Рет қаралды 7,282
足本訪問丨姜濤翻唱張國榮經典歌《追》丨指哥哥重新定義甚麼叫Charm 人格魅力好突出丨田木集作
姜濤重新演繹哥哥張國榮經典作品 《追》,直言唱這首歌很舒服,又指以前在演唱會都唱過這歌,知道自己音域屬於中音,而這歌都是中音區,因此令令唱得好舒服,「當然要聽返哥哥原版演繹,到重新去唱、編排過嘅時候,一定要有自己風格、唱法加落去
,太依賴會俾人覺得太模仿,唔想俾人覺得係模仿,因為哥哥係模仿唔到。」
今次為這歌監製的徐浩與姜濤合作無間,姜濤指對方非常了解他的風格和聲線,錄音過程相當順利:「雖然之前演繹過呢隻歌一次,但用新嘅編曲完整地演繹,係需要一邊唱一邊搵感覺,好彩比想像中順利。首先隻歌嘅range比較啱我,同埋同監製好熟,冇太多阻滯。本身預兩日錄,變咗一日就搞掂。」
至於對哥哥的印象,姜濤表示從小已經由媽媽和親戚口中聽到他的名字:「80、90年代嘅嗰一輩親戚都好鍾意哥哥,由細到大都有聽佢哋播《追》呢隻歌。我有睇哥哥以前一啲訪問,會感覺到佢好放鬆,係好自信嘅一個人。」電影《家有囍事》亦令姜濤留下深刻印象:「對小朋友嚟講好鍾意睇,會覺得『點解佢可以將個角色做得咁傳神』,《胭脂扣》都係我有去了解嘅作品,因為我都睇過梅姐(梅艷芳),入面有個橋段我好好奇,就搵返套戲嚟睇,覺得佢兩個真係做得好好,因為好少藝人可以將唱歌同演戲都做得好好。」
除了唱功和演技外,姜濤亦非常欣賞哥哥風趣幽默的性格:「我哋而家做訪問多少都會有啲拘謹,可能人生閱歷未夠,好多人都有睇過哥哥《今夜不設防》嘅訪問,佢重新定義咗咩係Charm,唔會淨係鏡頭前一張相,而係你個談吐、氣質。依家啲節目唔會俾你食住煙去傾偈,但佢可以好Chill,嗰個年代嘅Artist嘅人格魅力係更加突出,哥哥係再突出嘅一位。」
==================================
📌 支持「田木集作」詳盡內容請瀏覽影片
📌睇片後可以按Super Thanks❤️ 支持「田木集作」
==================================
田木集作丨娛樂丨專訪丨專題丨飲食丨生活丨資訊
❣️行動撐我們 ❣️請即訂閱KZbin頻道
bit.ly/3QyUeTn
==================================
#姜濤 #keungto #追 #張國榮 #哥哥 #田木集作 #touchwoodtv