يا شمعة أمك | محمود أسيري | ليلة ٨ محرم ١٤٤٤ هـ

Рет қаралды 27,270

Күн бұрын

Пікірлер: 24

@shahidapir6263 2 жыл бұрын

هذه ليست قصيدة بل قنبلة ذرية ! عظم الله اجوركم واجورنا. الا لعنة الله على الظالمين. صلى الله عليك ياابا عبد الله وعلى بنيك واخوتك واهل بيتك وصحبك.

@aseeri_313 3 ай бұрын

( يا شمعة امك ) مَا تَمْ زَفَافَكْ ليشْ يَا شَمْعَة اُمَّكْ صَـارِ الرَّمُلْ تَابُوتْ وِ الحِنَّه دَمَّكْ طَفّينَه الشْمُوعْ .. مِنْ مَاي الدْمُوعْ يَا شَمْعَة اُمَّكْ •••••••••••• (1) سِهَرْتِ اِعْليكْ ليلِيْ وِ الدَّمِعْ طَاحْ أدَارِيكِ اِبْـدَمِعْتِيْ گِلِتْ تِكْبَرْ يَـيُـمَّـه اِوْ يِنِّسِيْ الـرَّاحْ اِوْ تِوَافِينِيْ اِبْكُبُرْتِيْ ( وِ اِتْكَمِّلْ فَرِحْتِيْ ) مِشينَه الكَرْبَلَاءْ اِوْ بَـالِيْ مِـرْتَـاحْ أزِفَّـكْ بِيهَا ظَنْتِيْ اِشْمَدْرِينِيْ غَنِيمَه اِبّـيـنِ الرْمَاحْ أشُوفَكْ يَا ضِحِكْتِيْ يَبْنِ اِثْنَعَشْ وِ اِعْليكْ .. حِلْمِيْ رِسَمْتَه مَعْنَاهَـا يـومِ اِتْـرُوحْ .. تِلْگانِيْ مَـيْـتَـه مَحْنِيَّه الضْلُوعْ .. طَفّينَه الشْمُوعْ يَا شَمْعَة اُمَّكْ •••••••••••• (2) وِصِيةِ الحَسَنْ يُمَّه اِبْرُگبِتَكْ دينْ وِ اِنْتَه عِدْ كِلِمْتَكْ گلَّكْ مُوتْ بِالطَّفْ يَا ضوَه العينْ جَاوَبْتَه اِبْـخِدِمْتَكْ گلَّكْ مَـاكُـوْ وَاحِـدْ غيرِ الحْسينْ يِسْتَاهِلْ رُگـبْـتَـكْ وَ انَـه ظَلّيتْ بينِ اِوْدَاعَكِ اِوْ بين أرِيد اَعْلِگ شَمِعْتَكْ أُمَّـكْ وَ اَخَـافِ اِعْـلـيـكْ .. يِنْحَزْ وِرِيـدَكْ وَ اَنْسَه الحِزِنْ وِ الخوفْ ..مِنْ ألْزَمِ اِيدَكْ وَنْ گلْبِيْ مَسْمُوعْ .. طَفّينَه الشْمُوعْ يَا شَمْعَة اُمَّكْ •••••••••••• (3) عُوفِ الحِنَّه يَبْنِيْ الحِنَّه تِنْدَاسْ مَـا بـيـنِ الحَوافِرْ يِحْرِگـهَـا المُخَيَّمْ شَـدَّةِ الـيَـاسْ اِوْ تِطَشِّرْهَا العَسَاكِرْ بَدَلْ گطْعِ المَهَرْ شُوْ مِنْگِطِعْ رَاسْ مِنَّكْ يـومْ عَـاشِـرْ يَـيُمَّه اِوْ صَدْرَكِ المَفْرُوضْ يِنْبَاسْ مَلْعَبْ خيلْ صَايرْ صوتِ الهَلَاهِلْ صَارْ .. يَوْليدِيْ وَنَّه بِالـعِـرِسْ مَـتْهَنّيتْ .. اِبْموتَكْ تِهَنَّه كِلْ ظَنِّيْ مَگطُوعْ .. طَفّينَه الشْمُوعْ يَا شَمْعَة اُمَّكْ •••••••••••• (4) يَـرَايحْ لِلحَرُبْ ظَلْ گلْبِيْ مَجْمُورْ مِنْ لَحْظَةْ غِيَابَكْ هَذَا الطَّفْ يَـيُمَّه اِوْ هَذَا عَاشُورْ مَا يِرْحَمْ شَبَابَكْ اِبْسيفِ الأزْدِيْ تِوْگعْ وِ اِنْتَه مَطْبُورْ مِنْ دَمَّكْ خِضَابَكْ يِرْكُضْلَكِ اِحْسينِ اِوْ ظَهْرَه مَكْسُورْ وِ اِيْطِيحِ المُصَابَكْ مِنِّ التُّرَابِ اِحْسينْ .. بِيدَه يِحِمْلَكْ مَا قَصَّرِتْ مَشْكُورْ .. عَمَّكْ يِگِلَّكْ چَنْ گلْبَه مَشْلُوعْ .. طَفّينَه الشْمُوعْ يَا شَمْعَة اُمَّكْ •••••••••••• (5) لَمَّنْ لِلخِيَمْ عَمَّكْ يِرِدْ بِيكْ يِرُوحِ اِوْيَاكْ بَالِيْ يَـمْ جِثَّةْ عَلِيْ الأكْبَرْ يِخَلِّيكْ اِوْ يَارَمْلَه تَعَالِيْ عَمَّاتَكْ يَـيُمَّه اِيدُورَنِ اِعْليكْ وِ اِيْصِيحَنْ يَغَالِيْ آخِرْ مَرَّه تِلْزَمْ إيدِيْ بِـيديكْ وَرَاكِ البيتْ خَالِيْ أمْسَحْ بِدَيَّه اِدْمَاكْ .. وَ احْضِنْ چفُوفَكْ يَوْليدِيْ مِنْ هَاليومْ .. مَـا رَاح اَشُـوفَـكْ بِعْيُونِيْ مَطْبُوعْ .. طَفّينَه الشْمُوعْ يَا شَمْعَة اُمَّكْ •••••••••••• (6) تِمَنّيتَكْ عَـدِلْ يَالكِلْشِيْ مَخْنُوگ بَعْدَكْ دِنْيَه ظَلْمَه مِثِلْ حَرْگِ الخِيَمْ ظَلْ گلْبِيْ مَحْرُوگ وَ ارِيدَكْ يَبْنِيْ نَسْمَه رِدْتَـكْ بِالسَّبِيْ اِتْرَكُّبْنِيْ عَـالـنُّـوگ اِوْ تِدَارِينِيْ يَـيُمَّه وِ اِذَا بِالشَّامْ طَبِّ الظَّعَنْ لِلسُّوگ مِنُوْ اِيْسَمِّعْنِيْ كِلْمَه لـوْ إنْتَه حَيْ يَا سوطْ .. يوْصَلِ المَتْنِيْ بَسْ بَعْدَكِ الشِّمَّاتْ .. ضِرْبونِيْ يَبْنِيْ ظَلْ نوحِيْ مَرْفُوعْ .. طَفّينَه الشْمُوعْ يَا شَمْعَة اُمَّكْ •••••••••••••••••••••••• للشاعر كرَّار حيدر الخفاجي