猶如喪屍遊戲的商場地下城 充斥鐵鏽臭味... 這就是街坊推薦的沒落商場!? | 城市遊走 荃立方、地皇商場、聯邦廣場

街坊推薦去的兩個死場 - 荃立方、地皇商場，經過實地到訪，並不像街坊提及的那種「死」，感覺只是比較平民的商場，亦有它的存在意義。至於長沙灣的聯邦廣場，本在區內有多年歷史，隨時代變化而慢慢沒落，其中商場的地下街更成了「死城」，商場內充斥鐵鏽味，令人感到不舒服。
［PAYME支持此頻道］：payme.hsbc/hebeface
香港不是一個製作者追夢的地方，如果你認為我的製作值得你支持，
可以選擇成為頻道會員，彌補製作上的開支：
/ @hebeface
BGM：Lo-fi Type Beat - Lonely Nights
• (FREE) Lo-fi Type Beat...

[@kmbenh5564]

小弟就係響聯邦上面做補習，見你唔到添😆😆😆 聯邦一樓多人只有教堂搞崇拜果期，二樓就只有三間鋪有機會多人： 1. 我而家翻緊間補習社(就係貼晒藍色紙果間) 2. 睇相阿叔 3. 某地區人士辦事處(僅限派嘢時) 間剪髮鋪開咗九個月左近，頭一個月就人多，打後就霉到剪髮阿姐日日周圍騰 地下街個水牌係之前外牆維修果陣打爆的，單車地帶我幾年前見係有開的，呢期應該頂唔順轉網上，鋪頭當倉用 幾年前同事同我講要搬去聯邦(舊鋪係元州街)，我仲以為係地下街度，夜晚收工落去行咗轉，當年軍事用品店應該仲未執，但一過咗之後電話係無信號嘅......然後我見果陣有同行(果陣唔知，以為就係新鋪)竟然租咗五定六個鋪，心諗個場咁嘅樣竟然做咁大？ 好在之後證實並唔係果度lol 漏水係呢期嘅事，頻率大概兩年一次左右，前兩日漏到入鋪，上上下堂突然係個假天花度倒水落嚟，你都咪話唔刺激......

[@plansimple9156]

我發覺好多死場都有個共通點，就係劏場，原本嗰個場未比劏到格仔舖嘅時候係ok嘅，但係業主又想賺到盡，就將啲場劏到咁，係人都唔想行啦，呢個就係香港嘅問題

[@cracklover3133]

絕對係 深水埗深之都同呢個場八成似

[@love-neko]

業主太貪婪，劏無可劏，注定死場。

[@wongks9556]

觀塘裕民薈就係咁，本來成層茶樓，後尾一劏二，半層茶樓，半層大商舖，曾經租左畀惠康，約莫一兩年後惠康冇左就劏左大堆格仔鋪。

[@samsonwong1449]

你啱呀，以前未係地皇之前3樓係霸王山莊，個埸都好旺。之後就係咁情況，十幾年都係咁。又少一個好地方

[@cboxwing]

專搵劏埸報導😂😂

[@vishayapodcast2021]

16:39 不是裝飾啊，而是一部部電視湊成更大的熒光幕，因為以前還沒有那種大塊熒光幕，而是一部部小電視組成一個大畫面。看來商場的年代確實久遠了。

[@wm8190]

顯像管電視(俗稱牛龜電視),初開幕時嘅屯門市廣場中庭都有呢種好多部牛龜凑成嘅"大銀幕",真係老了

[@twisttwisttwist6852]

我諗商場個業主已經放棄治療🤦‍♂️正常都唔會想個大門口望落感覺咁舊，搵木板封住都好過露出一排大牛龜😂

[@seanchan1987]

以前沙田新城市廣場都有一個，就係現在citysuper個位

[@pinpat]

@@wm8190 CRT

[@davidli5066]

@@twisttwisttwist6852 呢啲舊式商場已經唔會大修㗎喇 基本上都係等緊收購再發展

[@Birdyie]

請繼續做呢個系列，呢啲舊式商場真係充滿回憶又有神秘感！就算無嘢行，入去感受氣氛一流！

[@chronichk]

越睇越開心，果啲俾人放棄左嘅年青人就梗係放棄消費啦，咪等啲業主租俾360金拱門美心囉，又贏

[@johnnykwan4511]

荃灣多普通話係事實嚟架喎。多酒店而價錢又唔太貴交通又方便，去機場叫做近，又有直通車上落位，咩國家嘅人會多數住呢d酒店就心照。跟住又好多偽豪宅落成，邊d人最有錢買得起又係大家都知。兩樣夾埋好難唔聽得多普通話。

[@cn81821]

反映事實喎！呢啲商場攞嚟開老人院都幾好喎！橫掂而家啲後生仔都離開咗香港囉，留低啲父母去老人院！所以佢老人院最好！去動物診所更加好！嗰個後生仔唔生仔，養狗仔養貓仔養兔仔！而家啲後生仔新玩意唔生仔唔生女，簡直就係自行種族滅絕😂😂😂😂😂😂！

[@weiwong7083]

我覺得舊場死場其實也有發揮改善的地方，其實可以整理裝修，租金相宜給社會服務的工作，或是開創工作室給創作人使用，總好過又要營運(扶手電梯也要電和每月保養費用)，但又沒有生意。

[@jimchan7388]

以前係荃灣做過幾年野，可以因為區份比較舊又多劏房，係好多大陸人，當中以福建福清幫最多。原區就業再搭上啲死場劏鋪租金門檻低啲，所以行呢啲場多數都係聽到支支聲

[@bigocean9524]

"聽到支支聲" What do you mean ?

[@neihomai8]

@@bigocean9524 捲脷 mandarin, very noisy!

[@kosatelen]

我仲以為係娜娜聲

[@gcxbjhfhj]

@@bigocean9524 人地係南亞，唔鍾意華人好正路。

[@gcxbjhfhj]

@@kosatelen 旺角成日都有人舉起中指娜娜聲。

[@ivans1801]

聯邦最有印象係地下街過12部電視，90後可能會知，即係宜家video wall咁

[@gracemak8483]

好欣賞你這位年青有為主持把香港商塲現况告訴大家字正腔圆听覺享受谢谢!👍👍👍👍🙏🙏🙏

[@eppiechan5673]

靚聲！好聽過好多DJ，正！🎉🎉🎊🎊👍🏾👍🏾

[@videofiletransfer]

你呢個鬼場系列嘅片的確真心正，直至到終於被你講中我有份做物業管理嗰個商場，心諗千祈唔好被我班老細睇到條片呀，但你咁紅，點會睇唔到吖，即刻多咗好多嘢做呀大佬。🥲🥲🥲

[@HEBEFACE]

唔好意思，係我唔岩😅

[@kalosc0216]

C兄, 有難呀你...(行家心聲)

[@HEBEFACE]

@@kalosc0216 SORRY 大家😅😅

[@lilucas1459]

但你做物管果個商場..就算要維修.業主唔肯出錢.你老細都做唔到D 咩野..

[@hongkongsmartboy]

半題外話 ~ 劏房大王尹柏權剛將荃立方 (按：50年樓齡舊式唐樓榮發樓地下、閣樓、一樓、二樓全部業權收購改為劏舖商場荃立方，另外上面又收購咗幾個單位) 樓上一個位於三樓無入口嘅400呎單位 🤔 出售，開價118萬，呎價2950元。 果個單位就係荃立方左上唯一無冷氣機的單位。 冇聽錯，真係冇入口，因為荃立方要加𨋢，結果改契改建下，𨋢糟佔用了這個單位入口，搞到變密室。 不過代理話，買家可以先收購鄰住宅、上層住宅式下層舖位再打通或加建樓梯 (呢個時勢，入則改建不容易，而且現有上下鄰宅業主又會乘機敲詐加價)。 各位又點睇呢個放售。😂 按：我係Google search荃立方閣樓、一樓和二樓平面圖，前兩者有清晰版而二樓只有模糊版，但果三樓密室對下這三層同一位置Layout差唔多，睇返閣樓、一樓，都係電錶房，所以密室下層二樓位置都應該係電錶房，即係代理呃咗你三份一 ~ 從樓下起樓梯打通不行。 另外，＂即使密室樓下全部係舖位＂，都只可能係劏舖，如何起樓梯又成技術問題，邊度夠位起? 除非收購晒下面幾個劏舖，真係嘥$。 仲有，如果屋宇署批准上可以上下打通，但下舖 (荃立方) 上居 (榮發樓) 是公契或法律容許嗎? 麻煩各位知情者講下呢D咁騎呢嘅問題。 不過，都50多年樓齡，即使樓層不高，本身住宅好似冇電梯，夾硬打個洞，即使係非結構牆，會否影響結構？ 呢棟樓係上層突出部份用横樑承托!

[@kwanng6364]

地皇真係好可惜, 曾經佢番新完冇人租, 之後有班人入去一齊攪美食廣場, D野食平靚正, 最有印象係蛋包飯同台式涼面(台灣人開), 仲有3送飯 lunch放工時間係好爆好多人買外賣, 然後唔夠一年, 唔知點解D野食加價, 而且加到好似出面餐廳咁貴, 就愈來愈少人, 最初就係台式野執粒 聽聞係因為加租

[@dennisleung852]

最後得3/F gameman頂到以家,估唔到

[@ShivaZRagnarok]

好耐以前地皇個位好似有駁天橋的，唔係太記得

[@tonycow1069]

@@ShivaZRagnarok 有接天橋的是力生

[@wm8190]

@@ShivaZRagnarok 地皇不嬲無天橋連接,天橋起緊嗰陣正值地皇大業主拆散賣細舖,當時言之鑿鑿講到第時會有天橋連接,事實當然係買咗舖嘅小業主做晒水魚,從隔籬有大業主自費起橋嚟連接地鐵站天橋嘅力生廣場可見多條天橋成個生態係差天共地

[@dannychau1817]

係呀 我都想講 早幾年美食廣場d野平靚正 又方便 以前一星期都去兩次… 之後野食走晒真係好可惜 個場旺係因為入面d鋪 唔係本身個鋪位有乜咁巴閉 做美食廣場之前都死左咁多年 難得搞起左人流 又加租搞到變番死場 完全唔知班業主諗緊乜

[@roycheung1562]

聯邦商埸前身是聯邦酒樓是在九十年代初結業改建成商埸扶手電梯位沒有改動過(本人在1986年曾在酒樓做過暑期工人工每天60元)

[@jaxkhan]

地庫曾經係一間非常出名嘅網吧

[@roycheung1562]

@@jaxkhan 桌球室結束後經營網吧

[@billywlt]

聯邦大酒樓，回想起細細個新年時探婆婆就會去個度飲茶🫖 kzbin.info/www/bejne/f6axaX2Eq8uWhJY

[@DavidWong308]

聯邦以前係酒樓，坐巴士成日經過見到，都唔起得有冇幫襯過！

[@mickeywong7995]

@@jaxkhan 是隔離麗新廣場

[@joetam1138]

講荃灣一定有哩兩個死場, 但今次睇又唔係太死, 都比幾個出名死場好得多, 有係個個劏場大王既傑作, 想當年地皇前身, 不知幾旺, ONE TWO FREE, 漢陽丸, 吉野家, 霸王山莊, 總之做食市一定掂, 不過係講成個場做先可以, 一劏即死.....

[@wm8190]

劏場十個死足九個(死唔去只係諗到力生,聯合同先達),但總係有水魚發業主夢中個頭埋去

[@kitwong1671]

@@wm8190 力生依家有賓印同鄉會頂住應該無問題

[@wm8190]

@@kitwong1671 力生其實規劃係有一手,二樓作為主入口起駁橋連住人流極旺嘅天橋吸引顧客(對比地下入口人流多幾倍),三樓開始靜但始終吸到啲二樓人流,最頂四樓特登唔劏碎佢反而留返兩間大舖租俾餐廳同健身室令到顧客有目的咁走上四樓變相帶旺返三樓,所以奇妙地成個場最靜係地下嗰層(但地下舖位主要向街所以又無大影響),唯一要彈就係管理公司愛理不理咁啲扶手梯一年總係有好長時間係停止運作嘅

[@kitwong1671]

@@wm8190 以前未租俾賓印, 仲賣緊翻版碟都好多人. 荃豐都有但無力生咁多選擇

[@chrisma282]

荃立方 以前有間國貨公司 唔改仲好 一改完就半收皮 9:28 gameman 又係一間好好人既game鋪

[@irishuen]

「遊走死場系列」好精彩，帶我地去睇啲我地平時唔會入去嘅場，但諗深一層又好悲哀 ……

[@lemonwong1873]

同埋,HEBE係咁介紹香港咁多死場,其實,佢都行得好辛苦呀！ 故此,我地既香港人點都要支持HEBE.

[@amaghk]

基本上這類商場近乎100%都是死場，這裡仍未提到的還有：銅鑼灣的銅鑼坊、深水埗的深之都、油麻地已經結束的 MK1 超級數碼廣場、荃灣力生廣場，多個地區的蘋果商場等。

[@boblai8043]

聯邦地下街門口果一排電視機，你無睇錯，係電視機。當年未有lcd led果陣，一個畫面要放大，就係要用咁多部電視機先放得哂出黎。響八十年代果陣，呢種模擬制式投射法簡直係潮流象徵，我記得好多大商場租帶店、甚至西式餐廳、酒吧都有，話說當年屯門巿廣場（可能記錯）都好似有過呢種擺設，仲要係幾十部電視機果隻。

[@jermaineyan]

電視幕牆, 以前好多商場都有, 呢個真係歷史遺物.

[@vvxd6041]

唔知係PAL線定NTSC線😂😂😂🤣🤣🤣

[@Cfgbu7tkc]

搵呢啲死場拍《生化壽屍2022》，現場氣氛都凝造到恐怖感覺，佈景裝置都慳返

[@raymondng9479]

死場/無人氣嘅場, 都大致上有個共通點 : 劏鋪, 出入不便, 間隔奇怪, 一式一樣, 再用呢幾點就可以得出, 都係因為錢嘅問題, 先會搞成咁, 慳成本, 要用盡地方去收盡回報, 到頭來本末倒置, 無人係贏家, 而家香港咁嘅環境, 仲覺得就算租唔出都係會升值嘅大/小業主, 祝佢地好運

[@kamchauhon974]

香港樓價係唔係會持續下跌？

[@willieleung]

聯邦地下街舊時有間二手game 店，片中都也有出現廣告牌，都幾出名是一個外國人開(好似是德國人)，專賣日系舊主機遊戲，但最後搬左去火炭。

[@jimmychihang]

荃灣花園商場 喺大窩口對面 三十幾年嚟從未有一日旺過， 細個曾經有自助餐食， 但係出奇地永遠都有間保齡球場喺度。

[@lomeilm1305]

以前麥德羅開過disco，再之前好似係 bang bang 時裝旗艦店

[@dfu3053]

嗰間保齡球場算平， 地理位置關係起唔到租，先至可以頂到今時今日

[@akirang73]

果間保齡球場平靚正

[@ckf18]

讀書果陣坐小巴去到果個位就係四海有落，果陣熊貓酒店個位應該仲係八佰伴

[@jimmychihang]

我覺得最奇怪係呢個商場 無論香港經濟起飛定係折墮 佢都一樣好似時間停留咗一樣

[@biubiuwong7346]

地皇商場最大的問題就係舖位細，舖位之間的通道狹窄，作為購物中心的定位已經是一個錯誤，假如原位置是用作老人院或戲院的話，就不會浪費了。 至於荃立法方及聯邦廣場，經過歲月的無情洗禮，繁榮的情況一去不返，最好還是變成老人院吧。 估不到聯邦廣場前身是有三層酒樓，即係證明四五十年前酒樓業真係非常風光。很想Hebe搞一集去介紹一下，全港由大酒樓或戲院化身為商場的特集也不錯。

[@yuefu3596]

地皇廣場以前2樓係漢陽苑，三樓係東東雲吞面，2樓之後変咗吉野家，3樓係霸王山莊

[@kubolai2222]

細個成日去食東東雲吞面

[@donaldchan82]

@@kubolai2222 東東雲吞麵真係荃灣人回憶😂

[@426dfv]

@@donaldchan82 東東雲吞麵係非常麵..... 🎹🎤🎼🎵🎶

[@kkho983]

我以前食東東雲吞麵係沙田新城市，以前係戲院個邊樓上，落返去係funzone機鋪

[@3399john]

再之前呢？八十年代戴維斯士碌架熱潮的大河桌球城。

[@raysracing]

最記得以前去過地皇商場食野，一路個印象仲停留在好多人去嘅感覺，原來現在變到咁多吉舖和夾公仔機。上年去過聯邦商場2樓，想住睇集郵店有冇開，點知去親都是關門，Hebe去到見到開門真是好彩。聯邦地下街每次經過，但冇走入去行過，大開眼界！

[@sokoduck]

廿幾年前聯邦廣場上兩層唔係護老院, 係茶樓, 下面果層有玩具舖抽下萬變卡, 其他主要係時裝店同文具店仲有D影印舖, 呢個商場至少有25年以上歷史, 隨時30都有

[@user-xw3us6qt2t]

肯定唔止！我細個嗰陣間茶樓已經開始舊，而我而家都就快40歲！

[@ericchan7128]

細個最興, 飲完茶即刻標去玩具鋪睇玩具!! 而家行過啲鋪頭, 見到啲細路玩龍珠機, 都𥄫左兩眼!!

[@senlong7502]

支持hebe哥繼續做呢D社區面貎既記錄,感謝🙏

[@fred_ck8660]

地皇有一段時間都叫有人氣, 佢1樓之前係FOOD COURT, 但唔知係唔係商場唔俾做, 要轉哂做夾公仔, 又變返死場 成個商場唔係去GAMEMAN買GAME, 根本唔會去

[@madwhk]

GAMEMAN是賣甚麼GAME的?

[@Howardchan48]

Food court d細業主見好境多左人流咪加租 大果幾間走左細果d做唔住咪走晒

[@scorpiushei]

@@madwhk 家用機

[@laptong08]

有說是唔係咁符合啲消防條例，唔確定。

[@leungnicole1954]

@HEBE 睇過幾個你的城市遊走片, 都主要係舊場又續漸沒落, 城市記錄是很好的, 非常有心. 不過也可以遊走下D非常舊但又唔死的場, 可以比下一D業主, 考慮下如何改善, 引發言論. 才會吸引人流. 以今次荃灣為例, 南豐/荃豐一帶都舊得很, 不過仍算人流暢旺.

[@laptong08]

地皇個位其實名副其實係好靚，80年代是佔晒3層的民天大酒樓，和隔離力生廣場前身的新界酒樓類似。7-80年代時民天茶客非常多，而隔離就是另一間叫宏大的國貨公司，前面空地位置夜晚很多小販，是從前荃灣人流最多的地方。 民天80年代尾結業，當時未變劏場，地下樓層開過雅香園，樓上開過金河苑越南菜館，後來90年代至千禧初開過東東、霸王山莊，人流還是不錯。 但十多年前，突然收晒鋪改建劏場，想趁當時鋪價上升撈一筆，結果發展變成今日呢個地步。

[@kaiwankwan6101]

2012年之前，中間仲有吉Y家、現D教育補習社階段。我經歷過90年代前期細細嗰東東雲吞面食嘢，到千鿋年嗰兩層變咗吉Y家、現D補習，樓下樓梯底仲試過開過名存實亡嘅超K餅店。最後十年前先收晒變咗劏鋪。

[@yiuchungkwong7354]

師兄講嘅全部中哂！還記得嘉年、金喜、東海

[@wingwing9799]

最憎劏場 細到

[@lemonwong1873]

真心覺得HEBE真係行得好辛苦去介紹現今香港好多死場. 但我絕對支持你真係好有呢份（毅力/勇氣）去拍片介紹呀！

[@jacksontang3249]

Hello Hebe 來自廣州嘅Fans 每次睇你城市遊走系列 睇到特別係武肺後對香港帶嚟嘅衝擊 真係睇到好心痛 香港尚算好啦 某部分區域先聽得多普通話 廣州已經散播到每個角落都聽到了

[@HEBEFACE]

🙏🏼🙏🏼

[@tommywan622]

當我呼籲香港人要堅持講廣東話，說廣州已被去廣東話化，20歲以下基本上已不會廣東話。有唔少人回應話邊有咁誇張，我問對方近年有冇去廣州，對方話佢自己就係廣州人，身處廣州。老實講我都有接近十年無到過廣州，所以見到對方咁講我亦唔爭論。但我好肯定香港都係被去廣東話化，現在香港要推普教中了。

[@kennytei6278]

@@tommywan622 真香港在加拿大

[@pwc3717]

@@tommywan622 你去英國歐洲 不說英語説那威芬蘭話。。

[@gcxbjhfhj]

@@tommywan622 正如香港的原來的語言，客家話同圍頭話被外來既廣東話替代一樣，都係一個輪迴。 我支持堅持廣東話，但唔關咩真香港事，因為香港以前都唔係講廣東話。

[@PaulKeeWong]

荃立方尼啲場主力都唔係打大路客人，最多只可以做街坊生意或網上實體店交收。其實集運公司反而可以帶起啲人流，如果我係尼個場嘅大業主，我會豪多啲位置平租俾集運點或銀行禮品換領公司，引多啲客人來。 地皇商場我印象係買老番。荃灣啲舊區多劏房，多大陸人住，而且生活配套唔差。深水埗都多劏房，不過多南亞人。 過多五年，香港周圍都講普通話都唔出奇，而且宜家中小學都有普通話課程(強制)，算啦，可能係好事對小朋友。係我哋英港人嗰代學校冇普通話學，我哋只係聽國語歌學番來。我係加拿大都勁多華人講普通話（國語）人哋十幾億人。 12:27 聯邦廣場，之前係做工廠妹生意。宜家變成寫字樓貨倉多過係商場，你見佢冇乜吉鋪。因為租金好平。其實啲人將鋪頭變成貨倉，個場就玩完，你根本唔知啲人儲存啲乜嘢係入面。老鼠曱甴乜都養。

[@so99y]

聯邦地下街一有黑雨就會有機會水浸，我有個德國朋友以前係度開中古遊戲店，結果一場豪雨就整濕哂佢大部分貨，繼而退租離場

[@rayray1232333]

咁真係連做倉既價值都無

[@zionoscar1]

呢個業主非常孤寒又自私， 佢就咁樣分木板遮住係治標唔治本， 佢與其搵塊木板遮住不如請人維修好過， 好啲嘅話整返好之後再將成個場封咗佢再易手畀第二個仲好。

[@dtsai1584]

Hebe 分析清晰，口齒伶俐!

[@hihihi-gv3jj]

荃灣區居民:你嘅推論係冇錯，荃灣舊區／街市個邊係同去咗東莞冇咩分別

[@3399john]

唔知你踩还是捧東莞，威威豬那一帶最地踎，但又連接住最新大型商場，正是荃灣有趣之處。

[@james3w]

聯邦廿幾三十年前已經死死地...果時已經死剩一兩間租漫畫鋪,樓上都未間做鋪,係間酒樓執左丟空左好多年咁...

[@akirang73]

真係，個場冇旺過

[@angelchan1557]

加油hebe，支持你

[@kenlee3308]

有冇人發覺。。好多死場都係一個資深投資者搞出嚟，買返嚟劏，出面外場裝一裝修就將入面斬件賣比啲傻仔

[@yukkikubrick]

荃灣都係福建幫基地之一 所以周街都聽倒勁多普通話 住左30年都好唔慣🥲

[@donaldchan82]

荃立方 當年國貨公司時代，因為學生要買校褸，初年一定係以前南豐或者中聯，我屋企好少去裕華 嗰陣呢都尚算有人流，加上樓下小巴站係返象山石圍角，又係學校多嘅地方 不過新中聯執咗之後，我就一次都冇上過去喇 始終個位屬於荃灣舊區，附近乾濕街市，真係好老人嘅地方 地皇商場 當年有東東雲吞麵呀，都會上去食嘢，自從後尾吉野家都執9埋，都係冇上過去 之後都冇人食吉野家啦 有餐廳嗰陣還可嘅 但係個商場最L致命係個設計唔知做乜9 電梯呢單程有上冇落，落要行樓梯 久而久之，冇咗啲人氣餐廳就自然少咗人去

[@laptong08]

無電梯因為樓宇入則的問題，要改動未必批準。所以佢落嘅樓梯係以前酒樓嘅後樓梯，扶手電梯都係用返以前酒樓時代的前門樓梯改建，整到唔湯唔水。

[@laptong08]

80年代中聯在荃灣有兩間，另一間在沙咀道，協和廣場前面，新中聯是分店，應該並非易手才叫「新」，沙咀道店90年代已結業，剩下新中聯直至近年才結業。

[@chihing2302]

以前老一輩講，想死就去荃灣，想發達就去金山

[@dereklee8917]

聯邦，我中學時期，lunch、放左學，好多學生係果到流連。因為果時聯邦，一上就有間租漫畫既店鋪。個伯伯好好人，又吹得，又俾啲學生係果到打書釘。 好懷念。轉眼間，廿二年啦。

[@mrkoobne]

哈，謝謝你上去3樓，老人院仍在。 回憶起以前社區工作的畫面❤️

[@yanko3095]

中聯真係細細個開始成日都跟阿媽去行,好多回憶;而荃灣呢兩個劏場真係有d多餘,本身荃豐同南豐既定位都撞哂,仲要好行好多,想喺荃灣行街買野真係唔想行咁細咁窄既地方。

[@betelgeuse0723]

仲係國貨公司時轉季、新年、大減價買海味、冬菇都見到人流，轉咗個荃立方後直頭無入過去

[@edto6015]

聯邦地下間單車舖好出名，我住觀塘有時都特登去

[@ckf18]

自從中聯執左之後都無再入過去果個商場... 另外地皇之前仲係東東雲吞麵/霸王山莊/吉野家既年代都會入去食下野變左地皇就好似入過去一次...荃灣人應該幾懷念星星玩具, 奇特店, 新光酒樓, 中國國貨公司....路德圍既唯一麵家, 新順德乳鴿, 銀龍果個位既一品香, 醉瓊樓...仲有放學搭小巴叫金城有落

[@patrioticcommunist]

一講起荃立坊我就諗起2013年班死地產佬響個盤前面大sell特sell「細舖幾十萬有交易」、「唔使俾咁多辣稅」，結果吸引咗班小投資者落搭，但最後就難租出舖位，而當初用4.1億買入國貨公司物業嘅大業主劏房大王尹柏權就大賺一倍離場。

[@sheungchungyeung936]

地皇咪又係佢搞出黎，果個地段如果正正常常點會死場，就係佢劏到全部細細間，路又窄又難行，出入都唔方便，完全吸引唔到人上去行

[@HEBEFACE]

@@sheungchungyeung936 兩個場都係佢搞出嚟

[@se.nail255]

地皇比荃立方寛落同乾淨，3樓主要做熟客同預約，有好多做左好多年既小店，指甲店9成講流利廣東話，希望大家多多支持小店🫶🏻

[@HEBEFACE]

加油努力，逆境下求存！

[@waisealeung5630]

Hebe，或者荃灣老街坊的老朋友，我有啲嘢好奇想問問你哋，荃立方嘅前身係中聯國貨，咁地皇呢？地皇嘅前身係咩地方？有冇人知道？同埋協和廣場係點樣㗎？真係唔再開返？以前細個嗰陣時成日去協和廣場行街，喺入面嘅紫荊酒樓飲茶，好有童年回憶，想不到現在變成不見天日

[@waisealeung5630]

點解會封咗協和廣場？同埋力生廣場算唔算係死場？

[@noh0rny31]

​@@waisealeung5630前身係霸王山莊/吉野家之類食店 都算有人光顧。 後尾劏成地皇之後有段時間3樓有food court都多人食飯。 好似因為消防問題最後被迫摺埋就變成依家咁

[@waisealeung5630]

@@noh0rny31 噢😧！原來是這樣子，一直都好好奇想知道地皇前身係咩？同埋點解前身會執笠？而家終於知道了，謝謝你🙏的解答

[@KLMan-zs2ts]

我記得早排東張西望都有講過地皇商場，話原本係有行人天橋系統接駁，原來都係一個騙局🤔

[@joyfuljojo7078]

感謝帶我地行🙏🏻

[@emilyyeung8889]

謝謝希比為荃灣紀錄落嚟~ (荃灣老街坊 上~) 😄

[@Lungtouch]

HEBE講得冇錯呀,荃灣係係好多大陸人尤其是褔建人特別多,我住咁多年知道呢區係褔建幫聚集地

[@chikkwokleung3771]

其實荃灣天橋陣整死好多街舖地舖同冇連接天橋既商場

[@rainwong001]

感謝希比帶比大家在聯邦地下街的球衣店。😊🤣

[@markchoi4031]

個排唔係電視機裝飾，係80年代高科技裝修！呢啲叫「電視牆」係用好多部細電視串連一齊嚟做成大電視畫面等如而家商塲門口大電視螢幕！當年要中上級商場先有呢啲「電視牆」由此可見當年業主都揼本裝修！

[@hotin1108]

9:59 你行個邊X坡坊係福建幫地頭 2019年成班福建追住人黎打 我細個住荃灣 個陣無依家咁多人 行落好舒服 , 依家嘅荃灣人口密度我覺得超過以前嘅旺角..

[@tat1594]

2:22 麻煩請叫返手袋🤦‍♂️

[@fatekwok9898]

荃灣地皇唯一旺過係1樓有熟食的時候。 由死場做返生。 之後唔知咩事熟食位轉夾公仔後又死場

[@seannicholas4440]

好有趣，多謝hebe (可以留意返vintage唔係指一般手袋)

[@hometvbox1926]

你感覺無錯，荃灣係好多人講普通話，行荃灣宜家傢私都好多人講普通話。

[@chnet968]

地皇商場 早幾年啱啱由 三聯 + 吉野家 改成商場既時候去過. 當時既感覺係人多路窄樓底又矮, 真係唔會想多作停留.

[@rainwong001]

多謝希比帶比我們在地皇廣場的球衣店。🤣😊

[@eppiechan5673]

汁笠鄉港遊，好睇！導遊靚仔！鏡頭穩定取景靚麗！🥳🥳🌼🌼🏅🏅

[@phantasmkagami9018]

記得以前睇過有媒體報導過其實夾公仔機好多都係商場自己搵嚟放的，為左令個場唔好太死(學你話有夾公仔機就點都會有人) 甚至你想租果個舖位係可以照搵業主租的 所以你見死場有多夾公仔舖的話有9成都係假的唔係有人租

[@user-xw3us6qt2t]

近年長沙灣又旺返，有壽司郎同爭鮮，就連戲院都翻生，希望聯邦廣場都可以重生 🥲

[@martinhui00]

聯邦以前樓上有幾檔擺吹氣公仔, wargame鋪, 地庫有檔飛髮線面。 地皇開食街曾經多人流, 之後打回原形, 地皇又咪係內地啲地標既俗稱。 荃立坊咪抄奧運水立方個名, 行上去轉一圈或者見到一兩個客。 力新2樓, 舊時出面賣老翻game, 入面賣4仔 後來成個商場專門服務外傭, 樓上間bee好多異邦人開餐 荃豐初初係死場, 最旺都係廿幾三十年賣老翻pc/ps game, 日劇動漫, 日本歐美流行曲, 咸帶, 3仔4仔, 日本寫真, 電腦online game, 卡game果期(舊時啲咸帶女優靚過漁村啲女明星, 個頭同身冇咁人工化, 劇情又有創意) 沙士後興電腦砌機, notebook, 喇叭, 電話套, 電話周邊配件

[@davidling2087]

我十幾年前做果間公司，當時已經用緊好多個聯邦地下街嘅鋪位嚟做倉，我相信而家都仲用緊，因為呢間公司係香港仲營運緊。

[@user-up7dd5xh6t]

地皇廣場我童年回憶就係東東雲吞麵嗰陣時好鍾意上去

[@hotinghang8817]

聯邦地下街最多人行就係一落到手右手邊間波衫舖，各國聯賽，國家隊球衣佢都有，咁啱你去到呢日佢休息

[@vvxd6041]

聯邦廣場 以前幫襯 1樓漫畫鋪 同 game鋪 2樓尾係大快活 (小學時期日日落去食 西多士+熱奶茶=$10） 地下街有間模型鋪好平😂🥲 住附近30年 無入去好耐😆

[@mchahaha123]

你真係街坊！ 我正想講知道大快活既就見証過佢有人流既歲月🤣

[@roycheung1562]

大快活是1986年開始營業的

[@mchahaha123]

地下就係， 約92年搬左上2樓

[@user-cf8fk8pn9c]

一上電梯就係嗰間漫畫鋪 =D

[@kgb21hk2]

以前會買完漫畫上去酒樓度睇

[@teddywong9.2]

2000年頭去過聯邦地下街買4仔，當時都唔算多人吉舖都多，上面就無行過。 地皇仲有foodcourt 時食過一次野 荃立方由你講先知有呢個商場，因為印象一係停留係國貨公司，細個係出面坐小巴入汀九探親戚。

[@wilsonli321]

劏場通常係出自尹柏權之手，尹柏權背後係廣東清遠市政府既白手套，尹生90年代主要負責天水圍新北江商場出租代理(清遠既主軸河流就係叫北江)，97政權淪陷後，呢啲中資不斷搞爛香港商場，好似呢啲劏場，認真計根本唔應該過到消防條例而批則，但係背後有中共政權橫行，傀儡港共當然照批.....通常再夾埋AA出啲咩租金保證(咪又係羊毛出在羊身上)，係售樓處不斷洗腦軟硬兼施逼人買

[@TheFai21]

HEBE可以出條全港20大死埸排名榜，應該幾好睇！

[@jimmychihang]

地皇廣場係一個畀大業主老坤嘅經典湯場， 曾經有段時間業主 團結 開個美食廣場一排 有少少氣息， 又搵咗李根興幫手畀啲意見。 我覺得最大嘅致命傷其實係 起咗條天橋去萬景峰 佢嗰個位死曬， 好少人特登行落去 。

[@taviihin]

我係荃灣返工，日日路過荃立坊但一次都冇上過去多謝hebe帶我一遊慳返時間，另外地皇其實有一排搞美食廣場係帶旺返個場果時買野食都要排隊，不過好似話唔知咩約滿結果又打回原型，依家變成夾公仔場更加少人

[@cn81821]

多謝！

[@jackykt3729]

香港地而家太慘烈，中層無咗，只有低層同高層，基本生活用品大部份上網（甚至乎淘寶），細商場可以話係走入末路

[@lemonwong1873]

唔怪之得近呢幾年HKTVMALL真係越做越旺.

[@hching16]

我推介一個商場， 禦金國峰個商場中港薈，兩年前係附近做野會泊車入去，去百住買下野又有免費泊車，個廁所又幾乾淨。近排去過發現百佳，7仔，大家樂都執埋，依家係一個裝修好靚既死場。

[@vincentlui1456]

地皇廣場二樓或三樓(我唔記得邊層)係食肆，但之後一至兩年沒去，而家已經變成扭蛋中心。所以希望大家珍惜同繼續支持小店。好可能過多幾年或幾十年，因為經濟蕭條或疫情，我地而家所熟悉的葵廣或信和就會變成人去樓空，所以大家一定要支持小店，唔好等到冇咗先去後悔。

[@yinleung2405]

好鬼難食（幾年前食過兩次），自己整得難食可以怪邊個

[@bwcheung1978]

荃灣是新香港人居住地。

[@thomaslui6172]

98-99年係香工做嘢，lunch會走去聯邦行下，個陣都無乜鋪，好似得1-2間game鋪。門口個排電視機好80年代feel，個陣係高科技野🤣。

[@user-dm3nc1xb2j]

荃灣近地鐵站個場以前好旺，因出了地鐵站必經。後來大業主將個場分到好細嘅舖，再將細舖賣出去，所以蝕錢係細業主，而且個個網上購物，更加加劇了死場的發生。如果你們search for dead / abandoned malls, 美英加的大城市都有不少。

[@H.K.Tang2023]

前身聯邦酒樓，後來改變割場，曾旺過幾年，之後死唒至今！兼善里重建可能有D生機（可能）

[@yipyip-lq7ll]

好睇呢類片

[@gordonshum5895]

地皇商場如果真係要起死回生, 應該得返搞補習社旗艦店 crossover 1層夾公仔機同小食店, 個場先天單邊電梯好多野都冇得搞, 唯有D後生仔女上上落落

[@lonelybp362]

荃立坊相對其他商場其實已經比較新(依條片同之前唔同地區加埋),但已經日久失修地變得好殘.. 順帶一提, 地皇三樓影到果間game舖係黃店~ 大家多多支持下..

[@isalkw]

我之前住聯邦廣場附近, 一直以為呢度係拍生化壽屍個商場, 直至睇左HEBE另一條片先知原來唔係呢度, 7左😅

[@akirang73]

新時代廣場拍生化壽屍果時個場其實唔算死，果時做精品、玩具批發，有幾個客係到，佢地D生意都唔錯。果時，聯邦已經係死場。

[@Chansiufat]

二十幾年前中學時代睇住地下街起好，都唔係太多鋪租出，最有印象係一間家庭式壽司鋪同埋一間無牌機鋪，仲有蘋果老虎機可以賭💰，當年仲有新聞拉左幾個同學🥺

[@alicechow789]

配樂好有蕭條感👍 聯邦未去過,可以用鬼場嚟形容,有地獄feel,多謝阿俊聲音導航。

[@kevinlam2140]

呢D都係發展商用黎割九菜既遺物~又合法~仲好賺過劏房!!D業主就陰公豬啦,又冇人租,又要比管理費~都唔知幾時先回到本

[@woogogo5261]

精彩

[@tampangfaipangfai1779]

聯邦之前好旺架,我讀中學嗰陣返學前上三樓大快活食早餐,記得嗰陣時仲有煙灰缸俾你食煙,放學就上二樓打遊戲機,買yes卡,電腦遊戲,自從有咗智能電話平板之後,遊戲機,電腦開始式微，宜家好多細商場都變死場,可能宜家啲細佬生活方式變咗,以前放學出去唱K,溝女，打機,宜家啲細佬放假都唔想出街

[@timothylau9703]

聯邦地下街落到去左手邊嗰間飛髮舖估唔到仲喺度，不過好似轉咗做「紅姐理髮」，小學嗰陣成日去剪頭髮，貪個駝背阿叔快手同埋夠平，唔知阿叔依家仲喺唔喺度呢？唉，都成十幾年喇

[@love-ih2ix]

聯邦地下～波衫達人凱哥👍

[@zonda321]

早廿十年前左右,試過係聯幫廣場走廊買老番game,d game貼哂係度,自己mark低個號碼,職員跟住後樓梯拎貨出黎俾你

[@3singooo]

16:39 以前冇咁大個Screen，啲人好興將好多部電視機仔駁埋做一個大Screen，80年代尾啲產物嚟