يالحون العود والا يامجارير الربابة كلمات: سلطان الهاجري

تشرفني متابعتك,..
تويـــتـر: / qaceed
انسـتقرام: / qaceed
فيسبـوك: / qaceed
مدونـــة: qaceed.blogspot...
:يالحون العود والا يامجارير الربابة
اختلف معنى القصيد وضيّع الفنان فنّه
حلم مدري علم وإلا نوض برقٍ في سحابة
وأثرها طلّة جبينه يوم زاح الليل منّه
أقبلت مثل الفرس لا سمعت طبول الحرابة
مقتفيها ليلٍ أسود والنجوم يفرّقنّه
النهار يمر ويعدّي وليله في عقابه
والنحر صبحٍ تجلّى والجدايل كنّهنّه
مخملٍ يلتفّ حول الجيد الأتلع بالنيابة
عن سلاسيل الذهب والماس خوف يجرّحنّه
غاب عنّي والوله خلاّه عندي في غيابه
مادرى إن فرقاه نار ولا درى إن لاماه جنّة
ياوجودي وجد عودٍ لا عيال ولا قرابة
ماجداه إلا يونّ ويردف الونّة بونّة
مالقى فزعة رفيق ولا دعاةٍ مستجابة
كلّ ما أمسى له بظنّ خيّبت الايام ظنّه
ياوجودي وجد من صفّق على ماضي شبابه
بأن شيبه والسنين اللي يبيهن خالفنّه
غرّته خضر السنين وراح عمره مادرى به
غرّرنّه وأرفعنّه لين سجّ وحولنّه
ذاك وجدي في غياب اللي نزح والله جابه
صح فرض الله فرض وسنّة الرسول سنّة
الغلا جسمٍ رقيقٍ مرهف احساسي ثيابه
مثل غصن الورد يوم إن الهبايب يطرقنّه
مازرعت إلا غلاه ولا نقلت إلا صوابه
والحشا ماضاق من خضر الطعون المستكنّة
ياحبيبي مازها كفّ الخضاب إلا خضابه
فيه نظم المفردات وفيه للعشّاق عنّه
الظبي ماله شبيه وبينك وبينه تشابه
إلتفت بشويش وألقى فيه منك وفيك منّه
خالقك من فضّل محمد على كلّ الصحابة
وسخّرك مثل المهار اللي تسخّرها الأعنّة
والثنا والشكر للي رحمته تسبق عذابه
لا لخلق الله شكر ولا لخلق الله منّه
قاله اللي ماخذا مما يريد إلا هبابه
خيرة الفارس ثنيّة خيل صفراً مستعنّة

[@user-dn4jb6ri1b]

الله الله. يسلم شاعرها. الدروب صارت في الاوادم غريب. يوما يكون فيها سعيد. ويوما يكون معها سفر وعابر طريق.

[@سلمانمحمد-ق7ق]

تصوير السحاب⁦🌩️⁩ رهيب⁦👍

[@user-sy7bq1vr9m]

خير الكلام لا اله الا الله

[@Az1mn]

حلالاه يالجمس الحمر مع هالطريق ❤️ #سلطان الهاجري #قصايد #الجزل

[@عاشقالصحراء3ابوبندر]

صح السااانك في قمه الروعه 👍👍

[@hdgsghd395]

صح لسانك

[@صِنديدالعرب-ن5و]

يالربع لاهنتو هذا الطريق بالسعودية بس وين بالضبط ودي اجيه من عمان

[@lafialhrbi5866]

.

[@صِنديدالعرب-ن5و]

@@lafialhrbi5866 ؟

[@عبداللهالحربي-ل8ن8ط]

ع ماظن طريق السريع الجوف حايل