يا ناشدن عنا مشعل الحبيني

ياناشدن عنا ترانا بعيدين
نقضي حوايجنا بكتمان حزات
للعين حق وعازت النفس بعدين
ما رحت أصور حاجتي بالسنابات
واليا خلصنا بالمناكيف عجلين
مخلاص ذيبٍ له مع الليل سجات
ودايم مع ربعي يجي خاطري زين
يوم العتب من بين الأصحاب بسمات
لو نكثر الشرهه تخل الموازين
لاشك شرهات المحبين نظرات
اليوم ياطير السعد خاطرك شين
‏ماهي على خبرك زمان الوصل فات
القيظ ساعته مع ايامه سنين
ولصبر في وجه المشاكيل عبرات
لجل الغلا عند المبادئ عناوين
‏ومن يجحد المعروف مابه مروّات
نقطع على شانك بحور وبلادين
وناخذ مع دروب المخاطير غفوات
وننزل بخدٍ غاية القلب ثنتين
عشبه غمير وفي شغاياه حذرات
والصيد واجد بالمحاجر براهين
واليا ضربنا الروض ما فيه ويلات
‏مثلك رفيق الدرب والربع غالين
ما جحد فعولك لك مع الصيد عادات
يوم النشاما بالتواصيف حذرين
نومستني يوم المعاشير عسرات
كم خربٍ مصكر ضرا للمعادين
تاخذ عليه بطارف الروض غارات
في خوتك ما ابدل الزين بالشين
ولاخذ عوض سجاتنا بالدعايات
#مشعل_الحبيني

[@AL.DUKHAN]

صح السانك يا ابو حمود