Рет қаралды 28,757
مجلس عزاء الإمام الجواد ع
كلمات القصيدة ماعنده أخو 💔
ماعنده اخو//گدامي وبظهري انحجت//ماعنده اخو
ما عنده أخو//ويم كل عشيره اتسولفت//ماعنده اخو
عاش گلبي ابلايه فيّ
واثگل امن السم عليّ/ ماعنده اخو
.............................................
آخ من لجمات وكتي الحجي كاتلني البصدري
عشت كل عشريني غربه وماكو واحد لزم ظهري
وين ما التفت شامت يحجي بالخوه اعله عمري
ثگلّت اهدومي عليه بكثر ما طوّلت صبري
ويلي شكثر//ذاك الحجي الماينسمع//ويلي شكثر
كلما أمر //اتجوه بلماينجرع//ويلي شكثر
ومدري جم مره متت
ابكل مجان اسمع جنت//ماعنده اخو
..............................................
آنه ذاك الضل يدوّر بين ناسه عن تجوته
وآنه ذاك الحّجه الأخرس ومن سكت ما عانه صوته
جبت عمري بنفسي اسمع الجواد اشكثر اخوته
الماله اخو ايعطل الجنازه يستحي امن يجهبه موته
ضيم وقهر//وملت اعيوني امن الدمع//ضيم وقهر
بذاك السهر//عايش مثل عمر الشمع//ضيم وقهر
محد ايحس بالجرح
وآنه ليليه انذبح//ماعنده اخو
..............................................
كلشي أخضر يبس بيه وياما جنت اعثر بدربي
الوادم تصد لشبابي وماتصد لكبر گلبي
الشيب من جوه ترسني شيخ ديره وظهري مسبي
بير مالاگي اشتكيله حتى اگله اجروح تعبي
گلبي انعصر//من ناس تكرهه كل بخت//گلبي انعصر
وياما صبر// من ما نصف بيه الوكت///گلبي انعصر
من تضل ابلا وطن
تطلع ادموعك ضعن//ماعنده اخو
..........................................
آنه بالسم جنت ادري وحضرت بيدي جبدتي
وكل وجع ماهمني بيه وعالاخو طاحت دمعتي
ما شفت واحد رگضلي هنانه حسيت بغربتي
جان بس اوليدي يمي واحترگ گلبه اعله ونتي
ابني بجه//جي ما لگه يم راسي عم//ابني بجه
بس ماحجه//وخلصها بثيابي يشم//ابني بجه
الهادي يم راسي وگع
وعني يمكن هم سمع//ماعنده اخو
.............................................
وينه اليغمض اعيوني اوينه اليفرع عليه
اوينه اليگول آنه اشيعه اوينه اليسّبل اديه
ثاري معذور ابو الاكبر من لزم ظهره اعله اخيه
وحگه من گضها لحيته بين عبدالله ورقيه
الماله ظهر//امن الدنيا لازم ينولي//الماله ظهر
يعطش دهر //اليدورن بي ريحة علي/يعطش دهر
وناري ضلت بس تشب
بگبري اخافن ينكتب //ماعنده اخو
أداء وألحان : يوسف الصبيحاوي
كلمات الشاعر : أحمد ماجد الكلابي
و نسألكم الدعاء #يوسف_الصبيحاوي