إيه هو الـ Set Screw وازاي تختار النوع المناسب|ORing

الـ Set Screw ده عبارة عن مسمار صغير بيستخدم لتثبيت الأجزاء الميكانيكية زي التروس والبكرات أو الـ Pulleys مع الـ Shafts.
بس خلي بالك، الـ Set Screw بيشتغل مع الأحمال الصغيرة مش لنقل عزم (Torque) كبير، لأن في الحالة دي بنستخدم الخابور (Key) عشان ننقل العزم، ومعاه كمان بنستخدم الـ Set Screw عشان نضمن التثبيت المحكم.
أنواع الـ Set Screws:
فيه كذا نوع من الـ Set Screws حسب نوع الحمل والتطبيق، ومن أشهر الأنواع:
1- الـ Cup Point Set Screw: وده النوع المنتشر اللي بنشوفه دايمًا.
2- الـ Rolling Ball Tip: النوع ده السن بتاعه بيكون عبارة عن كورة صغيرة.
3- الـ Flat Ball Tip: وده السن بتاعه بيكون كورة لكن بسن مسطح.
4- الـ Nylon Tipped Set Screw: السن بتاعه بيكون من النايلون، وده بيستخدم لو مش عايز تجرح السطح أو في حالات الاهتزازات.
إزاي تختار الـ Set Screw المناسب؟
أول حاجة لازم تفهم نوع الأحمال اللي هتتطبق على الـ Set Screw. فيه 3 أنواع من الأحمال ممكن تأثر عليه:
1- الـ Shear Stress (إجهاد القص): وده بيكون إجهاد موازي للـ Set Screw.
2- الـ Tensile Stress (إجهاد الشد): وده بيشد المسمار لبرّه أو بيضغطه لجوه وبيعمل عليه Compression.
3- الـ Torque (عزم الدوران): وده بيتولد نتيجة دوران العمود.
2- تحدد المادة (Material):
في الغالب الـ Set Screws بيكون مصنوع من الصلب (Steel)، وبياخد معالجات سطحية زي الطلاء بالزنك عشان يقاوم التآكل والصدأ.
أما في البيئات البحرية أو الكيميائية، المسمار بيكون مصنوع من الإستانلس ستيل (Stainless Steel) عشان مقاومته العالية للصدأ.
3- تحدد نوع الـ Set Screw غاطس ولا برأس عادي؟
بعد ما تحدد الأحمال والمادة، لازم تقرر: هل عايز الـ Set Screw يكون غاطس في الـ Hub زي معظم التطبيقات، ولا يكون ليه رأس عادي؟
طيب إزاي تحسب قوة التثبيت؟
قوة التثبيت اللي بتحتاجها بتتحدد بناءً على الاحتكاك المطلوب بين الـ Set Screw والعمود. المعادلة اللي بنستخدمها هنا هي:
قوة التثبيت=معامل الاحتكاك×القوة بين المسمار والعمود
المعامل ده بيتحدد حسب نوع المادة المستخدمة للـ Set Screw والعمود، وده بيساعدك تحدد القوة المطلوبة لتثبيت المسمار بشكل صحيح.
بعد كده بندخل اكتر من كتالوج لأكتر من شركة مصنعة عشان نحدد النوع المناسب بناء علي المعطيات اللي طلعناها.
تابعنا على قنواتنا المختلفة
Facebook page
/ etxtjgajka43jnqw
LinkedIn page
/ oringtraining
KZbin channel
/ @oringmaintenance
Telegram channel
t.me/+FO8HprU_...
Whatsapp channel
whatsapp.com/c...
Whatsapp Community
chat.whatsapp....