Рет қаралды 35,624
مراجعة فيلم The accountant للنجم العالمي بن افليك طفل مريض بمتلازمه سبرجرعبقري في إنهاء كل شيىء كما ينبغي والده ضابط جيش بيوجهه ناحيه تعلم الفنون القتاليه وبيبقي واحد من أفضل المقاتلين علي الاطلاق وبيدخل السجن وهناك بيتعرف علي عبقري رياضيات بيعلمه كل حاجه عن الحسابات وغسيل الأموال.الفيلم مليىء بالمتناقضات اللى بتحليه اقرب للواقعيه لان الحياة مليئه بالمتناقضات من خلال كريستيان الطفل اللى بيعانى من متلازمه سبرجر لكنه متحفظ حتى فى عمليات تصفيه الحساب مع المتجاوزين . بيصفى حسابه فقط مع الاشخاص اللى بيحاولو يأذوة او اللى بيتخذو سلوك بتسم بالفساد سواء المالى او الاخلاقى ولانه شخصيا عارف انه شخص مش كامل واعماله غير قانونيه بيساعد ضابطه شرطه فى النهايه ليها سجل اجرامى سابق علشان يكشفلها ملفات فساد كتيره . اخوة كان شخص طبيعى بالمفهوم العام لكنه كان بيسلك طريق غير طبيعى وغير اخلاقى بالمره اذا كنا عذرنا كريستيان انه اتخذ الاسلوب دة فى حياته لكن اخوة براكس كان شخص شرس ومستعد يعمل اى حاجه لاى شخص لمجرد انه يدفع له اكتر حتى قتل وتصفيه الابرياء.
كريستيان فى نظر المجتمع شخص لطيف وهادى لكنه فى داخله بركان وثورة غضب بسبب نشأته الخشنه اللى والده كان مصر عليها علشان يحميه من قسوة المجتمع وبدل مايوفرله جو هادى ورعايه صحيه فى بيئه مثاليه بنلاقيه بيوديه عند شخص علشان يعلمه الفنون القتاليه وبيرميه فى الشارع علشان يعيش حياته اما فريسه او صياد بعد ماسلحه باسباب القوة اللى تخليه صياد على طول ودا بنشوفه فى مشهد الرمايه ببندقيه القنص اللى متعود عليها وتتوالى الاحداث - مراجعه وملخص الفيلم