(ايهما افضل) موتور مياه يعمل بنظام الفلوماك ام الاوتوماتيك بالبلونه - الفلوماك والاوتوماتيك بالبلونه

[@hisham.gebaly]

من افضل الريفيوهات اللي سمعتها برافو عليك

[@shebo_mono3at]

بارك الله فيك وشكراً لك

[@hanygamal9366]

شرح ممتاز من محترف جزالك الله خيرا

[@shebo_mono3at]

بارك الله فيك وشكرا لك

[@smsmsmsm8312]

شرح ممتاز . عندى سؤال ساكنه فى الدور الحادى عشر موتور كالبيدا حصان ونص فى اوقات الذوره بتبقى الميه عندى ضعيفه جدا اعمل ايه

[@shebo_mono3at]

ممكن نزود الضغط شويه من الصامولة الكبيره في اوتوماتيك موتور المياه هنجيب البنسه او الزرديه ونفك وش الاوتوماتيك ونيجي على المسمار الكبير في الاوتوماتيك ونربط الصاموله لفتين اتجاه عقارب الساعه بس كده وممكن نيجي على الصاموله الصغيره ونرط لفه واحده فقط

[@smsmsmsm8312]

@@shebo_mono3at متشكره لرد حضرتك بس احنا لاغين الاوتوماتيك بتاعه هل ممكن نركب اوتوماتيك الادوار العاليه عندنا في الشقه

[@shebo_mono3at]

لازم يركب اوتوماتيك على الموتور مع البالونه او فلوماك ويكونو ضغط عالي

[@hassanzamalek4827]

طيب مفيش نظام يمكن تركيبه علي البالونه يتعادل عيوبها وما رايك في ماتور نصف حصان صيني ماركه ستارز وهل يمكن ان يرفع لشقه في الدور الرابع اذا ركبنا بالجنه واتوماتيك

[@shebo_mono3at]

عيب البالونه والاوتوماتيك فقط عند انقطاع المياه مش هيفصل الموتور وليها حل وحيد تركيب اوتوماتيك معكوس مع الاوتوماتيك العادي عشان اول ما المياه تقطع يفصل الموتور اما عيوب الضغط ليها علاقه بالمياه في المنطقه وفي ضبط الاوتوماتيك --- اما موتور صيني نصف حصان للدور الرابع مش هنصح بالحكايه دي الافضل حصان تحضير ذاتي اما نوع الموتور متعملتش معاه قبل كده في نوع حلو اسمه ليو أو ماركيز

[@MohamedAhmed-h5u3z]

من فضلك لو ماتور واحد حصان لشقة واحدة بالدور السابع انهو افضل الاتوماتيك ولا فلوماك مع وجود مفتاح للماتور

[@shebo_mono3at]

الاوتوماتيك افضل طبعا مع بالونه الفلومام لحد الرابع بعد كده يفضل الاوتوماتيك

[@MohamedAhmed-h5u3z]

@shebo_mono3at ينفع اوتوماتيك من غير بالونه ولا لازم الاتنين مع بعض

[@ibrahimfathy532]

انا فى الدور السابع شقه واحده كنت هجيب ماتور بدرولو ١ حصان كويس وبيحضر مياه ذاتى؟ وكنت هجيب معاه فلوماك ديجيتال ايطالى Norina محل فى شارع الجمهوريه قلى يرفع للدور ال ١٥ عادى كويسين؟؟ ولا فى نوع ماتور وفلوماك احسن

[@shebo_mono3at]

الموتور كويس بس الفلوماك للدور السابع مش برشح الفلوماك للادوار العليا افضل الاوتوماتيك لانه افضل في ضغط لو المياه قويه غي المواسير العموميه للبيت مفيش مشاكل مع للفلوماك اما لو المياه ضعيفه في المواسير ومش بتطلع غير بالموتور الافضل الاوتوماتيك ضغط عالي

[@ميدوميدو-د7م2ز]

وهل في اتومتك ضغط عالي وضغط واطي​@@shebo_mono3at

[@TheHassankhattab]

لو سمحت انا في الدور ال ١١ ومركب فلوماك ديجيتال مع الموتور. لكن المشكلة سخان الغاز بيفصل بسرعة عشان ضغط المياه ضعيف. هل لو ركبت اتوماتيك عادي وبالونة سخان الغاز هيشتغل كويس؟

[@shebo_mono3at]

الموتور كام حصان الفلوماك مش حلو مع الادوار العليا الاوتوماتيك افل ولازم يكون ضغط عالي وليس عادي بيكون اوتوماتيك دي سكوير 10.5 بار وده بيركب على الموتور 1.5 و2 و3 حصان البالونه بتكون 24 لتر عاديه أو تيوبلس بس تكون نضيفه زي كالبيدا أو ساير أو جيترل

[@TheHassankhattab]

@shebo_mono3at 2 حصان

[@shebo_mono3at]

@TheHassankhattab ركب اوتوماتيك ضغط عالي دي سكوير 32 النوع الكويس الاصلي عامل تقريبا من 1500 إلى 1800 من وتر أن ايجيبت ويفضل لو تركب البالونه والاوتوماتيك فوق السطح أو أو بجوار شباك المنور ليكون ده افضل للبالونه بس لو صعب خلاص ركب بالونه 24 لتر أو بالونتين تحت وتكون خامه كويسه زي بالونه كالبيدا أو ساير أو جيترل مع الاوتوماتيك والمشترك النحاس والعداد مع شيك بلف تحت البالونه أو قبل الموتور

[@ماجدهعبدالله-ت7ص]

كام حصان ؟

[@shebo_mono3at]

@@ماجدهعبدالله-ت7ص كام حصان على ايه يا غالي

[@WaelAkl-c8v]

حضرتك انا شغال على مياة طرمبة الافضل البالونة ام الفلوماك

[@shebo_mono3at]

@@WaelAkl-c8v الاوتوماتيك والبالونه افضل

[@engbahy7658]

طب لو فتحت الحنفيه ولقيت الميه قاطعه وقفلتها على طول مش المفروض الماتور هيفصل ومش حيتحرق لو انا مركب بلونه واتوماتيك عالماتور ؟

[@shebo_mono3at]

@@engbahy7658 لا الاوتوماتيك والبالونه لو المياه قطعت سواء قفلت الحنفيه أو فتحتها الاوتوماتيك مش هيفضل لانه عشان يفصل لازم يصل لضغط البار المناسب وإذا كانت المياه مقطوعه هيفضل شغال لانه موصلش للضغط المناسب أو البار المناسب لو وجدت المياه مقطوعه افصل الفيشه أو المفتاح

[@engbahy7658]

@shebo_mono3at طب فى قطعه اوتوماتيك ثانيه ممكن تفصل الماتور لما الميه تقطع

[@shebo_mono3at]

@engbahy7658 في حاجه اسمها سيف جارد اول ما الموتور يسخن يفصل الموتور لحد ما يبرد وبعدين يشتغل تاني ده ليحافظ على الموتور من الاحتراق في حاله المياه قطعت أو الاوتوماتيك علق ومرضاش يفصل

[@engbahy7658]

@@shebo_mono3at هو سيف جارد بديل وافضل من اتوماتيك الحمايه الثانى عند القطع ؟ ولا لازم الاتنين يبقو موجودين

[@shebo_mono3at]

@engbahy7658 السيف جارد افضل لانه عملي وفكرته انو اول لما المياه تقطع الموتور بعد شويه بيسخن السيف جارد بيحس بالسخونه وده بيركب مع وجود اوتوماتيك بتاع ضغط الماء فبيفصل الموتور مش هنحتاج حاجه تانيه معاهم

[@ahmadnour3586]

أعتقد إن الفلوماك أفضل كثيرا .. أصلا طول ما المياه شغالة لا يمكن الموتور يسخن لو الموتور نوعية جيدة .. تبرز هنا اهمية الفلوماك في كونه بيفصل الطاقة في فترة 8 : 12 ثانية حال إنقطاع المياه .. ده غير مشاكل البالون الإضافية بقى في الثقوب والتسريب .. وإذا كان على البالون إنه بيشغل عدة وحدات .. بسيطة .. موتور 1/2 حصان نوع جيد زي ڤاما أو بيدرولو أو سيتي أو حتى كالبيدا أصلي لكل وحدة ..

[@shebo_mono3at]

طبعا انت عارف ان الفلوماك لا يفصل طول ما المياه شغاله هل ده افضل لعمر الموتور ام البالونه والاوتوماتيك اللي مجرد شحن تاخط والبالونه يقوم بالفصل واراحة الموتور - ثانيا الفلوماك افضل من ناحية الفصل عند انقطاع الماء وده كويس جدا ولكن ليس في الضغط والرفع مثل البالونه والاوتوماتيك صحيح مشاكل البالونه في الثقوب ولكن النوعيه الجيده بتعيش وكمان الفلوماك بسبب الماء سعات الحساسات الداخليه بتصدي سعات او بتتلف البورده يعني في مميزات وعيوب انا شايف ان الفلوماك لحد الثالث تمام فوق الثالث افضل البالونه والاوتوماتيك - دي وجهات نظر فقط ويحترم كلامك طبعا ونحن نتعلم كل يوم ةتحياتي لك اخي الكريم

[@ama-ij1wu]

هو انا جبت الاوتوماتيك البالونه والمياه قطعت لو فصلت الموتور من المفتاح هل هيكون في خطوره على الموتور

[@shebo_mono3at]

لا كده انت صح لو المياه قطعت افصل الموتور من المفتاح أو شيل الفيشه من الكهرباء لحد ما المياه تيجي وشغل المفتاح أو حط الفيشه

[@Stooanaa]

بص يابشمهندس كان المفروض تقول كده فى الفيديو انا انفرجت للاخر عشان اسمع الحل انت قلته فى رد عليه بس لما تعرض مشكله لازم تقول حلها

[@mohamedanwar2239]

سؤال هل الافضل بالنسبة للادوار العليا و ضغط المياه انى الغي البالونة و الاوتوماتيك و اركب مفتاح مباشر وقت ما احتاج مياه اشغله و لما اخلص افصله .... سؤالى بالنسبة لضغط المياه

[@shebo_mono3at]

ده ممكن يحصل ومفيش اي مشكله بسخلو نسيت مفتاح الموتور شغال ممكن يتاثر الموتور كمان البالونه والاوتوماتيك وظفتهم انهم يريحو الموتور بدل مكل شويه تفصل المفتاح

[@mohamedanwar2239]

@@shebo_mono3at بشغله و افصله على قد الاستخدام فقط

[@shebo_mono3at]

@@mohamedanwar2239 مش هيحصل حاجه لو احنا وخدين بالنا من الفصل والتشغيل اهم حاجه منسبهوش شغال على الفاضي أو لو المياه قطعت لازم على طول نفصله

[@hananroshdy8001]

ممكن اعرف سعر البالونه والاوتوماتيك شقه واحده دور تاني ماتور حصان

[@shebo_mono3at]

البالونات ممكن تبدأ من 800 إلى 1500 والاوتوماتيك العادي بيكون 750 تقريبا وممكن منجبش لا بالونه ولا اوتوماتيك ونجيب فلوماك فاما بحوالي 1100

[@حسامالدينعفيفي]

❤جزاك الله خيرا

[@shebo_mono3at]

جزانا واياك الخير كله وشكرا لك

[@sa3id666]

طيب سؤال / لو محتاج اركب ماتور 1 حصان علي خزان الماية والماتور ده خاص بشقة واحدة فقط عشان احس بقوة ضغط الماية من الماتور اركب عليه اوتوماتيك ولا فلوماك !!؟؟ عشان اما افتح الخلاطات يشتغل وافصل الخلاط يفصل وبردو عشان اما الغسالة تحتاج اورد ماية يشتغل كذلك تلقائي فمش عارف بصراحة اجيب ايه اوتوماتيك ولا فلوماك * للمعلومة بيني وبين الخزان دورين

[@shebo_mono3at]

الاوتوماتيك افضل خاصتا لو في ادوار أعلى من الثالث والرابع الاوتوماتيك والفلوماك ملهمش دعوه بقوة المياه في الأصل القوة الضغط بيكون من قوة الموتور نفسه وقوته في السحب والرفع أما دور الاوتوماتيك والفلوماك انه بيظبط ضغط المياه بتاع الموتور نفسه ممكن نخلي ضغط الموتور يصل لنصف قوته وممكن نخليه يصل لآخر قوته لكن لا الاوتوماتيك ولا الفلوماك ليهم علاقه بقوة الموتور مثلا لو رفعت الاوتوماتيك لحد ضغط 7 بار والموتور قوته تصل إلى 5 هنا الموتور عمره ما هيصل إلى 7 بار خالص لازم اجيب موتور تكبر شويه عشان كده لو انت فوق الثالث أو الرابع هات اوتوماتيك لو انت لحد الرابع أو الثالث ممكن تجيب ده او ده عادي

[@sa3id666]

@shebo_mono3at طيب انا كده بالنسبالي مش هتفرق اوتوماتيك عادي او ضغط عالي ،، لان بيني وبين الخزان دورين فهجيب واحد عادي وخلاص اركبه علي موتور الخزان والف شكر لحضرتك لردك واهتمامك

[@shebo_mono3at]

تمام الموتور لو حصان يكفيه اوتوماتيك ضغط عادي بس انا معرفش انت في الدور الكام والخزان في الدور الكام

[@sa3id666]

@@shebo_mono3at انا ف الدور ١٤. والخزان يعتبر ف ال ١٦ بس انا هوصل الماتور ده هخليه ياخد من الخزان للشقة

[@دراغونبول-د6ت]

السلام عليكم ورحمه الله وبركاته لو سحمت يا باشمهندس ايه افضل نوعية بالونة تيوبلس البالونة العادية مشكلتها فى تغير الكوتشه اللى من جوه باستمرار لاكن بتتصلح ام التيوبلس مشكلة لو تقطعت من جوه باظت واترمت فعايز اعرف ايه النوعية الكويسه

[@shebo_mono3at]

شوف هما الاتنين كويسين بس الافضل اجيب العاديه عشان الصيانه ليها ممكنه وطبعا جيب بالونه كالبيدا افضل هي غاليه بس افضل نجبها من شارع الجمهوريه أو نجيب الريحاني من الوكيل لكالبيدا عبد الحميد توفيق او مؤسسة السماح

[@دراغونبول-د6ت]

@@shebo_mono3at تسلم تسلم يا باشمهندس

[@محمودالشنب-ض7ح]

طب لو الميه قطعت مرة واحده افصل الكهربا (عندي اتوماتيك وبلاونه)

[@shebo_mono3at]

ايون هنفصل الكهرباء وكل فتره نشغلها تاني ونشوف الموتور هيجيب مياه ام لا لان طول ما المياه قطعه الموتور ممكن يشتاغل عغلى الفاضي ويسخن ويتلف مع الوقت عشان كده بنفصل كهرباء الموتور وكل فتره نشغل كده ونشوف لو المياه جت تمام لو لسه هنفضل فصلين كهرباء الموتور

[@hmzdfhmmr]

السلام عليكم يعني الاوتوماتيك ده ما ينفعش يرفع للدور الخامس شقه واحده

[@shebo_mono3at]

لا ينفع يرفع عادي بس اهم حاجه يكون لو صيني يبقي ١حصان تحضير ذاتي لو موتور ايطالي ينفع ٣/٤ حصان

[@rashasalah3513]

لو سمحت يا باشمهندس انا عندي الاوتوماتيك بيفصل لما بتبقى المياه قويه انما لما بتبقى الميه ضعيفه بيقعد يسحب وما بيفصلش غير لما بقفل الحنفيه ده عادي ولا غلط على الموتور

[@shebo_mono3at]

ده طبيعي لانه مظبوط على ضغط قوي فلما بيقل الضغط مش هيفصل غير لما تقل ضغط الاوتوماتيك عن طريق التهويه على صاموله المسمار الكبير هنفكها شويه

[@amalelashry9367]

السلام عليكم ورحمة الله وبركاته عندى موتور كالبيدا ١،٥ حصان وعليه بالونتين وأتوماتيك شغال كويس الحمد لله لكن هذه الأيام المياه بتقطع كتير لعمل امتدادات فى المدينه والبيت مكون من بدروم علوى وأربع أدوار وفيهم ٧ شقق فهل الفلوماك أفضل ولا أركب حساس قطع مياه مع وجود البالونه والأوتوماتيك وهل في حاجه إسمها فلوماك قطع مياه فقط يركب مع وجود البالونه ارجو إفادتي وشكرا

[@shebo_mono3at]

@@amalelashry9367 هتركب بالونه تانيه مع البالونه اللي راكبه عشان يكون الموتور عليه 2 بالونه كمان في حاجه اسمها حساس انخفاض

[@amalelashry9367]

هو راكب عليه ٢ بالونه

[@amalelashry9367]

يعنى الحساس يحمى الموتور ولا الفلوماك

[@shebo_mono3at]

@@amalelashry9367 تمام في حاجه اسمها حساس انخفاض الضغط لما المياه تقل بيفصل الموتور وبيركب في جسم الموتور على الفارغه وممكن نركب سيف جارد ده بيفصل الموتور لما بيسخن

[@shebo_mono3at]

@@amalelashry9367 الفلوماك كويس بس مع عدد الشقق ده افضل الاوتوماتيك وطبعا الحساس كويس وهيفصل الموتور في حالة المياه قطعت أو قلت اوي

[@manalmohamed1973]

تسلم يا هندسه

[@shebo_mono3at]

بارك الله فيكم

[@islamahmed9706]

ممكن رقم حضرتك ياهندسه

[@mohammadalrefaie3786]

هل يجب وجود ماسورة تهوية قبل الماتور ولا ما في داعي؟؟

[@shebo_mono3at]

ماسورة تهويه مش فاهم قصدك بماسورة تهويه ممكن توضح اكتر

[@islamahmed9706]

@@shebo_mono3at ممكن رقمك ياهندسه محتاجك في شغل

[@احمدابوسعده-ق5ش]

سلام عليكم انا عندي مياه طورمبه وعندي اتوماتيك وبالونه ايهما افضل الاوتوماتيك او الفولماك مع العلم المياه ضعيفه الايام دي والموتور مش بيطلع مياه كويس ومش بيفصل لازم نطفي الزرار ايه الحل واسف علي الاطاله

[@shebo_mono3at]

الاتنين كويسين بس الفلوماك افضل لو المياه بتقطع لوحدها أو لو انت ساكن لحد الدور الثالث أو الرابع اما غير كده الاوتوماتيك والبالونه افضل من ناحية تنظيم المياه والضغط وترييح الموتور ومناسب لجميع الادوار بس مشكلته لو المياه بتقطع لوحدها الموتور مش هيفصل الا اذا شلت الفيشه فبنسبالك انت على مياه طرمبه يعني مش هتقطع خالص كده لو حضرتك من الارضي للرابع ومفيش عندك حنفيات بتسرب وكله تكام ممكن تركب الفلوماك بس لو في حنفيات بتسرب أو بتنسى الحنفيات مفتوحه كده بلاش الفلوماك لو الادوار اكتر من الرابع هيكون الاوتوماتيك والبالونه افضل

[@احمدابوسعده-ق5ش]

@@shebo_mono3at شكرا لحضرتك يا هندسه بس المشكله عندي ان المياه ضعيفه عندي بالنهار والاتوماتيك مش بيفصل هل لو ركبت الفولماك المياه هتظبط ولا لاا وجبت سباك قال الاوتوماتيك مفهوش حاجه هيا المياه ضعيفه الايام دي عشان زراعه الارز

[@apoalihassan4350]

طيب من فضلك انا ساكن ف عماره فيها عداد ميه واحد وموتور راكب وقدمت ع عداد وطبعا العداد دا هيسحب من الخط الرئيسي اللي داخل للعماره اللي راكب عليه موتور وأنا ساكن ف الخامس فلازم موتور يرفع الميه هل تركيب الموتور ع الخط الخاص بيا هياثر ع الموتور اللي راكب ع الخط الرئيسي هيضعفه مثلا او هيعطله

[@shebo_mono3at]

لا مش هياثر عليه في حاجه كل ما عليك هتعمل وصله من الخط الرئيسي قبل العداد اللي راكب للعماره وهتركب العداد بتاعك وبعدين الماسوره هتخش على الموتور الخاص بيك وبعد كده هتطلع من الموتور باقي الماسوره لحد الشقه عندك مفيش اي تاثير هنركب شيك بلف قبل الموتور بتاعك وهنجيب موتور كويس واحد حصان تحضير ذاتي ببالونه واوتوماتيك لو عندك اي استفسار تحت امرك

[@m.ezzat98.....]

انا ف الدور الرابع كده مينفعش الفلوماك عندي؟

[@shebo_mono3at]

لا ينفع عادي الفلوماك يجيب للدور الرابع

[@قناةترفيهيةومعلوماتتهمك]

يا اخي قوة المياة علي حسب قوة المتور

[@shebo_mono3at]

مختلفناش ولكن الاوتوماتيك يستطيع أن يقلل ويزيد وقت القوه ويزيد ويتحكم في شدة المياه عن طريق جعل الموتور يعمل بكامل امكانياته ميثال شغل الموتور وهوي على مسمار الاوتوماتيك الكبير سعتها هتجد المياه صعيفه لانه يقلل قوة الموتور ثم اربط على صاموله المسمار الكبير ستجد ان المياه شدة جامد لانه جعل الموتور يعمل بكامل قوته

[@ماجدهعبدالله-ت7ص]

المهم عايزين ناخد قرار انا مركبه زفته بالونه وكل شويه تتخرم وتنزل ميه وف آخر مره غرقت البدروم ميه وكانت الميه بتنزل مولعه نار كأنها نازله م السخان لغاية لما لغيناها وركبنا طبه مؤقتا . إيه الحل ؟؟وكمان الاسعار نار

[@elhamhamada5445]

يا هندسه عاوزه نواع اتوماتيك كويس انا في الدور 12

[@shebo_mono3at]

الاوتوماتيك الايطالي الصنع كويس جدا وده لو هتجيبه وانت من القاهره هتنزل شارع الجمهوريه في رميس أو العتبه من الجهتين ممكن وهات الاوتوماتيك والمؤشر والمحليه اللي بيركبو عليها

[@Eng-Karim]

مش فاهم يجيب للاوتوماتيك وايه تاني؟؟

[@Qwet-mx7zx]

لو متور بيسحب ماء من بئر تحت الارض اركب فولوماك ولا بالونه

[@shebo_mono3at]

الاتنين كويسين اهم حاجه قوة سحب الموتور ولو المياه هتتسحب من البير للادوار العليا يفضل البالونه لو على وش الأرض مفيش مشاكل سواء فلوماك أو بالونه

[@MahmoudRabaa-d2n]

السلام عليكم انا عندي ماتور كالبيدا واحد حصان حيغذي شقتين الدور السابع هل هذا الجهاز مفيد في الحالة دي لان هناك من قال لي انه عند انقطاع المياه سيكون مازال هناك ماء في المواسير حتى الدور السابع مما يشكل ضغط على هذا الجهاز كما ان المياه حسب كلامهم ممكن تاتي من البلدية ضعيفة اقل من واحد بار وبذلك فان هذا الجهاز سيعلق عمله كثيرا لهذه الاسباب. فهل هذا الكلام حقيقي؟

[@shebo_mono3at]

هذا الجهاز يسمى فلوماك ولا انصح به للدور السابع الافضل ان يتم تركيب بالونتين واوتوماتيك ضغط عالي ده افضل من الفلوماك الجهاز الفلوماك له ميزه وحيده فقط وهو عند انقطاع الماء بيفصل الموتور لوحده وعمل للدور الثالث كويس فوق ذلك ليس جيد

[@MohamedMahmoud-jj6ox]

طب وايه الحل ده في عيب في عيب احنا عاوزينها 3 العيوب دي ونخليها حاجه واحده

[@shebo_mono3at]

في حل للقصه دي وهو اننا نركب اوتوماتيك عادي مع بالونه عاديه مع جهاز الفصل عند انقطاع الماء ويسمي اوتوماتيك مقلوب او جهاز الحمايه عند انقطاع الماء او جهاز بيترو لموتور المياه

[@Amun_20]

شكرا

[@shebo_mono3at]

جزاك الله خيرا

[@YousefSh-em3dj]

اقوى فلوماك مصونوع لحد الان قداش من بار

[@shebo_mono3at]

اعتقد 6 بار

[@redaegypteg]

سؤال ينفع اجيب كالبيدة واحد حصان واحطه ف التاني انا ف عمارة والخزان تحتي

[@shebo_mono3at]

تقصد انك ساكن في الدور التاني وعايز تجيب كالبيدا حصان وتركبه مفيش مشكله لو ده قصدك من السؤال

[@redaegypteg]

@@shebo_mono3at اه اقصد كده هيستحمل صح ولا ترشح ماتور تاني ماركة تانية كان نفسي نص حصان يستمر

[@shebo_mono3at]

في انواع ارخص زي ماتريكس وفي مارينا وسائر وسيتي

[@Thenasrty]

كلام غير مظبوط لان الفلوماك ما هو الي مفتاح بيراقب خركه المياه ولو الموتور شغال بقوه للشقه ٥ مثلا اذا انت هتستفاد بضغط الموتور كامل بدون فقد

[@shebo_mono3at]

دي وجهات نظر مني ومنك من الناحيه العمليه والنظريه التجربه بتبين وجهات النظر - شغلنا موتور كالبيدا على فلوماك وعلى بالونه قوة الماء اشد في البالونه والاوتوماتيك عن الفلوماك صحيح الفلوماك بيراقب حركة الماء والانخفاض بس مش بيسمح زي الاوتوماتيك باعطاء كامل قوة الموتور اثناء التشغيل ثانيه الفلوماك مش بيفصل اثناء فتح الحنفيه بيفصل عند الغلق فقط دي وجهات نظر وتحترم وجهت نظرك وتحياتي ليك

[@feenakhabiby]

ممكن أعرف تأثير الفلوماك على ضغط المية؟ ليه بيخلي ضغط المية ينخفض حتي لو الموتور قوي؟

[@elhamhamada5445]

طب من فضلك انا اشتريت اتوماتيك 22مكسيكي من التوكيل 1100 بس مكتوب عليه صنع في جمهورية التشيك هل ده اصلى وانا فى الدور 12 موتور 2حصان على شقه واحده فى انتظار الرد الله يباركلك

[@shebo_mono3at]

هو اصلي بس احنا بنشتغل بالايطالي اكتر واهم حاجه انو يضبط صح واللي عندك مفيهوش مشكله بس الايطالي افضل مع اني معرفش النوع ده

[@elhamhamada5445]

@@shebo_mono3at الف شكر ليك

[@elhamhamada5445]

معلش سؤال هو التوكيل محل ثقة

[@shebo_mono3at]

@@elhamhamada5445 طبعا المفروض انو يكون ثقه لانو بيمثل الشركه في التوزيع بس انا بفضل الاوتوماتيك الايطالي لان التشيكي ده معرفهوش

[@elhamhamada5445]

@@shebo_mono3at تعبتك معايا الف الف شكر

[@ahmedsalah700]

عندي الضغط غير منتظم يعني لما بفتح الحنفية الموتور بيشتغل الضغط بيبقي شديد وبعدين الموتور يفصل فالضغط يقل وبعدين الموتور يشتغل فالضغط يزيد وهكذا وده مسبب مشكلة مع الشطاف وسخان الغاز هل فيه حل للمشكلة دي مع العلم مركب فلوماك ايطالي نوعه الكريم

[@shebo_mono3at]

في حلين للقصه دي الاول أن الفلوماك يفضل شغال طول ما الحنفيه مفتوحه ويفصل مع غلق الحنفيه وسعتها مش هتواجه المشكله دي ودي عايزه حد يظبط الفلوماك يفصل مع غلق الحنفيه بس ده في خطوره واحده فقط وهو انك لو في حنفيه بتسرب عندك هيفضل الموتور شغال على طول الحل الثاني وده افضل انك تجيب بالونه واتوماتيك العادي ده هيظبط الضغط عندك. ... ثالثا انت في الدور الكام والموتور قوة اد ايه وهل الموتور على شقه ام اكثر

[@ahmedsalah700]

@@shebo_mono3at في الدور التاني اول بلكونة و الدور علي شقة واحدة و الموتور كالبيدا ١ حصان

[@ammarmoir]

ممكن رقمك يا هندسة عاوز ابعتلك فيديو عن مشكلة موتور بتاعتى جزاكم الله خيرا @@shebo_mono3at

[@mohamedelgebily4659]

نفس المشكلة .. هل لقيت حل ؟

[@mahmoudnasr1288]

لو سمحت انا عندي الموتور راكب فى الارضي و الاوتوماتيك والبلونة راكب جنب الخزان فى الدور ال 14 والاوتوماتيك باظ المفروض اجيب اوتوماتيك كام بار هو موتور 2 حصان بيغذي الخزان و شقتين فقط واركب كونتاكتور ولا لا اتمني الافادة

[@shebo_mono3at]

اوتوماتيك ضغط عالي 10 بار بنسبه الاوتوماتيك دي سكوير التشيكي الاصلي

[@املمحمد-ح4ب2ض]

عوزه اجيب بلونه ايه نوع البلونه ونوع الاتوماتك ومنين

[@shebo_mono3at]

في نوع عادي بيكون ليه كاوتشه داخليه وفي نوع اسمه تيوبلس وده لتكون البالونه صب حته واحده مش بتتفك والموزعين كويسين اهم حاجه الجوده لو هجيب هنجيب بالونه كالبيدا من الوكيل عبد الحميد توفيق من شارع الجمهوريه أو بالونه ساير أو اسير ودول بردو الوكيل في شارع الجمهوريه وفي بالونه اسمها جيترل دي كويسه بتكون تيوبلس النوع ده وبتكون السعه اللتريه بتاعة البالونه 24 لتر اي بالونه نجبها نقوله 24 لتر وفي نوع اسمه بالونه ريو ايطالي بردو الاوتوماتيك الافضل بيكون نوع دي سكوير التشيكي في منه ضغط عادي وفي ضغط عالي موتور نصف حصان وحصان بنركب ضغط عادي من حصان ونصف واحنا طالعين بنركب ضغط عالي الاوتوماتيك النسخه الاصليه ممكن نجيبه من وتر أن ايجيبت من على جوجل ودول ثقه

[@shebo_mono3at]

وفي واحد بيجيب الاوتوماتيك الاصلي والبالونه من الشركات بنفسه ممكن اخليه يجيب بس الاول عايزين اوتوماتيك لموتور كام حصان والدور كام اللي تبعكم وهتركبو بالونه ولا اتنين شوفوا كده وانا أكلمه وهعرف منه

[@املمحمد-ح4ب2ض]

@@shebo_mono3at ماتور بتاعي حصان ونص للسادس شقتين بكام الاسعار معلي للبلونه واللتوماتك

[@shebo_mono3at]

@املمحمد-ح4ب2ض تقريبا الاوتوماتيك الاصلي 1500 ضغط 7.5 مكسيكي من وتر أن ايجبت على جوجل البالونات هشوف كده وممكن أسأل التاجر اللي بيجيب من الشركه

[@املمحمد-ح4ب2ض]

@@shebo_mono3at شكرا لحضرتك