Yaman darıxmışam səninçün yaman - Əminə Yusifqızı (Bəxtiyar Vahabzadə)

Bəxtiyar Vahabzadə
Yaman darıxmışam…
Yaman darıxmışam səninçün,yaman!
Mən əsir düşmüşəm öz istəyimə.
Nifrəti gizlətmək asandan asan
Sevgini gizlətməkk mahalmış, demə!
Haraylar yüksəlir könüldən yenə,
Bu necə haraydı, bu necə haydı?
Öhdəmdən gələrdim… gözüm üzünə,
Qulağım səsinə darıxmasaydı…
Yaman darıxmışam… Bu nədir yenə
Ağlım sağa baxır, ürəyim sola.
Ürəyim dönübdür göy göyərçinə
Qonub sən gedəli sən gələn yola.
Yaman darıxmışam… Hər axşamçağı
Arzumu günəşin telinə sardım.
Mənimlə olsaydı, mən darıxmağı
Zamana en uzun ölçü sanardım…
Yuxuma gəlmişdin… Qısıldıq küncə
Danışdıq… Yel əsdi… Dağıldı dərd-qəm.
Kölgəyə dönmüşdüm, səni görüncə
Sənin işıgında yox oldu kölgəm…

[@kitabkimi]

Sevgi şeirləri(#1) - Ramiz Rövşən kzbin.info/www/bejne/rnPYf2SngteEf5I

[@kitabkimi]

Sevgi şeirləri(#1) - Vahid Əziz kzbin.info/www/bejne/qKW2k3RqorCaoKc

[@kitabkimi]

Sevgi şeirləri(1 saat) - Əminə Yusifqızı ifasında kzbin.info/www/bejne/Z2mUf5WwZpmMY7c