其實這場 curry 好幾個 TO , 最後神救都有少少將功補過。 青黃不接唔需要擔心,大部份講呢啲嘅人其實有冇意識到上兩屆都係冇 lbj 同 curry嘅呢。 只要係當時最 Fit 最 top嘅巨星肯參與而唔係驚傷驚攰避戰 (04年輸就係咁, 如果果年有 shaq, garnett, ben wallace, kobe, jason kidd, billups, ray allen, carter, tmac 邊撚度有可能會輸),人材輩出嘅美國講牌面幾時都會係最強。就算過多50年,都想像唔倒有任何國家可以出倒12個喺nba 打到 all star 甚至 all nba level 嘅球員。 下屆主場真係無得輸,至於再遠啲嘅將來係點,咁無可避免美國隊始終有日會輸,就算係實力 100分嘅球隊,對住實力80分嘅球隊都係有可能輸,尤其係一場過嘅比賽唔係好似 nba 七場四勝。而只要有可能,就代表遲早一定會發生,而實力達到80分嘅球隊只會愈來愈多。 就好似足球嘅美洲國家盃,都唔係次次最勁嘅巴西阿根庭贏,實力次級嘅烏拉圭,智利,哥倫比亞同其他國家間中都會贏下。所以其實美國隊真係無咩嘢可以做,自身已經係最 top 無咩潛力突破,只有等人哋追上。