ايهما افضل ؟ | بيجو 206 🇨🇵 ولا فورد اسكورت 🇺🇸

No video

ايهما افضل ؟ | بيجو 206 🇨🇵 ولا فورد اسكورت 🇺🇸 - تحدي الاعتماديه .

Рет қаралды 805

Күн бұрын

من #سوق_السيارات ومع سلسله #ايهما_افضل هنتكلم عن مقارنه جديده بين #بيجو 206 و #فورد اسكورت ك #سيارات_مستعمله
بالتفاصيل الكامله للاعتماديه والمميزات و العيوب
ناس كتير فاكره ان السعر مرتبط بجوده الاداء و كفاءه العربيه لكن خليني اقولك ان دا حقيقي لكن مش بنسبه ١٠٠ في ال ١٠٠ خاصه في السوق المصري ال فيه تهريج وعشوائيه في الاسعار
ومقارنه النهارده هتبقي بأمكانيات متقاربه او متفاوته لصالح عربيه عن التانيه واول عربيه هي بيجو ٢٠٦ و التانيه فورد اسكورت
فبالنسبه للاقتصاديه
بتتقارب الاسكورت من ال ٢٠٦ في معدل استهلاك البنزين وال بيكون بمتوسط من ٨ لتر تقريبا لكل ١٠٠ ك اما مصاريف التشغيل والصيانه فبتتفوق نسبيا الاسكورت عن ال ٢٠٦ ودا بسبب مصاريف صيانتها الاقل
و التقييم هنا هيبقي متقارب ال ٢٠٦ ٧ و الاسكورت ٨ من ١٠
الحجم و الراحه حجم ال بيجو ٢٠٦ بيتميز نسبيا عن الفورد اسكورت ونفس النظام في مساحات التخزين خاصه مع طي المقاعد الخلفيه ف مساحه التخزين هتوصل ل ٩٩٢
اما بالنسبه للراحه فنتيجه لمساحات التخزين و المساحه الداخليه ال بتتميز بيها ال ٢٠٦ عن الاسكورت في ميزه مع نظام التعليق المرن لبيجو ٢٠٦ و ال بيوفر راحه بشكل اكبر الي حد ما لكم الاتنين بيفتقدو المسحات الكبيره ال يخلي العربيه عائليه فالتفوق هنا هيبقي لل ٢٠٦ بتقييم ٦ من ١٠ و الاسكورت ٥
المتانه ونظام التعليق
ف من حيث المتانه بتتميز هنا الاسكورت عن ال ٢٠٦ وانا هنا بتكلم عن متانه الصاج اما بالنسبه لنظام التعليق فبتتفوق ال ٢٠٦ عن الاسكورت وزي موضحتلك في المرونه مع نظام تعليق قوي ويتحمل لكن بتحتاج صيانات من وقت للتاني فالتقييم هيتساوي بين للاتنين ٧ من ١٠
التصميم تصميم الاتنين بيميل للشبابيه خاصه انهم بيقبلو للتعديل لكن من رأيي ان ال بيجر ٢٠٦ بتتميز بشكل كبير بشكلها العصري عن الاسكورت
فمن ناحيه التصميم ال بيجو ٨ و الاسكورت ٥ من ١٠
الاعتماديه سواء بيجو ٢٠٦ او فورد اسكورت فالاتنين بيتميزو بالاعتماديه وانا اقصد بالاعتماديه هنا في الاجزاء الميكانيكيه نفسها وكل عربيه مشكله في الاعتماديهفبالنسبه للفورد اسكورت العربيه بتسخن بسرعه ودا بسبب مشكله في الكوعه سهل حلها مع صنايعي مختص اما ال ٢٠٦ في مشكله في الكهربا والمفاجأه هنا في التقييم وهوضحلك في اخر الفيديو ليه التقييم دا الاسكورت ٨ من ١٠ و البيجو ٢٠٦ ٤ من ١٠
التسارع من صفر ل ١٠٠ و السرعه القصوي
تسارع فورد اسكورت من صفر ل ١٠٠ بيكون من ٩ ل ١٢ ثانيه اما البيجو ٢٠٦ فبيوصل ل ١٥ ثانيه اما بالنسبه للسرعه القصوي فبيتساوي الاتنين في الجزئيه دي لكن بتتفوق ال ٢٠٦ نسبيا في السرعه القصوي و ال بتكون بمتوسط ١٨٠ ك في الساعه فكدا الاتنين هيتساوو بسبب تفوق كل عربيه من الاتنين في كل نقطه عن التانيه يعني الفورد بتتفوق في نقطه التسارع من صفر ل ١٠٠ اما البيجو بتتفوق نسبيا في السرعه القصوي فالتقييم هيتساوي ٨ من ١٠
تجربه القياده
لو عايز تجرب تجربه قياده ممتعه ومميزه جدا فالاتنين ممتازين وهيقدمولك اداء مثالي في تجربه القياده ودا ال هتلاقيه في الاتنزان القوي مع السرعات العاليه مع سهوله ومرونه التوجيه في الطرق السريعه اما في الشوارع الضيقه و التعامل وجوا المدينه فالاتنين عندهم قدره عاليه في التعامل مع النقر و المطبات و بيوفرو راحه كبيره للركاب
لكن ال ٢٠٦ بتتفوق عن فورد اسكورت في جزئيه العزل لانك مع الفورد اسكورت ومع السرعات العاليه هتسمع صوت الكاوتش و الموتور بشكل واضح
فالتقييم هيجي في صالح ال بيجو ٢٠٦ ٩ و الاسكورت ٨ من ١٠ و الاسكورت ٧ من ١٠
التجهيزات ووسائل الامان
تحهيزات الاتنين متواضعه وبتشمل التجهيزات الاساسيه زي سنتر لوك و تكييف وازاز كهربا و غيرهم
لكن في وسائل الامان بتتميز ال ٢٠٦ في اخر اصداراتها عن الفورد اسكورت في وسائل الامان ب نظام abs
لكن تشابهوو في جزئيات تانيه من وسائل الامان منها الاتزان القوي دا مع تفوق للاسكورت في متانه الصاج
والتقييم من رأيي هيبقي بالتساوي ٧ من ١٠
قطع الغيار
بتتميز ال ٢٠٦ من ناحيه قطع الغيار من حيث التوافر لكن في السعر بتتميز الاسكورت بأن سعرها اقل والاتنين بيقبلو قطع غيار بديله و اعتماديه
فمن رأيي الاتنين هيتقابو في التقييم لكن السعر هيتفوق لصالح الاسكورت ب ٦ من ١٠ و ال ٢٠٦ ٥
الصيانه
الاتنين صيانتهم صعبه ومس اي صنايعي يشتغل فيهم لازم ودا عيب من عيوبهم لان فعلا مش اي حد يقدر يشتغل فيهم ودا بسبب تكوينهم من اجزاء ميكانيكيه معقده
ومن رأيي الاتنين هيتساوو في مشكله الصيانه ٤ من ١٠
السعر
خليني اقولك ان الاسعار مش ثابته لكن تفوق واضح لفورد اسكورت في نقطه السعر عن بيجو ٢٠٦ ال سعرها من رأيي بالنسبه لامكانياتها ومشاكلها غالي فهتلاقيني في الفيديو الخاص بالاسكورت برشحهالك بسبب ميزه السعر سعرها قليل بالمقارنه بعربيات تانيه كتير اقل منها في الامكانيات انا البيجو ٢٠٦ ومع عشوائيه الاسعار ال بتحصل في السوق الايام دي سعرها زاز بشكل غريب
فالتقييم طبعا في صالح الاسكورت ٨ من ١٠ و البيجو ٥
اخر حاجه اعاده البيع
وبرغم سعر فورد اسكورت والفارق م بين الاتنين الا ان البيجو ٢٠٦ بتتفوق بشكل كبير في اعاده البيع عن الاسكورت ودا بسبب انتشارها بشكل اكبر في مصر وشعبيه سيارات بيجو في مصر بشكل عام وبرده نتيجه لان ناس كتير مش فاهمه وبيشترو العربيه المنتشره عشان يعرفو يبيعوها تاني