يالبيه يالعاصوف ( فهيد بن فرج المري ) - جفران بن هضبان & فيصل البلداء | 2024 حصرياً

يالبيه يالعاصوف
تمثني على قوس الصدر ياهبوب النود
لعله يطيب وتنجلي ضيقته عنه
.
كياني مع العالم وبالي مهب موجود
عسى الشعر يجمعني على هيله وبنه
لكّنّ القريحة حالها منهك ومضهود
مثل حال منهو يلحق الكنة الكنة
ترا النادر امن الشعر دايم وهو مفقود
مهوب أهطلٍ من جوّد معذّره عنّه
.
اذا الناقد الناقد وقع سهو فالمنقود
وش العذر لاجات المناقيد مستنه؟
.
وانا لا تبيّن لي سليل الوفا و الجود
ترا ماني بفيصل اذا ماضحك سنه
.
يالبيه يالعاصوف وارحب و إرق اسنود
علي الطلاق ان اردف الشنه بـ شنه
.
تعالو ياذويقة قصيدي أنا موجود
معي نخبة ابيوتٍ لها رونق ورنه
.
انا مرتكيله باجزل و آخر العنقود
تعرّض على الفنان و تعلمه فنه
رفيقي وأعرف انه لجا الماقف المشهود
يجي لي على ظني واجيله على ظنه
‏ .
على مدحته ينقاد سرب المدايح قود
وتكرب سروج الخيل و تقط لآعنّه
أشوف الشرايد في مديحه مناكب طود
#من المستحيل أسهووم الامداح تخطنه
لكَنْ ودي ان حبر القصيدة من الكمبود
ماودي يمر اسمه ولا اطيّبه منه
هذا الصامل اللي قلبه أصمل من البارود
هذا اللي زمانه طول سيرته ماحنه
هاذا سيفنا اللي في وجيه العدا مجرود
اناطح به الكافر ويرجع على السنة
على العايلين اقسى من اللي وطى لاخدود
وعلى المصفحين الطف من العود ابو خنه
هذا والله اللي ماعلى خوته منشود
على جامدات الشبط والا على الكنة
هذا طيب السيرة وراع النبى المحمود
هذا اللي له قلوب البداوين ممتنه
ياكم فقريٍ جلاب يبغى الهنا والفود
ينادي على العاصوف خوفٍ من المنه
وجاه ودبل لاسوام ثم جاوبه من زود
نصيبك وجعل ابيك يافهيد فالجنة
.
تسيد بقوٌة ناظرٍ كنه العبرود
مهو ناظر اللي بين ليته ولو انه
ترف البيارق في قطر والرجال حشود
وقفابها واخصامه تبادل الونه
قليل الكلام اللي فعوله بدون حدود
عليه العدا من بدة الناس منجنة
بعزمه وباسه زاد سعر البكار السود
بكارٍ تلذّع لا عناجٍ ولا دنه
ياكم ذود لحقّها لوايل وياكم ذود
حرق كرتها والدنه تخالف الدنه
ليا جاته العنة وفودٍ تجر اوفود
تركهم على جنب وطرح قايد العنه
لاقيل البرا مردود قال البرا مردود
وثن الحبل ياللي تبي حربنا ثنه
عسى الله يعز الدين والدار وابن سعود
ويرضى على يامٍ ويدخلهم الجنة
كلمات :
فيصل البلداء
اداء :
جفران بن هضبان
تنفيذ :
..
للتواصل والاستفسارات :
الحسابات الرسمية لـ منصة بصمة الابداع .
‏Official Whatsapp :
الرابط محادثة الواتساب المباشر :
wa.me/message/...
[phone]
‏Official Snapchat :
/ a_thane2
‏Official Twitter :
/ a_thane2
‏Official Instagram :
/ a_thane2
ـــــــــــــــــــ

[@Basmhalebda3]

مانستغني عن دعمكم باللايك والاشتراك في القناة ليصلك كل جديد 👍🏻 تابعونا على منصات التواصل الاجتماعي : alfan.link/a_thane2

[@عليالمري-ع7ج]

يستاهل العاصوف