Рет қаралды 11,056
與鍾柔美 詹天文舉行簽唱會 姚焯菲否認取代JW唱《愛.回家》主題曲
姚焯菲 鍾柔美 同埋 詹天文 嚟緊將會一齊開騷,早前佢哋更宣布加開一場嘅好消息,呢日三位現身商場舉行簽唱會,仲又唱又跳,青春氣息逼人呀。活動前一日Chantel先由新西蘭返港,雖然受到時差困擾,但呢日見佢狀態依然非常好,連Yumi都話完全睇唔到呀。
Chantel終於回歸,Windy同Yumi都覺得好開心,Yumi 仲話Chantel係一個開心果,經常充滿正能量。為咗嚟緊嘅演唱會,三位都話要好好排練,加上嚟緊佢哋將會推出合唱歌,所以Windy都好期待三人可以正式排舞,Yumi預告演唱會環節相當多元化同精彩,不過為咗保留驚喜,佢就話暫時要先賣個關子,三位有自己唔同嘅個性同風格,所以到時佢哋會以咩面向同大家見面,咁就密切期待啦。
問到佢哋三位喺商討演唱會過程中,會唔會有意見分歧嘅時候? 佢哋三個就好齊心話無呢個情況,仲話就算唔滿意一樣嘢,都會一齊唔滿意。日前有指Chantel取代JW唱《愛‧回家》主題曲,呢日Chantel都開腔否認係取代一事,只係話佢喺新西蘭時已錄好呢首歌,仲話自己係《愛‧回家》嘅粉絲添。
#姚焯菲 #鍾柔美 #詹天文 #合體 #簽唱會 #時差 #開心果 #合唱歌 #愛回家 #主題曲 #取代 #JW
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0