ياليل الشتاء👏🏻🔥 | كلمات : فارس بن سحيم | اداء : سعود الجحدلي | (حصرياً ) 2023

.
اشترك وفعل التنبيهات في قناة متعب مهدي الرسمية
للحصول على أحدث إصداراته الفنية
/ @cw_299
-
إهداء من : رحيم بن ثبوت الخلاوي
-
بمناسبة زواج : شاهر منسي الخلاوي
-
كلمات : فارس بن سحيم
اداء : سعود الجحدلي
تصميم :‪@CW_299‬
--
الكلمات :
ياليل الشتا مع فارق الوقت والتشبيه
لقا بك نديمك مايجدد معاناته
ليا قبل ظلامك كِنك الخاطر اتعزيه
وتدعيه والماضي تنبش ملفاته
وانا انسان دم ولحم والهم لو خفيه
ظهر في قصيدي ونرسم في عباراته
على ضو ناري ونقد البيت يوم ابنيه
وياطيب نقد الشاعر لذاته بذاته
قبل تنقد النقاد وتقول فيه وفيه
وانا داري ان اغلب هل النقد شماته
يقولون والواثق بنفسه ماحد يثنيه
عن اهدافه المستقبلية وغاياته
يامال الغنيمة ميت النار لا ترجيه
تجيه اللزوم تقول ماكنها جاته
تحزم بكفواً يبلغ القصد مايخطيه
يروم العلا ماينقصر دون هقواته
ولا يارحيم بن ثبوت امر ولبيه
في لازمك مالي عذر ولا تلفاته
ابصخر بيوتاً كنها جنيه فوق جنيه
تقول ان حليف الجن فيها من ابياته
وعز الله انه شاعراً ماقفه يحميه
والابداع عنوانه وغاية طموحاته
في قدر الرفيق اللى على ماقفه تهديه
قصيده عليها الجزل يرسل تحياته
ياشاهر ولد منسي على فعلك التوجيه
للامداح وانته كفو ينجز مهماته
من افعول ابوك اللي مقام الوفا يوفيه
بهيبة شموخة واعتباره وهداته
ومنسي فعوله واسمه وطيبه يزكيه
وعند الكرم معروف جودة ومداته
وربعه تعلو المجد من دون كيف وليه
بفعلً نقي مرموق وترف رياته
ونعمين يالخلوان والفعل ماتمحيه
الايام لو الوقت يقبل بصكاته
على راي شيخاً كل مبدا وفا راعيه
رجا الله ولد مرجي ينومس بوقفاته
وشاهر مناسب له كفو عرفه ايقديه
وشيخاً مع اهل الطيب ثبت علاقاته
عنيبر ولد مرزوق والفعل كسب ايديه
ويعرف مع اهل العرف بسمه وصولاته
ولاد المعاوي عزوته فعلها ترويه
الاجيال للاجيال عن روس ساداته
وعزوة فهم تاريخها منشهر طاريه
وتحماه بالافعال والطاله اثباته
لها مجد له حاضر مشرف مثل ماضيه
ولا ينمحى راسي وشامخ بطالاته
ومن دون لا ترسل لعدوانها تنبيه
تشن الغزو والحرب تصدر قرارته
ياكم خصم عايل في نهار القشر تعميه
وتردعه قبل يعن ويشن غاراته
ورجم الفخر بفعالها تارد وتبديه
وتاريخها ينعم بهيبة بطولاته

[@رحيمالفهمي-ك2ش]

اشكرك يابو مهدي على التصميم 🤍🤍🤍

[@6arisz]

مبدع يامتعب وصح لسان الشاعر بن سحيم

[@جريحالمحبه-ض8ق]

لا كلمات ولا لحن

[@خيالالحرداء707]

تصاميمك روعه ماشاء الله تبارك الله اقسم بالله العظيم انت مصمم مبدع بشكل لا يوصف لاهنت صمم على ذي الشيلة kzbin.info/www/bejne/jp-6eZKvathnhK8