ايهما افضل البطاريات ولا الوصلة الكهربا لسخان الغاز ؟؟

#السخان #الغاز #بطاريات_السخان
بالنسبة للبطاريات وليه بنستخدمها بدل ما نعمل وصلة كهربا وخلاص
علشان نجاوب على السؤال ده لازم نسأل نفسنا سؤال هوه ليه شركات تصنيع السخانات الغاز عامله نظام البطاريه وليه معملوش وصله كهربا وخلاص بالذات ان دي هتديهم ميزة تنافسية يعنى بدل ما السخان يبقي شغال بالغاز بس لا احنا هنخلي الناس تدفع تمن بطاريات كل شهر او شهر ونص ما دي عيب في المنتج وبيخليه مش اقتصادي
اقولك انا ليه وده برضو السبب الي مخليني بستخدم البطاريات وهوه ان الكود العالمي الهندسي الخاص بالاجهزة الي بتشتغل بالغاز بيحذر من استخدام وصلات كهربائية في الاجهزة دي لانها بتبقي في منطقة قريبة من الغاز وبالتالي لو حصل شرز كهرباء لا قدر الله ممكن تحصل كارثة والسخان ينفجر على العكس البطاريات بتبقي معزولة والفولت بتاعها قليل مستحيل تعمل شرز ولا وهيه شغالة ولا وانت بتشيلها فا كأمانات للسخانات الشركات بتستخدم البطاريات ومش بتستخدم كهربا بسبب المشاكل الي ممكن تحصل منها علشان كده انا بنصح الناس انها تشتغل بالبطارية اامن وبرضو علشان مطلعش السخان من الضمان وتمشي حسب تعليمات الشركة المصنعه وكمان لو مضطر يعمل تعديل وصلة الكهربا يتأكد ان الفني الي بيعملها ممتاز ويكون عامل عزل للسلوك كويس كده بأستخدام شرينك حراري او بيقولو عليه مكرونة مش شيركارتون فقط
نيجي بقي لتاني حاجة معانا موضوع انه ليه البطاريات بتخلص بسرعة واوقات بطاريات تعيش اكتر من بطاريات
طبعا كمية الاستخدام وعدد فتح وقفل المياه في الفترة الي فيها البطارية بتفرق بس مش لدرجة ان بطارية متكملش اسبوع
اولا في ملحوظة كده اوقات بتلاقي بطاريات مكتوب عليها انها صنعت خصيصا للسخان الغاز او طورت للسخانات الغاز الكلام ده كله كلام فارغ البطاريات بتاعت السخانات كلها واحده وهيه حجمها D او بيقولو عليها بطاريات تورش وكلها بتشغل السخان عادي وده كلام دعاية مش اكتر
طيب ازاي اخلي البطارية تعيش معايا شهر واكتر ممكن توصل لشهر ونص او شهرين
الفكرة كلها واحنا بنشتري البطارية لازم نبص على تاريخ الانتاج بتاعها وانه يكون السنة الي احنا فيها او على الاكثر يكون في النص التاني من السنة الي فاتت وتاريخ الانتاج بيبقي مكتوب هنا اهو زي ما انتو شايفيين
وطبعا البطاريات دي بتبقي موجودة في الاماكن المحترمة والسوبرماركت الكبيرة فا حاولو تشتروها من الاماكن دي ومتتغروش بالعروض في ناس بتنزل عروض على بطاريات السخان وباسعار مغرية وتبص تلاقي الانتاج من سنتين او اكتر دي بتكون خلاص صلاحيتها قربت تنتهي ومش هتقعد معاك اسبوع
Music: have yourself a merry little christmas
Musician: Rook1e
#السخان #الغاز #بطاريات_السخان

[@ماماسارة-ز3ه]

حضرتك انا ست كبيرة وعايشه لوحدي يعني معنديش استهلاك والحاجرة مبتكملس اسبوع ممكن حضرتك تقولي ع نوع كويس من الحجارة لان المصري مش بيعيش

[@mohamedhussein9578]

معلومات مفيدة جزاكم الله خيرا

[@moatazelmalah6942]

فيه بطاريات أحسن من ال everready زي duracell عاشت معايا ٣ سنين وغيرتها

[@NewgenAR]

في طبعا انواع كتير وفي انرجيزر بس سعرهم غالي وفي ناس مش بتقدر تدفع مبلغ مره واحده يعنى الانرجيزر دلوقتي ب 190 جنية طبعا الغالي اوفر وكل واحد حسب ظروفه .. شكرا ليك ❤

[@moatazelmalah6942]

@@NewgenAR كلام حضرتك صحيح فيه برضو بطاريات قابلة للشحن زي camelion و Westinghouse ,وفيه بطاريات energizer علي noon بأسعار ممكن توصل لأقل من ١٩٠ جنيه سؤالي ليه ال adapter لو وصلته بديل للبطارية ممكن يعمل شرز؟

[@rgiti7197]

الهدف من الحجارة أو الشاحن هو الشرارة لافرق بينهما أيهما استخدمت سيؤدي الا الغرض والمطلوب الشارج يكون في نفس الفولط الموجود على البطاريات الإثنين * ولامشكلة إطلاقا ، بل وصلة الكهرباء أحسن وأفضل ،

[@NewgenAR]

شكرا ليكم للدعم لا تنسو الاشتراك في القناة ليصلكم كل جديد www.youtube.com/@user-ej4dy4lj6b/featured?sub_confirmation=1

[@mostafaabu-elsood9242]

البطاريه الليثيوم مع حافظه لتركيب الحجر فيها افضل من الشاحن الكهرباء انا مجربها بدلتها وتستمر اكثر من 6 اشهر ثم يتم شحنها بشاحن خاص بها ///بتشتري الطلبات من باب اللوق ويا سلام لو اشتريت بطاريه استبن للتبديل لما تفرغ ال في السخان /// شحن البطاريه بيأخذ 3 ساعات تقريبا ///بس اضمن وافضل من الشاحن الكهرباء ///عن تجربه ///البطاريه بتتشجن مئات المرات اشتري نوع جيد يعيش معك العمر كله

[@yacinealgerien8811]

هناك بطاريات نوعية جيدة لكن سعرها غال يعادل خمس مرات سعر البطاريات العادية.

[@jackassaf8453]

سلام شو رأيك بي سخان نوفا صنع مصري هوي لوحيد بلبنان وفي نوع تاني صيني اوروبي مقطوع مافي

[@NewgenAR]

نوفا من الانواع الغير منتشرة في مصر ولا يوجد تقيمات متاحه.. لذلك يفضل شراء نوع مشهور في لبنان وسؤال المستخدمين في بلدكم عن نوع سخانهم وتقييمهم له

[@hassanallsaeed4692]

الامر ليس بهذا التفكير السخان صنع بطريقة مراعاة البيع لان الاغلبيه لمستخدمي السخان الغازي لمناطق لاتوجد فيها كهرباء وهذا من باب التسويق للمبيعات الشحن المباشر يجب وضعه بطريقة أمنه وكان الاولى ان تنصح بالتوصيل الآمن

[@yacinealgerien8811]

السخان الخاص بي صناعة جزائرية له خاصية الإشتعال بالبطارية و بالمحول إلى3 فولط و 1.5امبير. لكن السخان يباع بدون محول و على الزبون شراء المحول.

[@NewgenAR]

اذا كان يباع به مدخل لشاحن ومجهز لهذا بدون توصيل كابلات فاعتقد انه آمن .. بالتوفيق

[@NewgenAR]

kzbin.info/www/bejne/nXLCpqebn6aUpKc kzbin.info/www/bejne/raqwdZpvqr6flas kzbin.info/www/bejne/qXaQlaWMnKxlY8k kzbin.info/www/bejne/bGTblplsqLGfgJo kzbin.info/www/bejne/lZzdg4aunqaZgpY kzbin.info/www/bejne/qF6cfpWmfsp4aa8 kzbin.info/www/bejne/rH7CpKSkqpqXpbM kzbin.info/www/bejne/i6iWo6Ceo8t5hMU kzbin.info/www/bejne/sJW8eaCChpZmiLc