Рет қаралды 239,803
Шымкентте жиырма жеті жастағы Берік Мырзабековке көмек қажет. Науқастың екі бірдей бүйірі істен шыққан. Азамат бір жарым жылдан бері жасанды мүшемен өмір сүріп келеді. Жақындары, Берікті тек бүйрек ауыстырып салған жағдайда аман алып қалуға болатынын айтады.
- Маған көмектескендерін қалаймын.
Жиырма жеті жастағы Берік Мырзабековтың жағдайы күн санап төмендеп келеді. Бір жарым жыл бұрын екі бірдей бүйрегі жұмыс істеуін тоқтатқан азаматқа ақ халаттылар ауыр диагноз қойған. Спортпен шұғылданатын Берік небәрі бір жылдың ішінде қырық келі салмақ тастайды.
Үйлену тойдан соң жарты жылдан кейін әке атанатынын естіген азаматтың қуанышы ұзаққа созылмайды. Айтып келмейтін ауру Берік үйленіп, отбасын құрған сәттен бастап қылаң бере бастаған. Бүгінде жұмысқа жарамсыз отағасы отбасы үшін алаңдайды.
Берікке донор болатын жан жақындарының арасынан табылмаған. Анасы мен қарындасы да сырқаттарына байланысты азаматқа бүйректерін бере алмайтын болған.
Ал дәрігерлер бұл жағдайда көмекші болмай шықты. Туыстары донор бола алмаса, шетелде қайтыс болған адамдардың мүшесін алуға кезекке тұру керек дейді. Ал мамандар, әрбір науқастың кезек күтуге уақыты жоқ екенін айтады.
Беріктің өмірін аман алып қалудың жалғыз жолы, шет елден донор болатын адам табу. Ал бүйрек орнына бүйрек салу үшін 65 мың доллар қаржы қажет. Бірақ қарапайым отбасында қомақты қаражат жоқ. Сондықтан Берік Мырзабековтың жақындары халықтан көмек сұрайды.