إيه هي عيوب تركيب سيراميك جديد فوق سيراميك قديم بالماده اللاصقة؟

[@omarsalaam5068]

طيب يا شيخ كويس اني شفتك انا اليوم جالي بتاع سرميك قال ينفع،علي حائط مباشر نلزق،المدة يعني عندي مطبخ نص تحت سرميك وعاوز اعمل النص الي فوق،مدهون،بهيه،مش سرميك هوه بيقول ينفع المده علي الحائط ،، ،فنا قلت استفسر ،لقيت حضرتك ونا بقول هل اعمل النص الثاني من المطبخ سرميك حوائط بلمدة عادي ولا اسمنت ،افضل رجاء الرد،

[@الشيخلأعمالالسيراميك]

الأسمنت افضل

[@samaashraf7718]

ممكن حضرتك تفدني برأيك في تركيب السراميك ١٢٠/٦٠ ارت لحوائط وارضيات حمام ومع الوقت بيفق فعلا ومش عملى يعشان بيتلزق بالماده

[@الشيخلأعمالالسيراميك]

أغلب انواع السيراميك دلوقتي هي المقاسات الكبيرة دي لو إتركب بنوع مادة كويسة زي ..سيوتكس يو..اللون الأبيض وإتضاف معاها ..أديبوند .. وإتركب بطريقة صحيحة مفيش منه أي مشكلة خالص وبيكون شكلة أجمل من المقاسات الصغيرة

[@lmanalhindy9404]

اول حاجه اقولك السلام عليكم ورحمة الله وبركاته تاني حاجه الحمد و لله انه لسه في ناس بالأخلاق الجميله دي ...من بعد اذنك سؤال اول انا عايزة اعمل الصاله اللي عندي هي على شكل حرفL صالون وسفارة وغرفة جلوس مفتوحين على بعض ومع المدخل كمان بورسلين لكن الموجود الآن سيراميك قديم ينفع نخلي السيراميك ونازل فوقه البورسلين ...وايه لازم نعمل بالضبط اسم الماده اللي لازم نستعملها عشان في المستقبل ما يطلع ويفرقع والسؤال التاني هو حضرتك بالقاهرة شغلك ممكن تشرف بنفسك على الشغل مع جزيل الشكر والامتنان

[@الشيخلأعمالالسيراميك]

وعليكم السلام ورحمة الله وبركاته. نعم ممكن تركيب البورسلين فوق السيراميك القديم بالماده..وصور الماده هي الصورة الموجوده على الفيديو وإسمها ..سيوتكس يو.. انا بالنسبه للشغل للأسف انا مضغوط جدا في الشغل ومعنديش وقت

[@air5456]

كلامك مقنع وصحيح الافضل تكسير السبراميك القديم

[@الشيخلأعمالالسيراميك]

جزاك الله خير

[@amrmoustafa4797]

الله ينور عليك ويوفقك سوال لو تسمح هو حضرتك تعرف صنايعي ترشح في اسكندريه

[@الشيخلأعمالالسيراميك]

جزاك الله خير..للأسف لا

[@azaabdo3583]

لو سمحت هل ينفع تركيب سيراميك على بلاط قديم بالمونة وليس المادة مع العلم ان البلاط القديم لا يوجد به ميل اوتكسير

[@الشيخلأعمالالسيراميك]

نعم ممكن ..بس هيحتاج 5 سم ردم بالرمل علشان المونة تمسك كويس انا بالونة على السيراميك مباشرة مش هينفع

[@AmroMohamed99]

لو عايز اركب سيراميك مكان البلاط ينفع بدل مااكسر الصقه على طول

[@الشيخلأعمالالسيراميك]

في على القناة اخر فيديو نزل ..بنشرح فيه الموضوع ده بالتفصيل

[@nohasamy4916]

هل ممكن تركيب سيراميك فوق الرخام علي الارضيات لان الرخام طلع نوع وحش وبدا ينقر لللاسف ولا الافضل تكسير الرخام. والشقه دور ارضي

[@الشيخلأعمالالسيراميك]

طالما إنها دور ارضي يبقي خلي الرخام وكب فوق منه السيراميك

[@nohasamy4916]

@@الشيخلأعمالالسيراميك شكرا لاهتمام حضرتك بالرد

[@شيما-ز2ز]

لو سمحت انا شقتى بلاط قديم مش سيراميك ينفع الزق سيراميك عليها وهل ده هيبقي تقيل ع السقف ولا مياثرش وشكرا

[@الشيخلأعمالالسيراميك]

ينفع وهيكون كويس ومش هيتقل على السقف كتير

[@waelfouda9568]

@@الشيخلأعمالالسيراميك من فضلك اسم المادة وتكفي كام م

[@waelfouda9568]

من فضلك اسم مادة اللصق....وتكفي كام من...وسعرها

[@الشيخلأعمالالسيراميك]

إسم الماده..سيوتكس يو..الشكارة ال ٥٠ ك بتكفي من ١٠ إلى ١٣ متر

[@titotito4737]

جزاك الله خيرا ممكن سعر المتر الارضيه

[@الشيخلأعمالالسيراميك]

متوسط الأسعار 50

[@شجرةالصبارووو]

لو سمحت هل سيتوكس اتش أشد واحسن من سيتوكس يو؟ وشكرا لحضرتك

[@الشيخلأعمالالسيراميك]

السيوتكس إتش ده بيستخدم في الاسطح الصلبة زي لو هيتركب السيراميك فوق سطح معدن او زجاج او بلاستك. اما السيوتكس يو ده بيتركب به فوق المونه او المحارة

[@شجرةالصبارووو]

شكرا لحضرتك

[@AhmedAdel-k8f]

ما تيجي تلزق بلاط فوق المزايكو بالماده بتبل البلاط عادي زي المونه ولا لا

[@الشيخلأعمالالسيراميك]

نعم نفس الشئ مع المونة ينطبق على المادة

[@emoemo1679]

من فضلك عندى سيراميك المطبخ خشن هل يصلح لزق سيراميك جديد ونتجنب المشاكل الى حضرتك ذكرتها فى انه لا يصلح للحوائط وسعر الزق كام للمتر

[@الشيخلأعمالالسيراميك]

للأسف لأ

[@waadh5759]

السلام عليكم هل تنصحني اعمل بديل للرخام لجدران الحمامات ام اركب سيراميك فوق الجدران افضل ؟؟

[@الشيخلأعمالالسيراميك]

وعليكم السلام ورحمه الله وبركاته..بالنسبة للسيراميك ده شغلي وأكيد مضمون وبيعيش اما بالنسبة..لبديل الرخام للأسف مشتغلتش فيه وماأقدرش أحكم علية

[@salwataha8910]

سلام عليكم ورحمة الله وبركاته جزاكم الله خيرا ربنا يباركلك من فضلك انا بشطب شقة صغيرة و هغير السيراميك هل أركب فى الأرضيات سيراميك جديد ولا hdf تركى؟

[@الشيخلأعمالالسيراميك]

وعليكم السلام ورحمه الله وبركاته..السيراميك افضل

[@salwataha8910]

@@الشيخلأعمالالسيراميك جزاك الله خيرا وجعله في ميزان حسناتك

[@محمدإبراهيم-ب6ش8ذ]

بعد اذنك ينفع أركب سيراميك على البلاط مزيكوو بث مش بالمادة عايز أركب باسمنت ورمل .يا ريد ترد على

[@الشيخلأعمالالسيراميك]

نعم ينفع بس لازم يكون في نسبة ردم لا تقل عن 5 سم

[@منوعاتمامارحابيوسففيالبيت]

لو سمحت حضرتك ممكن الزق سيراميك علي رخامه المطبخ ارجو الافاده ولحضرتك جزيل الشكر علشان التكلفه فقط مع العلم ان الرخامه موجود تحتها الو ميتال هو الي رافعها وشكرا جزيلا لحضرتك

[@الشيخلأعمالالسيراميك]

مش هيكون عملي وممكن يتخلع بسهولة

[@sayedmaham747]

السلام عليكم ورحمة الله وبركاته لو سمحت انا عايزه اركب سيراميك قطع ليزر ٦٠×٦٠ على سيراميك قديم بماده لاصقه هل ينفع ولو ينفع ايه أفضل ماده اجيبها وايه الخطوات اللى ممكن اتبعها علشان يطلع مظبوط وما يطبلش ياريت الافاده وشكرا

[@الشيخلأعمالالسيراميك]

وعليكم السلام ورحمه الله وبركاته..هو ينفع بس هيكون مكلف جدا جدا ومن الأفضل إن البلاط القديم يتشال ويتركب الجديد بالمونة على الرمل مباشرة..ده اضمن

[@يومياتزوجةمطحونه-س5ق]

السلام عليكم عندى حماميين عاوزه اركب سيراميك ارضيه على السراميك له سنه اركب عادى ولا ينطر زى الناس مابيقولوا رجاءآ الرد

[@الشيخلأعمالالسيراميك]

وعليكم السلام ورحمة الله وبركاته..من الأفضل إن البلاط القديم يتشال ويتركب الجديد بالمونة على الرمل..تفاديا لأي مشكلة

[@mohamedshafiq9033]

لو سمحت استفسار هل ينفع أركب سيراميك ارضيات قطع ليزر 60*60 فى الحواءط بالمونه ولا كينفعش سيراميك ارضيات يركب فى الحواءط ولا لازم بالماده بعد المحاضرة وشكرا

[@الشيخلأعمالالسيراميك]

من الأفضل إنه يتركب بالمادة بعد المحارة

[@ahmednader7508]

سوال بعد اذنك يا هندسة .. هل في مشكلة في تركيب بورسلين علي سيراميك كارضيات ؟! … و لو في نصيحة معينة ياريت لو تقولي لوسمحت و شكرا 👏🏼

[@الشيخلأعمالالسيراميك]

مفيش اي مشكلة..المهم تنظيف أرضية السيراميك كويس قبل تركيب البورسلين

[@elhamfathy5856]

حضرتك ممكن املى فواصل السيراميك بمادة البوليستر معها لون او كسر الماظ فضى لان السيراميك لونه رمادى

[@الشيخلأعمالالسيراميك]

للأسف مجربتش قبل كده

[@محمدماهر-خ9د]

هل يجب تشريح أو خربشت السيراميك القديم قبل تركيب السيراميك الجديد الأرضيات للماده وهل يجب غمر السيراميك بلماء قبل التركيب

[@الشيخلأعمالالسيراميك]

لو السيراميك القديم لامع جدا يبقي الأفضل الخربشه اما لو خشن مش لازم لو البلاط الجديد من النوع إللي بيتبل بالمياه يبقي لازم يتبل

[@محمدماهر-خ9د]

@@الشيخلأعمالالسيراميك كيلوباترا 60+60

[@الشيخلأعمالالسيراميك]

كليوباترا لا يوضع في المياه

[@abdoelmasri8891]

انا لزقت سيراميك علي المازيكو ، هل بيبقي تقيل علي السقف

[@الشيخلأعمالالسيراميك]

عادي مش تقيل

[@أخرالاخبارالدهبوالمضاربات]

ينفع نحت الارضيه من السيراميك مع الاحتفاظ با المونه

[@الشيخلأعمالالسيراميك]

ممكن

[@zezekamel4336]

انا اركب سيراميك قطع ليزر افضل ولا برسولين علي البلاط القديم العادي وايهما امتن علي مر الوقت وبدون مشاكل افدني لو سمحت محتارة جدا هل المواد الاصقه علي البلاط القديم هتكون امتن مع البورسلين ولا سيراميك قطع الليزر

[@الشيخلأعمالالسيراميك]

السيراميك قطع ليزر أفضل وامتن

[@zezekamel4336]

@@الشيخلأعمالالسيراميك امتن بالزق كده

[@zezekamel4336]

@@الشيخلأعمالالسيراميك وليه في مشاكل من البرسولين

[@الشيخلأعمالالسيراميك]

في فيديو على القناة بنشرح فيه الفرق بين السيراميك والبورسلين بالتفصيل

[@اممريممجدي-ع1ح]

جزاك الله خيرا لو سمحت عندى البلاط قديم ايه الاحسن فوق البلاط السيراميك ام الباركيه ومين هيكلفنى اكتر

[@الشيخلأعمالالسيراميك]

السيراميك أفضل

[@fatheelgamal5679]

ايه رأي حضرتك فى كسر السيراميك

[@الشيخلأعمالالسيراميك]

للأسف مشتغلتش فيه..

[@user-mo.kamel25]

السقف عندى لسا على الخرسانة ينفع أسرمكه بالمادة ولا لازم بالمونة اسمنت ورملة،،،، طاب صباحك

[@الشيخلأعمالالسيراميك]

في على القناة فيديو بنتكلم فيه عن موضوع تركيب سيراميك للسقف من الأفضل إنك تشوفه الاول

[@milad4flowers]

ايوا ينفع و نص ولكن قبل اللصق يجب دهن السيراميك القديم بمادة قبل اللصق مهمتها تثبيت اللصق

[@OmarAdel_96]

لو سمحت انا عايز اغير سيراميك حوايط الحمام ومش عايز اكسر للاسف ايه الحل هل بماده اللزق والزقه ع القديم واخليه يضيف اديبوند عليها ؟ ولا اعمل ايه ؟

[@الشيخلأعمالالسيراميك]

من الأفضل إنك تشيل السيراميك القديم وتسيب المونة إللي تحتة وتركب عليها بالمادة ده افضل وأأمن

[@omarhykal5346]

من فضلك ممكن اعرف لو هجيب سيراميك الأمير للحمام أرضية وحوائط كويس ولا لأ وجزاك الله كل خير

[@الشيخلأعمالالسيراميك]

تمام كويس

[@saharsaleh4141]

ربنا يكرمك ويبارك فيك.لا تتوقف. ربنا يجعله في ميزان حسناتك

[@الشيخلأعمالالسيراميك]

جزاك الله خيرا

[@ابويوسف-ظ1ط]

بلله عليك معلش سؤال انا لسه كان واحد عامللي نقاشه لسه خلصانه والشقه بلاط وهركب سراميك فوق البلاط بلماده في ناس بتقول ان الماده دي هتوقع وتبوظ النقاشه هل الكلام ده صحيح ولا لا مع العلم ان النقاش هو معاه حد شغال في السراميك ياريت رد بلله عليك

[@الشيخلأعمالالسيراميك]

مفيش اي مشكلة من تركيب السيراميك بالمادة بالنسبة للنئاشة ومفيش أي تأثير عليها

[@crimescene6858]

لو سمحت عندي بلاط وعاوز اركب عليه سيراميك ٦٠×٦٠ قطع ليزر لو ممكن لزق ولا مونه مع العلم انا مش عاوذ اكسر الا للضروره يعني لو الفرق بسيط يبقي خلينا لزق لو الفرق كبير يبقي ممكن نكسر ونشيل وياتي المتر هيكلفني كام لو لزق وكام لو مونه شكراً

[@الشيخلأعمالالسيراميك]

في آخر فيديو نزل على القناة بنشرح فيه كل حاجه عن الموضوع ده..لو تشوفه يكون أفضل

[@crimescene6858]

حاضر

[@نورابوعبدالله-ص5ن]

حضرتك عملت السراميك علي سراميك بعد تلات شهور بسمع طقطقه في اطراف السراميك وبخبط عليه بسمع صوت فراغ ممكن يطلع مع مرور الايام والحل اي

[@الشيخلأعمالالسيراميك]

نعم دي مشكلة ..ولاكن ممكن تتحل طالما إنها في الأطراف. هتحتاج إن الفواصل تتفرغ كويس وبعدين تتغسل الأرضية كويس بالميه وتتساب لحد ما تنشف وبعدين يتعمل بمادة السقية لباني يكون طري جدا زي اللبن الحليب وتتملي الفراغات كويس لحد ما تتشرب وبعدين تتنظف

[@نورابوعبدالله-ص5ن]

جزاك الله خيرا

[@الشيخلأعمالالسيراميك]

@user-zd7ck6et7l وإياكم

[@redeye8452]

السلام عليكم ورحمة الله وبركاتة لوسمحت عندي الشقه تسليم الشركه والبلاط اللي في الشقه بلاط رمادي ينفع اركب السراميك فوقه بدل التكسير ولا لازم اشيل البلاط القديم وممكن ابعت الصور للشقه لحضرتك ارجو الرد لاني بثق في كلامك مع العلم انا سيده

[@الشيخلأعمالالسيراميك]

وعليكم السلام ورحمة الله وبركاته..الرقم للتواصل عبر الواتس فقط 01027276549

[@captainmido4426]

لو سمحت يا بشمهندس عندي المدخل الرئيسي وهوي عليه طبقة محارة من حوالي12 سنه وبتاع السراميك مصر علي المادة هل افضل ولا يشيل المحارة واركب بالرمله والأسمنت افضل

[@الشيخلأعمالالسيراميك]

لو تشيل المحارة يكون أفضل من شغل المادة

[@amaneamane1913]

لوسمحت انا عندي السراميك الارضيه بيلق ينفع الزق سراميك الجديد ولو ينفع ممكن ترشح لي صنايعي سراميك ارجوا الرد وجزاك الله خير اللهم امين

[@الشيخلأعمالالسيراميك]

ما ينفعش لازم يكون السيراميك القديم مفيش فيه أي مشاكل

[@amaneamane1913]

@@الشيخلأعمالالسيراميك شكرا جزيلا

[@nadiahassaan5763]

@@الشيخلأعمالالسيراميك عندى بورسلين صينى مطبل فى الرسبشن وعايزه اغيره ينفع يتركب عليه سيراميك اوبورسلين بماده لاصقه أو ينفع ايه لو سمحت ادىنى رأى ربنا يكرمكم

[@الشيخلأعمالالسيراميك]

ماينفعش لازم البورسلين ده يتشال ويتركب مكانة اي نوع تاني

[@عبدالحميدسيف-ب8ز]

ازاي يامعلم اظبط منسوب البلاط الجديد اذا كان منسوب القديم اصلا فيه فروق هل ممكن نزود سمك المادة

[@mohamedhaliemata7782]

هل يمكن ان نستخدم الماده لوضع سراميك حوائظ البلكونه علي المحاره؟ المحاره عليها وشين معجون.. رأي حضرتك ايه؟ حوائط بلكونه.

[@الشيخلأعمالالسيراميك]

من الأفضل إن المحارة تتنقر بالأجنة والمطرقة الاول وبعدين يتركب بالماده

[@mohamedhaliemata7782]

ياريت تقولي افضل نوع للماده الاصقه علشان نعملها ف البلكونه فوق محاره.

[@الشيخلأعمالالسيراميك]

من افضل الأنواع النوع الموجود في صورة الفيديو..أسمة..سيوتكس يو..وبيكون موجود في أي فرع من فروع كيماويات البناء الحديث

[@emadelkhwaga6014]

طب لو المطبخ مدهون زيت ينفع اركب سيراميك بالماده

[@الشيخلأعمالالسيراميك]

ماينفعش لازم المعجون يتشال الاول

[@mohidinotani3579]

تحية عزيزي مع جزيل الشكر لي سؤال هل يصلح اسمنت السيرامك اي المادة اللاصقة هل تصلح لعمل روبة للسطح لمنع تسرب الماء اذا كان هناك تسريب ماء المطر اي السقف يدلف ماء

[@الشيخلأعمالالسيراميك]

لا تصلح ..في مواد أخرى مخصصة للعزل

[@زهرةالمدائن-ذ3ي]

طيب لو سمحت لو انا كسرت سيراميك الحمام بالمونه اللي تحتيه كده مواسير المياه البلاستيك اللي تحتيه مش هتكسر مع تكسير السيراميك بالله عليك ترد عليا تنورني في الموضوع ده

[@الشيخلأعمالالسيراميك]

لو إللي كسر أخد باله كويس مش هتحصل أي مشكلة

[@ahmedalrahimhassanel-helow7835]

جزاكم الله خيرا ممكن رقم صناعي لموضوع تركيب سيراميك على سيراميك يشتغل فى عرب المعادى

[@الشيخلأعمالالسيراميك]

للأسف المكان بعيد عن نطاق شغلي

[@ahmedtaha3975]

مكانك فين والتلفون

[@manalelmalah2141]

السلام عليكم ينفع اركب سرميك علي وجهة البيت فوق الغفق ونصف الاسفل مزيكو ولا لازم اكسرهم

[@الشيخلأعمالالسيراميك]

معذرة مش فاهم السؤال

[@manalelmalah2141]

الوجهه بتاع بيتي من زمان النصف الاسفل معمول مزيكو وبدء بنزل بدره منه والباقي النصف الاعلا متغفق ومش مدهون عوزه اركب سرميك عليه والتكسير هيكون مكلف وصعب ايه البديل باقل مجهود واقل تكلفه وجزاك الله خير

[@الشيخلأعمالالسيراميك]

تمام ..عادي ممكن يتنقر بالأجنة والمطرقة. وبعدين يتركب السيراميك عادي

[@كبيرالعيله-ل4غ]

أيه رأيك فى وضع الأسمنت الأبيض على المادة الازقة

[@الشيخلأعمالالسيراميك]

من رأيي إنه خطأ وبيضعف قوة تماسك الماده

[@كبيرالعيله-ل4غ]

معلش انا مش بجادل معاك بس جرب فى أى بلاطة في الحائط أو فى الأرضية وشوف بنفسك

[@شجرةالصبارووو]

بالدليل اننا نضع البورسلين بالمادة على المونة الاسمنتية وهي طرية كمان

[@abdoelfeshawy9230]

والله انت راجل محترم وفاهم

[@الشيخلأعمالالسيراميك]

جزاك الله خير

[@essamezzalarab7331]

لو عندي مادة مكس أنتاج يوليو ٢٠١٩ ياترى تصلح للتركيب علما بأني جربت لزق عدد ٢ بلاطه خارجيا وتماسكت لكن في الأرض عايز اعرف

[@الشيخلأعمالالسيراميك]

المفروض إن الشكاره مكتوب عليها مدة الصلاحية

[@essamezzalarab7331]

@@الشيخلأعمالالسيراميك ماهي مدة الصلاحية أنتهت بحوالي ثلاثة شهور وهل في ضرر بعد ذلك من التركيب

[@الشيخلأعمالالسيراميك]

نعم اكيد ..عند التركيب ممكن يكون كويس ولاكن مع الوقت ممكن إن السيراميك يتخلع بسهوله او تظهر عيوب أخرى

[@essamezzalarab7331]

@@الشيخلأعمالالسيراميك أشكرك جزيل الشكر تحياتي وتمنياتي بالتوفيق

[@ama_1989]

انا من السعودية ولم افهم بعض المصطلحات فاليت لو تجيبني. عندي جدار وبعد خلع القديم ويكون السطح جاهز ومستوي هل اقوم بالغراء ام بالاسمنت 🤔⁉️وشكرا

[@الشيخلأعمالالسيراميك]

تحياتي لك ولكل أهلنا في بلاد الحرمين الشريفين.. بعد خلع القديم من الممكن تركيب الجديد بالغراء

[@ama_1989]

@@الشيخلأعمالالسيراميك شكرا لتجاوبك السريع .بارك الله فيك

[@ama_1989]

@@الشيخلأعمالالسيراميك للتو اتممت فديوان لكم واستخلصت منها ان اختياري من الغراء او الاسمنت يعتمد على نوع البلاط فاذا كان سيراميك فلابد من الصاقه بالاسمنت واذا كان بورسلان فلابد من الصاقه بغراء

[@الشيخلأعمالالسيراميك]

نعم صحيح..وبالتوفيق ان شاءالله

[@شجرةالصبارووو]

تحياتي لاهل السعوديه احبهم واايد .. مصرية

[@alaaramadan7899]

ممكن يخشن الحوءاط بالصاروخ

[@seif819]

حضرتك هو اناينفع لزق سيراميك علي بلاط قنال تكس

[@الشيخلأعمالالسيراميك]

مش هينفع ..ممكن يتشال في المستقبل

[@عائلةابوزايد.كفرالشرفا.شبينالق]

هل ينفع تركيب سراميك علي بلاط مزايكو

[@عائلةابوزايد.كفرالشرفا.شبينالق]

وبكام المتر..لو تركب في مدينة بنها

[@الشيخلأعمالالسيراميك]

نعم ينفع وفي على القناة فيديو بنشرح فيه الطريقة..اما بالنسبة للشغل للأسف المكان بعيد عن نطاق شغلي

[@sayedspring4792]

لو سمحت انا عندي مطبخ عاوزه اعمله بس هو معمول المدهون بلاستيك ينفع اجيب السيراميك واعمله بماده وهو ينفع يعيش ولا هيقع يعني كسر الحيطه ولا عملوا في ماده و هيبقى حلو ولا

[@الشيخلأعمالالسيراميك]

آلاف إن الحيطة تتكسر منها المحارة بالمعجون ويتركب السيراميك بالمونة ده افضل وأضمن وبيعيش

[@salwaelkasabany7576]

السلام عليكم هو ممكن صنايعى من عندكم يركب السيراميك ؟ فى اسكندرية

[@الشيخلأعمالالسيراميك]

وعليكم السلام ورحمة الله وبركاته..للأسف المكان بعيد عن نطاق شغلي

[@esraamohamed3569]

تحياتي ليك تنصحني اجيب من اي مكان تثق فيه ارجو الرد

[@الشيخلأعمالالسيراميك]

في ..محجوب اوالسلاب او أي معرض يكون قريب والناس بتشكر فيه

[@esraamohamed3569]

@@الشيخلأعمالالسيراميك ربنااا يبركلك

[@muhammadelmasry5162]

انا شقة دور ارضي و لسة هسكن فيها... ايه افضل و اوفر الزق سيراميك ولا اكسر و اركب من الأول

[@الشيخلأعمالالسيراميك]

الافضل التكسير والتركيب من جديد علشان الرطوبة ممكن تخلع السيراميك لو إتركب بالمادة

[@rashamohammd2465]

لو سمحت لو عندي شقة 90 متر بلاط وعايزة اعملها سيراميك بالمادة اللازقة تكلفني حوالي كام بكل حاجة . سيراميك ومصانعية ومواد يعني كل التكلفة كام

[@الشيخلأعمالالسيراميك]

مصنعية ده بيكون على حسب نوع البلاط ومكان الشغل..اما بالنسبة للسيراميك بيكون على حسب النوع إللي هتشترية اما بالنسبة للماده هتحتاج حوالي 14 شكارة مادة وزن 50 كيلو سعر ااسكارة بتكون في حدود 280 جنيه . ومن الافضل إنك تخلي صنايعي يعاين الشغل وهو ممكن يحدد التكلفة بالضبط

[@alhelmaldae3185]

ماشاء الله عليك

[@abdelrahmaneldaly7274]

تسلم و الله يا باشا... جزاك الله خير علي نصيحتك الأمينة... الله يبارك لك و يتقبل منا و منك

[@الشيخلأعمالالسيراميك]

وإياكم

[@nouranghonim9342]

لو سمحت ايه رأيك في سيراميك بريما و سيراميك ارت ؟؟؟

[@وليدصالحزموتالطرابلسى]

ارت والجوهره والكيلو بتر ، دول صنفهم الشيخ درجة اول

[@seifmahany4120]

طب من فضلك لو البلاط جاي بميل ينفع المادة اللازقة لاني مش عاوز اكسر البلاط الموضوع فعلا مرهق خاصتا اني ف الدور الحادي عشر وطبعا تكسبر وتطليع ونزول وجزاك الله خيرا

[@الشيخلأعمالالسيراميك]

ينفع بس نسبة الميل في البلاط القديم هتكون نفسها في الجديد

[@elhamfathy5856]

لو سمحت فواصل السيراميك عندى واسعة وخصوصا ان السيراميك حافته عالية لانه مش قطع ليزر ممكن تقوللى ايه الحل

[@الشيخلأعمالالسيراميك]

ممكن تخلي الصنايعي لما يسقي يعمل درجة لون قريبة من لون البلاط

[@LearnToLive.LiveToLearn]

السلام عليكم.. عندي سؤال.. هل ممكن أكسر سيراميك الحيطان اللي ظاهر فقط بعد المطبخ ما ركب وأركب بداله سيراميك تاني؟ في الجزء اللي باين بس يعني؟

[@الشيخلأعمالالسيراميك]

وعليكم السلام ورحمة الله وبركاته..ممكن بس ده هيكون متعب شوية ولازم الطبخ يتشال

[@LearnToLive.LiveToLearn]

@@الشيخلأعمالالسيراميك شكرا جزيلا ..

[@أميرةبنقابي-ك7ي]

الأفضل لحضرتك تعملي بديل رخام على السيراميك

[@HassanHassan-pt8sj]

ممكن يجلخ السيراميك القديم بصاروخ على فكره

[@faouzi1058]

فيه قرص إسمه السلحفاة يركب في الصاروخ تكشط بيها المادة العازلة في السيراميك الوجه الأملس وتركب عادي بالغراء

[@9viewsonic]

لو حيطة مدهونة بلاستيك الصق عليه عادي ولا اسنفر اجيب المحارة ؟؟

[@الشيخلأعمالالسيراميك]

هي ممكن تتنقر بالأجنة والمطرقة وبعدين تتركب بالماده اللاصقة عادي

[@سيدمحمدطلعتسيدعلي]

عندي نصف المطبخ مازيكوا بتاع زمان ممكن الزق سراميك عليه نصف الحيطه

[@الشيخلأعمالالسيراميك]

من الأفضل إنه يتشال .

[@زهرةالأقحوان-م3س]

@@الشيخلأعمالالسيراميك هو هذا السؤال اللي ردت أسألكياه آنة من العراق عندي أرضية المطبخ إحنه نسميه كاشي موزاييك مقاس 30سم*30سم قسم منه جميل ولامع وجهة ثانية راحت اللمعة وصار أملح وحبيت أغيره وردت نصيحة من حضرتك ممكن الصق عليه بورسلاين بالمادة أو بمونة السمنت ؟ أو هل الأفضل قلعه وتركيب بورسلاين جديد ؟ وبالمناسبة إنت رجل عظيم وصالح ربي يرزقك ويوفقك ويعطيك الصحة والعافية ياقادر ياكريم يارب تحياتي

[@الشيخلأعمالالسيراميك]

السلام عليكم ورحمة الله وبركاته..تحياتي لك ولكل أهلنا في العراق الحبيبه ارض العلم ومنبع العلماء .. نعم ينفع إنك تلصق علية بورسلين بس يكون بالمادة علشان المونة ممكن ضعيفة في اللصق ..تحياتي واحترامي لك

[@زهرةالأقحوان-م3س]

@@الشيخلأعمالالسيراميك 👍👍👍👍❤️❤️

[@حمديامين-ض7ن]

السلام عليكم لو سمحت انا سقية البورسلين مياده جراوت وبعدين السقيه عملت بودره وفحرت وبعدين سفينه هانى مادة على اسمنت ابيض ولكن الشقية طلعت هانى لو تكرمت ايه الحل أفادكم الله

[@الشيخلأعمالالسيراميك]

وعليكم السلام ورحمة الله وبركاته. الحل إنها تتفرغ الفواصل كويس وبعدين تتغسل بالمياه علشان لو فيه في الفواصل اي اتربة تتشال وبعدين تتسقي بماده إسمها ..سيتوفيل.. وهتكون كويسة إن شاء الله

[@aboarab3258]

ممكن الزق علي حائط محاره فقط حمام ومطبخ

[@الشيخلأعمالالسيراميك]

نعم ينفع بس تكون المحارة خشنة

[@norelhodaelshahed8087]

لو سمحت هو تركيب المتر بكم ارجو الرد بسرعه انا في ارض اللواء المهندسين حمامين ومطبخ

[@الشيخلأعمالالسيراميك]

متوسط سعر المتر 27

[@Om-nader]

لو سمحت يا بشمهندس انا شوفتلك فيديو قبل كده قولت فيه ان تركيب السيراميك بالمونه احسن من الماده وانا بصراحه عندي سقف الشقه واطي والارضيه بلاط وفي جزء هابط شويه ولو عملت مونه الارض هاترتفع غير ان كده تقل علي البيت ومفيش حل غير اللصق ولا اعمل ايه

[@الشيخلأعمالالسيراميك]

ممكن البلاط القديم يتشال ويتركب الجديد بالمونة على الرمل

[@marthaawad455]

@@الشيخلأعمالالسيراميك سعر متر كام مصنعية تركيب سيراميك ارضيات

[@الشيخلأعمالالسيراميك]

في على القناة فيديو بنتكلم فيه عن الاسعار بالتفصيل

[@محمدعبداللطيفمحمدمحمد-ق1ز]

لو سمحت عند ى سراميك الحمام فى جزء واطى بيتركز فيه المياه ممكن حل ليه

[@الشيخلأعمالالسيراميك]

هتحتاج الأرضية تتغير

[@dinaali58]

هو حضرتك مكانك فين لو عايزة اعمل الشغل دى ارضيات الشقه انا فى الجيزة ؟

[@الشيخلأعمالالسيراميك]

من فيصل

[@dinaali58]

كويس انا فى فيصل كمان ممكن رقم للتواصل

[@الشيخلأعمالالسيراميك]

الرقم للتواصل عبر الواتس فقط 01027276549

[@abdallamohamed7327]

لو سمحت لو هلزق سيراميك علي بلاط ليه نوع معين من السيراميك ولو سيراميك فرز هيكون في مشكله وافضل نوع ماده ايه لوسمحت وسعرها كام

[@الشيخلأعمالالسيراميك]

عادي اي نوع سيراميك بيتلزق بالمادة واي درجة فرز ..اما نوع الماده إسمها ..سيوتكس يو..ودي بتكون موجوده في أي فرع من فروع كيماويات البناء الحديث وسعر الشكارة ال 50 كيلوا بتكون في حدود 290

[@هانيمحمد-ن7و8ت]

حضرتك احنا في الخليج البرسالين معا الرطوبه بيفصل هل فرد الماده علي البلاطه وركبها بعد كده علي المونه لحد اخر النهار تكون البلاط المشي عليه عادي ولا بيكون لسه طري ويسنن

[@الشيخلأعمالالسيراميك]

من الأفضل عدم المشي عليه

[@elzahraaeltaleemeyya148]

ماذا عن فوم السيراميك

[@الشيخلأعمالالسيراميك]

لا أعرفه

[@اسماءالعبد-ي4ظ]

لو عندي ارضيه بلاك وعايز الزق عليها سيراميك يكلفني المتر حوالى كام

[@الشيخلأعمالالسيراميك]

للأسف ما اعرفش ..ده بيكون على حسب نوع البلاط..والمواد المستخدمة

[@joori1989]

ركبت سراميك على سيراميك ف الغرف ، لكن سراميك الصالة محغيره !! بكذا سار عندي ارتفاع او عتبة ، كيف احل المشكلة ؟؟ الله يرضى عليكم

[@الشيخلأعمالالسيراميك]

ممكن تركبي عتب رخام

[@mohamedsaker777]

لوسمحت عاوز اللزق سيراميك علي بلاط بالمادة اللاصقة سعر متر التركيب المصنعية كام وسعر المادة كام

[@الشيخلأعمالالسيراميك]

سعر التركيب ده بيختلف على حسب مكان الشغل ونوع السيراميك..ولاكن متوسط الأسعار بتكون في حدود 27. اما بالنسبة لسعر الماده ممكن تسأل عنها في أي فرع من فروع..كيماويات البناء الحديث..

[@وفريمعسحاب]

شقتي حوالي ١٠٠ متر مزايكو تتكلف كام سيراميك ومادة ومصنعية والمطبخ والحمام مساحة المطبخ ٣٠٠ف ١٣٠ والحمام حوالي ٢٥٠*٢٠٠ يتكلفوا كام سيراميك حوائط ومونة ومصنعية

[@الشيخلأعمالالسيراميك]

سعر متر السيراميك بيختلف من شركة لأخرى ومن موديل لاخر ممكن تسألي عن سعر النوع إللي حضرتك عايزاه وتحسبي الكميه وبيبان الحساب .. اما بالنسبة للماده كل شكارة 50 كيلوا بتركب حوالي 4 متر وسعرها بيكون في حدود 280

[@mohamedkeshk7940]

لو سمحت ياباشا ايه رايك ف سيراميك فينسيا فرز اول وتانى 50 فى 50

[@الشيخلأعمالالسيراميك]

سيراميك ممتاز..وفيه فيديو هينزل إن شاءالله يوم الخميس عن الموضوع ده بالتفصيل

[@mohamedkeshk7940]

@@الشيخلأعمالالسيراميك الف شكر لحضرتك طيب انا عندى المساحات الغرف حوالى 3 . 5 فى 3.5 والصاله 8.5 فى 3.5 السيراميكه 50 فى 50 هيبقى كويس ولا 60 فى 60

[@الشيخلأعمالالسيراميك]

ال 60×60 أفضل هيكون شكله أجمل

[@احمدالطيارأحمد-ذ9خ]

الأفضل لازق على البلاط احسن ولا على السراميك

[@الشيخلأعمالالسيراميك]

على البلاط أحسن

[@زهرةالأقحوان-م3س]

@@الشيخلأعمالالسيراميك شنو هو اللازق

[@ahmedsalama9422]

اللة يفتح عليك

[@الشيخلأعمالالسيراميك]

جزاك الله خير

[@abdounana3262]

ياسطى اركب سيراميك حوايط فوق القديم ولا اكسر احسن

[@الشيخلأعمالالسيراميك]

التكسير أفضل

[@الشيخلأعمالالسيراميك]

التكسير أفضل

[@علىطلعت-ك2ز]

سعر المتر بكام لزق الارضى

[@الشيخلأعمالالسيراميك]

متوسط 30

[@bodyahmed4653]

الله ينور عليك تسلم ❤️❤️

[@الشيخلأعمالالسيراميك]

جزاك الله خير

[@إلهامإلهام-د1ب]

السلام عليكم انا حابة اركب سياميك فوق بلاط قديم و لبس فيه عيوب هل التركيب افضل ام اني اغيره كليا و آسفة على الازعاج

[@الشيخلأعمالالسيراميك]

وعليكم السلام ورحمة الله وبركاته عادى ممكن يتركب بالماده

[@tapisserie3411]

ماشاءالله عليك

[@الشيخلأعمالالسيراميك]

جزاك الله خير

[@eisakrish723]

اخي انا عندي زليج قديم بس نبي اركب علية السراميك جديد عادي وعندي الحايط مداهزن بطلاء كيف اركب علية السراميك

[@الشيخلأعمالالسيراميك]

ممكن يتركب على الزليج القديم سيراميك جديد بالماده اللاصقة بس أهم حاجة إنه يكون مضبوط مايكونش فيه عيوب . اما بالنسبة للحائط المدهون ممكن يتنقر بالأجنة والمطرقة وبعدين يتركب بالماده او المونة

[@lailaahmed9580]

معلش ايه هو الاديموند

[@الشيخلأعمالالسيراميك]

الاديبون مادة سائلة لونها ابيض..تعمل على قوة تماسك المادة وهي ايضا مضادة للرطوبة

[@lailaahmed9580]

@@الشيخلأعمالالسيراميك يعني لو عملت بيها ولزقت السيراميك الجديد علي القديم مش هيفك

[@الشيخلأعمالالسيراميك]

لو في الأرضية هينفع ولاكن حوائط لا

[@gehanebada243]

ممكن اعرف سعر تركيب المتر باللزق فوق سيراميك ارضبة

[@الشيخلأعمالالسيراميك]

بيكون في حدود 25

[@محمدجادالربالصعيدى]

انا عايز اركب فوق البلاط القديم ينفع هيكون زي المونة ولا المونة افضل

[@الشيخلأعمالالسيراميك]

المونة أفضل

[@ahmedmousaebaid3040]

ازى احسب مون سيراميك الارضيات والحوائط

[@الشيخلأعمالالسيراميك]

على حسب عدد الامتار

[@ahmedmousaebaid3040]

@@الشيخلأعمالالسيراميك المتر بياخد قد ايه رمل واسمنت

[@الشيخلأعمالالسيراميك]

كل 5 متر بياخدوا حوالي شكارة أسمنت وحوالي وزن 4 شكاير أسمنت يكونو مليانين رملة يعني حوالي ربع متر رملة

[@microsoftmicrosoft7952]

يا ريس كنت عملت معاك بلمره احسن نوع ماده للسيراميك و سعرها و طريقه خلط الماده و الشيكاره تعمل حيطه كم سم تقريبا

[@الشيخلأعمالالسيراميك]

إن شاء الله نعمل فيديو مخصوص عن الموضوع ده

[@zeyadessam4752]

عايزة صنايعى شاطر وعنده ضمير وسعره حنين

[@magdysaidmahmud1302]

لو سمحت عاوز اعرف نسبة كمية الاديبوند المضافة للمادة اللاصقة عند لصق السيراميك على بلاط موزايكو

[@الشيخلأعمالالسيراميك]

كل جردل ماده يوضع علي حوالي 5 سنتي أديبوند

[@sherifibrahim9359]

طب لو حضرتك الأرض هبطه في جزء منها ينفع لزق

[@الشيخلأعمالالسيراميك]

ماينفعش لازم تكون مستوية

[@christinaf3820]

لو في المطبخ بين وحدات الدواليب العلوية والسفلية ..ينفع اركب سيراميك فوق القديم في المساحة دي فقط ؟ برجاء الرد ضروري وافضل نوع للمادة ايه في الحالة دي

[@الشيخلأعمالالسيراميك]

مش هيكون كويس ..ممكن تستبدل السيراميك بنوع لصق إسمه بديل الرخام

[@MohamedAhmed-zj7nj]

كونت محتاج رقمك لشغل عندي ف القاهره فيصل

[@الشيخلأعمالالسيراميك]

الرقم للتواصل عبر الواتس فقط 01029874086

[@Mkld-1]

تكلفة تركيب المتر مساحات صغيرة