Рет қаралды 560
Sevinir ərş ilə fərş, aləmə Zəhra gəldi,
Rəsulun, gözlədiyi gözləri ziba gəldi.
Odu, Vallahi Xuda dərgəhinin mötəbəri,
İki dünya xanımı ərşdən ə'la gəldi.
O gəlişiylə ölən qəlblərə verdi səfa,
Sanki, bu yer üzünə həzrəti İsa gəldi.
Bir kəsin babına ki, aləmi möhtac olsun,
Heç rəvadır deməsin bizlərə inna gəldi?
Ta əzəldən biz o yarın yolunu gözləmişik,
Allah-Allah, bizə Şirin, bizə Leyla gəldi,
Söyləsəm şə'ninə gər, bir sözü mən bəs eləyər,
O xanımdan bizə on bir dənə movla gəldi.
Hansı məzhəbdə denən böylə xanım var, Həşri ?
Həmd ola Allaha, bu məzhəbə Zəhra gəldi.