Рет қаралды 128
Nauha Lyrics
Ye Gham e Shabbir hai Duniya ko Batate chalo
Is ghame Shabbir ko kaise bhulayenge Hum
Hashr tak ahle jaha isko sunayenge hum
Daag jo matam ke hai sab ko dikhayenge hum
Karke bayan zikre gum sub ko Rulate chalo
Ye Gham e Shabbir hai Duniya ko Batate chalo
Ashk-e-Aza-e-Hussain Hashr me kaam aayenge
Saamne zehra ke hum rote huwe Jayenge
Shafa-e-Mehshar se Hum is ka ajar Payenge
Karke Bayan zikre Gham sub ko Rulate Chalo
Ye Gham e Shabbir hai Duniya ko Batate chalo
Ahle aza aap ko Deti hai Zehra Dua
Inko tu Aabaad Rakh Paalne Waale Khuda
Ye mere Farzand par rote rahenge Sada
Karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo
Kitna Alam Naak hai marekaye Karbala
Is ka Har ek Baab hai khoon me Dooba hua
Kehte the khud jibrayeel zulm tha had se siwa
Karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo
Arzo sama Roye hai roye hai kul Anbiya
Rote huwe Aaye hai karbala me Mustafa
Is liye ahle aza karte hai Aaho buka
Karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo
Fatima ke laal par yourishe Tegh-o-Tabar
Aaj tak Hairan hai Quwwate fikre Bashar
Hum usi Mazloom par Rote hai Shaam-o-Seher
Karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo
Saani-e-Zehra ke laal haq pe Fida hogaye
Qasim-e-Noushah bhi maa se juda hogaye
Qatl Alamdar bhi ahle aza hogaye
Karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo
Kya Sabaq Aamoz hai saneha Besheer ka
Kya Qata bache ki thi koi batade Zara
Asghar-e-Masoom ko teer se maara Gaya
karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo
Dekh ke Akbar ko ye kehte the Ibne Ali
Ye Mera Farzand hai Hubahu shakle Nabi
Aise jawaan bete ke seene me Barchi lagi
karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo
Sirf Bahattar the wo laakh thi fauj-e-Sitam
Aise Bahattar the wo Rakh Liya Haq ka Bharam
Mith Nahi sakta kaleem aise Bahattar ka Gham
karke Bayan zikre Gham sub ko Rulate chalo
Ye Gham e Shabbir hai Duniya ko Batate chalo