ياعيال كلمات جحيش مهارش أداء ابراهيم الصيخان

هل تبحث عن الجديد هنا www.a-rj.com/vb

[@user-xz6qm4md6d]

قال الذي يقرا بليا مكاتيب ياللي تقرون العمى من عماكم يا عيالي اللي تشرفون المراقيب تريضوا لي واقصروا من خطاكم خوذوا كلام الصدق ما به تكاذيب مثل السند مضموم للي وراكم ياعيال لاصرتوا ضيوف ومعازيب ترى الكلام الزين ملحة قراكم وتروا السبابة من كبار العذاريب وهرج البلايس ما يطول لحاكم المذهب الطيب فهو مذهب الطيب والمذهب الخايب يبور نساكم يا عيال ما صرحتكم باللواهيب يا عيال ما عمر المعزب ولاكم يا عيال ما ضربتكم بالمشاعيب ولاسمعوا الجيران لجة بكاكم ياما توليت القبايل تقل ذيب من خوف لاينقص عليكم عشاكم وياما شريت السمن من عرض ما جيب يفز قلبي يوم يبكي حداكم وياما قطعت من الفيافي العباعيب ندور من صيد البراري غذاكم يا عيال دوكم لحيتي كلها شيب هذا زمان قعودنا في ذراكم قمت أتوكا فوق عوج المصاليب قصرت خطانا يوم طالت خطاكم عطوني القرضة عليكم مطاليب جعلوني القرضة لا جزى مَنْ جزاكم لابد يومٍ عاويٍ دوني الذيب بالقبر ما افرق طيبكم من رداكم ماني بفاضحكم بوسط الاجانيب بأعمالكم يدرون كل أقرباكم لو كان تدرون الردى والمعاييب صرتوا مع المخلوق مثل خوياكم خوالكم بالطيب تروي المغاليب ولو تتبعون الجد محدٍ شناكم وش علمكم يا تاركين المواجيب حسبي عليكم هالردى وين جاكم قصيتكم واسندت وادي سلاحيب ولقيت بالصبخا مدافيق ماكم يا عيال بعتوني بصفر العراقيب ماهي حقيقة سود الله قراكم يالله عسى عماركم شمسها تغيب يعتم قمركم ثم يظلم سماكم ياعلكم في حاميات اللواهيب ياللي على الوالد خبيث لغاكم شفت الجفا ولحيف والغلب والريب بضلوعكم لابيض الله قراكم عسى نساكم ما تحمل ولا تجيب ولاحدٍ من البزران يمشي وراكم اخسوا خسيتوا يا كبار اللغابيب اهبوا هبيتوا يقطع الله نماكم

[@user-yx7hl3mb2j]

ممتاز

[@user-iv5nj7bs3n]

هاذي للشاعر سويدان الحلام من المهارشه،اعمور،سوريه،الرجاء انكم تتأكدون من الشعر ومن صاحب الشعر لاني اعرف صاحبها اسويدان الحلام

[@user-yo7se2wx9h]

اسمه جحيش مهاوش الهشال السرحاني