Рет қаралды 5,265
يارهيف العود يالخشف ياعفري المهآه
يا خفيف الدم يالدّيم يالعجل الهِـدِي
في عبث الآموآج مآغير قآربكم نجآه
لا بغيت آشّر بيـدّي ولا بانت يدي
لابغيت انهج رسمتگ على كل اتجآه
لين صارت الاتجآهات تحْدآني حدي
بس مآ يدعي الحقيقه ويمحي الاشتبآه
لا تقفّيت الثريا وعآنقت الجدي
والله آللي عز الاعرآب وآشتآل الطغآه
آنّ زولك فوق نونين وآن حبگ ندي
توأمينٍ لا دله ذآك هذآ مآ سهآه
لو تفــــرّقنا الآسآمي ويفْرقنا ثدي
مقتدي بگ وانزح الضيم وآدق الجبآه
بس رآيي يآموآلين مآله مقتدي
انت وبلٍ لا تنآثر عزيز من الوطآه
قبل يلمس قُحّل البيد يرجع يبتدي
وانت حلمٍ بد الاحلآم له وجهٍ وجآه
ضيفته مسرآ خيآلي وفرقآ مرقدي
آن سهرت آسهر وآلى نمت كن نومي وصآه
وآن حزنت احزنت صدرٍ يفتّق وآيغدي
ضحگتگ تفرح يتيمٍ فقد ضحكت ابآه
لا تحآمت كيّـته قآل تــكفين ابردي
اتجهّد واتعجّل ولآ عنّگ غنآه
لو قوآلع وقتي الشين من فوق جْهدي
يا بَـرِي حآلي من الضيم يآلترفه برآه
بَـرِي عودٍ جا نبآته على جذعٍ ردي
انعشيني بالمواصل وفكي لي العبآه
عل صدري يآمنى الروح يسلآ وآيهدي
وآنتي بوجهي ووجهي يوزّي من نصآه
من غثا الاقرآب والضيم وآعلوم الردي
مآدريت اني مسمّيگ يا زين الحيآه
ماحدنٍ سمآگ قبلي يا فرحْي وآسْعدي
حسين ال كليب