Рет қаралды 489,900
⠀⠀⠀⠀⠀⠀⠀⠀
© جميع الحقوق محفوظة
لخيرالله السرحان 2017
⠀⠀⠀⠀⠀⠀⠀
MY INSTAGRAM
/ _kher__
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
على جرفي لكيتك جسر مطروح
تالف معدنك وعيوبك اهواي
بل قدره رفعتك ردت احيك
وقمت تسوى لين خليتك وياي
اسمعك تهمس اباذن الي يمرون
وتكللهم عليت او هو صار جواي
اصحى اني نهر لو عفتك تموت
لا يغرك علك الراح ولجاي
ذوله اجدامهم سولفت وياك
بس عيونهم سوتها طرواي
صدكني ابعلاتك مالك زود
الناس اندلتك من زود مجراي
من أنشف تضل محد يمر بيك
تصعد قيمتك من يصعد الماي
بيه تريد تغدر يا تره أشلون
طب سابع ارض ما تلقى مقفاي
اذا جدم الي يدوسك واقف اوياك
شقول اني النوارس كلها واي
طبع الجسر ثابت وأنتا مهزوز
شخصيتك ضعيفه ومالك راي
حيه ابلا كرامه مرضات الهنود
يطردها الكصب و يجيبها الناي
أشـقـد قـلـت لك تهـده و مـا تهـديت
مـن هـاي طـب الحجي او طـلع مـن هـاي
غرورك حفر لحدك وأنا هليت
عليك أتراب دفنك أبكبر دنياي
ما ذمك أذكرك دوم بالخير
من أذكر محاسن بعض موتاي
من اذكر محاسن بعض موتاي