{عيانين بالإبداع ADHD}(06) اللي قادر ع التحدي

معظم الهداهد.. أو اللي عندهم ADHD مبدعين بطبيعتهم.. و أصليين.. مابيعرفوش يقلدوا حد ولا يمشوا ويا القطيع ولا يعملوا زي ما الناس بتعمل و خلاص.. دايما بيفكروا زي ماقلنا برة الصندوق.. لأنهم مش شايفين الصندوق أصلا.. و دايما حاسين ان فيه دافع جواهم انهم عاوزين يعملوا حاجة جديدة.. أو يصمموا حاجة جديدة.. أو يخترعوا حاجة جديدة.. أو حتى يطبخوا أكلة جديدة.. دافع بيبقى عامل زي الأكلان بتاع الهرش كده..
زي ما مش هاترتاح الا لو هرشت.. برضه الهدهد مش هايرتاح الا لو عمل الحاجة دي و شاف إنجاز جديد عمله بايديه قدام عينيه.. ولو ماحصلش ده.. هايحس بالإحباط و الاكتئاب.. و هنا بقى تركاية مهمة جدا.. احنا معشر الهداهد.. لو اشتغلنا على حاجة أقل من قدراتنا الإبداعية.. مافيهاش تحدي بالنسبة لنا يعني.. بنقفل من الليلة كلها.. بنفقد الحماس و الدافع اننا نعملها.. ليه؟. فاكرين لما قلنا ان أشد عدو لينا هو الملل؟.. فطبيعي لما تشتغل على حاجة سهلة مافيهاش تحدي ليك.. هاتحس بالملل.. فهاتقفل من الليلة كلها عشان تهرب من الملل ده.. و من ناحية تانية.. لو اشتغلنا على حاج أعلى من قدراتنا بكتير.. محتاجة مهارات مش عندنا مثلا.. بنحس بالإحباط و الهزيمة و الانكسار .. و الانسحاق.. حرفياً.. بنخش في دايرة جلد الذات بقى.. و دي مشكلة كبيرة عند الهداهد.. عشان كده لازم ندور على التحدي المناسب.. لا يكون عبيط و سهل بالنسبة لنا.. لأنه هايكون ممل.. ولا يكون صعب قوي و أكبر من قدراتنا.. لأن هايدمر ثقتنا بنفسنا.. و لكن.. لو لقينا التحدي المناسب.. اللي أصعب من قدراتنا بسنة بسيطة.. بس مش مستحيل.. اتفرج بقى على اللي بيحصل.. عظمة.. الواحد مننا بينور كده.. بتلاقي فراشة فرح نورت فوق دماغه!
فإيه هي الحاجة اللي لما بتشتغل فيها بتحس بالإحساس ده؟.. ايه هي هوايتك؟.. ايه شغفك؟.. ايه المجال اللي بتلاقي فيه درجة التحدي المناسبة ليك.. اللي لا هو سهل قوي لدرجة الملل.. ولا صعب قوي لدرجة التعجيز؟
دور على السوبر باور بتاعتك.. شغفك.. الحاجة اللي بتحب تعملها و بتلاقي نفسك فيها..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ

[@AhmedBehiry]

اشترك في القناة الرسمية على تليجرام: t.me/ABehiry

[@user-rt1hi6kh3t]

أستاذ أحمد بعد اذنك محتاج إسم الموقع أو إسم الأدوية كل ما أسمعك تكلم عن المرض اتعب

[@AliAli-ov4cq]

انا عايز اتواصل معاك وانت مش بترد وانا من داعميك من سنين وليا حق ترد عليا وتفيدني في مشكلتي لاني مريض

[@atom4media775]

من هدهد لهدهد . انا في الاخر تعبت لما اشتغلت اكتر من اللازم ودخلت في حالة مرضية والحمد لله شفيت فريح عشان احنا محتاجينك ومحتاجين كل حد زيك

[@asmaaabdul-azimali4987]

مبدع دائما. بالتوفيق ان شاء الله.

[@user-vq2kz4lh2e]

ممكن تتكلم عند الادمان عند الهدهد باخص الايس او الشابو بجد هتفيد ناس كتير اقسم بالله

[@hbalex8818]

من قبل ما افتح الفيديو واسمع حرف انا حرفيا بعيط من الفرحة .مشاعر كتير مختلطة لانى كنت منتظرة الحلقة دى بفارغ الصبر وكنت متأكدة والله كنت متأكدا انك هتنزله النهاردة ..شكرا من القلب

[@zyadmohamed2543]

نفس الشعور 💔

[@MM-mv6tu]

و انا كمان

[@user-yq1pq7cu1i]

صح نفس الشعور 🤔👍

[@Um.elbneen]

كل ماسمعتك تتكلم عن الهداهد يمر شريط حياتي سريع كانك كنت قاعد معاي🥺

[@alaa919]

استاذ احمد محتاجين حضرتك تعمل حلقة مخصوص للماميز الهادهدة الي مش بيشتغلوا وعندهم عيال واخدين كل وقتهم 😃 ازاي نطلع مواهبنا واحنا في البيت مع العيال 😄

[@mohamedzeyada7687]

أضيف لك تحدي جديد تعمله؟ ترجم حلقاتك للغة الانجليزية و أظن إنك في يوم من الأيام ستحصل علي جائزة عالمية

[@user-sp3yu7in9p]

محتاج يعمل كدة فعلا.. لانه اكيد ما فيش حد زيه ع اليوتيوب بيعمل كل حاجة لوحده و ينزل 3 حلقات يوميا

[@ibrahim_7arad]

+١ ترجمة المحتوى الإبداعي للإنجليزي ☑️👍

[@doaanofal7680]

فعلااا ياريت تترجم الحلقات دي لأنها مميزة جدا ونافعة جدااا

[@mahiadim6467]

سلام ، بما انك هدهد فسوف استغل الأمر و اطلب منك سلسلة عن تربية او التعامل مع الأطفال من الجنسين في جميع المراحل إلى بلوغ سن الرشد و خصوصا في الدول الغربية ، ولك الأجر

[@dooom6300]

+1

[@ktkotablel3145]

+1

[@mohamedmadridy915]

+100

[@suswaua9182]

+١٠٠

[@areejmohamedesmail2168]

اول مره حد بيفهمني و كمان يديني حلول... صراحه اول مره... سيد أحمد شكرا.. ما متخيل اهمية الانت بتعملو.. حقيقي.. U save me

[@ibrahemabozeid1859]

ماتتأخرش علينا عن أصحاب ال ADHD بنستنى ناخد الدعم من حلقاتك بفارغ الصبر

[@alialmagroh]

وصلت نص الحلقة جيت اعمل لايك لقيت نفسي عامل لايك اصلاً فسألت نفسي امتي الكلام دة 😂♥️

[@abodykoko]

اقسم لك انك النهارده معايا ف الحلم كتييير وحضنتك وانا متأثر اوي وعزمت نفسي ابات عندك عشان اتفرج وانت بتصور وتشتغل 💝💝

[@AhmedTarek-on6wk]

بعد ٨ سنين في كلية الاداب سيبت دة كله و درست رسوم متحركة و إخراج وبقالي ٨ سنين في المجال فعلا مكنتش هبقي مرتاح ولا هعرف اكمل في اي مجال غير اللي انا فيه

[@yarahissen9444]

شكرا جدا على السلسة ديه لحضرتك انا فى اول السلسة كنت شاكة انى هدهد بس مع كل حلقة بتأكد اكتر و اكتر و بفهم نفسى افضل كنت اتمنى انى اعرف المعلومات ديه من اول السنة الدراسية بس على العموم ثانوية عامة مش اخر الدنيا اتنمى من حضرتك و كل اللى قرأ تعليقى انكم تدعولى بالتوفيق فى المذاكرة و الحل 🥰 و ربنا يعينا جميعا على انفسنا و على التحديات اللى فى حياتنا

[@oulamahfouz]

جزاك الله عنا كل خير أنا بعالج ابني من تلات سنين بألمانيا ومافهمت هاد المرض متل ما انت فهمتني ياه حسيت كتير بالأسف انو ما كنت افهم تصرفات ابني واتفهمها😓

[@doaanofal7680]

برافو عليك استاذ احمد انت وصلت لطريقة التعامل مع الهداهد احسن من أغلب الدكاترة كل التقدير لفكرك المختلف

[@Mohamadz329]

لما دخلت الجامعه اخترت الفرع الصعب. وفي الكليه اخترت اصعب تخصص رغم انه كان صعب علي. وفي حياتي دايما بختار الصعب ودايما بعبي وقتي ونا بخب الاستجمام والراحه . وبصراحه ان بكره الراحه والاجازات. دايما عندي قائمه طويله لازم اعبي وقتي فيها. وبعمل الشيئ وضده. بجد شكرا لك استاذ احمد

[@dodoradwan540]

والله والله مش لاقيه كلام اقولهولك 🌹 بس ربنا يريح قلبك و يهدى بالك زى ما ريحت قلبى و خليتنى افهم ابنى و زوجى بعد سنين جواز كتير كنت بحس فيها اوقات كتير انى هتجنن فعليا من كتر ما انا مش فاهمه تصرفاتهم و شخصيتهم .. شكرا شكرًا شكرًا من القلب و ربنا يجازيك الجنة بفيديوهاتك دى

[@morosaid8311]

انت برنس ،بجد ربنا يجزيك الخير كله على الحلقات دي. انت بتشرح نفسياتنا و بتعطى حلول مقربة تسلم يا كبير 🌹😊

[@hibamohammedi3231]

0:37 لما بذاكر لماده صعبه و محببه ليا .. و يكون الامتحان سهل يعني ما بيطلبش مني جهد و تركيز ..الخ.. بحس بإحباط و بملل 😂 .. و بخاف اعبر عن الاحباط ده لزمايلي ليتريقوا عليا 😂

[@mohammedrayyan3686]

أستاذ أحمد أنا لسه ما شفت الفيديو لكن متأكد مليون بالمية إنه محتواها عبارة عن عظمة ❤️ تسلم الأيادي 😉

[@mouniazahraoui6421]

الامر يستهويني اكثر فأكثر، اتمنى لو تعمل حلقات كل مرة تستظيف فيها هدهد للنقاش، وانا اول الهداهد. فعلا لانقبل المساعدة بسهولة لكننا نقبل التعلم فقط ينبغي على المعلم ان يكون معلم بجد مش اي كلام. بعد الماجيستير والدكتوراه سنة سادسة اول مرة اقدم على وظيفة لانها حسب تعريفها كانت جد مناسبة لي، نجحت فيها لكنني وجدت الواقع مختلف جدا، ارادوا مني ان اصبح انسانة إدارة وحسب. الان مرت سنتين وكل اسبوع اكتب استقالتي دون تفكير في العواقب بل اعتقد جازمة ان المستقبل افضل رغم هذه الازمة العالمية، اسرتي تكاد تجن لان مرتبي جيد جدا لكن لا يفهموا أن المرتب لن يحيي الأشياء بداخلي التي تقتلها هذه الوظيفة المملة الرتيييبة.... تحياتي من المغرب

[@hbalex8818]

من شويه كنت باعمل اختبار لنفسي حاجه كده بيني وبين نفسي لما كتبت الوقت كتبت قدامه لا أراه. والأغرب انى كتبت قدام كلمة الجمال الثقافة وقدامها المعرفة وقدامها المعاناة والتعب وقدامهم احمد البحيرى انت حرفيا موجود فى حياتنا وليك تأثير قوى عليها وصدقنى دى مكنتش لعبة دى كانت من اصدق اللحظات بينى وبين نفسى .عارف يا بحيرى لما انسان يتولد بدون اب ويقولوله ان ابوه مات فى السفر هم صحيح ملقيوش جثته ولا حد عثر عليه مريض ولا حد شافه وكل الظروف بتقول أنه مات هو لا رجع بلده ولا وصل للبلد اللى كان مسافر ليه العاقل والمجنون يقلك أنه مات أنه ملهوش وجود وانت الوحيد اللى حاسس ومؤمن أنه موجود وهيظهر هو صحيح انا مشفتوش ومعرفوش بس حاسس أنه موجود وتروح وتتعالج عند دكاترة نفسين لا هم عرفوا يعلجوك ولا يقنعوك ولا انت خفيت ولا حد صدقك الكل بيقلك انت عارف أنه ميت وانت بتستهبل وبتحاول تعيش نفسك فى وهم لحد ما انت نفسك تتوه من نفسك هل انا فعلا فى وهم طيب هو ليه بيحصل معايا كدا افكار افكار افكار .الاب التايه كان هو ADHD واللى انت فعلا حاسس انك مختلف عن بقية اخواتك وعن صحابك وبتعانى بتعانى جدا بشكل بيدخلك فى حالات اكتىاب تمتد لسنة واكتر وتتعاد الكرة وانت نفسك تبقى كويس طبيعى . بس انت مش مريض عشان تبقى كويس زى ما كانوا بيقوللنا ديما محدش لما قلتله انى يعانى وان التفكير بياكل فيا اكل وانى اتاخرت عن أبناء جيلى سنتين بسبب الاكتئاب والعزلة وكتر التفكير والأرق .انا مكنش نفسى غير فى حاجة واحدة اعرف انا مالى فيا ايه وليه انا كدا هل انا بستهبل بمثل بخاف من العلاقات عندى انفصام شخصية .اضطرابات هوية مش عارفة مش عارفة وبسبب دكتور نفسى غبى رضت نفسى عليه فى بدايات مراهقتى وكانت النتيجة أسوأ تجربة فى الحياة خلانى تعبت اكتر واكتئبت اكتر بكتير ومن وقتها بدور انا مع نفسى فى كتب كتير والحمد لله أن كان عندى وعى وحب للاطلاع والا كنت ضعت حرفيا .. حقيقى انا ممتنة ليك ممتنة ليك بكل ما تحمله الكلمة من معنى مدينة ليك يا استاذ احمد ب22سنة مروا فى حياتى انا مش مهم عندى الحل المهم عندى انى عرفت المشكلة وارتحت وعرفت واتاكدت ان فيه مشكلة وانى مش لوحدى وعرفت كمان ايه هى المشكلة انا دلوقتى ارتحت اخدت نفسى بعد صراع مرير وانى مستعدة اتقبل نفسى بعد كدا .ممتنة ليك يا بحيرى بعد ربنا عز وجل عملت معايا اللى عجز اهلى والدكتورة النفسيين عن فهمه .شكرا ليك من القلب

[@r_yt19]

انا عندي ADHD وعندي15 سنة هل عندك شي او نصيحة او عادة او اي شي ممكن يفيدني بفترة المراهقة تقدري تقولي لي اياه؟ لان حرفيا انا يوم سعيد ويوم حزين ويوم غاضب والأيام كلها متلخبطة عندي ف اعطيني نصيحتك لان نصيحتك مهمة وعرفت ذا من كلامك

[@user-sp3yu7in9p]

لمستي قلبي ❤

[@mohamedmadridy915]

انا محتاج اتكلم معاكي لو سمحتي

[@moatazhafez4793]

استاذ احمد ...انت في هذا الموضوع غيرت حياتي

[@somaya_hisham]

هي تبان غلاسة 😅 بس انا نفسي تعمل سلسلة عن الكتب اللي تنصح بقراءتها لأن اعتقد جزء كبير من متابعيك يقرأ .

[@omarelkordy5729]

لا بالعكس فكرة حلوة

[@saraabdelmageed4611]

فكرة ممتازة

[@saramohammed6216]

لو سمحت بلاش تتاخر في السلسله دي ونبي

[@mostafasharaf7785]

من فضلك يا استاذ احمد كمل في السلسلة دى ارجوك مهمه جدا لناس كتير

[@fatimajamal816]

ادمنت انه احضرك لفتره لان واخيرًا حدا فاهمني، بس خلص فقدت الشغف اكمل الحلقات وفقدت الامل في النجاة سلاموعليكوا

[@baristamohamedfathy4163]

اصليين فعلا .كلامك مظبوط ولو ان الواحد محبط وفى مرحله جلد الذات حاليا .

[@raoofal_khulaidi4232]

الله يجزاك عنا الف خير أ احمد 🤍 محتاجين نعمل مجموعة تلجرام للهداهد نناقش فيه واقعنا وطريقة الحياه الافضل لنا

[@user-wx2xh9il7p]

انت نستنا بعد ذلك كل اسبوع حلقه عن الهداهد

[@user-ky2jg1yb2e]

نحنا الهدايد .. مشكور

[@samehakhater9577]

الاباء والامهات محتاجين يتعلموا طريقة التعامل لان صعب اقناعهم ان ده نعمة كبيرة لو اتوجهت صح

[@fr3ongameplay735]

الانترو لحاله يقشعر الجسم قبل ماتبدا الحلقة اصلا .......

[@saudabdulaziz363]

معاك هدهد ميكانيكي وغاوي تعديل سيارات ومش عارف ابطل 😂 شكرا ايها الهدهد الكبير انته مبدع ومحفز جدا ونورتنا بالامور الغامضه التي كنا بنمر فيها شكرا من ال❤

[@hassanatwaelnagar966]

الله يباركلك ويسعدك ويوفقك أنا مبسوط جدااااا منك انك لمحت لموضوع الدعوة للثورة لكن عن طريق الربط المبدع فى سياق موضوع الحلقة أعان الله كل من يسعى لتحرير البلاد والعباد

[@dr.nagwael-tablawy6183]

الله يبارك فيك يا أستاذ أحمد .. حلقة بننتظرها وبنستناها على شووووووق♡

[@kareemelzayat1942]

يا اهلا بسلسلة عمري والله متتخيلش كم السعادة الي حسيت بيها لما شوفت الاشعار بالحلقة😍😂

[@retrrhyundai1011]

🙏🙏🙏لا تطول علينا في حلقات السلسلة دي

[@zainabrafat2569]

الله يفتح عليك وينور حياتك

[@gigiadham6129]

الله يبارك لك على مجهوداتك الجميله لتثقفنا..فى ميزان حسناتك يارب هذه المجهودات الراءعه

[@s.h.m7039]

مبدع كالعادة أستاذ أحمد ما تطولش علينا بحلقة جديدة. اتفرجت على الحلقة دي ثلاث مرات

[@chebtamer]

يعني أقول لك إيه! فنان عظيم وحد أتمنى إني أقابله يومًا ما ربنا يبارك فيك ويحفظك أنت ومن تحب

[@saalem1997]

حقيقة ❤

[@user-cy9vn1oz3u]

واخيرا اتاخرت علينا بهذي السلسلة وكمان حدوتة اسرائلية ياريت تنزل حلقة كمان

[@samaralaaeddin7430]

متتاخرش عالهداهد يا ا. احمد

[@user-rj3hf9sl7u]

انت رائع ربنا يزيدك

[@user-qe6db5fg7g]

وحشتني السلسلة دي

[@mazenahmad177]

كنت في انتظار الحلقه تحياتي لحضرتك

[@ezz5568]

حلقه روعه وميده جدا ياريت من نفس محتوى تنزلنا حلقات تانيه

[@amrelagamy5782]

والهي كل حلقه كانك بتكلم عن حياتي بالتفصيل شكرا يا استاذ احمد

[@waelsamir3557]

أحسنت يا أستاذ أحمد يا ملك الهداهد ♥♥♥

[@mmonem9652]

حلقات ابداع تسلم عليها والله وربنا يباركلك ويكرمك

[@physiotv]

تحياتي 🇲🇦👍

[@user-dh1bn6kq2x]

🙈 👏👏👏👏👏👏😂😂ياااااه الحمد لله على السلامة ياهداهد حقا اني اعترض الحلقه دي متأخره كتيييييييير وطلبت من حضرتك كتييير تفرحنا بيها 🙈ولهذا التأخير نطالب نحن الهداهد بحلقه كمان قريييبا تعويضا عما حدث.. يلا بينا نستمتع بالروائع من استاذنا المبدع (احمد بحيري)

[@abusrorsror6307]

أحييك اخي المحترم

[@mohandalex120]

بجد الحلقات ديه مفيده جداااا جزاك الله خيراً

[@abdoubelmehdi2824]

السلام عليكم اخي العزيز حقا ماشاء الله عليك مبدع أتمنى لك التوفيق والازدهار والصحة والعافية يارب نحبك في الله وندعو لك بالخير دائما

[@MohamedSALAH-uy2bf]

انا بحبك

[@user-yz1qh9bg8s]

انا ف اولي صيدلة ومن كذا اسبوع اكتشفت إن الأعراض كلها عندي اما شفت فيديوهات حضرتك😅🌸 لازلت بعاني ف المذاكرة وف الحياة لكن الفيديوهات فتحت مخي كتير كتير كتير إن كل العوائق ف الدراسة والي محدش بيستوعبها ويقولو إننا بنخبي عشان الحسد لأنهم شايفينا متفوقين كل دا طلع بجد فعلاً عايزين حلقة ازاي نذاكر بفاعلية اكتر 🥺

[@khaled_fayez]

نفس الي كنت بفكر فيه من كام يوم والله الناس مفكريني بذاكر طول اليوم واخبي عليهم وانا مش قادر اذاكر اصلا بس محدش مصدق 😂😂

[@mostafaalkholy1426]

وانا عنديADHDولكني متفوق في الدرسة بالرغم من صعوبة المذاكرة وحالة الاكتئاب اللي فيها

[@wessamabdallah8987]

يعني انت بتذكري ازاي انا بعاني مع ابني ومش عارفه اعمل ايه

[@Alaa-ft4is]

أنا تخرجت صيدلة وأدرس ماجستير وأتخبط في الوظائف

[@AhmedBehiry]

الهداهد بيقدروا يعملوا أي حاجة لو حابينها.. العائق اللي بيكون موجود مع المذاكرة هو "الملل".. فلو قدروا يلاقوا طريقة مش مملة بالنسبة لهم للمذاكرة العائق ده بينتهي..

[@baristamohamedfathy4163]

القصه دى بالظبط حصلت لصديق ليه حاليا صاحب ورشع رخام مطابخ وبوفيهات كل اعمل الرخام وبدأت باتصال خاطى لتشابه الرقم مع رقم ورشه رخام وبدأ الشغل سبحان الله .

[@abdulmajeedamer72025]

أهلا وسهلا بعائلة الهداهد وتحية إجلال وتقدير للأب الروحي والمبدع لهذه العائلة🎓👌

[@ayatskatergirl9266]

نفسى حضرتك تركز شويه على الفئة سن ٣٠ وطرق تساعدنا لان انا بحس حضرتك مركز على الاطفال اكتر 😭🤍

[@hussamalsinani4795]

💔

[@TunbALgbal]

كفووو ينطح كفووو والله اني أنتظر جديدك دايما من أربعة أعوام متابع لهذا المبدع بارك الله فيك، ،وقبل لا انساء كل عام وانت بخير وصحة وسلامة وسعادة دائمة بمناسبة قرب حلول شهر رمضان المبارك اعاده الله علينا وعليكم وجعلنا من صوامه وقوامه اللهم امين يارب العالمين والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين.🇸🇦

[@abosa3eed23]

ربنا يباركلك ❤️

[@amrkarm4175]

استاذنا الفاضل احمد بحيري استمر ربنا يوفقك♥️♥️

[@amilgama1233]

يمتلني حرفيااااا الله

[@yarahissen9444]

انا بحب بسرعة و بزهق بسرعة برده😅

[@samerraldmchki5978]

والله تحليل لواقع الحياة بشكل رائع احسنت واجدت الله يبارك فيك

[@user-zg3on6pm6h]

والله العظيم كانك بتوصفنى بالضبط

[@nordinmaamo185]

شكرا يا استاذ

[@flyhifast8324]

تحياتنا يا احمد باشا ...مشكوور

[@flamingosaintonge5513]

دائما عبقري ومتألق.

[@walaazidan6138]

ربنا يكرمك

[@walaazidan6138]

الله يكرمك

[@user-lg1tu4jc2u]

شكرا علي هذه الحلقة و غيرها و هذه الحلقة تنتطبق عليه فعلا و انا مريض من هذا النوع الهوهود و الرجاء من مزيد المعلومات بشأن هذا المرض الجميل و الفريد من نوعه

[@user-ur6wg8si9w]

جزاكم الله خير

[@mostafasamir7071]

شيء فوق الخيال كامل تحياتى يا مبدع

[@EmadElshebiny]

تحيه كبيره من معجبينك الهداهد ياكبير الهداهد ♥️🌹🌹🌹

[@hamsabdelhameed8544]

شكرًا شكرًا من كل قلبي

[@Dr.SaraRostom]

أنا على قد ما بستفيد طل حلقة أكتر من إللي قبلها على قد ما بتمنى اكون كنت عارفة حاجات كتير من زمان

[@mohamedoutman6140]

القطيع والراعي

[@user-nu8ec5yn1o]

روح يا شيخ الله يسعد قلبك.

[@Adam-wc4xm]

اي حاجه جديده بدخل عليها او مقابلة شغل او امتحان او اي حاجه من النوع ده بعد ما بخلص بحس ان كان عندي افضل من كده كتير علي الرغم ان الكل الي حواليا بيشوف اني اديت بشكل كويس جدااا وعلي طول بحس اني عايش في حاله من السعي لل100% و في نفس الوقت عارف ان الكمال لله واحده.

[@AmiraFouad]

انا فعلا كم جلد الذات اللي بيكون عندي لما باجي اعمل حاجه وافشل بيكون اكبر من انى اتجلد فعليا... نفسي طول عمرى اتعلم حاجه واثبت عليها او اثبت في شغلانه كل يوم والتاني اروح اتعلم حاجه جديدة او اشتغل شغلانه جديدة واول لما اخد عليها وابقي برنس فيها اقوم ازهق و اقول ايه الملل دة هو انا كل يوم هعمل نفس الحوار ولا ايه انا زهقت طيب ما اجرب اتعلم كذا ادخل و ادور علي كذا القي انه فيه تقييمات ايجابيه اقول لنفسي انا لو اتعلمته هيبقي احلي من الزهق اللي انا فيه دة وكمان ممكن اشتغل بيه وبالفعل ابدء واتعلم وابدء كمان اعلم اللي حواليا ولما احترف ازهق واروح اشوف حاجه تانيه والكل بيلوم عليا ويقولي اني مشتته واني بضيع مستقبلي واني مش عارفة اعمل حاجه لنفسي وازاى بعد ما عملت كل الشغل الجامد دة اسيبه عادي كدة و ابدء من الصفر في حاجه تانيه ... دة فيه ناس بتحمد ربنا ان انا بنت لاني لو كنت ولد كنت هبقي عديمه المسؤليه وما اقدرش اشيل بيت بالتشتت دة بس الحمد لله امي و اخويا برا الحسبه دايما يقولولي اعملي اللي يريحك يا اميرة... بس ماحدش ابدا بيعرف قد ايه انا بعاني علشان اوقف نفسي عن اني ابدء من جديد... اخر اختراعاتي اني دخلت الجامعه وبدئت ادرس كمبيوتر وبرمجه وقولت اكيد دي مش هتكون حاجه ممله ومش هزهق منها لاني كل يوم هعمل مشروع جديد وفكرته جديدة وتصميمه جديد ونحن الان في مرحله حماسه التعلم واحباطات الفشل وسوف نرى ماذا سوف يحدث بعد ان ابدء العمل ربنا يستر

[@amrmohmed2356]

اللهم صل وسلم على نبينا محمد وعلى اله وصحبه وسلم تسليما كثيرا عدد خلقك و رضى نفسك و زنة عرشك يوم لا ظل الا ظله 🌺🌺🥀🥀🌹🌹🌹

[@baristamohamedfathy4163]

فين يا استاذ احمد ⁉️ عايزين حلقه جديده لعيانين بالابداع ❤

[@napilkwasmi6937]

ماشاءالله عليك انت رائع وتصف تفكيري وعقليتي بالحرف نبيل القواسمي الاردن

[@aminbacha7676]

تقدر تتكلم عن الهدهد تحت ايطار الايمان

[@adhamalhlawany8659]

بجد انسان محترم

[@hady1002003]

الله ينور يا بحيري

[@fleuritamaroc8654]

jazako laho 5ir

[@mohamedelkhorchi538]

باشا

[@ahmedshaaban4596]

الله يفتح عليك اذا استخدم الانسان عقله في الفهم والتفهيم ويطلب العلم ولو ف الصين والحكمه ضاله المؤمن ولاتوءجل عمل اليوم الي الغد اذا ع الانسان الموءمن العاقل ان يسلك طريق الهداهد

[@duaaadil87]

السلام عليكم استاذ احمد و رمضان كريم ممكن تعمل لنا حلقه حول الإنجاز و الهدهد. واحده من مشاكل ADHD انه الشخص ببدا مشروع و بصل لمرحله معينه و بعدها بصاب بالملل او يتحفز بمشروع جديد و هكذا بيدخل في دوامه . دا بخليهو غير متقن و فوضوي و بيضيع عليهو فرص كثيره.

[@user-eo9xm9jq8u]

كنت قلقت وهسال حضرتك ليه وقفت سلسله الهدااهد🌹🌹🌹🌹🌹

[@ssibrahem]

حلقة رائعة وانت تتحدث كانك تتحدث عني وخاصة الجزء الذي تتحدث فيه عن العمل والملل حيث انني لا اجد نفسي في هذا العمل ولا اجد العمل المناسب لي الذي اظهر فيه قدراتي

[@kawtarsami1504]

Grazie mille professore sei una fonte di grande esperienza 👍👍👍👍👍👍💪💪💪💪💪💪💪💯💯💯💯💯💯

[@racheldelacoste6199]

ممتاز والله شكرا علي المعلومات. القيمة وكان عندي سؤال انا بدأت حياتي العملية بشركة تنمية سياحية ثم مطعم وبعد كده كافيه وبعدين استيراد ملابس وبعد كده صنعت خط إنتاج إعادة تدوير بلاستيك بمواصفات غير عادية ثم اقمت مصنع بلاستيك وبعد كده عملت مصنع كمامات طبية بمشاركة صديق صيدلي بخط إنتاج عملته بأيدي وحاليا بحاول ادرس مشروع جديد ضيف علي كل ده اني متزوج من سويسرية من أصل كوري آية رأيك بقي هل انا هدهد

[@khaledf.rashed6950]

السلسلة قربت تخلص وانا عمال اقول يا نهار اسود 😅😅😅

[@mawadamousa5654]

صح والله العظيم صح كل كلمه

[@Nabila-vm5ql]

❤🌹

[@abdullahahmed9402]

حاضرين