــــــــ.٦
علي جبار الخفاجي