Рет қаралды 93,936
#BirBax #agri #Nişi
#sağlamlıq #yaponalim #katsuzonişi #belagrisi
Bel ağrılarından əziyyət çəkən insanların sayı günbəgün artmaqdadır. Onurğadakı diskomfort hissinin aradan qaldırılması və ağrıların azalması üçün yaponiyalı loğman Katsuzo Nişi`nin sistemini sizə təqdim edəcəyik. O, şəxsi təcrübələrinə əsaslanaraq bel ağrılarını müalicə edirdi. Bu gün məhz onun 6 qızıl qaydasından ikinci haqda danışacam. Birinci qaydası haqda paylaşdığım videonu şərh bölməsində sizin üçün sancaqlayacam. Buyrun, videomuza keçək.
Katsuzo Nişi ömrü boyu tibbi araşdırmalarla məşğul olub və öyrəndiklərini öz üzərində sınaqdan çıxarıb. Uzun illər ərzində topladığı təcrübəni, nəhayət, bir gün kitab halına salıb. Nişi düşünürdü ki, dərman preparatları, sadəcə, simptomları aradan qaldırır, xəstəliyin əsas səbəbini deyil. Beldəki ağrıların səbəbini onurğada və onurğaətrafı əzələlərin, vətərlərin qan dövranının pozulmasında axtarmaq lazımdır. İndi də keçək 2-ci qızıl qaydaya.
Yatdığınız yataq nə qədər sərtdir? Yumşaq demirəm, məhz sərt yataqdan danışıram. Yatarkən təkcə bədənin düz vəziyyətdə olması kifayət deyil, boyun fəqərələri də düz olmalıdır. Odur ki, iri və yumşaq balışı cibində dava-dərman gəzdirməyi xoşlayanlara bağışlayın, özünüz bərk və balaca yastıqda yatın. Onu taxtadan, parçadan, pambıqdan və s. düzəltmək olar. Belə yastığı boyunun altına qoyub arxası üstə yatmaq lazımdır. Baş döşəyə toxunmasın və çox hündürdə qalmasın, döşəkdən bir barmaq enində aralansa kifayətdir. Təbii ki,ilk gecələr pis yatacaqsınız, tez-tez yan üstə çevriləcəksiniz. Yalnız bu halda rahatlıq tapacaqsınız. Lakin bu rahatlıq sizə baha başa gələcək: xəstəlik yaxanızdan əl çəkməyəcək.
Soruşa bilərsiniz: özümə nə üçüın əziyyət verməliyəm?
Sualın cavabı belədir: Birinci Qayda kimi, bu Qayda da zəngin elmi əsaslar üzərində qurulub və özündə çoxlu dəyərli elementlər cəmləyib. Elmə bəllidir ki, burun divarı daxili orqanların reflektor tə’sirini stimullaşdıran mənbədir. O, müxtəlif reflekslərin mərkəzini cəmləşdirir. Odur ki, divarın müxtəlif nöqtələrinə tə’sir göstərməklə bir çox xəstəlikləri müalicə etmək olar. Yadınıza salın: «ürəyi gedən» adamın burnuna naşatır spirti verərkən, dərhal özünə gəlir. Müəyyən edilib ki, burun divarı bütün daxili orqanların fizioloji mütənasibliyinə nəzarət edir. Bir çox xəstəliklər (astma, mioma, ürək arteriyasının gərilməsi, cinsi və endokrin orqanların xəstələnməsi, süzənək, aybaşı zamanı baş verən ağrılar, qəbzlik, diafraqmanın zəyifləməsi, mə’dənin və ciyərlərin xəstələnməsi, qulaq ağrısı, əsəbilik, gərginlik və s.) burun divarının vəziyyəti ilə bilavasitə bağlıdır.
Professor K. Nişi sübut edib ki, başının altına bərk yastıq qoyan adamın burun boşluğunu müalicə etməyə ehtiyacı qalmır. O yazırdı: «Beyin təkamülü iybilmə hissinin inkişafı ilə bağlıdır, onun nəticəsidir. Çünki bütün orqanlar burun divarı ilə sıx bağlıdır». Bərk yataqdan istifadə etmək-burun divarının normal işləməsi üçün gözəl şərait yaradır və xəstəliklərin qarşısını alır.
Geniş yayılmış bir yapon məsəlində deyilir: «Əyilmiş boyun-gödək ömürün nişanəsidir». Bərk yastıq-beyin damarlarının aterosklerozunu müalicə edir və beyində qan dövranını yaxşılaşdırır, beyin damarlarında kristala çevrilməkdə olan zərərli maddələri əridir. Bərk yastıq həm də ona görə lazımdır ki,böyük yastıqda yatarkən boynunuz əyilir, ağzınız açıq qalır, nəfəsi ağızdan alırsınız, odur ki, boğazınız ağrıyır. Bəzən də başınız yastıqdan düşür. Bu da pis nəticə verir. Məlumat üçün deyim ki, Nişi öz yastığını ağacdan hazırlamışdı
Burun divarındakı sinirlərin orqanlarla əlaqəsi və bu əlaqə pozulduqda baş verən xəstəliklər: 1-qızdırma, astma, mioma, 2 - ürək arteriyasının gərilməsi, 3 - cinsi orqanların xəstələnməsi, 4- endokrin sisteminin xəstələnməsi, 5 - süzənək, 6 - aybaşı ilə bağlı narahatlıqlar, sağrı sümüyün ağrıması, işias, 7 - enterit, qəbzlik, 8 - diafraqmanın zəyifləməsi, ağ ciyər və qara ciyər xəstəlikləri, 9 - böyrək xəstəlikləri, 10 - mə’də xəstəlikləri, 11 - qara ciyər xəstəlikləri, 12 - qulaq ağrısı, baş gicəllənməsi, 13 - əsəbilik, narahatlıq.
Ümumi qənaətə gəlsək, yastığınız və yatağınızı bərk edin ki, daha sağlam olasınız.
Katsuza nişinin digər qızıl qaydaları haqda videolar paylaşmağa davam eəcəyik. Siz sadəcə bizi izləməyi, kanalımıza abunə olmağı unutmayın ki, bu kimi videolardan daim xəbərdar olasınız. Bütün hallarda çalışın ki sağlam olasınız.