Рет қаралды 476
ယနေ့တွင် TNLA က အာဏာသိမ်းစစ်တပ်ရဲ့ စခန်းငါးခု တိုက်ခိုက်သိမ်းပိုက်ခဲ့
တအာင်းပြည် - ၂၀၂၃ နိုဝင်ဘာ ၅ (မော်ကွန်း)
ရှမ်းပြည်မြောက်ပိုင်းမှာ ဖော်ဆောင်နေတဲ့ ၁၀၂၇ စစ်ဆင်ရေးမှာ တအာင်းတပ်ဖွဲ့(TNLA) က ဒီကနေ့ အာဏာသိမ်းစစ်တပ်ရဲ့ စခန်းငါးခုကို တိုက်ခိုက်သိမ်းခဲ့တယ်လို့ ထုတ်ပြန်ပါတယ်။
နမ့်ခမ်းမြို့နယ်ရဲစခန်း၊ မန်ဝန်းစခန်း၊ မန်ပူးကြီးစခန်း၊ နမ္မတူမြို့နယ်၊ ပန်သပြေရွာက စခန်း၊ မန်တုံမြို့နယ်၊ ခိုမုန်းရွာက ခိုမုန်းစခန်းတွေကို တိုက်ခိုက်သိမ်းပိုက်ခဲ့တာပါ။
အာဏာသိမ်းစစ်တပ်ဘက်က သေဆုံးမှုတွေအများအပြားရှိခဲ့ပြီး လက်နက်ခဲယမ်းတွေလည်းရရှိခဲ့တယ်လို့ထုတ်ပြန်ပါတယ်။
နံနက်အစောပိုင်းမှာ လားရှိုးနဲ့သိန္နီကြား စစ်ကူလာတဲ့ စစ်ကားလေးစီးကို ကြားဖြတ်တိုက်ခိုက်ရာမှာ ကားလေးစီးစလုံးကို ရရှိပြီး မီးရှို့ဖျက်ဆီးခဲ့ကာ လက်နက်ငယ်တွေလည်းရရှိခဲ့ပါတယ်။
လားရှိုးမြို့နယ်က မိုင်းကျက်စခန်းနဲ့ ရေပူဂိတ်တွေကို ဝင်ရောက်တိုက်ခိုက်ချိန်မှာ လေကြောင်းပစ်ကူတွေနဲ့ လာရောက်ပစ်ခတ်ခဲ့တယ်လို့ ထုတ်ပြန်ထားပါတယ်။
ရုပ်သံ - နမ့်ခမ်းမြို့နယ်ရဲစခန်းကို ဝင်ရောက်တိုက်ခိုက်သိမ်းပိုက်စဉ်။
Source - PSLF/TNLA