Рет қаралды 4,427,054
⠀⠀⠀⠀⠀⠀⠀⠀
© جميع الحقوق محفوظة
لخيرالله السرحان 2017
⠀⠀⠀⠀⠀⠀⠀
MY INSTAGRAM
/ _kher__
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
مو أنته الاعرفك مدري أعرفك زين
انته الجنت واضح مدري صرت اوضح
ضاعت لهفتك صفنه ابوجه عميان
ما مشتاق يمكن لا على الارجح
لفيت الشهاده اوردت بس اتروح
اظن وقتك ثمين او قام ما يسمح
أرحم ساعتك لتباوعلهه اهواي
الوقت كالسيف عدك خاف نتذبح !!
تسأل ليش راسب ؟ آنه اقلك ليش
حبيتك صدگ وليحب ماينجح
وقت الجنت تقره اوتنسأل وتقوم
وتعيد الدرس وتناقش وتشرح
آنه اسأل ابروحي اشبعد ونلايه
وناقشهه شجاوب لو علي صبح
عالصبوره عيني اوعقلي كله اوياك
عين ابلا دماغ اشتجمع اشتطرح
اولأن قاعد وراي اوما اشوفك زين
رضيت النفسي اصير ابخانة الوكح
متفوق أبحبك آنه مو كسلان
خلصت الدوام ابوجهك اتصفح
تكتب ولشعر يسرح على الوجنات
من باب التضامن انشده واسرح
اقطعلك ورد مثل الطفل واهديك
وعمال الحديقه السانهم يجرح
غلطو وشتكو وتعهدت مجبور
قمت اضرب حصص ووياهم أتفلح
اصعد على الشجره واكتب اسمك فوق
مو شغلة بطر بس ردته يتمرجح
طردت امنلحلام اهواي ناس اعزاز
خليتك الوحدك تسرح اوتمرح
أنام المغربيه ابعيد درب الليل
وامي اتقلي دنيه اغروب ما يصلح
لا يصلح قلت خالفت أغلى الناس
كنت غلطان آني وامي رب الصح
ليش ابطرگ ليش انتهت قصتي اوياك
واسف يتبع اسف وبأسف يتلقح
اسف يتبع اسف وبأسف يتلقح