Рет қаралды 520
ليلة ١٠ محرم ١٤٤٦هـ
البدور / الخليل / مضيف المرحوم الشيخ كاظم ياسر البدري
#علي_جبار_الخفاجي #ابو_محسن
ــــــــــــــــــــــــــــــــــــــــــــــــــ
حيهم يهلها - حيهم يهلها
ــــــــــــــــــــــــــــــــــــــــــــــــــ.
ماهي من سِواديها تمشي بدونِ واليها
خيها ينچتل عطشان والچتّالِ حاديها
زينب إختك عباس بْيَد الملاعين
بين الشتم و السوط تطلع سبيّه
لا عِندَها والي و لا ضل لها مْعين
والچافل اعله الماي جثتُه رميّه
چم عيِّلٍ تكفل و جوگة نساوين
حر الرمل لهّاب يحرگ رقيّه
وينُه الكفلها - حيهم يهلها
ــــــــــــــــــــــــــــــــــــــــــــــــــ.١
زَينب تطلم و تَنحب تَسمع للشتم والسب
صاحت وينُه العباس چَنُّه ما دره بزَينب
تطلع بدرب الشام مگيوده الايدين
والحادي ما عنده ذرّة حميّه
والجيش كلُه انذال ما ياجَد الزين
ما عِنْدهُم غيره احفاد اميّه
شلهم على اخت حسين من ثارٍ و دَين
لجلِ يراووها الظلم و الأذيّه
ذابل شكلها - حيهم يهلها
ــــــــــــــــــــــــــــــــــــــــــــــــــ.٢
حيهم يا هل النيبه زينب عاشت بريبه
تمشي و عرجه ناگتها - و زجره جاري تعذيبه
وتنادي يا عباس عني رحت وين
سوط العده چندوب اشگفُه بديه
رد العده يا زينب وش تگولين
كل اخوتچ مَيتِين بالغاضريّه
لا يفزع العباس ليعاود حسين
عالعلگمي مطروح فخر الخويّه
گطعت أملها - حيهم يهلها
ــــــــــــــــــــــــــــــــــــــــــــــــــ.٣
وسفه نمتوا فوگ الگاع - منكم ما لفه فزّاع
هاشم يالذعرتوا الخيل - ختكم تنذعر هالساع
لرض الغري اخت احسين هم دارت العَين
صاحت يبه الحگني يحامَي الحميّه
يا فارس البطحاء يومَ الميادين
بنَيْتك أسيره امست بْيَد الدعيّه
گل اخوتي ضلو على الشط مطاعين
والروس فوگ ارماح و تباري اليه
ما حد بگه الها - حيهم يهلها
ــــــــــــــــــــــــــــــــــــــــــــــــــ.٤
علي جبار الخفاجي