يسوقني شوق الشاعر محمد خير درو لحن و غناء: عبـد القــيوم الشــــريفــي يسوقنى شوق ساسق عليك زادى الحنيــن كنتى الامل والمرتجى بسأل عليك روحتى وين يا وجعة القلب الرهيف أنشودة الفرح السجين مالك ملامحك ضيعن زمناً شقى وحالاً مُهين فاكر الظروف مهما قسن واتعارض الليل الحزين قوة ارادتك ما بتلين وتهون عليك عشرة سنين كانت قبيل معنى العفاف عرض الكفاف واخلص حبيب لكن وكت جابا القدر بهر الحضر زمناً غريــب خاضت على وحل الدروب اندهدهت ساعة المغيب راحت مع الليل الدخل تسمع ندايا وابت تجيــب يا مريم الليل إنتكى هدهــــــدنا فوق ايدينا نام والقمره كل ما بهرت زازانا غطاها الغمام انا كل ما اقول داير اوصلك ينشر بيناتنا الظلام ما بيتلقم ميل القلب ساعة يفيض بحر الغرام وصف ملامحك للمدن وصتني من الدخول همستلي بالسر والجهر لكني جهراً ح اقول ماتت قيم جوانا واتهد الشرف اتبعنا واتباعت اصول فتح عيونك شمعتين وإتأن في خطو قبل الدخول ودخلت وانزعزع قلب كان دار يطير لولا الضلوع كان خوفي من جُب الطروف يأويني وكت الروح تجوع وجواي انفضت اصول وآمال موهجة زي شموع ضوت لي في جوف القلب وضتني واصلت الركوع ويضيع من القلب اليقين ساعه نصلي بلا خشوع ناشدت جلابة الظلام جلابة هووى ما شفتو لى قالو البينشف بالعوج ما بيتعدل لو يبقى نئ زولاً ملفح بالظلام ما بيستريح فى قلبو ضِئ تالاهو تنهشك الظنون يوماتى طول ما انت حى وحدى صنقرت وبكيت احترت فى الزمن المدان الفيهو تجبرنا الظروف ناكل وضِيِّبْ شجر الهوان كان الظروف فى زُمتك سرقت من الناس الامان تجبرنا كيف نخشى الجحيم تحرمنا من شوفة الجنان نار الظروف مهما بقت تقابة فى الزمن الردى ما بتوصل احساسى الرهيف نفحت هواك السرمدى انا مانى عشمان فى لقاك لكن بنادى عليك تجى من لجة الليل الطويل لى واحة الصبح الندى آخر المطاف طلع الصباح وعرفتى وين درب الرجوع جواى امتدت فصول امال موهجة زى شموع ضوت لى فى جوف القلب وضتنى قبال الركوع ويضيع من القلب اليقين ساعة نصلى بلا خشوع
@abdullahusman37094 жыл бұрын
استااااااااااذنا وفنانا وحبيبنا وملكا القامة الاستاذ عبدالقيوم الشريف الفنان الانسان المربي المثقف تسسسسسسسسلم ي ملك الاحساس يامطرب يامشبع يامقنع ياممتع
@محمدفريد-ط8س4 жыл бұрын
الله يا دكتور الأعصاب حزيفه ياخ جعل والديك للجنه ان شاء الله