Рет қаралды 4,119,415
من روائع الشعر الشعبي العراقي....حنوآنه أحن
رائعه من روائع الشعر الشعبي العراقي
التقى بها ثلاثه من رياحين العراق الباكي
كتبها نبع العراق الذي يسهر مظفر النواب
وغناها بصوته الشجي صوت الارض الفنان ياس خضر
ولحنها الملحن المعروف طالب القرغولي
واليكم احبائي كلمات هذه الرائعة الفنية العراقية الشعبية
حن ....
وآنه حن
وأنحبس ونه.....ونمتحن
مرخوص بس كت الدمع
شرط الدمع
حدة الجفن
****
جفنك جنح فراشة غض
وحجارة جفني وما غمض
يلتمشي بيه ويه نبض
روحي على روحك تنسحن
حن بويه حن
****
عيونك
زرازير البراري
بكل نشاط جناحها بعالي السحر
والروح مني عوسجة بر
ما وصل ليه النده ولا جاسها بقطرة المطر
وصفولي عنك بالنباع تفيض
وتعنيت ليله .... ويه القمر
وصفولي عنك كل مسامة تفيض
منك عطر....يلحسنك نهر
تنزل بصدري ويه النفس وبدمي
غصبن تنعجن
وأشهقك وأصعدك للسمة
بحسرات وبعنة حزن
حن .... بويه حن
****
شفافك ولا قولن ورد....
عنابه معقوده عقد
تمتلي بقد ما تنمرد
لاهو دفو لاهو برد
آنه بوصفه راح أجن
****
سكتاتك تشكل خواطر بالقلب....
مالي عرف بيهن قبلْ
مبروم بره الريزه
ياريان ومخوصرخصر
لف العقلْ
كل جلمة منك....
نبعة ريحان....بالدلال....
ما تحمل ثقلْ
وصفولي عنك
وردة القداح ريش جناح
زاهي بالسحرْ
وصفولي عنك
شال منك غيظ بستان الورد
والنرجس الرايج سكرْ
حني بفوازير ولحن....
حنة حمامات السجن
حنه إلي....
وجنه إلك....
واللي يعجبه خل يحن
حن بويه حن
****
آنه من أشوفك
يمتلي الماضي الجدب
زهرات بيض من الوفه
وروحي سواجي من الحنين تصير
وأتنبه وقت بيه غفه
يا محجل إن مريت بيه ردود
أرد أردود للعشرين....
من عمر الجفه
وأنصف عمر منك
نصفته بالهجر....
والهجر منك ما كفه
حتى الهجر يا روحي
منك ما كفه
وقلبي أعله هجرك قام أيحن
حن....بويه حن
****
حن ...
وآنه حن
وأنحبس ونه ...
ونمتحن
مجبور أرخصك على الدمع
شرط الدمع يجوي الجفن
بعض كلمات الاغنيه ربما تكون صعبة الفهم فمثلا
زرازير البراري= طيور البراري
حن=اشتياق
يجوي=يكوي
كت الدمع = ذرف الدموع
روحي على روحك تنسحن = روحي تشقى لشقاء روحك .. وهو تعبير عن التمازج بينه وبين محبوبته !
تعنيت = أتيت إليك مسافراً !
غصبن تنعجن = قسراً تُعجن
بكد = بقدر / بحجم !
كبل = قبل / مسبقاً !
مبروم .... = وصف حالة !
بفوازير ولحن = بأمسية غناء وطرب وألحان وفوزاير !
وأتنبه وكت بيه غفه = وقت المنام .. !