ازاى احسب مصنعية الذهب عيار 21 و عيار 18 وعيار 24 بكل سهولة ومتخليش حد يخدعك واعرف سعر الذهب اليوم

[@waleedmahdi8101]

شكرا لحضرتك. فيديو مفيد وتعلمت كيف أكون شاطر ومحدش يستغل عدم علمي بشراء الذهب البركة فيك مستر تامر

[@eldawy]

يا مستر وليد انت اللي بتعلمنا الحاجات دي تحياتي

[@madihakhamis7738]

انا جبت خاتم عيا،ر 18 الوزن 9 جرام 45 حسبه28 الف با المصنعيه مصنععيه الجراام330 انا اضحك عليه من الصاغه

[@mohamednaguibhassan6977]

انسان كريم .. شكراً جزيلاً .. معلومات جميلة ومفيدة جداً .. بارك الله فيك .. 🌷🌷

[@eldawy]

ربنا يبارك في عمرك وحياتك يارب شكرا جدا علي تعليقك والله وربنا يكرم وجهك يا اخي 🌹

[@mohamednaguibhassan6977]

@@eldawy العفو على ايه .. انت اللي تستاهل كل خير .. تعلمت حاجات كتير من حلقتك .. بارك الله فيك .. 🌷🌷

[@eldawy]

@@mohamednaguibhassan6977 اشكرك

[@mohamednaguibhassan6977]

@@eldawy 🌷🌷

[@alanood172mousa9]

المصنعية و الدمغة و الضريبة قيمتهم ثابتة في كل الدول عشان في ناس برا مصر و حابة تستفيد و شكرا ليك مقدما 🌷

[@mohamedhalim7916]

الله يباركلكويرزقك كل الخير شكرا علي روابط تليجرام❤❤❤

[@eldawy]

ربنا يبارك في عمرك وحياتك اخي الكريم وتحت امرك طبعا في اي حاجة

[@hodadawood1753]

شكرا جدا تحياتي 🙏

[@eldawy]

حياك الله وانار طريقك

[@user-jc4zw5yg4q]

اللهم صلي وسلم علي الحبيب المصطفي ماشاء الله عليك يا أخي الكريم كل شئ حضرتك بتكلمنا وبتفيدنا في كل حاجه 👍

[@eldawy]

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين شكرا لحضرتك 👍

[@letstalk2018]

السبيكه مصنعيتها كام في الميه و ازاي احسب وقت البيع هب بيكون سعر الجرام + الكاش باك و هل بيتحسب دمغه و ضريبه علي السبيكه

[@salahkamal9659]

عن جد انا استفدت كثير ربنا يخليك لنا يا تامر

[@eldawy]

الحمد لله دا من فضل ربنا علينا وربنا يخليكم ويبارك في عمركم يارب 🤲

[@monamohamed8895]

جزاك الله خيرا افادتنى

[@eldawy]

الحمد لله الذي وفقنا لهذا وتحياتي لحضرتك ودة فيديو فية معلومات عن شراء الجنيهات الذهب والسبائك بكل تفصيل kzbin.info/www/bejne/oGPYqXSPprKabZI

[@user-qk2si3pl6l]

اخي بالله عليك فيديني بسرعه ممكن اعمل ترجمه لفيديو اعاده النظر. من جوجل واكتبها بايدي. علي الفيديو في المونتاج

[@eldawy]

اه طبعا ممكن وانتي لازم تحددي جمل معينة انك تقوليها في الفيديو باللغة العربية الفصحي علي قد ما تقدري لان لازم اللغة تكون سليمة وتترجميها وتحطيها في المونتاج. مفيش مشكلة انك تكتبيها بايدك وتخليها من تحت في الفيديو. انا مش عارف سهل ولا صعب انك تعملي الفيديو بنفسك يعني تطلعي فية بنقاب حتي لو انتي مش بالنقاب وكدة كدة الفيديو هيكون غير مدرج يعني محدش هيشوفه غيرهم مش علي العلن وتقدري تشرحي فية انك صاحبة المحتوي وبعد كدة تعملي تسجيل شاشة وتعرفيهم ازاي بتعملي المونتاج واهم حاجة تكوني مركزة في كلامك انه محتواكي وانك بتتعبي فية جداا

[@user-qk2si3pl6l]

@@eldawy شكرا اخي هبدا في عمله.

[@-jasemktaish5765]

لك كل التحيات والتبريكات والدعوات بالصحه السعادة و أطيب التمنيات بدوام الازدهار ومن نجاح إلى نجاحات واحلى لايك قناة جميلة جداتحياتي

[@eldawy]

حياك الله وبارك في عمرك وحياتك تعليقك اسعدني جدااا جدااا وتشرفت بوجودك في قناتي اشكرك

[@user-kp6wp4qp4i]

اللهم صل وسلم وبارك على سيدنا ونبينا وحبيبنا وشفيعنا وتاج رؤوسنا سيدنا محمد صلى الله عليه و على آله وصحبه أجمعين

[@eldawy]

اللهم صل وسلم علي اشرف الخلق سيدنا وحبيبنا وشفيعنا محمد علية افضل الصلاة والسلام

[@user-xx2hb3yz9z]

بعد اذن حضرتك عايز اعرف مصنعيه دبله الخطوبه زائد خاتم تتحسب ازاي

[@a-a5291]

والله شرح حضرتك مختصر و مفيد جداً بس عندي سؤال لو تسمح ، حضرتك قلت في حالة البيع بنخصم 2% من كل جرام السؤال هنا بقي ال 2% دا شامل الضريبة اللي هي 8% ارجو الرد🙏🏻

[@eldawy]

2 % من السعر المعلن ومفيش في البيع 8% خالص 8% في حالة انك بتشرتي فقط انما البيع 2%

[@a-a5291]

@@eldawy ألف شكر لحضرتك و أنا بشكر الصدفة اللي خلتني أشوف فيديوهاتك ،، تحياتي لحضرتك 💐

[@eldawy]

@@a-a5291 والله انا اللي بقدملك كل الشكر علي وجودك معانا وحياكي الله بكل معاني الرحمة والود

[@ahmed_ufo]

سلام عليكم..يا مهندس ما الفرق بين ذهب عيار 24 وشذرات الذهب الطبيعي .. وشكرا لك

[@salahkamal9659]

قناتك جميله جدا يا تامر ربنا يخليك ليك اولادك

[@eldawy]

الله امين 🤲 وشكرا جدا والله

[@ys6539]

ف حالة الدهب المستعمل يتحسب ازاى

[@eldawy]

المفروض بسعر جرام الذهب يعني اوزن اللي عاوز ابيعه واشوف الجرام بكام بدون مصنعية ولا ضريبة ولا دمغه واضربهم في بعض لكن بعض الصاغه بيخصم 1% او في حدود 10 جنية علي الجرام ودا بقي السائد دلوقتي

[@tareksayed3201]

​@@eldawyغ

[@user-mk3np7rk3r]

شكراً جزيلاً ربي يكرمك موضوع حلو

[@eldawy]

الله يخليكي حسيت الموضوع دة الناس بتدور علية ونفسها تفهم علشان ميضحكش عليها 👍

[@user-mk3np7rk3r]

@@eldawy اي فعلا مفيد جزاك الله خيرا فيه ناس صارت تتفنن في النصب والاحتيال

[@wessamkamal2625]

شرح اكتر من ممتاز بصراحه ربنا يبارك لك

[@joo80]

اَللَّهُمَّ إنا نَسْأَلُكَ أَنْ تَمْلَأَ قُلُوبَنَا بِالإِيمَانِ حَتَّى نَلْقَاكَ وَأَنْتَ رَاضٍ عَنَا، اَللَّهُمَّ إنا اِسْتَوْدَعْنَاكَ حَيَاتَنَا، فَلَا تَجْعَلُ مُرّها يشقينا، وَلَا حَلُّوهَا يُلَهِّينَا، وَ اِجْعَلْ مَا نُرِيدُهُ فِي حَيَاتِنَا قَرِيبًا لناظِرنا، سَعِيدًا لِخَوَاطِرِنَا، بِرَحْمَتِكَ يَا أَرْحَمُ الرَّاحِمِينَ. اَللَّهُمَّ نَسْأَلُكَ العَفْوَ وَالرِّضَا وَنَسْأَلُكَ البِرُّ وَالتَّقْوَى. اَللَّهُمَّ يَسِّرْ الأُمُورَ وَاِشْفِ الصُّدُورَ وَزِدْنَا مَنْ عَطَاءَكَ الوَفِيرَ. وَاِجْعَلْ خَيْرَ أَعْمَالِنَا خَوَاتِيمَهَا وَخَيْرٌ أَيَأْمَنَا يَوْمُ لقاك، اَللَّهُمَّ أَنَّكِ عَفْوٌ كَرِيمٌ تِحِبّ العَفْوُ فَاُعْفُ عَنَا. اَللَّهُمَّ آمِينْ@@

[@eldawy]

اللهم امين تحياتي لحضرتك 🌹 وشكرا

[@moustafelhmlah6600]

احسنت يا تامورا💐

[@eldawy]

احسن الله اليك يا كبير ... منورررر

[@fathallahelsayd2511]

جنيه الدهب الغير مدموغ سعره يتحسب علي وزنه ويضاف ليه المصنعين علي والدمغه باعتباره دهب مصنع عيار ٢١ولا اشتريه بقا بقا وفقا السعر المعلن لجميع الدهب المغلف ممكن الاجابه من فضل حضرتك

[@user-tp3kk4lo1y]

هل الدمغه بتحسب ٢ونصف في الميه من اجمالي سعر الدهب

[@ommohmed4434]

ربنا يكرمك بعددكل اللى العرفته الحسبه دى علشان احنا كنا بنتغش فى الدهب

[@eldawy]

ربنا يكرم اصلك والله

[@fatenabo1125]

ياريت توضيح شراء وبيع الجنيه

[@eldawy]

دا فيديو فية السبائك والجنيهات الذهب وكل التفاصيل kzbin.info/www/bejne/oGPYqXSPprKabZI

[@asmaafarouk-ce5np]

ايه الفرق بين عيار 18. 21. 24. وأيهم افضل للشراء لحفظ مال ..

[@dr.omaimagado10]

عيار ٢٤ ده انقى ذهب بيكون نسبة الذهب هو ٩٩٩ ويجعله هشا ..والعيار ٢١ بيكون فيه نسبة نحاس اكتر والذهب بيكون ٨٧ بالمئة ..وهذا يمنحه صلابة اكتر لصنع المشغولات ..والعيار ١٨ تزيد نسبة النحاس وبالتالي يمكن تشكيله افضل وهكذا

[@abdelsalamelnagar240]

تسلم الايادي

[@eldawy]

تسلم عيونك تحياتي

[@HAMID3DZ]

شرح رائع مشكور اخي الكريم 👏

[@yasmiineahmed2837]

استاذ تامر طيب دلوقتي انا عندي سلسله وزنها ٢١ جرام السلسه نفسها عيار ٢١ ووزنها ١٦ جرام والدلايه عيار ١٨ وزنها جرامات ومحتاجه ابيعها. اعمل ايه طيب علشان ميضحكش عليا. لاني محتاجه ابعيها

[@VipFffMan]

ماشاء الله يعطيك العافيه بس عندي سوال لو رحت ابيع خاتم وفيه فصوص كم يخصم ثمن الفصوص ؟ هل يخصم بالجرام ؟؟

[@eldawy]

حاول تسأل الصايغ الاول عن الشركة اللي صنعت الخاتم وإمكانية بيع الخاتم بالفصوص الاول وشوف اكثر من صايغ وحاول يكون معاك الفاتورة وقوله البيع بالفصوص واللي بيحصل لو الشركة اتقفلت او غير مستدل عليها ومش واضح ختمها بيشيل الفصوص وبيوزن من غيرها او بيحرقها بس معظمهم بيشيل الفص وبيرمية قبل الميزان

[@user-qk2si3pl6l]

شكرا الله يكرمك 👏

[@eldawy]

الله يخليكي يا استاذة ❤️

[@yasmiineahmed2837]

استاذ تامر كان فيه حد بيقول ان مخليش الصايغ ياخد مني ضريبة ومصنعيه وان ال٢ واحد... وان لو الصايغ قالي كده امشي... فيارت حضرتك تفهمني ربنا يكرمك لاني محتاجه ابيع السلسه بتاعتي ضروري

[@aymanfathy9056]

ربنا يباركلك

[@eldawy]

الله يبارك في عمرك اشكرك ♥️

[@user-qg5zp5yo6w]

فيه حد نصحنى اشترى دهب قديم افضل من الجنيه والسبيكه فى حالة استثمارى او تحويش

[@eldawy]

لو هتضمني تشترية بسعر كويس ويكون وزنة مظبوط يعني لو دهب نفخ او مفرغ ان ميكونش فية رواسب يبقي اتوكلي علي الله علي الاقل مصنعيتة قليلة جدااا وممكن تقدري تلمعية وتلبسية علي عكس السبائك والجنيهات بس خلي بالك من الميزان وتاخدي فاتورة من المحل

[@shaymaamahmoud5527]

@@eldawy هو الدهب القديم عليه مصنعيه ودمغه هو سعر والدمغه ويكون ثابته

[@AmalMansy-px9uf]

انا اشتريت خاتم ودبله 5 جرام و80 واالدهب كان ب 2160 والراجل قالي المصنعيه عليهم 750 جنيه واخد مني 13200 انا كده انضحك عليا

[@beshoyreyad1727]

اضحك عليك فى 22 جنيه فى الجرام 22×5.80= 127

[@mhmmoudmhammed8658]

السلام عليكم ممكن تحسبلى المصنعيه لسبيكه ربع كيلو ٢٤

[@dr.omaimagado10]

مصنعية سعر الجرام حوالي ٥٠ ج اضربها في ٢٥٠ جم

[@fatemamahmoud1011]

اليوم اخد مني ٢٣٨ جنيه مصنعية ودمغة وضريبة في الجرام

[@MAKAWel-zu4lj]

لو سمحتي كان عيار كام اللي حسبلك عليهم المصنعيه كده

[@manarelshahawy7274]

عاوزة اعرف المصنعية علي السلاسل السادة زي ظهر الحية او بسمارك يكون مصنعية كام علي الجرام

[@eldawy]

حوالي 6% الي 8% من سعر الجرام شاملة الضريبة والدمغة

[@syadasulaiman5432]

الله ينور عليك👏💯👍

[@eldawy]

وعلي حضرتك وينور حياتك وشكرا ليكي

[@hassangalal5232]

هل لو اشتريت سبيكة ذهب ( بامب)من إحدى الدول العربية هل ممكن ابيعها في مصر مع توافر كافة البيانات بالفاتورة

[@eldawy]

بيع السبائك ضعيف شوية ومعظم الصاغة بيدور علي الاصناف المنتشره في مصر لانه هيرجع يبيعها هو كمان للشركة دي وياخد نسبة استرداد بس طالما معاك فاتورة وفيها كل البينات هياخدها منك بس لو ليك استرداد جزء من المصنعية ممكن ميديكش الاسترداد لانه هيعتبر بياخد ذهب صافي واللي انا شايفة افضل انك تتواصل مع اقرب صايغ ليك وتشوف الدنيا

[@hasnaelbaarari965]

انا عاوزة اشتري ومش عاوزة ينضحك عليا الله يجازيك خير يارب

[@amieramera5192]

شكرا ليك اخي فالله

[@omahmed9316]

ممكن اعرف حساب غوشتين ٣٧ جرام و٧٠ ملى دهب مستعمل بيقولى الجرام اليوم ١٠٠٧

[@eldawy]

سعر الجرام حاليا 1004 تمام ولو كدة نحسبها 37.07 * 1004 = 37218.28 وبأكد تاني ان الوزن 37 جرام و 70 ملي مش 700 تمام ؟ مفيش ولا ضريبة ولا دمغة بتضاف علي المستعمل علشان نخلص من الحتة دي ومفيش مصنعية نهائي ومع العلم مكسب الصايغ بيطلع من اللي كان شاري منه انه بيقلل من سعر الجرام 1 او 2% وفي بعض الصاغة بيطلبوا هامش ربح 5 او 10 ج علي الجرام وانا مش بوافق طبعا ولو هو قالك سعر الجرام 1007 شاملة مكسبة 3 جنية حاليا ماشي لانها 111.21 جنية وبكدة 37.07 * 1007 = 37329.49 النصيحة المهمة فاتورة فيها الوزن والمبلغ ولو الغوايش نفخ اتأكد انها مفيهاش رواسب صابون او اي شئ

[@asmaaesmaeil8977]

لو سمحت لو اشتريت خاتم شكله عادى مفهوش فصوص يعنى مش لازوردى بس هو شركة ماستر جولد وزنه 2,43 المفروض مصنعية الجرام تقريبا كده كام وسعر جرام الدهب 3080

[@dr.mohamednour9229]

بارك الله فبك

[@fatenabo1125]

ماشاءالله قناه غزيره بالمعلومات الهامه في حياتنا ربنا يبارك فى عمرك

[@eldawy]

اللهم امين وشكرا لحضرتك جدااا علي تعليقك الجميل دة وبارك الله فيكي نورتي قناتي واتمني من الله التوفيق لنا جميعااا

[@eldawy]

kzbin.info/www/bejne/oGPYqXSPprKabZI دا الفيديو اللي حضرتك طلبتية الخاص بالجنيهات الذهب

[@asmaaesmaeil8977]

السلام عليكم ورحمة الله وبركاته كنت عاوز اسأل حضرتك على حاجة انا اشتريت حلق وزن 4 جرام لازودى كلبس وخاتم من MR الصائغ لما جيت احاسبه وعملى الفاتورة قطع اللوجو الورقة بتاع الخاتم والحلق ولزقهم فى ورقة الفاتورة معرفش ليه ولاحظت لما روحت أن الحلق كأنه قديم ومفهوش لمعة الجديد على عكس الخاتم لامع وباين انه جديد وكمان لوجو الحلق اللى لزقه ف الفاتورة فعلا قديم جدا أنا خائفة يكون دهب مستعمل وباعه ليا ع أنه جديد

[@eldawy]

وعليكم السلام ورحمة الله وبركاته ممكن يكون الموديل قديم بس مش مستعمل ودة للاسف مش بيتعرف غير عن طريق صايغ لكن تقدري تفحصية بنفسك ان في رواسب شامبو او معوووج " معضعض " ممكن تروحي لاقرب صايغ او لو جمبك ورشة تصليح دهب من النظر هيقولك واللي تشكي فيه بعد كدة متاخديهوش ومبروك علي حضرتك ... وفي النهاية الدهب دهب قيمته مع الوقت فيه وربنا هيعوضك وهو لو غشاش ربنا يوقف حاله ويضيق رزقة

[@asmaaesmaeil8977]

@@eldawy انا فحصته فى النور من جوه فعلا حضرتك تحس فيه رواسب وكأنه مستعمل وروحت رجعته تانى يوم والحمدلله بعد مناهدة مع الصائغ رجعلى فلوسى من غير اى خصم وربنا سترها شكرا جدا لحضرتك

[@dr.omaimagado10]

والله حضرتك محترم وعملت لك لايك ومشاركة تستحق والله ربنا يبارك فيك شكلك من اسوان اطيب ناس.

[@hebaesmail1477]

لو سمحت انا جبت حلق اطفال ع 18 من يومين حسب لى مصنعية الجرام 263وقالى حاليا مصنعية عيار 18ممكن توصل اكتركده ضحك عليا صح

[@user-vz8yz7fe5y]

125 المصنعيه

[@nadiamohamed7497]

هو مش المفروض ان السعر المعلن بيكون شامل الدمغه و علشان كده سعر الشراء بيكون اغلي من سعر البيع لان الفرق ده بتاع الدمغه

[@proo3660]

طيب سؤال لو عايز ذهب بدون مصنعية ؟ مثلا كسر الذهب والجنيه الذهب بدون مصنعية ؟؟

[@eldawy]

الدهب الكسر بيتباع في محلات محدودة وبيكون بمصنعية 10 جنية وساعات 5 جنية للجرام والجنية الذهب شوف الفيديو دة kzbin.info/www/bejne/oGPYqXSPprKabZI

[@SaidHegazy2011]

السلام عليكم سعر الدهب اليوم 1030عبار 21واشتريت 9.50 عباره عن خواتم المفروض ادفع كام وشكرا جزيلا

[@eldawy]

وعليكم السلام ورحمة الله وبركاتة هنفترض ان المصنعية من 60 الي 80 % يعني الاعلي 80 جنية مصنعية والاقل 60 جنية مصنعية 1030 + 8 + 60 = 1098 للجرام * 9.5 = 10431 1030 + 8 + 80 = 1118 للجرام * 9.5 = 10621 يعني اقل من 10430 انت تمام حسب الشغل اللي في الخاتم واعلي مبلغ تدفعه 10621 انت اشتريت بكام ؟

[@SaidHegazy2011]

@@eldawy شكرا جزيلا ربنا يجعله فى ميزان حسناتك

[@user-sd4tt8op3c]

@@eldawy أنا مش فاهمة

[@eldawy]

استاذه بسمة محمد ... تحياتي حضرتك بتقولي مش فاهمة ف انا هحاول بسطها لحضرتك النهاردة سعر جرام الذهب كان عيار 21 ؟؟؟ حوالي 1170 جنية تمام ؟؟؟ السعر دة بدون مصنعية علي الجرام يعني كل جرام هياخد مصنعية كام لان الصايغ مش بيقولك الخاتم دة مصنعيتة كام اجمالي لكن بيقولك المصنعية لكل جرام لو علي فرض ان المصنعية 50 جنية كدة السعر بتاع الجرام زاد من 1170 الي 1220 بمقدار المصنعية وكمان هيزيد بمقدار الضريبة والدمغة اللي في حدود 10 جنية يعني هيوصل 1230 جنية يبقي سعر الجرام 1230 شامل الذهب ومصنعيتة وضريبتة ودمغتة ودة اللي اضربة في ميزان القطعه اللي هشتريها؟؟؟ لغاية كدة تمام ؟؟؟ بالنسبة للمصنعية هتكون متغيرة من صايغ للتاني طب اعرف هتكون كام ازاي او في حدود كام النسبة المظبوطة اجيب سعر الجرام النهاردة 1170 واقول انها 6% او 8% منها واعملها علي الاله الحاسبة وابقي راجعي الفيديو تاني هتفهمي

[@dr.omaimagado10]

​@@eldawyوالله انسان محترم بارك الله فيك

[@eldawy]

دا رابط جروب واتساب علية كل الاسعار والاخبار لحظة بلحظة اتمني تنضموا الينا chat.whatsapp.com/C2K81xxyQGC57MNnRpi3nP دا رابط صفحتي علي الفيس بوك لو حابب تتواصل معايا facebook.com/profile.php?id=100082892094524 كيفية شراء السبائك الذهبية والعملات الذهبية kzbin.info/www/bejne/oGPYqXSPprKabZI

[@eldawy]

اسعار الضريبة والدمغة علي الذهب علشان نفهم الموضوع صح وتعرف القيمة بتتحسب ازاي فلازم تركز معايا اولا ضريبة القيمة المضافة بتحتسب علي قيمة المصنعية الخاصة بالتاجر اللي صنع القطعة بيحط لنفسة قيمة مصنعية علي القطعه وهو رايح مصلحة الدمغ والموازين في مصلحة الدمغة والموازين - بيحصل الضريبة والدمغة وبتكون هي دي القيمة اللي بيتحملها التاجر وليها متوسط سعر للمصنعية + 1.25 جنية دمغة مثلا عيار 21 بيكون وعاء الضريبة اللي بيتحسب علية ال 14% ضريبة القيمة المضافة هو 44 جنية مصنعية للجرام الواحد وبتكون الضريبة 6.16 جنية + 1.25 جنية دمغة عيار 24 و 18 المصنعية 66 جنية فالضريبة 9.24 جنية + 1.25 جنية دمغة عيار 14 المصنعية 55 جنية فالضريبة 7.7 جنية + 1.25 جنية دمغة عيار 12 المصنعية 49.5 جنية فالضريبة 6.93 جنية + 1.25 جنية دمغة عيار 9 المصنعية 33 جنية فالضريبة 5.62 قرش+ 1.25 جنية دمغة بالنسبة للفضة المصنعية من 8.8 الي 11 جنية والضريبة في حدود 1.232 جنية الي 1.54 جنية+ 1.25 جنية دمغة وكل الارقام بيضاف عليها الدمغة او يعني الف جنية علي كل كيلو ذهب رسوم دمغة

[@eldawy]

الناس اللى بتسأل كل يوم الدهب حيغلى ولا حيرخص .. الناس اللى بتشترى فى يوم وتزعل ان تانى يوم الدهب رخص .... او تفرح ان الدهب زاد لمدة كام ساعه ورجع يرخص ... الناس اللى عاوزه تشترى دهب وتحافظ على قيمة الفلوس اللى حيلتها .... احب اوضحلهم حاجه .... مينفعش تشترى دهب مثلا يوم 15 ديسمبر .. وتلاقيه يوم 16 زاد مثلا 50 جنيه ... ويوم 17 يزيد 30 جنيه تانى ... ويوم 18 يزيد 60 جنيه ... ويوم 19 يزيد 200 جنيه ... وتفضل تحلم ان مع كل طلعة شمس حتكسب مثلا 2% على الاقل ... وبالتالى بعد شهر تبقى كسبت 60% ... يعنى لو اشتريت دهب ب 10 الاف جنيه حيبقوا بعد شهر ب 16 الف .......... ولو اشتريت ب 100 الف حيبقوا 160 الف .... والدنيا حتمشى معاك كام شهر كده وتلاقى نفسك السنه الجايه بقيت من اصحاب الملايين وانت مبتدى بكام الف جنيه ....... سيبوا الرزق على الله .... احنا بنشترى بعد ما اقتنعنا ان قيمة الجنيه بتقل وبنحاول نحافظ على الفلوس ... يبقى لازم نتوقع ان سعر الجرام ممكن ينزل ويطلع فى حدود 200 جنيه بالكتير جدا ....واذا كان متوسط سعر جرام ال 21 حاليا فى حدود 1800 جنيه ..... فبالتالى نتوقع ان ينزل ل 1700 مثلا ويطلع ل 1900 مثلا .... يزيد او يقل شويه .... لكن مش حينزل ل 1300 ولا 1500 زى ما فيه ناس بتتمنى .... ومش حيوصل ل 2000 ولا مثلا 2200 فى خلال كام اسبوع او كام شهر ......... للمره المليون ... الدهب فى مصر مختلف عن العالم ... الدهب فى مصر مرتبط بسعر الدولار ....... ودايما افتكروا المثل ده ... ان الاونصه وزنها 31.1 جرام وبتكون عيار 24 وسعرها حاليا عالميا فى حدود 1800 دولار ( رقم تقريبى ) ولو قسمنا سعرها على وزنها حيطلع الجرام تقريبا ب 58 دولار تقريبا ........ يبقى نضرب المبلغ ده فى سعر الدولار النهارده فى مصر ... فيطلع معانا الجرام بكام جنيه ..... لو الدولار بكره بقى بجنيه واحد حيبقى سعر الجرام عيار 24 ب 58 جنيه ... ولو الدولار بقى ب 50 جنيه حيبقى سعر الجرام 2900 جنيه ........ وبالتالى محدش يتوقع او يستنى ان الدهب حيزيد كل يوم بال 50 جنيه علشان فى خلال كام شهر يبقى مليونير ........ وبكرر تانى ..... اتمنى اننا كلنا نخسر فى الدهب .... ويرجع الدولار ب 10 جنيه ... ونعرف نشترى سلع وعقارات وعربيات ونسافر ونعيش زى ايام عدت ... واخيرا .... اللى عاوز مكسب يومى لفلوسه يشتغل فى اغذيه ومشروبات لإن دورتها سريعه وكل يوم حيكسب باذن الله ..... واللى معندوش استعداد انه يعمل مشروع اكل وشرب يبقى يشترى دهب وينساه لمده لا تقل عن سنه ......... وربنا يجيب الخير للكل

[@eldawy]

دا فعلا اهم فيديو انا عملتة في قناتي ولما هتدور هتلاقيني جمعت كل حاجة في فيديو واحد ومع اني كنت مش عايز اعمل الفيديو او متردد في البداية لكن مستوي الفيديو ونسبة وصولة ومعدل مشاهداته مطمني ومحسسني انه فعلا قدر يلمس احتياج الناس ... لو عدد المشاهدات مش كبير اوي علي الفيديو لكن اللي بيدخل بيخلص الفيديو من اول لحظة لاخر لحظة تقريبا

[@amlahmed3858]

محدش يقدر يغلبهم الصياغ دول

[@user-sd4tt8op3c]

شكرا دا أحنا انضحك علينا كتير اول مرة اعرف

[@eldawy]

انا اللي بشكرك علي التعليق ومشاهدة الفيديو وكلنا بنتعلم من بعض ..... ودة يخليكي تتاني في كل القرارات بالاستخارة الاول واني اشوف خبرات غيري واللي عنده معلومة علشان متحسيش ان حد ضحك عليكي وتكون راضية وتحياتي لحضرتك

[@ommohmed4434]

ممكن من فضلك تسعدنى ضرورى اناحجزه عند صييغ سنسله وزنه ٨جرام و٣ملي عيار ١٨ شغل شعبي عادى مختارتش حاجه عاليه علشان المصننعييه الجرام ببى ٨٦٠ المفروض يخد كام ضريبة ودمغه علشان بيقولى بخد ٧جنيه على ١٠٠ غير المصنعيه والمصنعيه المفروض تكون كام منفضلك تعرفنى في اسرع وقت

[@eldawy]

نحسبها سوا سعر الجرام عيار 18 ب 863 دلوقتي حالا والضريبة والدمغة 7 ج علي كل جرام يعني سعر الجرام 863+7=870 ولو قالك سعر الجرام 860 يبقي تمام + 7 ضريبة ودمغة يعني سعر الجرام كدة 867 المصنعية علي الجرام اسأليه كام والمعقول ان المصنعية تكون 50 جنية للجرام او 60 بالكتير طيب احنا بنعمل ايه بنجمع سعر الجرام والضريبة والدمغة والمصنعية علي بعض 860+7+50= 917 جنية للجرام اضربها في الوزن انتي قولتي الوزن 8.003 كتبتي انه 8 جرام و 3 ملي هضرب 8.003*917=7338.75 لو الميزان 8 جرام و 30 ملي =7363. 5 لو 8 جرام و 300 ملي =7611.1 اتأكدي من الوزن بالظبط واللي يطلع اضربية في 917 تمام؟

[@samahmohamed9864]

ممكن حضرتك تحسبلي علشان اشوف انا صح ولا لاء ٢٨.٩٥٠جم عيار ١٨ بسعر اليوم اللي هوا ١٠٩٠

[@eldawy]

محتاج اعرف ايه اللي اشتريتيه علشان نعرف هل كان فيها شغل ولا عادية ؟؟ علي حسب القطعه اللي في ايدك لو فيها شغل متوسط هيكون الجرام 1163 بالمصنعية 65 جنية والضريبة 8 يعني 33665 ولو فيها شغل كتير وتستحق الجرام 1185 بالمصنعية 87 والضريبة والدمغة 8 يعني 34305 يعني الفرق كبير بين الرقمين علي حسب الشغل والفصال لان 87 مصنعية من 65 مصنعية تساوي 22 جنية لوحدها يعني الفرق 637 جنية وياريت تقوليلنا اشتريتي ايه ؟؟؟ ودفعتي كام ؟؟؟ وكاتب ايه علي الفاتورة من سعر الجرام والضريبة والدمغة ؟؟؟

[@user-rt7xf2es7c]

معايا شبكة من السعودية جبتها ومحصلش نصيب عيار 21 و24 وفيه سبائك ربع كيلو بالفواتير والبيع بجدية

[@eldawy]

انا مش بشتغل في الذهب لا بيع ولا شراء لكنك تقدر تبيع لاقرب صايغ جمبك وهيتعامل معاك بسعر اليوم ومش بتفرق الذهب من فين علي قد ما هل هو عيار كام ومختوم ولا لاء

[@salmasaber656]

انا اشتريت خاتم بفصوص مكتوب عليه فاين جولد وتحتها A.G بالانجلش فمش فاهمة ازاى فاين ومختصرينو بحرف a هو دا بيرجع بالفصوص ولا اى هو من محل عادى جمب بيتى

[@eldawy]

كل منتجات فاين جولد بتسترد ... الفاتورة اهم شئ مدون فيها يسترد بالفصوص ولو الخاتم مكتوب فاين جولد خلاص تمام. فاين جولد شركة مكونه من إخوه اشقاء كل واحد منهم كان شغال بلوجو منفصل فلاور جولد وريماس جولد ثم اتحدوا تحت لوجو "فاين جولد" وكل اللوجوهات دي تابعه لسياسة استرداد الفصوص

[@user-qk2si3pl6l]

يا استاذ لو ترجمه فيديو انا اعادة النظر الترجمه بتاعته مكتوب في مكان الوصف فقط ومش مكتوبه علي شاشه الفيديو نفسه ده عادي وصح ولا. لازم عالفيديو من فوق🤔🤔🤔🤔انا نشرت الترجمه واتكتب تحت المقطع مش عالشاشه ومش فاهمه اي الخطأ

[@eldawy]

المفروض الترجمة تكون علي الفيديو زي ترجمة الأفلام الأجنبية كدة 👍 حاولي في المونتاج كل مقطع تكتبي الكلام اللي انتي بتقولية من تحت باللغة الانجليزية حاولي وهتظبط معاكي أن شاء الله

[@user-qk2si3pl6l]

@@eldawy يعني مش بتنفع

[@eldawy]

لا طبعا الا لو حظك وقع مع بحد بيعرف عربي مع انهم طلبوا ترجمة الفيديوهات اللي بتتقدم بالعربي

[@user-qk2si3pl6l]

@@eldawy هو انا عملت ترجمه تلقائيه فللاسف الترجمه موضوعه تحت الفيديو لو مش عاوزه زعج حضرتك ممكن ابعت لك رابط تبص عليه

[@eldawy]

@@user-qk2si3pl6l ابعتيلي الرابط

[@emadsalah4729]

لوسمحت فى حالة البدل عيار ١٨ دبلة بدبلة كيف احتساب مصنعية مع اعتبار الدبلة القديمة دبلة لوكس

[@user-tm9ow9pz7d]

لو سمحت لو عايزه ابيع دبله ٤ جرام عيار ٢١ هيعمل كام بصمنعييه والدمغه والضريبة

[@eldawy]

لو معاكي دبلة وعاوزة تبيعيها نوزنها ونضرب في سعر اليوم 4 جرام x سعر الجرام 1073 = 4292 والبيع لا فيه ضريبة ولا دمغة وبعض الساغة بيخصم 10 جنية من سعر الجرام اليوم يعني بدل 1073 يحسبها 1063 كدة هنضرب 4 جرام في 1063 = 4252 تمام

[@eldawy]

لو نفس الدبلة بنشتريها بيكون سعر الجرام عيار 1073 مصنعية الجرام 6٪ تساوي 65 وضريبة ودمغة 8.5 نجمعهم كلهم 1073 و 65 و 8.5 1146.5 وطبعا المصنعية بتختلف يعني ممكن تزيد او تقل حسب الشغل كدة 4 جرام * 1146.5 = 4586 في حالة انك بتشتري

[@arsalansalih3961]

احسنت

[@hatemibrahim4231]

فيديو محترم

[@waleedashraf1835]

السلام عليكم اخى الفاضل ممكن اعرف الاماكن اللى بتبيع دهب بأقل مصنعيات فى مصر فين وتقبل شكري وتقديري

[@eldawy]

تحياتي لحضرتك خليك دائما مع المحلات اللي في المناطق الشعبية بيكون عندها انواع ذهب كتير بمختلف المصنعيات وفي محلات بتبيع دهب كسر بدون مصنعيات او بمصنعيات قليله جدااا وعيبة الوحيد انه دهب مستعمل فلازم تخلي بالك وانت بتشتري. في محلات بيكون عندها موديلات قديمة وعندها الغوايش مثلا واحدة من كل نوع دا تشتري منه رخيص جداا لانه مش هيعرف يبيعها بمصنعية عالية.

[@waleedashraf1835]

@@eldawy معلش أنا من محافظة السويس وعندنا الدهب مصنعيات غالية جدا أنا عايز اعرف اماكن فى القاهرة. ولك منى جزيل الشكر والتقدير مستنى رد حضرتك

[@eldawy]

انا للاسف مش عارف حد في القاهرة والله حاول تدخل في السويس عندك وتشوف وفاصل

[@waleedashraf1835]

@@eldawy اعرفهم كلهم وللاسف كلهم جشعين اشكرك أنا هنزل القاهره ونسأل شكرا للاهتمام

[@eldawy]

@@waleedashraf1835 تحياتي وربنا يكرمك ويوفقك يارب

[@withlove6452]

تحفه جدا جدا الفيديو بس مش بيعرفو يضحكو عليا 🌹🌹😅

[@eldawy]

طيب كويس لأن معظم الساغة بيستغلوا جهل بعضنا وبيضرب أرقام فلكية

[@eldawy]

وشكرا لحضرتك علي المشاهدة والتعليق

[@redaaboelnour7086]

ممكن اعرف سعر الزهب القديم يتحسب علي كام لو الذهب سعره2700جديد من غير مصنعيه

[@victorelmessih6388]

هل شركة MB شركة موثوق فيها خاصة السبائك الاوقية

[@eldawy]

انا بشتري منها والفيصل هي ان السبيكة تكون مدموغة من مصلحة الدمغ والموازين ودي سهل ندخل محل صايغ تاني غير اللي اشترينا منه ونعرف منه هل عليها الختم ولا لاء او اروح المصلحة نفسها واتأكد بنفسي منهم

[@victorelmessih6388]

الف شكر علي الرد ولكن هل الختم الخاص بمصلحة الدمغة يتم رؤيته بالعين المجردة ولا لازم مكبر لزيادة الرؤيا

[@basmwleed4082]

استاذ تامر لو سمحت انا شريت دبله عيار ٢١ جرمين لا ١٢٠ ملى الجرام ١٠٧٥ حسبلى التمن ٢٢٠٠ هل كده صح او ناصب عليه هوا قلى ان ١٢٠ ملى عادى مش بتتحسب يعنى انا عوزه اعرف ١٢٠ ملى عمله كام فلوس لو سمحت رد عليه بسرعه

[@eldawy]

حتي لو عرفنا ال 120 ملي بكام هتفضل نفس المشكلة هي ان في الاجمال المصنعية عالية 2 جرام الا 120 ملي يعني الوزن بتاعنا 1.88 تمام دفعت انت 2200 هنقسم 2200 اللي دفعتهم علي الوزن 1.88 جرام هيكون الناتج 1170 جنية وانت بتقول ان سعر الجرام اليوم كان 1075 يعني هو اخد 1170-1075 يساوي 95 جنية علي المصنعية والضريبة والدمغة الدبلة مفيهاش شغل ومصنعيتها اقل من كدة يعني المشكلة ان الحساب محددش فية سعر المصنعية ............................. ولو عاوز تعرف قيمة ال 120 ملي من حسابك هتقسم اللي دفعته علي 2000 ملي وتضربة في ال 120 ملي يعني في حدود 132 جنية ودة بردوا مش صح لان مقدار المصنعية دخل في السعر الاجمالي

[@amalfarhat309]

ايه رايك انا راحه اشترى شبكتى قريب بأذن الله فى حدود 23 الف اشترى من شركه لازوردى الدبله ساده وخاتم معاها فى فصوص كتير والدبله 7 جرام ب9560 حاجه كده انا هخسر فى الدهب لو اشتريته من الشركه دى لانى عرفت انى هى فيها خصومات للعلم بشترى من محل عادى وكل محل بقيت ادخله دلوقتى بقيت اشوف عنده توكيل للازوردى انا مش عوزه اخسر فيه لو بعته وعاوزه اعرف مصنعيته دلوقتى كام مع سعر الدهب العالى كمان قل لي ايه رايك

[@amalfarhat309]

اجيب منها اصلا ولالا هاخد برايك بجد

[@eldawy]

الف مبروك لحضرتك وبتمنالك السعادة في حياتك يارب شركة لازوردي من الشركات المحترمة جداا فلو الطقم عاجبك اشتريه ومفيش مشكلة في الفصوص بتاعته لانك زي مابتشتريه بالفصوص بيتباع بيها بردوا وطبعا هتحتفظي بالفاتورة وفيها بينات الخاتم واسم الشركة المصنعه ووزنة وكل حاجة ودي امان ليكي من غش التاجر اللي هيشتريه منك في المستقبل لو حبيتي تبيعيه. بالنسبة للاسعار كل دقيقة بسعر ودي مشكلة طبعاا ومعظمنا مش عارف ياخد قرار انه يشتري دلوقتي ولا يستني يمكن ينزل اكثر بس لو علي رأيي الشخصي اشتري دلوقتي وخليكي واثقة ان ربنا هيدبرلك الامور كلها بس اهم حاجة استخيري ربنا وبعدها اتحركي علي طول مفيش كلام اكيد انها هتزيد او هتقل كلها اشاعات من التجار علشان الناس تتحرك. وطالما هتشتريه لشبكتك فتوكلي علي الله انما اللي بيتردد ده اللي بيستثمر في الدهب وبيختار افضل وقت للبيع وافضل وقت للشراء المصنعيه 6 % كويس جدااا علي سعر الجرام او 100 جنية يعني دلوقتي وهتلاقي ناس بتقول 150 و ناس ممكن توصل ل 200 جنية مصنعية علي الجرام فانتي اعملي حسابك 110 جنية علي سعر الجرام مصنعية وضريبة ودمغة وشكرا لحضرتك علي كلامك وثقتك وبتمني من ربنا التوفيق ويتم علي خير

[@user-qk2si3pl6l]

يا استاذ هو يعني اي الurl الخاص بالفيديو بتاع اعادة النظر. قصدهم اي🤔🤔🤔

[@eldawy]

لينك الفيديو يعني

[@user-qk2si3pl6l]

@@eldawy ❤❤

[@user-zk5ud5db8n]

يعني وانا ببيع التاجر مبيخصمش المصنعيه والضريبه ولا ايه وال 1او 2% بيتخصمو ليه

[@eldawy]

الطبيعي ان لو معاك خاتم مثلا وزنة 10 جرام تشوف سعر الجرام كام في اليوم دة وتبيع بيه بس معظم الصياغة بتكسب من شراء المستعمل 10 جنية للجرام اللي هي 1٪ فلو عرفت تبيع بسعر اليوم يبقي زي الفل ومش بيخصم اي حاجة تاني لا ضريبة ولا دمغة ولا حاجة تاني ☑️

[@hasnaelbaarari965]

هذا ينفع حتى في الامارات

[@user-dl5yv8ew6j]

الله يبارك لك

[@eldawy]

الله يبارك في عمرك وحياتك شكرا لحضرتك

[@IslamIslam-di1ng]

منور الدنيا كلها ❤❤❤

[@proo3660]

يعني مثلا لو اشتريت غويشة 10 غرام هيكون سعرها 10680 جنيه ولو رجعت بعد نص ساعة ابيعها هبيعها ب 10 الاف فقط بخسارة 680 جنيه ، مشكلة وفجوة كبيرة

[@eldawy]

بيع الذهب في الفترات القصيرة بيكون خسارة كبيرة جداا لان السعر مش بيلحق يغطي المصنعية وعلشان كدة قرار شراء الذهب لازم يكون الواحد عنده تقبل ان لو حصلت ظروف هيخسر الضريبة والدمغة والمصنعية و 10 جنية كمان عليهم لانه بينقص في حدود 1% علي الذهب في حاله انك رايح تبيع بس اقولك علي حاجة لو اشتريت من سنه 10 جرام بالمصنعية بالضريبة كان سعر الجرام 780 جنية + 8 + 50 مصنعية = 838 للجرام يعني هتدفع علي ال 10 جرام 8380 والنهاردة السعر 1035 - 10 = 1025 * 10 = 10250 المكسب 1870 يعني 22.31% لمدة سنه احسبها صح ؟؟

[@user-qr4tg3hw8y]

لو سمحت انا اشتريت غويشتين 20 جرام و820 مللي والجرام الواحد كان ب ٣١٠٠ ودفع٦٦.٨٣٠الف كده تمام ولا اضحك عليا

[@eldawy]

كدة تمام جدا مبروك اخد ١٠٠ جنية مصنعية و ١٠ جنية ضريبة ودمغة على كل جرام

[@user-qr4tg3hw8y]

@@eldawy شكرا جزيلا

[@user-qr4tg3hw8y]

@@eldawy اختى عندها مبلغ في البنك مش كبير عايزة تسحبه وتشتري سلسلة تسحبه وتشتري حاليا ولا ف البنك افضل ؟

[@yasmiineahmed2837]

ولو فيه دلايه عيار ١٨ فيها فصوص المفروض بتتخصصم اذاي دوشت حضرتك معلش

[@user-rt3wx5lv6d]

حضرتك دلؤت انا لو حبيت ابيع ذهب مستعمل سعودي في مصر هنا هل بيبقى فيه خصم ١ و ٢ ٪؟؟؟ .... تقريبا ٩٨٪ من محلات الصاغة بتعمل كده ومع للأسف الشديد بيجرو رجل الزبون الاول ييشترو منو بدون خصم ويعطيه المبلغ كامل وبعدين لما يضمنك وتجيله تاني يخصم منك.. المفروض الواحد يعمل ايه لما يبيع ذهب مستعمل سعودي عيار ٢١ ذهب لأي صايغ لانو تعبت من عمليات النصب..

[@eldawy]

قبل ما نتكلم علي بيع المستعمل نتكلم علي شراء الجديد مشكلة الصايغ بيكون عارف ان الذهب في مصر اغلي من الذهب في السعودية ومعظمهم بيستغل الفرصة دي في حالة ان الواحد عاوز يبيع الدهب السعودي هنا في مصر فبيخصم من سعرة مع ان المفروض البيع يكون بسعر اليوم بدون خصم سواء دهب سعودي او دهب مصري مفيش حل غير ان الواحد يختار صايغ ثقة ويدور علية وقبل البيع يسأل كتير ويختار الافضل

[@dr.omaimagado10]

شكرا لك

[@alaaabdalziz1482]

طيب لو دهب مستعمل مصنعيته تكون كام فى الميه

[@eldawy]

من 1 الي 2% بالكتير وهنا هتحط يعني 20 جنية علي الجرام بالكتير واهم شئ اتأكد ان الوزن بتاع القطعه مظبوط وان مفيش رواسب جوا الدهب وخصوصا في الحاجات المفتوحة والمفرغة

[@marwamohamed7034]

اشتريت انسيال 10.250وحسبلى المصنعينه 100والدمغه والضريبة 12 عيار 18وسعر الدهب 1885ممكن تقولى كده كويس ولا اضحك عليا وتحسبهالى

[@mariambelal2918]

هل المستعمل ليه ضريبه الجواهرجي عاوز ياخد مصنعيه بضريبه 30ج الجرام

[@eldawy]

الصايغ بيكسب في كل الحالات مع ان الدهب المستعمل اصلا بياخدة اقل من السوق ب 10 و 20 و 70 دلوقتي لو دهب مستعمل دوري علي حد بيحط 10 جنية الي 15 جنية للجرام بالكتير بالضريبة لانك هتاخدي فاتورة ضريبية علشان تضمني حقك والميزان لان المستعمل ميزانة مش مظبوط بسبب الرواسب اللي بتكون في الذهب المفرغ

[@mohammedsalama2530]

أحسنت . جزاكم الله خيرا

[@mohamedtrika2027]

انا اشتريت انسيال دويلة وزنهم ١٧ عيار ١٨ كان سعر الذهب ٦٨٨ ياخد مني مصنعي اد ايه رد علي

[@eldawy]

الانسيال بيكون اعلي شوية من يوصل ل 10% يعني في حدود 65 جنية ل 70 بالكتير انا عارف انه ممكن يقول اعلي من كدة يعني 80 جنية بس نفاصل معاه وننزل بالسعر

[@ahmadmousa6449]

السلام عليكم ورحمة الله وبركاته لو سمحت اشتريت النهارده غوشتين مسح عيار ٢١ وقالي الجرام 1080 لما روحت شوفت ع النت لقيت عيار ٢١ ب 1075وقالي مصنعيه وضريبه وكله ٧٥ غوشتين وزنهم 31 كنت عاوزه اعرف مصنعية الغويشه الساده كام وهو بيقولي دي شركة لمار كده المصنعيه كتير ولا كويسه وكمان خاتم عيار 18 قالي مصنعيته 145 حاسه المصنعيه كبيره اوي بالذات للخاتم افدني افادك الله

[@eldawy]

وعليكم السلام ورحمة الله وبركاتة من اهم النصائح اني اكون عارف السعر كام قبل م ادخل المحل علشان انهي الكلام في النقطة دي الغوايش المسح مصنعيتها اقل من كدة بتكون 4% او 5% بالكتير من سعر الجرام من 43 جنية الي 55 بالكتير + 8.5 ضريبة ودمغة بالنسبة للخاتم في مصنعيات بتوصل 180 جنية في الجرام بس الشغل بيكون خرافي وباين في قطعة الذهب انها واااو ف لو حاسس انه غالي يبقي غالي سعر عيار 18 في حدود 920 جنية للجرام المصنعيات للقطع اللي فيها شغل بتتراوح من 8% الي 12% من 74 جنية الي 110 جنية غير الضريبة والدمغة

[@shaymaamahmoud5527]

@@eldawy الدبله السادة الضريبه كام في المئه

[@HabibAEiesa]

لو سمحت انا اشتريت النهارده 11400جرام دهب ودفعت دهب ودمغه وضريبة ومصنعيه 40000اربعين الف حنيه كده ضحك عليه

[@user-sg4mh8oy1k]

هي المصنعيه من6 الي8% بحد اقصي بادمغه والضريبه ولا مصنعيه بس

[@eldawy]

لما بنشتري دهب الصايغ بيكون عاوز يحط اكبر رقم ممكن للمصنعية وبيعتمد علي جهل المشتري او ان المشتري شاطر او لاء وعلشان كدة لما بنشتري قطعه ذهب بنسأل نفسنا الجرام يكلف مصنعية اد ايه هل 30 جنية ولا اكثر طب اعلي رقم كام 80 جنية طيب القطعه فيها شغل كتير وباين اللي عملها تعب فيها وكان في هادر كتير ولا القطعه فقيرة وعادية والسوق نفس الحاجات وهنا هنفهم ان المصنعية فعلا متفاوتة ممكن تزيد وتقل سعر الجرام النهاردة 1170 عيار 21 يعني 6 و 8 بين 70 ل 95 جنية فانا همسك مثلا غويشة سادة مفيهاش شغل كتير يبقي ال 70 جنية كتير عليها واخرها 50 تو امسك خاتم تحفة في شغل كتير وفعلا يستاهل اكثر من 100 جنية مصنعية انا لما بدخل وبختار المفروض اسال الصايغ هتاخد كام مصنعية علي الجرام بالضريبة والدمغة للقطعه اللي انتي عاوزاها لان لو مقولتيش كدة يبقي تعملي حسابك في حدود 10 ليهم علي المصنعية انا بشتري لنفسي في حدود ال 6% بالضريبة والدمغة وساعات اقل من كدة في حدود 4.25 % الي 5% بس انا بروح اشتري بمبلغ وفاهم وبختار حاجات بقيقة وكلامي واضح وباخد منه رد واضح ولما بقولة انت غالي جدا وبيكون شايف اللي هشترية وان البيعه هتروح منه بيتهاود اوي ف الاختصار من 6 الي 8 % شامل كل حاجة ضريبة ودمغه

[@miraamir13992]

لو سمحت انا جبت دبله سمايل 3.80 جرام واسوره فاين جولد7.53 جرام عيار 18 وكان الذهب بسعر 1560 وحسيت اني اضحك عليا وناس كتير بتقولي لان خطيبي دفع 20 الف

[@totafamily]

هل الجنيه الدهب ليه مصنعيه ولو ليه كام

[@eldawy]

لية مصنعية طبعا وهسيبلك فيديو فيه كل انواع السبائك والعملات بالمصنعية ومقدار الاسترداد kzbin.info/www/bejne/oGPYqXSPprKabZI

[@yasmiineahmed2837]

استاذ تامر الحسبه دي ينفع امشي بيها دلوقتي... وانا كنت كتبتلك ان السلسه اللي معايا السلسه نفسها عيار مختلف عن الدلايه فالمفروض اعمل ايه.. الله يسترك

[@user-jy5lm9ge9p]

لوسمحت لوعايز احسب ثمن ذهب خام وفي ملي بضرب عدد جرام وملي معا ولا بضرب جرام لوحده وبعد كده بحول من ملي للجرام واضيفهم مع علبعض

[@eldawy]

لا بتضرب الجرام والملي مع بعض يعني مثلا هتحط الحاجة علي الميزان طلعت كدة 5.16 دا معناه انها 5 جرام و 160 ملي او بيقولوا عليها 16 ملي ف انت هتضرب الوزن كله 5.16 في سعر الذهب اليوم ولو في حاجة مش واضحة اكتبلي اوضحلك اكثر

[@user-jy5lm9ge9p]

@@eldawy شكرا ازاي معادلة الثمن ثمن الذهب +النصنعية+الضريبة×عدد الجرامات صح كده

[@eldawy]

@@user-jy5lm9ge9p مثلا الجرام ب 1445 جنية عيار 21 بتزود المصنعية مثلا 60 جنية و 8 ضريبة ودمغة بجمعهم علي بعض واجمالي مجموعهم اضربة في الوزن

[@user-jy5lm9ge9p]

@@eldawy عيار ١٨ للمصنعية٦%ولا٨

[@eldawy]

@@user-jy5lm9ge9p معظم الشغل 6 ٪ ولو فيها شغل تعلي معاك ل 8٪

[@user-bx6ov9nv2l]

فحاله البيع ايه اللي سوف يتم خصمه

[@user-pt2bd2pu5r]

انا معايا غوشتين عيار ٢١ احسبها ازاي حاليا لو بعتهم

[@alinasser14]

مصنعية ع 21 هى 6% ومصنعية ع18 هى 8 % يعنى لو جرام الذهب ب 1000 ج مثلا فيكون مصنعية ع21 هى 60 ج ومصنعية ع18هى 80 ج -- ولو 4 الاف جنيه للجرام و مصنعية 6 % ع21 اى 240 ج للجرام

[@hebaesmail1477]

طب وشركة اندريا جولد

[@user-jy5lm9ge9p]

لوسمحت لما قولتله ٨ في مية مصنعية قالي هي شركات كلها زي بعض غي مصنعية هل كلام ده صح

[@eldawy]

اكيد المصنعية بتختلف من قطعه لاخري وانت اللي بتقيم وال 6 او 8 دا الرينج بتاعها وفي حاجات المصنعية اقل بكتير وفي اكثر يعني النهاردة المصنعيات 100 جنية لو وصلت 120 تمام لو 70 يبقي زي الفل

[@user-jy5lm9ge9p]

@@eldawy طب ليه لما جيت اشتري بيوزن كل قطعة لوحدها واما حسبت كلها علىبعض طلع اوفر ٢٠٠٠ طب اشتريت ب١٢ جرام ٤٧ ملي وكان الذهب ١٤٢٢ و١٠ ضريبة اخد مني ١٩٧٠٠ ها كده صح

[@eldawy]

كدة اخد مصنعية علي الجرام 147 جنية وللأسف بقت اسعار المصنعيات عالية وكدة النسبة 10.5 ٪ تقريبا

[@user-jy5lm9ge9p]

@@eldawy ازاي احسبها

[@eldawy]

اقسم اللي دفعته 19700 علي الوزن 12.47 الناتج 1579.79 اطرح منه سعر الجرام وال 10 ضريبة هيطلع 147.79

[@user-qk2si3pl6l]

يا استاذ الحقني بعد اذنك انا قناتي اتوقفت من الربح وهعمل فيديو اعاده النظر. السؤال هنا. لو الفيديو اترفض ومجبش نتيجه هل. في فرصه تاني لاعاده ارجع الربح. ولا كده هلاص مفبش فايده بيعطونا فرصة تاني للتعديل والتقديم مره اخري ولا. لا

[@eldawy]

لا حول ولا قوة الا بالله لما هتقدمي طلب إعادة النظر هيكون قدام يوتيوب حلين قبول الطلب أو رفضة ولو رفضة وكان بسبب انتهاك حقوق ملكية او مخالفة إرشادات هيعدي 3 شهور وهيسمحلك بإعادة تفعيل الربح ان شاء الله إنما لو بسبب نقرات غير صالحة مش هتتفتح تاني وياريت تطمنيني ايه سبب القفل؟

[@eldawy]

انا مفتحتش رسالتك غير دلوقتي متأسف علي التأخير في الرد

[@user-qk2si3pl6l]

@@eldawy سبب القفل محتوي معاد استخدامهوانا مش عارفه جا لي. من اين🤔

[@hanymawad910]

احسب السابيكة ازي

[@eldawy]

كل السبائك عيار 24 يعني هتعرف سعر اليوم ووزن السبيكة وتضربهم في بعض هنزود علي سعر الجرام 25 جنية لو كانت السبيكة اقل من 50 جرام ولو 50 جرام وأكثر تضيف 20 جنية علي سعر الجرام وفي حالة انك بتبيع بتخسر نص المصنعية فقط بس اهم حاجة تكون مختومة من مصلحة الدمغة وتتأكد بنفسك انك تروح مصلحة الدمغ تمام

[@hanymawad910]

تامر الضوي تابع عندنا في امبابة في المحلات المصناعية بقولوا 40 جنيه مش عشرين وكلهم رابطين علي كده

[@hasnaelbaarari965]

انا عايشة في الامارات

[@user-jy5lm9ge9p]

ازاي احسب الملي

[@eldawy]

نوضح الاول ان الجرام يساوي 1000 ملي يعني لو هوزن الناتح هيطلع جرامات وعلامة عشرية وبعد كدة 3 ارقام للملي هفترض معاك انا هشتري مثلا قطعه للاطفال " ما شاء الله " ممكن تلاقي واحد اقل من جرام !!! اتفقنا مثلا هتحطها علي الميزان يطلع الوزن 0.780 كدة وزنها 780 ملي لو الميزان بيطلع رقمين بس هتطلع معاك 0.78 كدة معناها انها 780 ملي بردوا تاخد انت الميزان اللي هيطلع سواء 0.780 او 0.78 تضربه في حاصل جمع سعر الجرام والمصنعية والضريبة والدمغه

[@daliamohamed5094]

مساء الخير حضرتك سوال ممكن

[@eldawy]

مساء النور اتفضلي 🌹