尹光 / 李麗儀丨娥姐賣粉果丨尹光唱盡粵語流行曲歌壇演變史演唱會丨視聽版

Рет қаралды 130,878

5 жыл бұрын

娥姐賣粉果 (尹光+李麗儀)
女白：買粉果呀　好靚嘅粉果呀　幫襯下啦
女：我叫做阿娥　專製賣粉果
揀正上等材料和粉自己去磨
猶如靈丹食一次　就成個人都唔餓
味道唔錯　好過食燒鵝
所有熟客買親段打和買成籮
人人問我點解得咁靚
因我用嘅材料正一上等無欺
認下商標最叻　係我阿娥
女白：買粉果呀
男：我成日去搵阿娥
嗰個衰婆啲肉地唔錯架啵
我朝朝走去幫襯
我實在想親近阿娥
我買粉果買粉果
乜你個圓籮咁大個架
女：喂我啋啋采你咪激嬲我呀
男：我話你載粉果嗰個籮啫
女：因乜你咁鬼口多啫
男白：又係衰嘅
女：我話你立意撩我
男：實在忘形亂嗡
等我認聲錯呀我想幫襯
女：幫襯哪一個　睇你面懵有啲唔妥
男：你重話我口多　乜你亦係咁口多
乜你立亂咁嚟鬧我架
女：喂　以後我唔犯你啦
男：我又話過唔犯你啦
合：大家講過就算和
男：阿娥姐
女白：點呀
男：我同你講下買賣
女白：好呀
男：用粉要你自己磨
女：喂　你唔買就請過啦
男白：點解
女：使乜咁事幹多啫
男：你磨過香夾滑
女白：啋
男：喂　咁樣至叫你磨　我嚟買大幫貨
女白：買好多呀
男：唔係買三幾個啵
女：你買幾多啫
男：我想買晒成籮
女：唓　你上倉咩
男：我借花改敬事頭婆
男白：俾啲錢你呀
女：啲錢擰返去啦　俾返你隻黃呀面呀婆
男：我係單身寡仔　得我自己一個咋
女白：真唔真呀
女：睇你咁輕佻呢女人一定呃得好多
男白：無呀
女：你重係寡仔與我又如何
男：只因擇偶賢淑　要小心啲揀個來坐
女白：你都幾識揀喎
男：我並未有知心相配合　我情願就無老婆
女：喔　原來咁識揀老婆
男白：係人都識呀
女：為人精乖又唔傻
男白：唔傻
女：我從前未明你份人
男白：點呀
女：當咗飛哥一個
男：唉　我回頭叫一聲阿娥
女白：乜事呀
男：呢處為何得一個事頭婆
完全做埋冇別人呀
間舖頭得你一個
男白：One Foot Kick
女白：咩One Foot Kick呀
男白：One 即係一　Foot即係腳
　　　Kick即係踢　一腳踢
女白：一腳踢吓嘛
男白：好辛架啵
女白：我經營小本生意架
　咁就梗係要一個人做晒架啦
　點請得起人
男白：一個人做晒好辛苦嘅
　請個人幫手吖嘛
女白：我夠知咯　我話畀你聽呀
　我請個人幫手好麻煩架你知唔知呀
男白：要錢係咪
女白：梗係　唔駛畀人工呀
男白：要錢嗰D你就請唔到架嘞
　唔駛錢嗰D就請到
女白：吓
男白：有個唔收錢都同你Do嘅
女白：有無咁大隻蛤乸呀
男白：我就係嗰隻蛤乸嘞　走咗入嚟嘞
女白：睇你個衰樣都似　連笑容都係蛤乸
男白：我唔收錢都幫你做
女白：唔收錢
男白：係
女白：我一日都要畀三餐你啦
男白：唏攞命咩一日食你三餐　唔駛架娥姐
　你係咁咦三日畀我食一餐就得架嘞
女白：啋　撞鬼你呀　餓死你呀三日食一餐
男白：喂　你粉果咋喎
女白：我D粉果愛嚟賣嘅　唔係畀你食嘅
男白：乜你咁孤寒架　算嘞算嘞
　唔駛你人工　唔駛你包伙食　得啦啩
女白：唔駛人工　唔駛你包伙食　住呢
男白：住都唔包呀
女白：梗係唔包啦　你都儍嘅
　你估香港地有無人會包人住嘅
男白：咁吖　我就住你半張床位
女白：我閘住
男白：益你　冬暖夏涼呀我呢Ｄ
女白：我唔啱　你我唔係好啱　嗱我話畀你聽
　我係順德人嚟嘅　你唔好諗住嚟追我呀
　我梳起唔嫁架
男白：唏梳起就唔嫁啫　我同你梳返落嚟就嫁啦
女：我決意自梳天天盡照磨
因為飛哥呢太心多
係女人都想要做老婆
男白：我唔係飛哥呀
女：我求兩餐啫只醫個肚皮餓
天天整粉果都算自己稱做事頭婆
男：阿娥你憐念我呀
女白：你做咩呀
男：我年少又情多
女白：賣咁啲先啦咁多情
男：你若然許婚於我
我有十靈盤現貨啵
女白：十幾萬咁多呀
男白：日本紙呀
男：你即管想清楚
男白：嫁俾我　畀曬啲錢你
女：只怕你心多
男白：唔會
女：嗰陣無收科
我今世自己捱　都好過做你老婆
男白：自己捱呀
女白：係呀
男：你捱得多就知錯
收尾兩年頭你又無細路哥
我問你點　收科
不若一於　嫁我做老婆
女：得　你除非應允獨愛我一個
男白：得
女：夫婦和諧你莫太心多
男：我誓不　心多　專心去愛阿娥
女：我低聲叫哥
男：咁就一於拍拖啦
女：拖住愛哥呀
男：親熱拍拖
合：大眾拖手一路唱歌
一啤掕住就好似秤共陀
從今鴛侶同諧和
花放紅時又結果大家　歡呼歡呼
合：Darling你呵返我　完囉