عيوب الشغل مع الدراسة في روسيا || مش مستحيل
Рет қаралды 7,908
Жыл бұрын#أحمد_خيري_حرب
أتمنى لكم مشاهدة مفيدة وممتعة
يمكنكم التواصل معي على إيميلي
Ahmadkhairyharb@gmail.com
للطلاب الشباب اللي بيسألوا عن إمكانية الدراسة والشغل في روسيا مع بعض
أنا كتبت الكومنت ده عند شاب وقلت أنسخه هنا يمكن يفيد عموما
موضوع إن الطالب يجي يدرس ويشتغل ويكفي نفسه ومصاريفه أكل وشرب (ده صعب جدا) بس مش مستحيل
لكن إن الطالب يجي يدرس ويشتغل ويكفي مصاريف أكل وشرب ومصاريف الجامعة ده شيء غير واقعي أبدا ويكاد يكون مستحيل..
للأسباب الآتية:
الشغل مش دايما متاح.. لو كان متاح في الصيف لكنه في الشتا صعب وقليل..
الشغل المتاح للطالب في روسيا شغل قاسي محتاج قوة بدنية ووقت (أعمال بناء_ تاكسي_ مطاعم_ مصانع) وغالبا وبنسبة كبيرة جدا لازم تداوم في الشغل دوام كامل ومتنقطعش..
وهنا مشكلتين :الأولى هتتعب والثانية انسى تروح الكلية وتدرس وتفهم في هندسة أو طب أو غيره.. وساعتها هتلاقيك بتشتري المواد بتاعة الجامعة وبتاخد الشغل والواجبات الدراسية من زمايلك وممكن تجيب الشهادة فعلا بس من غير فهم..
و متنساش إنك ممكن جدا ووارد ومحتمل تيجي شهر أو اتنين متلاقيش شغل..
وبعد كل ده غالبا الفلوس اللي هتجيبها يا دوب هتغطي مصاريف الأكل والشرب والسكن الجامعي وممكن جزء من المصاريف الجامعية مش كلها..
هي التجربة مش مستحيلة لكنها قاسية وصعبة وهتتمرمط.. لو إنت حابب تخوضها وحابب تسافر وتشوف الغربة وإنك تعيش مع ناس غير أهلك، وتشوف عادات وتقاليد جديدة ممكن تعجبك وممكن تخنقك تعالى ولو حابب تعيش مرتاح البال ومرتاح بدنيا خليك جنب أهلك وادرس حاجة سهلة عندك وشوف شغل يناسبك ممكن شغل اونلاين (فوتوشوب_برمجة_ مونتاج_ ترجمة) يعني طور نفسك واتعلم في سنين الجامعة مهارات كتير وربنا الرزاق في كل مكان.
للناس اللي عاوزه تيجي روسيا تشتغل بفيزا دراسة
كلام كتبته في تعليق.. ممكن يساعد الناس لفهم الواقع شوية هنا في روسيا
بص عشان تفهم الواقع اللي إنت هتروح عليه..
هتروح سكن جامعي مع طلاب تانية..
هيكون مطلوب منك تحضر في الجامعة كل يوم..
الناس القديمة والشاب اللي جابك هيقولك الحضور مش مهم في السنة التحضيرية.. يعني يقصدوا إنك لو محضرتش مش هيفصلوك..
ودي حقيقة.. ممكن يتهاونوا معاك شوية في الحضور في السنة التحضيرية.. لكن بردو ممكن لو غبت كتير يفصلوك فعلا وتضطر ترجع مصر فورا..
لكن الأهم من ده إنت لو محضرتش كويس في السنة التحضيرية واتعلمت اللغة الروسية كويس جدا جدا يبقى عملت أكبر غلطة في حياتك في روسيا..
اللغة الروسية هنا إيدك ورجليك، اللغة الروسية فلوس ورأس مال هنا، وهتحميك من نصب كتير، وهتعمل مصالح كتير بيها..
طيب يبقى اتفقنا إنك هتحضر كليتك كل يوم وهتشتغل كل يوم.. لو تعرف توفق بينهم يبقى عظيم..
لكن يبقى تجيب معاك فلوس السنة التحضيري عشان صعب تدفع مصاريفها من شغلك لأنك هتبقى في البداية..
الخطوة التانية :ناوي تعمل إيه بعد السنة التحضيرية؟
هتدخل كلية إيه؟ ولا هتقعد في روسيا إزاي بأنهي فيزا ولا بصفتك إيه؟
لو هتدخل سنة أولى أي كلية هتحتاج فلوس كمان للكلية دي.. فهتحتاج زقة من أهلك في المرحلة دي بردو..
بعد كده لازم تبدأ تعمل إقامة مؤقتة في روسيا اسمها РВП ولو حصلت عليها ساعتها خلاص مش لازم تدفع تاني للكلية هتاخد إقامة في روسيا وتقدر بقى تشتغل بحرية وممكن ساعتها نقولك إنك هتقدر تعمل فلوس وربنا يفتح عليك.
اسأل عن ال РВП واسأل عن ال РВПО وشوف تقدر تستفيد منهم إزاي.
إضافة:
الإقامة المؤقتة اللي اسمها РВП بتختلف من مدينة لمدينة.. كل مدينة ليها قوانينها الخاصة في الموضوع ده..
في مدينة بلجورود الروسية اللي أنا عايش فيها.. ممكن طالب السنة التحضيرية يحصل على ال РВП بشرط ميكونش بياخد السنة التحضيرية من جامعة التخنولوج
بينما طالب الطب والهندسة من حقه يحصل على ال РВПО ودي إقامة مرتبطة بوجودك في البلد كطالب.. يعني لو الجامعة فصلتك إقامتك تسقط فورا يعني لازم تكمل دراسة وتدفع المصاريف كل سنة.. ولما تخلص دراسة تقدم على الإقامة الدائمة وتحصل عليها إن شاء الله من غير شروط وبسهولة..
لذلك تسأل في المدينة اللي إنت رايح لها عن القصة دي وتتأكد وتفهم.
@mostafahusein7364 Жыл бұрын
فيديو مفيد ورائع ... فتح الله عليك يا برو
@belroseya Жыл бұрын
حبيبي إنت يا برو
@amgadali2432 Жыл бұрын
احمد اخويا شكرا على المعلومات المفيده ربنا يجعله في ميزان حسناتك ❤❤❤
@belroseya Жыл бұрын
حبيبي أمجد، الله يصلح حالك.
@ELYASTAGAMING Жыл бұрын
الله ينور تسلم جدا على التوضيح الرائع ❤
@belroseya Жыл бұрын
أخويا
@alm1429 Жыл бұрын
اخيرا يا باشمهندس وحشتنا بجد
@hatemmohamed3933 Жыл бұрын
الله ينور عليك يا دكتور أحمد .. بالتوفيق دائما❤
@belroseya Жыл бұрын
تسلم لي
@omarkhallafmt-2227 Жыл бұрын
حلوة جدا المعلومات دي يا هندسة.. بالتوفيق ❤
@belroseya Жыл бұрын
حبيبي عمور
@musakhaledd4818 11 ай бұрын
الله يفتح عليك يبو خيري ❤
@belroseya 11 ай бұрын
حبيبي موسى الله يوفقك
@alm1429 Жыл бұрын
موفق باذن الله ونفع الله بك
@abdali8497 10 ай бұрын
والله أول مرة اسوي تعليق في اليوتيوب ابهرتني جداً بشرحك ومصداقيتك في الشرح ربي يوفقك ❤
@belroseya 10 ай бұрын
شرفتني أخويا ربنا يبارك فيك.
@MohamedHesham-kj5bh Жыл бұрын
والله انا استفدت فعلا من الفيديو شكرا جدا ❤
@belroseya Жыл бұрын
العفو ربنا يحفظك
@mohamedghareeb5759 Жыл бұрын
كلام جميل والله انسان محترم❤
@belroseya Жыл бұрын
ربنا يسعدك.
@entsarahmed-xp6le 11 ай бұрын
كلام يحترم بجد والله
@user-jz9ec6cp2e Жыл бұрын
انت الا وحشتنا يا هندسة عودا حميدا
@belroseya Жыл бұрын
عم حامد بارك الله فيك
@mohamedhegazy5363 10 ай бұрын
وضحت كل حاجه بامانه جزاك الله خيرا
@belroseya 10 ай бұрын
وإياك بارك الله فيك
@mohamedharb1643 Жыл бұрын
الله ينور عليك يابرو بالتوفيق ان شاء الله
@belroseya Жыл бұрын
حبيبي البرو
@user-qp4wz4vo3r Жыл бұрын
الله ينور عليك يا غالي 🎉🎉
@belroseya Жыл бұрын
حبيبي ربنا يصلح حالك
@user-yn5cd4qq6h Жыл бұрын
اسلوبك سلسل ومفهوم وغير مخادع ربنا يكملك علي خير وتتخرج يا هندسة
@belroseya Жыл бұрын
ربنا يجعلك من أهل الفردوس ويحرمكم على النار.
@Lamis2000 5 ай бұрын
والله اتكلمت الصح
@zamanelsayed8283 Жыл бұрын
تأخرت جدآ جدآ جدآ... لاحول ولاقوة الا بالله.. جزاك الله خيرا ووفقكم الله العظيم لما يحبه ويرضاه سبحانه وتعالى
@belroseya Жыл бұрын
وإياكم بارك الله فيكم
@altkeya4729 Жыл бұрын
من التكية لاحسن مهندس حياك الله والنعم فيك
@belroseya Жыл бұрын
شرف عظيم لينا، ربنا يسعدكم
@user-yn5cd4qq6h Жыл бұрын
ما تتأخرش علينا تاني
@belroseya Жыл бұрын
حاضر
@user-yn5cd4qq6h Жыл бұрын
ايه الجمال ده
@alialkaabi3881 Жыл бұрын
استاذ احمد كيف يمكن التواصل مع الجهات العلمية او البحثية في روسيا بحيث يمكن دراسة فكرة علمية معينة مع حفظ الحقوق الفكرية
@belroseya Жыл бұрын
ما عندي فكرة أستاذ علي.. لعل مثل هذه الأمور تتم على مستوى المؤسسات والجامعات تتواصل مع بعضها البعض.
@altkeya4729 Жыл бұрын
👍👍👍👍👍👍
@belroseya Жыл бұрын
التكية منورانا والله
@user-jo5we5nz7p 10 ай бұрын
نار روسيا ولا جنة مصر
@Fareskamel-os8de 9 ай бұрын
ءالحكمه
@user-jo5we5nz7p 9 ай бұрын
@@Fareskamel-os8de عمتاً نار اي دوله احسن من جنة مصر
@youssoufbeyba5330 Жыл бұрын
شكرا و هل جامعة southern federal University جيدة ام لا
@belroseya Жыл бұрын
لو كان عازبا لا زوجة له فإني لا أنصح بسبب فتنة النساء وإلا فالمنحة فرصة جيدة جدا والدراسة في روسيا جيدة وسيستفيد كثيرا إن شاء الله.. يعني لو يتقي الله ويأتي بنية الخير والدراسة ويغض بصره وجوارحه عن الحرام فأنصح بها نعم..
@belroseya Жыл бұрын
لا أعرفها هذه الجامعة أخي .. في أي مدينة؟
@user-px8wn2iv7v 2 ай бұрын
كلامك صحيح الشغل في روسيا صعب جداً بجانب الدراسة هنا الحياة صعبة بتعمل قروش لكن للشخص الذي يريد العمل فقط
@youssef._.2006 Ай бұрын
طيب ي هندسه لو مصاريف الدراسه على الحكومة لو انا اشتغلت هعرف اوفر مصاريف الاكل والسكن ولاايه
@belroseya Ай бұрын
أيوه تقدر إن شاء الله
@user-eb9ez7em4s 10 ай бұрын
شكرا على الكلام بمنتهى الشفافية عندي سؤال لو طلعت على اساس منحة من الحكومة الروسية هل ممكن ان الشغل يغطي مصاريف الاكل والشرب ؟
@belroseya 10 ай бұрын
نعم، ممكن جدا ولو عندك فرصة زي هذي استغلها
@user-hr4lm5gg9w 24 күн бұрын
طيب لو ادرس مهندس معماري هل اقدر اشتغل مع الدراسه وهل في دوام جزئي وكيف اشتغل يعني انا في الصبح عندي جامعه و الشغل بيقى امتى عشان استغل
@belroseya 23 күн бұрын
تقدر تشتغل.. يعني تغيب بعض الأيام غير المهمة وتشتغل فيها وتحاول تعوضها في الأيام التانية
@nawrasjaffar6647 4 ай бұрын
طيب لو سمحت لو اني درست شوية من اللغة ببلدي قبل مسافر لروسيا ومعي صنعة حلاقة الرجالي بقدر ادفع تكاليف كلية ادارة الاعمال من شغلي ؟
@belroseya 4 ай бұрын
تقدر إن شاء الله
@user-jz9ec6cp2e Жыл бұрын
وعليكم السلام ورحمة الله وبركاته
@madamano1570 10 ай бұрын
تسلم هل بعد دراسة الماجستير ليا الحق فى البحث عن عمل ومعايا لغة روسى
@belroseya 10 ай бұрын
لا بد تحصل على إقامة لتمكنك من البقاء في روسيا.. ثم بعدها نعم لك الحق في البحث والتقديم والحصول على وظايف.
@madamano1570 10 ай бұрын
@@belroseya اقصد يكون ليا اقامة بعد الماجستير ولا بتنتهى بعد الدراسة فى وسيلة يعنى
@belroseya 6 ай бұрын
نعم في وسيلة ذكرتها في فيديو الحصول على الإقامة الروسية
@mohamedmahadeen7276 5 ай бұрын
مسموح العمل في السنه التحضيريه ؟ اقصد هل في قانون بيمنع ولا عادي ؟
@belroseya 5 ай бұрын
عادي
@ashrafhashen3690 9 ай бұрын
السلام عليكم ورحمة الله وبركاته اذا سمحت عايز اكلمك صوت ضرورى ممكن
@belroseya 9 ай бұрын
وعليكم السلام ورحمة الله وبركاته +79103696425
@neamamohamed6146 9 ай бұрын
هل فبه مذاكره في البيت وامتحانات ولا بيكفى الدراسه في الجامعه فقط بدون مذاكره المنزل
@belroseya 9 ай бұрын
على حسب الكلية والتخصص.. لكن غالبا في البيت هيبقى في شغل لكن مش كتير وبردو على حسب الكلية.
@user-py4fs5dc5x 11 ай бұрын
انا من المغرب لدي دبلوم تقني متخصص في الهندسة الطبوغرافية ، هل هذا المجال مطلوب بكثرة في روسيا ، و هل مجال البناء و الاشغال العمومية مطلوب ايضا اخوك و متابعك من المغرب ❤
@belroseya 11 ай бұрын
حياك الله أخوي وحي الله المغرب وأهلها الصالحين، مجال هندسة المساحة أو الهندسة الطبوغرافية مجال مطلوب في روسيا وجميع مجالات البناء نعم مطلوبة في روسيا.
@White-el3fl 3 ай бұрын
هل العمل الشاق ده متوفر ولا صعب الاقي
@belroseya 3 ай бұрын
متوفر إن شاء الله
@omarnabawy7475 9 ай бұрын
ايه هو مستقبل خريجي الهندسة في روسيا
@user-mf6pu4lb2q 9 ай бұрын
لو سمحت اقدم على الاقامه المؤقته عشان اشتغل بس وانا رايح فيزا دراسه ده قانوني وعادي اني اسيب الدراسه واقدم اقامه مؤقته؟ وهل التقديم اقامه مؤقته بعد ما اوصل روسيا اقدم ولا الشخص اللي هيطلعني يبقا مبلغ بكده ويقدم قبل الذهاب لروسيا ؟..وشكرا لك.
@belroseya 9 ай бұрын
الإجابة على أغلب أسئلتك في فيديو تاني أنا عملته بعنوان، أسرع طريقة للحصول على الإقامة الروسية. دور عليه عندي في القناة.
@h3modhalsabea59 Жыл бұрын
طيب انا بدي اطلع ادرس هندسة برمجيات وعندي صنعه حلاقه بقدر اشتغل حلاق وادرس بنفس لوقت؟وكيف رواتب لحلاقين
@belroseya Жыл бұрын
بالنسبة لك أمورك طيبة جدا إن شاء الله صنعة الحلاقة مربحة جدا بروسيا ومطلوبة.. اتوكل على الله
@mohamedmahadeen7276 Жыл бұрын
@@belroseya ممكن اعرف مرتبات المواطن الروسي العادي في المتوسط يعني للمواطن في الشهر
@belroseya Жыл бұрын
@@mohamedmahadeen7276 ما بين 30 ألف ل 45 ألف
@mohamedmahadeen7276 Жыл бұрын
@@belroseya معقول يعني بين ثلاث الى اربع الاف دولار في الشهر ؟ صح هيك؟
@belroseya Жыл бұрын
@@mohamedmahadeen7276 لا لا مو صح يعني لو 3000 روبل باليوم .. يعني 90 ألف روبل بالشهر 1000 دولار أو أكثر قليلا
@Fadypiero1 Жыл бұрын
يا أحمد معايا دعوة بيزنس و محتاج أڤيزها. ممكن أعرف لو أقدر أتواصل مع حد معين بخصوص التڤييز!! و شكرا
@belroseya Жыл бұрын
لما بيكون معانا دعوة دراسة بنروح للقنصلية الروسية في الدقي.. أو نسلمها لمكتب جولدن أو مكتب تساهيل جنب القنصلية وهما بيحطوا الفيزا على الباسبور.
@ahmedtito5353 Жыл бұрын
هندسه عايز اتواصل مع حضرتك
@belroseya Жыл бұрын
+79103696425 أهلا حبيبي اكتب لي واتس اب
@muhammedhusein2453 11 ай бұрын
ممكن اشتغل في توصيل الطلبات هل هذا الشغل متوفر بكثرة؟
@belroseya 11 ай бұрын
متوفر بكثرة نعم .. يحتاج للغة روسية متوسطة.. ممكن أقل من متوسطة أيضا
@muhammedhusein2453 11 ай бұрын
@@belroseya طيب بالنسبة الأوراق شنو الي احتاجه وهل كل الجامعات تنطي ورقة تخويل للعمل؟
@belroseya 11 ай бұрын
@@muhammedhusein2453 أنا ما أعرف كل الجامعات لكن الموضوع مو صعب وكمان مو دايما تحتاج هذي الورقة. تحتاج أوراق بسيطة للعمل مثل السنيلز وال ИНН.. لما تيجي هنا إن شاء الله تعرفها ومو دايما يطلبوها.
@andomad7778 11 ай бұрын
يا عم سهلة هاخد الإقامة الموقتة واشتغل سنة وادرس فسنة
@belroseya 11 ай бұрын
بالتوفيق.. ربنا يصلح حالك
@adsnews5177 Жыл бұрын
اذا اتكرمت كم رسوم تخصص بكالوريس تكنولوجيا المعلومات ؟؟؟
@belroseya Жыл бұрын
يختلف من مدينة لأخرى ومن جامعة لأخرى عندنا في مدينة بلجورود في الجامعة التكنولوجية (تخنولوج) ب حوالي 2000 دولار سنويا.
@adsnews5177 Жыл бұрын
@@belroseya انت شخص رائع اول مرة حدا يجاوبني بالوضوح هاد
@belroseya Жыл бұрын
@@adsnews5177 بارك الله فيك وحياك أخي.
@MaybenotN1nja 2 ай бұрын
طب بالنسبة للمنح طيب
@belroseya 2 ай бұрын
معنديش فكرة الحقيقة
@MohammadBinto Жыл бұрын
هل يمكن اصطحاب أطفالي معي لروسيا للدراسة؟؟
@belroseya Жыл бұрын
وضح لي أكتر سؤالك صديقي.. يعني أنت ستدرس وتريد اصطحاب زوجتك وأولادك؟ إذا كان هذا سؤالك فالجواب نعم بشرط أن توافق جامعتك على ذلك فتصدر لك دعوة للزوجة والأبناء كأعضاء في أسرتك.. ولكن هذا ليس سهلا ولا كل الجامعات تقبله..
@user-mu4jh2ie9i 11 ай бұрын
ممكن بعد مخلص دراسه اخد الاقامه الدائمة وايه الشروط
@belroseya 11 ай бұрын
@@user-mu4jh2ie9i أكيد تقدر تاخدها من غير شروط غير سلامة الصفحة الجنائية بتاعتك في مصر.
@shahadmohamed-xn2qe 10 ай бұрын
طيب اذا كنت جايه اقدم سنه تحضيري وادفع الفواتير للسكن وتكاليف السنه التحضيرية اقدر اشتغل واطالع كم وممكن تشرح كيف وشو هو الشغل الي اقدر اشتغله اذا كان يوم شغل ويوم دراسه؟ رجاءا الرد لانو رح اطلع بعد شهرين
@belroseya 10 ай бұрын
تقدرين تشتغلين في مصانع مثل ألبان.. أو جبنة.. أو تعليب بعض الخضروات.. ممكن في مطعم.. اليوم يطلع لك فيه مثلا ما بين 1200-1600 روبل روسي.
@shahadmohamed-xn2qe 10 ай бұрын
@@belroseya شكرا يعطيك العافيه 🌸🌸
@-iraqsport1505 Жыл бұрын
يا شغل يا عمل . 😂😂😂😂
@ahmedehab2881 8 ай бұрын
طيب اذا كلية ادبية هقدر اكفي مصاريفي بنفسي؟
@belroseya 8 ай бұрын
مصاريف الأكل والشرب مقدور عليها إن شاء الله.. مصاريف الكلية هتبقى صعبة
@ahmedehab2881 8 ай бұрын
@@belroseya طيب ايه افضل الكليات الأدبية اللي معوفر ليها شغل كتير هناك؟+شكرا
@belroseya 6 ай бұрын
الأدبية، مقدرش أقولك حاجة ليها شغل أوي بس ممكن لو تتخصص في اللغة الروسية وتتقنها تدرس لغة روسية غير كده الشغل كتير بس مش تخصصات.. يعني مطاعم و مصانع واعمال بناء وكده
@White-el3fl 3 ай бұрын
انت بتشتغل ايه
@belroseya 3 ай бұрын
أنا بدرس .. وجنب الدراسة بنعمل أي حاجة
@ahmedkerba 2 ай бұрын
جامعة هندسية سهله ف موسكو او بيتر
@belroseya 2 ай бұрын
أنا لا أعرف هذي الجامعات ما أقدر أفيدك ولكن الدراسة في روسيا عموما متشابهة وقريبة من بعض
@belroseya 2 ай бұрын
جاوبتك أعتقد في مكان آخر
@SadDd-eq6zo Жыл бұрын
طب لو جاي شغل علي تاكسي حلوه ولا لا
@belroseya Жыл бұрын
التاكسي هيكون بتاعك حلوة بتاع حد غيرك متعبة وتحتاج تفرغ تام.
@SadDd-eq6zo Жыл бұрын
@@belroseya تب لو بتاعي في رنج كام المرتب لو بشتغل 12ساعه
@belroseya Жыл бұрын
@@SadDd-eq6zo لو بتاعك تطلع صافي ربح من 2500 ل 4000 روبل لو 12 ساعة كل يوم.
@mopnuromop0296 Жыл бұрын
والله كذاب قرايبي فروسيا يشتغلو ويدفعو كلشي
@belroseya Жыл бұрын
الله يسامحك ويوفقهم
@Fareskamel-os8de 9 ай бұрын
@@belroseyaجدع
@entsarahmed-xp6le 11 ай бұрын
بالله عليك ابنى عاوزه ابعته بس عن طريق منحه السؤال هل المنح بتغطى مصاريف الجامعه؟ قصدى بتكون مختلفه عن التعليم اللى على حساب الفرد وهل المنح هذه حقيقه ام خدعه؟ وايضا ابنى ادبى بس هوحابب يدرس مجال البرمجه هل هيكون معتمد فى مصر وايه رأيك فى انه يدرس برمجه من الشعبه الادبيه وهو حابب جدا المجال وبيدرسه على النت وجايب مجموع كويس ٣٤٠
@belroseya 11 ай бұрын
أنا جاوبت حضرتك في تعليق تاني عن موضوع المنحة.. بالنسبة لإنه أدبي ويجي هنا يدرس برمجة، بالنسبة لدولة روسيا معندهاش اعتراض على ده ومفيش مانع.. بالنسبة للاعتماد في مصر لا يمكن اعتماده عشان في قانون جديد يمنع دخول خريجين الأدبي كليات علمية وهكذا. لذلك هو يقدر يجي يدرس هنا برمجة لكن مش هيعتمد في مصر والله أعلم.
@user-op1sv1xj1m Жыл бұрын
لو سمحت ممكن ترشحلي جامعه قويه في تخصص computer science وتكون في المصاريف معقوله
@belroseya Жыл бұрын
الجامعة اللي بدرس فيها قوية والمصاريف معقولة جامعة التخنولوج ،مدينة بلجورود ،ب 138 ألف روبل روسي في السنة.. الدراسة باللغة الروسية فقط.
@user-op1sv1xj1m Жыл бұрын
@@belroseya معلشي طب تخصص cyber security عامل كام وهل في المدنيه دي اقدر اشتغل بجانب الدراسه والتحضير ي اللغه بيبقا عامل كام فيها
@user-qq9dw6bu1e Жыл бұрын
ممكن رقم حضرتك
@belroseya Жыл бұрын
+79103696425
@user-mu4jh2ie9i 11 ай бұрын
ممكن رقمك الواتساب
@belroseya 11 ай бұрын
+79103696425
@hasgaming1887 10 ай бұрын
شخص الي يدرس دوام جزئي ماستر ممكن يدفع كل التكاليف اذا اشتغل ؟
@belroseya 10 ай бұрын
ممكن إن شاء الله، الله يعين
@hasgaming1887 10 ай бұрын
وضحلنا الامور مع دراسة و لعمل بدوام جزئي
@Muslim.7x165 Жыл бұрын
أنا جاي شغل اقدم علي الاقامة دي ازاي
@belroseya Жыл бұрын
اتفرج على آخر فيديو عندي
NOUR-نور
Рет қаралды 17 М.
Tofiq Mohammed
Рет қаралды 12 М.
Moscow Country موسكو البلد
Рет қаралды 1,3 М.
الحلقة الثالثة❗️❗️من حصة جزائريين 🇩🇿في روسيا 🇷🇺 الضيف مصطفى يصرح عن تجربته كطالب في احدى مدن روسيا❗️
Nassim Dz
Рет қаралды 10 М.
Ayman Elnashar مصري روسي
Рет қаралды 105 М.