ازاي تاخدي حقك من النرجسي .. التشافي (١٧) .. كوثر سند

١-اطلبي بشكل واضح ومباشر
لما يكون لكي حق عند النرجسي وهو واخده منك ومش بيديهولك اطلبيه منه بشكل مباشر ، يعني متلفيش وتدوري او تقولي له ينفع تعمل كذا ؟ وهو اصلا حقك يعني مينفعش تقولي ينفع؟ لا المفروض تقولي لو سمحت اعمل كذا ، لانك لما بتطلبي على شكل سؤال بتسهلي عليه انه يقول لأ . ولو راوغتي حتفتحي له باب المراوغة والتملص منك وهو غالبا حيفضل انك تراوغي عشان يعرف يراوغ لان لو طلبتي بشكل مباشر وبدون مراوغة حتقللي فرص النرجسي انه يشوه الطلب او يعمل مش فاهم ، وكمان اذا ماستجبش لطلبك استجابة منطقية حتفهمي انه بيراوغ ومش ناوي يديكي حقك ، طيب لو مااستجابش حتعملي ايه ؟ حتكرري الطلب بشكل مباشر برضه بدون عدائية ولا تهديد ، اطلبي باحترام وباصرار واكدي في كلامك ان الامر مهم وانك محتاجة الشيء دة . متخافيش من ردود افعاله صممي على حقك بهدوء وبرود ولو عمل غضب نرجسي عشان يهرب من الطلب اتفرجي عليه وهو بيتنطط ويستشيط غضب وانتي ولا هنا ما انتي متوقعة انه يعمل كدة ولما يخلص فهميه ان اللي عمله دة مغيرش اي حاجة وانك مازلتي محتاجة للشيء دة ومهم جدا انك تاخديه ، لازم تسمعيه الكلمتين دول بعد مايخلص غضب او ثورة فورا لانه احتمال يعمل صمت عقابي بعدها وممكن انتي اللي تعملي له صمت عقابي لو هو معملش عقابا له على انه عمل الغضب النرجسي بدون وجه حق ولمجرد انك بتطلبي حقك
٢- ركزي على هنا والآن
لما النرجسي او غيره يعمل تصرف فيه تعدي للحدود معاكي وحتدخلي معاه في مناقشة عن التصرف دة خليكي مركزة علي الغلط اللي هو عمله لان هو حيحاول يخرجك برة الموضوع بالتلاعب والتهرب والمراوغة حيجيب سيرة موقف قديم ويقولك انتي عملتي كذا في اليوم الفلاني ودة شيلني منك وانتي مش بتحبيني وحيلف بيكي الكرة الارضية عشان يخرجك برة الموضوع اللي انتي لكي حق فيه وهو مش عارف يهرب من انه يعتذر او يلتزم بعدم تكراره ، فإنتي لما يعمل معاكي كدة لاتنساقي ولا تدافعي عن نفسك في موضوع قديم ولا تتجاوبي لاي كلام خارج الغلطة اللي هو عاملها رجعيه تاني لموضوعك وقولي له خلينا في موضوعنا وفهمني انت ناوي تصلح الغلطة دي ازاي ومتخليهوش يوعدك انه بكرة حيعمل كذا او انه حيتغير او انه مش حيكرر الغلطة لا كدة هو برضه خرج من الان وراح للمستقبل اللي انتي مش ضامناه فيه ، يبقى هو لازم حالا يعمل حاجة تصلح الغلطة اقلها انه يقول اسف واحسنها انه يصلح الغلط اللي عمله يعني لو اهان ابنه او بنته او قال لهم معلومة مشوهة او قصر في شيء من مسئولياته يصلح في التو واللحظة .. الغلطة اللي متتصلحش في ساعتها مش حتتصلح ( دة كلام دكتور جورج سيمون كاتب كتاب في ثياب الخراف)
طبعا انا عارفة ان الموضوع مع النرجسي مش سهل وهو اصلا الكاتب بيتكلم عن النرجسي والسيكوباتي وجميع الشخصيات المستغلة ، لكن كمان هو بيقول ان مش سهل ابدا تغيير او كسر العادات لكن مع التكرار وكثرة المحاولات حتوصلي للي انتي عايزاه
عارفة انك حتقولي لي حاولت كتييييير وبقالي سنين بحاول حقول لك انتي كنتي بتحاولي بطريقة غلط . كنتي اما بضعف وتحايل ومذلة وبالتالي مفيش اي استجابة ، او بحدة وسلاطة لسان وسخرية واستفزاز وطبعا كان بيعند معاكي ، دلوقتي المفروض تغيري طريقتك ، دلوقتي اتناقشي واعترضي بقوة واصرار وتصميم مع التحلي بالادب والاحترام وعدم السخرية ولا التطاول مهما كان اللي ادامك حقير علي الاقل متمسكيهوش عليكي غلطة وكمان هدوؤك وادبك حيخوفه ودة كلام من الحالات اللي حاولت وقدرت تحقق نتيجة معقولة على الاقل وقفت جزء من الاذى
كمان دكتور جورج بيقول ان النقطة المهمة البارزة في اهمية هنا والان هي ان التغير الحقيقي في تصرف اصحاب اضطرابات الشخصية دايما بيكون في اللحظة اللي بتواجهي فيها التكتيك بتاعه ، حضرب لك مثل : كان عندي حالة اكتشفت ان زوجها نرجسي خفي وكانت في صمت عقابي و هو عايز يكسر الصمت وكانت متعودة انه يكسر الصمت بتكتيك الشعللة فيوجه لها عدة اتهامات مستفزة فتتفاجيء وتنهار وتبكي وهو يقوم يصالحها ويبوس راسها وخلصنا على كدة وهكذا كل مرة ، قلت لها لما يبدأ الشعللة استرخي تماما واحاولي تكوني قاعدة في مكان مريح عشان اعصابك تكون هادية وخليكي مبتسمة وكل اتهام يوجهه لكي تردي عليه بايوة فعلا عندك حق بس هو دة الوضع نعمل ايه ، امرك لله ، انت مضطر تستحمل وهي مبتسمة وهادية ، المهم هي عملت كدة وجت تحكي لي ايه اللي حصل ، هو بدأ يقول لها انتي طول عمرك بتعامليني بندية وطول عمرك بتعامليني راس براس ، قالت له يااه اد كدة انا تاعباك في حياتك ؟ طبعا الاجابة اربكته لانها قالتها وهي بتضحك ومبسوطة على غير العادة مدافعتش عن نفسها وازاي دا انت مفتري وكاتم نفسي والكلام دة كله لا هي غيرت استجابتها فاربكته فلما سألته اد كدة انا كنت تاعباك رد بدون تفكير وقال آه وسكت ولحق نفسه وقال لا بس انتي بتعامليني بندية ، قالت له بجد طب والله كويس انت كدة بتعظمني وبتحسسني اني حد قوي هو انت حد يقدر يعاملك بندية والله ياشيخ رفعت معنوياتي ، طبعا ردها اربكه وخلاه قعد ساكت حوالي خمس دقايق يفكر في سلاح تاني راح قايل لها انتي طول عمرك مش بتحبيني وتحلفي كدب انك بتحبيني ، وطبعا متوقع انها تنهار كالعادة وتدافع عن نفسها لكن هي قالت له وانت تعرف منين كنت بحبك ولا لا انت دخلت قلبي وعرفت ، ربنا بس اللي عارف انا كنت بحبك ولا لا ، دخلت كنت عشان توصل له انها مبقتش بتحبه بس من غير ماتقول ، المهم وجه لها كمان اتهامين وهي ترد بنفس الطريقة والضحك فلما لقى التكتيك باظ بطل تماما الشعللة
تابعونا على الفيس
اكونت الفيس بوك
www.facebook.c...
جروب ادرس عدوك النرجسي
/ kawthersanad11
قناة التلجرام
t.me/learnabou...
الكتب :
١- Becoming the Narcissist's Nightmare
٢- In sheep's clothing
3- healing from narcissist

[@egyptian-nagla4615]

فعلا ألأدب والتجاهل والثقه في نصر الله وفي نفسك أقوى سلاح ضد أي مريض نفسي.....

[@mona6324]

انا محتاجة اتواصل مع حضرتك ضروري انا تعبت جدا من زوجي 22سنة زواج الفترة الأخيرة هي الأسوأ علي الاطلاق دة بيصلي الوقت بوقته وبيقرا قران ومعاملته برة البيت لطيف وكيوت وحاجة اخر طيبة اول مايوصل علي باب البيت كأنه بيلبس قناع مخصوص انا طلبت الطلاق رغم اني ماليش حد ولكن من الألم النفسي اللي بتعرضله

[@أممحمود-ك8ب2ش]

انا من ٣٥سنه زواج من سنه فكرت فى الانتحار لولا لطف الله وايمانى بالله رجعتلى صقتى في نفسى لما شاهدت الدكتوره ربنا يبارك فيها لسه شيفاها من اسبوع فقد والحمد لله بس مش هقدر اطلق لانى عندى ٦٠سنة ومش بقدر اخدم نفسى ومليش مكان

[@اماسامة-ش2ص]

@@أممحمود-ك8ب2ش اصبروا اصبروا وعليكم بقراءة القراءه والصلاه والايام بتعدى بسرعه وغدا نلتقى مع الله عزوجل صبرا ال ياسر فإن موعدكم الجنه

[@ghadamedhat5838]

@@اماسامة-ش2ص يا رب يومه قبل يومنا

[@moslm16]

كلمه بتعاملني بنديه دي اتعملي عليها أعده ودخل اهلي وأهله وسابو الموضوع الاصلي ومسكو في الكلمه دي وكلهم غلطوني ياريت عرفت حضرتك م من زمان 15 سنه وانا بيتلعب بيا الكوره منه ومن امه

[@Marina.14922]

يا الله علي الكلمة القذرة دي كلهم نفس النسخة

[@averagejoe5362]

في ظروف لا يمكن استخدام طريقة الان وهنا ومضطر أأجل لوقت اخر ،،، فكيف الحل ؟

[@nourarnaout1211]

يعطيك العافية حضرت حكيتي انو حيدور على حد ضعيف دا ملناش دعوة فيه الجملة هيك كانت ...مع وجود اطفال مش ممكن يكون واحد من الاطفال يكون هو ضحية ...اتمنى تجاوبي علي

[@اميرةالفولاذ-ز4ض]

ياحبيتي هايستخدم كل ولاده انا عاملة انفصال عاطفي بيلعب بالعيال لعب بيوقعهم في بعض البنت الكبيره الملطشه والولد خلاه زيه كنت بستغرب حد يخيب ابنه ويضيعه وفِي الاخر يقول انت السبب وبيخاف يزعل البنت الصغيره لمضه انا نفسي مش بسلك فيها شايف فيها اخته نرجسيه ظاهرة وهو نرجسي ضعيف جدا القوة علي وولادي فقط فبيقي عايز ذكاء ركزي في الحلقة هتلاقي الاجابه وانتي تعرفي تقدري عليه وتغلبيه هواضعف مايكون

[@ehabtaha1232]

ربنا يبارك لك والله

[@meryemsammoud5492]

Lhamdolah tfakit mino

[@zizobody6310]

السلام عليكم ورحمة الله وبركاته ارجوكى يا دكتورة ردى عليا ضرورى هو تزوج عليا وانا عندى منه خمس اولاد وهو فى الأساس مقصر معنا ماديا ونفسيا معنويا وكمان ديما خارج البيت ومهمل فينا انا واولاده وبعد كده تزوج وانا رفضه وبعت عنه ومنعتو من دخول البيت وانه يكلمني او يشوفنى فاتت سنه دلوقتىرجع وقال انه عاوز يرجع ليا ولاولاده وقولته شرطى انه يطلق اللى اتجوزها وقال هيعمل كده بس تصرفاته بتقول غير كده انا مش عاوزه بس وجود زوجه تانيه مع اهماله لينا صعب انا يا دكتورة مش عارفه اتكلم مع حضرتك فى التعليق لو تكرمتى عاوزة اتواصل مع حضرتك عشان تفدينى لانى تعبت جدا جدا جدا ومش لاقه حل معاه

[@louloustarshine]

قدرتوا تستغنوا عنه سنة ، طيب كملي كمان وبالناقص من أذاه

[@dodogebril6120]

وان كان مينفعش معاه الهدوء و مش،بيمشى الا لما يتشتم و صوتى يعلى جبان ينفذ علطول علشان يخلص من صوتى او من تصدى ولادى له لو عاملته ببرود و هدوء يزيد فيها و ممكن كمان يمنع الفلوس و لو قولت فين فلوس الاكل يقول اتصرفى و هاتى فلوس مفيش فلوس فيه شخصيات نرجسيه لا ينطبق عليها هذه القوانين الشخصيات دى سورى مبتمشيش غير بالجزمه بس يارب الطف بينا و خدهم و ريحنا من وشهم عمرنا ضاع فى القرف ده عوضنا يارب خير احنا و اولادنا اللى نفسيتهم ادمرت

[@sososof5154]

كيما زوجي

[@imanhassan3936]

فعلا عندي نفس الشيئ

[@Taqh1]

مش رنجسي دا شخصية حديه تأكدي

[@KarmaTamer-x4o]

فعلا زوجي كده

[@abeerali1769]

ضحكتينى لما حضرتك بتقولى لو ضربك اجرى منه اصل لما فكر يضربنى انا إللى ضربتو ههههههههههه

[@مالكالصالح-ف3ي]

👌

[@mnaleldoaa8424]

لكم في القصاص حياة يا أولي الألباب

[@mnaleldoaa8424]

لكم في القصاص حياة يا أولي الألباب

[@دحيمس]

يستاهل

[@mall7]

تمثليني😂😂😂😂💃💃

[@حورالجندي-ق7ن]

اعرف واحده بتدعي اللهم اجعل نار معاملة زوجي بردا وسلاما علي قلبي كما جعلت النار بردا وسلاما علي ابراهيم

[@samarreda4009]

أنا بدعي كده .أنا كمان ...واللهم اجعلني جاره ستنا اسيا...اللهم ابني عندك بيتا في الجنه

[@yadinanizar488]

حق ايه بس دوما هم هم اذية شر خبث خبث خبث خبث خبث بخل كسل حقد حسد دائما كدب خداع خداع جحود مكر مكر مكر حسبنا الله ونعم الوكيل وكفى

[@حبيبةأحمد-ي6ض]

فعلا النرجسي معندوش طاقة بس انا اللي مبحبش الزن ،لكن ولادي عرفوا ان دي طريقته فبيعملوها معاه وبيعرفوا ياخدوا منه اللي عاوزينه

[@inasalameed4629]

هذه الحلقات رائعة ونعمة من الله تعالى .. الحمد لله الذي وهبك يا استاذة كوثر علما ينتفع به.. جعله الله في ميزان حسناتك

[@samiragdaim6097]

صعب دي هنا والان لأننا وقتها كل همنا نبعد اذاه عننا

[@انا_لا_اعرف]

اولا واخرا انا بشكرك جدددا عالحلقات اللي بالنسبه لي كأنك بتجبري خاطري.. اكون مخذوله مكسوره ضايعه اسمع حلقاتك اطلع بمود حلووو وواثقه من نفسي.. ممكن طلب لو النرجسي قرر انه يوقف يجيب طلباتي اللي هيا اصلا بسيطه ومن طلبات البيت قهوه او دجاج او خضار وبيسحب فيني لحد الاذلال لانه عارف انها احتياجات اساسيه.. قوليلي وقتها اعمل ايششش لانه نقطه ضعفي هي الصرف واهلي مادياتهم ضعيفه وانا مضطره اكمل

[@ammuhamad8415]

جزاكي الله خيرا دكتوره وافوض امري الى الله ان الله بصير بلعباد

[@dinahafez7983]

هو عارف إن دي نقطة ضعفك فبيذلك بيها أنت اجمدي وريله قوتك وأديله على دماغه آسفة على التعبير ومتخافيش منه هيجيب الحاجة غصب عنه

[@dilalutfi7147]

قولي ليه صحبتي جاي واناً قلت ليها انك حتجيب الحاجات حتلقيه حيجيبهم

[@passantmostafa2317]

اللهم اجعل كيدهم فى نحورهم اللهم اهلك الظالمين بالظالمين واخرجنا منها سالمين

[@5.v.l657]

يارب يارب

[@nermeenezzat4962]

امين

[@halaabdeen1112]

يادكتور بحس أن ربنا بعتك ليا فى الوقت المناسب عشان أنا تعبت فعلا ومش هينفع انفصل تعااااااااااااااااءى

[@sel4659]

لو سمحتي لو تحكي عن الطلاق مع النرجسي في المحاكم! كيف نواجهه قدام القاضي ؟ انا خوفي المواجهة لإن كذاب ماهر

[@soniasony7068]

صح انا عشتها و كنت رايحة اضربو أمام المحامية لو شفتيه كيف يكون مسكين و ذليل. ..سبحان الله. .والله كذب علية انو عندو ديون و هو في مشاكل ...القاضية كانت من جيهتو وصدقني ماخدتش حقي ولا نفقة ولا حتي فلس مع إني كنت اشتغل وكنا نص بنص يعني مشتركين في كل شي لو هو يشتري بطاط انا اشتري طماطم هاذا مثل بس .أما نفقة اولادي مش كلها أعطاهم نص يعني القاضي حكم عليه بالسجن مية لكن هو أعطاني 50 لكل واحد من اولادو...

[@haveyounoonlight5542]

في ناس بنطلب منها حاجه لو سمحت مثلا مش عاوزه اتكلم في موضوع معين يقول ليه ده كذا كذا وكذا ويبتدي يتكلم او يتحايل انك تسمعي كلامه او يترجي انك توافقي مثلا

[@hadiryousif2355]

النرجسي بتخلع

[@najahibdah858]

اذا كان يحكي قدام القاضي بأي شي مش حقيقي انتي تفاجئي وقولي حسبي الله قدامه واذا الله ما اخد حقك منه بالدنيا راح يوخذ حقك منه بالاخره وبتوقع القاضي راح يصدقك

[@saharelsayeh2319]

اخلعيه

[@mall7]

﴿انَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَاأَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

[@رحلةالتغيير-د1د]

الله يعوضنا الجنة على صبرنا عليهم ويرزقنا راحة البال الى الممات.

[@salehawadelmaghrby9312]

ذذذثثثثصضذذصثذقثذصثذثثذقذثذثثذذثذقثذقذثذ١قذثثذقذ٢ثذذذذذذذفففففففففففففففففففففف

[@HanaDes-vd1xr]

كل ما اكلمه في اللي انا عايزاه او بشتكي منه بيغير الموضوع بطريقه غير مباشره بسؤال مهم في حاجه تانيه خالص او يقفل بغضب ويسيب المكان ينام مثلا او يخرج من البيت بسرعه

[@hananelfar4076]

والله كتر خيرك استاذه كوثر.. ربنا يكرمك لما تقومين به من دور مهم جدا في إنقاذ نفوس متميزه ولكن كانت تائهه.. جزاكي الله خيرا

[@عبيرالربيع-ك2ث]

صحيح ١٠٠٪؜

[@نعيمة-و2ت]

حين يكون النرجسي هو ابنك و أنت تعرفين أنه ضحية أبيه النرجسي... ماذا تفعلين؟ 😢يعني نخرج من هم ندخل في هم ثاني؟ أنا تعبت

[@randa3692]

بالظبط..اسوء من ابوة

[@minabenahmed527]

مؤلم اختي هل يمكن التواصل معك وهل انت مغربية ؟ شكرا

[@jvhhcc6114]

انا شريكي نرجسي وبيخدم تشعويد دي حاج وحيدة لي غلبني بيها وبيشوه صومعتي

[@nahedf9046]

مع الأسف انا كمان ابني نرجسي زاي ابوه 😢

[@SosoSoso-fp2og]

فعلااااا

[@حورالجندي-ق7ن]

غضب نرجسي +صمت عقابي +بيسيبلي البيت ويمشي. وأنا كنت زي الهبله بعد أجلد نفسي واجي علي نفسي علشان ماعنتش استفزه

[@llll3905]

شكراً لك أحسك مثل أمي 💔 تشرحين اللي ما اقدر اشتكيه لأحد .. شكراّ لأمومتك 🤍

[@My-child.0-18]

صحيح وصفتيها صح أنا امى متوفيه بس ماما كوثر قامت بالواجب

[@mona6324]

دة عمل الصمت العقابي بسبب مشكلة من سنة لأن دخلت اخواته في مشكلة وهو طبعا رافض أنه يواجهني قدام اخواته فضل يخرج يقعد برة فترات طويلة

[@nznznz1238]

عمر النرجسي مايقول اسف او انا غلط. من. رابع. المستحيلات

[@nuhaarbash9067]

انا متابعة جديدة عندك وحبيتك من كل قلبي 💗بتمنالك الصحة والسعادة ربي يسخرلك عبادو ياطيبة ياحنونة ياكلشي حلو بالحياة

[@esraagamal4911]

طلبت سنين وسنين ومفيش استجابة ابدا عايش في دور الشحات اللي معهوش وهو معاه حتي يرفض يجيب لبس ولاده منه لله المفتري

[@azzanawar8221]

لو قلت لك أن نفس الموقف الذي حدث مع الاخت التى حكيت حكايتها تقريبا حدث معي ولكن مع بعض الاختلافات البسيطة وفعلا معاملته اتغيرت ولكن لانى انا اللى اتغيرت وأنه يتعجب من امرى وانا مبسوطه جدا من الطريق الصحيح الذي اسير فيه

[@Shams-n4n]

ممكن توضحي اكثر كيف اتغيرتي معاه وجاب نتيجه ، انا زوجي اذا سألته وين رايح او وين كنت ينزعج وما يرد ، انا انقهر لا اعرف شي حتى بشغله، ولا يكلمني ويحاورني زي الناس حتى بالعلاقه ينتظر منى المبادره. انا تجاهلته بقالي سنه. ما تغير فيه شي عايش حياته وانا اللي دايما افكر اعمل ايه حياه بتقهر ،وانا من النوع اللي ما بزن ، بمثل ان اكون طبيعيه معه ولا احسسه باني منغاظه وتعبانه منه ولكن وكأنه مصر على هذا الاسلوب المقرف

[@fouziasamial8375]

ياربي تعينا على هد النوع من البشر

[@ضوءالقمرالمنير]

كلامك حلوقوى بس أنامش قادرةأعيش مغيرةطبيعتى وحياتى كلهالفوودوران واحسب كل كلمةقبل مقلهاحياةصعبةجدا

[@gogahelal4141]

داحقيقي بس دي حرب واتفرضت عليكي.خليكي قويه..الله يعينك

[@keltoumkhodja2957]

نود منك إختى حلقة عن النرجسي الخفي نشكرك علي التنوير

[@user-id-kawthers-sanad]

حاضر من عنيا قريب ان شاء الله

[@ertaqy2897]

@@user-id-kawthers-sanad السلام عليكم ورحمة الله وبركاته حبيبتي جزاك الله خيرا ربنا ينفع بك هل يوجد استشارات اون لاين وما كيفية الحجز فضلا

[@habaelmestkawy2556]

@@user-id-kawthers-sanad شكرا موصولا يا دكتورة شغل حضرتك جديد ومهم لكن النرجسي لا يعتذر الا بعد مجازر في أضيق الحدود وممكن يهرب ايام بمزيد من الأذى كما تعلمين فما قيمة اي شىء لا زلت المرأة هيه اللي بتلاعب غبي

[@dodymohamed5105]

محدش بيصلح حاجه الطناش والأخذ منهج حياه عندهم عاوزين منهج تعامل مع شياطين الإنس؟

[@fayzahassan1645]

هو لما يثور تقول له انا ما باخافش من الزعيق والصوت العالي ولا بيهزني ولا يحرك شعرة فيا ح يلم نفسه لانه مش زعلان بيفتعل الزعل بدليل انه لو حد كلمه في موضوع تاني يهمه ح يتكلم معاه بكل هدوء . لكن الانفعال الحقيقي بياخد وقت ثم يهدي

[@ضوءالقمر-ن8ط4غ]

ماشاء الله تبارك الله عليك ملاحظة مهمة ابدعتي الله يرضى عليك

[@tent3002]

فعلا بس الوحدة لازم تكون متأكدة من الموقف انه اختلاق وتمثيل زوجي امس حاول يخوفني ورفع جزمته ع اساس انه راح يضربني وانا ماتحرك فيني شعره واقفه اتفرج فيه تفاجأ من ردة فعلي ساكته واطالعه نزلها وراح ... مع انه زمان كان يرميني بأي شي في يده بس بدون مايصيبني انا عشان اخاف وكنت فعلا اخاف واظل ارتجف بعد خروجه ساعه كامله وابكي الان احس اني عرفت تمثيله وتصنعه لكن كمان ماقدر اكون واثقه ع طول الخط لانه معتوه ممكن يستفزه برودي ع طول الخط ويفكر يجربها معي الله لايقدر

[@cdmcdm4337]

أنا لو رديت عليه بشأن الضرب وكبرتها عليه يعمل غضب نرجسي مع اخواتي واعمامي ويعملي تشويه صمعة لأنني أنا صانعتلوا صورة جميلة أمام الناس

[@رحيقالجنه-ن3ط]

براڤو عليكي استاذة كوثر ..معلمة 👏🏻👏🏻👏🏻👌💐

[@افوضأمريإلىالله-ث8ر]

الله يجازيكي خير الجزاء على هذه المعلومات ❤️

[@salehrokia1844]

في القضية الظرب يا دكتورة انا زوجة نرجسي كان يضربني كتير بس لما قلتلو انو لو تضربي مرة تانية راح اضربك وقدام الناس بردو من يومها مارفع ايدو عليا والحمدلله لكن اعاني كثرا هذه الايام من السب والشتم والبخل اريد اطلب الطلاق لكن معنديش دخل💔😥😥😭😭😭😭😭

[@elhamdahrog5902]

انا قلت له سوف اعمل لك محضر في قسم الشرطة...من يومها انقطع الضرب المبرح اللذي يترك علامات علي الجسد والوجه..

[@elhamdahrog5902]

قوي نفسك نفسيا مهم جدا

[@user-fb1ry1on6i]

اختي انا مريت معاه بكل هذي المراحل.. وآخر مره تزوج الثانيه.. وحاليا يطلب مني اعيش حياة هادئة معاه

[@imenebouder5392]

هو أصلا مايستحسنش يعطيك فرصة وفسح مجال للنقاش في موضوع الخصام بيقول اغلقي الموضوع مابدي اسمع عنو

[@samaa.s9595]

صح كلامك يا دكتوره ، انا كنت بعمل كده وماكنتش عارفه اني بحمي نفسي وباخد حقي 🤣

[@بناتيحياتي-ي5غ]

👏👏👏

[@emanuae5194]

النرجسي لايفي بالوعود

[@suramanra24]

يغير التكتيك كل شوية الله ينجينا

[@رحمتكيااللهأرجو]

النرجسي حتى زواجة بالحيلة يزوجونه لأنه مكشوف لمن يتعامل معه. حذاري يتحال عليك بزوج نرجسي

[@ninasworld5058]

أرجو الرد : أنا زوجي لا أستطيع الكلام معاه لو تكلمت يخلق مشكلة من لا شيء يكذب عليا و يهني بكلام مفهمش مين جابو يقول أشياء مش فيا ميحضرش للبيت كأنو مش موجود لو شافني عيزة ألبس و أفرح يقولي مفيش فلوس كنت أضن أنه ميحبنيش بس هو يقولي بحبك بس مفهمتش أعمل إبه .؟؟ و هل هو شخصية نرجسية لأنه يساعد الناس و يعرف كيف يتعامل مع ناس طيب مع ناس بس انا لا يتعامل معايا معاملة غريبة !!!

[@basmaabdelmagied2101]

ده اسمه نرجسى خفى يبقى بره شخصية و معاكى شخص تانى وبره الناس تحسدك عليه و جوه البيت كان الله فى عونك وفى المعامله الغريبة بتاعته لان انا جوزى كده

[@ninasworld5058]

@@basmaabdelmagied2101 صح و الله يحسدوني عليه حتى أهلي يتعامل معاهم معاملة حسنة و ناس بتوشفه إنه طيب بس انا يعاملني بقسوة عندما أطلب الطلاق و أقول له أنت متحبنيش يقولي لا بحبك بس عمرو ما طلب السماح بلعكس يكون هو الضحية دائما حتى أطلب السماح لأتجنب الخصام لفترة طويلة

[@basmaabdelmagied2101]

@@ninasworld5058 والله نفس اللى بيحصل معايا لدرجة انى كرهت منه كلمه بحبك و قولتله انا بكره الكلمه دى معنتش عايزة اسمعها منك ولو حياتى يتمشى معقولة عشان بطنش و عايزاها تمشى مش عشان هو اتغير و بقى كويس ولنا الله جميعا

[@ninasworld5058]

@@basmaabdelmagied2101 ربنا يعينك يا رب مشان الأولاد لازم نتحمل شوي و دنيا إختبار بنحاول النجاح فيها ☺️ ربنا يقدرنا يا رب

[@أممحمود-ك8ب2ش]

كأنك بتتكلم عنى بضط

[@ghgjgdhhg2960]

كيف بدي خليي يصلح غلطتو وهوا وحش شيطان بسب وبيشتم وبيجرحني بكلامو وبهيني الله ياخد حقي

[@safaaabdelaal774]

الحمدالله ربنا خلصني منه وخلعته بس مشكلتي بنتي 17سنه فيها نفس صفات باباها

[@نعيمة-و2ت]

نفس مشكلتي مع ابني 23 سنة 😢

[@malikababi8830]

اديها حب كثيييير و اسمعيها من غير متعترضي كلامها. و النصيحة تكون غير مباشرة كان تديها امثلة . مع الصبر طبعا لازم تحس انك بتحبيها جدا اكثر من ابوها. من غير متتكلمي بالسوء عن ابوها . مريت بنفس التجربة. خليتها تحبني و تاخد من شخصيتي من غير ضغط. كانت تعمل مقارنة بيني و بين ابوها لغاية مفهمت انو ابوها مش طبيعي . لما فهمت قالت لي ازاي كنت مستحملة العيشة مع والدي ؟. الحمد لله الان بقت شبهي و معجبة بيا و الناس بتشهد بتربيتها و اخلاقها. لكن ده خاد مني مجهود كبير و صبر. ربنا معانا جميعا

[@monaabdallah2713]

فيديوهاتك روعة روعة روعة واسلوب راقي

[@طوفوشوف-غ8ي]

طب ازاي أصلح الموقف فى وقته وادخل معه فى مواجهة وانا المفروض اتجاهله

[@nash354]

انا متبعاكى وبسمع كل الجديد بس بحب اسمع القديم كمان طول النهار وهو مش موجود اشغل فيديوهاتك برتاح جداا ان حد مصدقنى وعارف كل اللى بيحصلى وحتى بيفسر الحاجات اللى كانت مجننانى وبقول لييييه ...فهمت ليه ...بس ارجوكى اتكلمى ازاى اتعامل مع اللى عايزين يكسرونى علشان ارضيه ومش حاسين بيا تعبونى اوى وهما من اهله

[@fayzahassan1645]

اختصري منهم يا دوب اداء الواجب وارجعي ولما تقعدوا لا تتحدثي عن نفسك ولا عن اولادك المواضيع العامة زي الطبخ وتنسيق وترتيب المنزل التسووق

[@rawdaalzarrad3078]

مشكلتي أني عصبية لأني بكره اللف والدوران والكذب بضيع حقي

[@sososof5154]

و انا ايضا

[@asmaakhedr4934]

بس فى نرجسى عنيد ،،،بيتعمد ميجبش الحاجه اللى انت عايزاها ،،،،،،انا زوجى بيقولى انا مش بجيب اللى انتى عايزاه عشان عند فيكى وبس ومش هجيبها الا لما تفقدى الامل وانا لو عملت اللى انت عايزاه كده انا يريحك وانا لو ريحتك انا كده اللى هتعب

[@عطرالروح-م3ب]

يبقى حتي لو الحاجة اللي نت عايزها من جواك اوي اظهرله العكس تماما انه مش هامك حتى لو انت هتموتي عليها فهو يعملها لأنها مش هامك فكدا هتخدعيه

[@أممحمود-ك8ب2ش]

نفس إللى بيحصل معى

[@dinahafez7983]

يبقى انشفي وجمدي قلبك وكوني أجمد منه أديله على دماغه أنا آسفة في التعبير هتلاقيه بيعمل الحاجة غصب عنه هو بيختبر قوتك وريله قوتك وأوعي تخافي أمامه

[@username33220]

كلهم كده ...شوية كلاب

[@keepon6368]

فعلا دكتورة كلام سليم ١٠٠% ويجيب نتايج هايلة .. تبقى مشكلة الخيانة أريد حلا لأن كارهاه ونافرة منه ومش طايقاه.. أتعامل معاه ازي؟؟

[@ghadaelohary4809]

احسن حاجة القوة معاه مع الحذر ولو متعصب او ي ولا قوة ولا بتاع اهربي العمر مش بعزقة

[@shehabmohamed9852]

رايي عدم الاهتمام والا مبالاه

[@mahsenbadwy40]

الموضوع صعب جدا لو رفض يصلح الموقف الضحيه بتنهزم نفسيا اكتر

[@user-id-kawthers-sanad]

حرد عليكي في حلقة بكرة ان شاء الله

[@sanaaelbotaini4869]

بلاغا

[@sanaaelbotaini4869]

دوست خطا

[@sanaaelbotaini4869]

ىرررةةىة

[@نعيمةمحمد-ط7ح]

ماهو لما اطلب منه حاجة بشكل مباشر مش هيعملها وهيعمل عكسها... اليوم في يوم واحد قلب الحقائق وقلب عليا الطاولة وحطني في مكان الظالم وانا مظلومة وعمل الغضب النرجسي وعمل إسقاط وتجسس عليا.. عمل كل حاجة في وقت واحد

[@mogennight7125]

دكتوره كوثر انا بحبك اووووي 🥺🥺🥺 حقيقي انا كنت داخله فى فتره اكتئاب بسبب طفوله مضطربه مع اب نرجسي خلتني مش قادره اتعامل مع الناس مش قادره ابني حدودي ثقتي ف نفسي شبه منعدمه و حقيقي و انا بتفرج على حلقاتك حسيت ان كلامك دا هوا المنقذ ليا من الجحيم اللي انا فيه 😭😭 ربنا يجازيكي كل خير ❤️❤️

[@حكاويأمعمر-خ1ض]

لا يعتذر نهائي ما التصرف وعايز علاقه بعد الصمت دون كلام

[@أممحمود-ك8ب2ش]

انا زيك اعمل إيه

[@diyofficiel5198]

والله لو عملتي ايه هو لما يرفض يعمل حاجة مبيعملهاش الا لو لو انا لي قلبت الطربيزة وديتو شتايم ومنعت عنو اي غرض له عندي هو اصلا بيمشي باسلوب المقايضة دي قصاد دي المناقشة الطويلة لي قلتيها دي متهد الحيل ومبتجبش معاه نتيجة

[@jouhaynajouhayna2267]

فيديو رائع الف شكر. سؤال لو سمحت :كيف اتعامل مع ام نرجسية وأخ نرجسي خفي؟

[@faizamohammed8188]

الحمد لله بفضل من ربنا ..اني اتعاملت معه مثل هذا التكتيك ..وحسيت براحه لما شفته دليل وكسور ومستغرب مني هذا التصرف الجديد

[@essaoudinaima231]

السلام اختي إحكي آنا كيف نتعامل مع النرجسي الخفي

[@user-id-kawthers-sanad]

حاضر حرد في حلقات منفصلة ان شاء الله

[@essaoudinaima231]

@@user-id-kawthers-sanad جزاك الله خيرا اختي

[@essaoudinaima231]

انتظرك بفارغ الصبر

[@حورالجندي-ق7ن]

شكرا دكتوره بجد فيديوهات مفيده ونورتلي افكار كتيره... الحمد لله.. اللهم اني استمد قوتي منك فقويني بقوتك ياقوي

[@حصةف]

ملول وعجول وسريع الغرارات.

[@mariepolet4788]

النرجسي مهما عملتي ما تقدري تأخذني حقك الله هو لي يأخذ حقي منه الحمد لله اني ابتعد منه بعد ما عملته زي ماعملني لكن تهديت و أحاول معالجة نفسي الله ياخذالحق فيه ابن النرجسي و نرجسية

[@shrefshref716]

فيديو جميل جدا.تحياتى لشخصكم المحترم ٨ نرجسين عملو نو لايك 😁

[@mohdhad8009]

ان الرجل عموما بطبيعته كسول هذا كلام غير صحيح !!

[@enasmostafa1954]

طيب هو لما شاف إني قوية و هادية و واثقة ف نفسي سرق فلوسي و ذهبي عشان يكسر أنفي و أفضل ضعيفة و محووجة ليه ما العمل ؟

[@seflpreciation8806]

المفروض ما تسيبيش حاجتك في مكان يطولو،،، جربي كده توهميه انك محتاجة لو و انو و لا يهمك الفلوس و حاولي تدخليه مرحلة الهوفرينج و لازم يصلح اللي عمله على حسب هو اي نوع

[@enasmostafa1954]

@@seflpreciation8806 ماكنتش عمري أتصور إن توصل للسرقة و الأذى مش عارفة إيه مرحلة الهوفرينج دي لو سمحتي ؟

[@seflpreciation8806]

حبيبتي اتفرجي على فيديوهات الدكتورة حتفييييدك جدا، الهوفرينج هي مرحلة السلام و الهدنة و اللي النرجسي بييصالحك و بيديكي فيها اللي انتي عايزاه لانو حس انك استقويتي و مش خايفة منو او ممكن تسيبيه،،، في منهم اللي بيدي هدايا كبيرة و فيه منهم اللي بيدي فتات،،، المهم بالنسبة لوحدة عايزة تاخد حقها فمرحلة الهوفرينج دي فرصة لكن لازم تاخدي بالك ممكن بعد الهوفرينج و كام كلمة حلوة تقولي ياااه انا كنت ظلماه و دة شكلو كان عندو ظروف و بدل ما تستقوي و تاخدي حقك و تحطي حدود في التعامل انتي بتتغلبي اكتر يا عيني و بتتعلقي بيه بشكل مرضي و حياخد من غير ما يديك اي حاجة ،،، في حالات النرجسي في الهوفرينج بيديكي بس هدنة و كام كلمة مالهاش اي تلاتين لازمة و تكوني دة اللي انتي محتجاه السلام بعد كم حروب نفسية، و بعدها يطلب اللي عايزو و يتحكم فيكي اكتر

[@shahendahabib7807]

انا جوزي بخيبيييييييييل جدا ولا يمكن يدفع مليم حاولت كتير معاه

[@zainabbasim3518]

هذه مو حياة هذه حرب مو اي احد يكدر يخوضها ويستمر بيها هي انسانيه مو آله تتبرمج على اجوبه وتصرفات معينه اكو اعصاب ومشاعر اكو ناس ما تحب تعيش بكذبه وحتى الطريقة الي نستخدمها تنفع مره وبعدين يفشل لازم وحده تستحدث اسلحة كل مره واسلحه لحظيه همين

[@غيداءحسن-ض1ب]

ايه وقدرتي تعيشي كذا بتصرفات مبرمجة؟

[@abeerali1769]

طيب حضرتك لما يفتعل مشكله ويقولى انا مستحملك علشان خاطر العيال وانتى ست ما تتعاشريش ارد اقوله ايه لما يرجع يتكلم معايا

[@توته-ث9ظ]

واني يكلي نفس شي واسكت ماجاوبه😥

[@MoOn2a0a1a2]

قوليلو اصلا ماكانش لي راح يحملك وماعندك وين تروح و توقف عن التمثيل ... والاهم انك انتي لا تتالمي من هاذ الكلام لانك عرفتي انه كذب وتمثيل

[@basmaabdelmagied2101]

انا زوجة لنرجسى خفى و المشكلة بتاعتى انى لو قولت لأ على حاجة أو عارضته مش بيعمل معايا بس صمت عقابى لكنه لوحد من أهلى زارنى بيقابله وحش جدا و بيكسفنى ده غير أنه بيمنعنى من الخروج طب اعمل ايه فى الحالة دى انا زهقت

[@scheima3080]

قولي لحد كبير من أهلك

[@haitem_yt5582]

سبحان الله لما اطلب منه طلب يعمل عكسه

[@nanedeana9174]

خالف تعرف ... طبعهم اختي العزيزة 👍🌹

[@basmaabdelmagied2101]

اقسم بالله نفس اللى بيحصل معايا عشان كده قولت ابنتى انا بعد كده هقول لابوكى عكس اللى انا عايزاه عشان يعمل اللى انا عايزاه و امرى لله

[@samazedan4550]

أرجوكي أرجو المساندة فعلا أنا خلاص واثقة فعلا إني بدأت التشافي بدأت أعمل و مشغولة تماما بأولادي و ديني و سؤالي لربنا الرحمة و الهداية و فعلا عايشة أنا و أولادي منفصلين عنه في نفس البيت و ربما هو الي كان السبب في ده كانت دي طريقتي الوحيدة اني اهرب من صمته الدائم أو تعليقاته المحتقرة للأولاد علي أمور بسيطة جدا و كمان علاقاته اللي مش قادر يمنع التواصل معاهم حتي في البيت قبل ما افهم رجوت ربي الجنون و التيه هيقتلوني مش فاهمة حاجة و مش قادرة أخد قرار و فهمت وانا اصلا كنت اتعلمت ابعد عنه و بدأت اتعلم ازاي اصمت و مش أرد و لا اعاتب ولا ابقي زي المجنونة انت ازاي بتقدر تعمل ده أو عايش معانا احنا كده بس في حاجة مش قادرة افهمها أو احلها و ارجوكي مش تقولي اي كلمتين ارجوكي حسي فعلا أو حاولي تساعديني ليه مش قادرة استوعب الطلاق ليه خايفة منه ليه نفسي يسبنا نعيش منفصلين لانه اصلا مش موجود في اي مسئولية أو الحياة ورغم ذلك مش قادرة خايفة أخد قرار الطلاق اخواتي نفسهم اقولهم خلاص طلقوني و انا نفسي اكون لوحدنا و يجي يشوف ابنه الصغير مش في الشارع في البيت نفسي احافظ علي سكل إطار و مسمي الأسرة فقط بل كأني بقولهم بعد كل اللي قدمته ده قليل انفصل بدون طلاق عندي رهبة عجيبة من الكلمة دي عاوزة اخف من ده وليه انا كده ليه

[@yousram6313]

النرجسي لا يتاسف أبدا عنده تعجرف وتكبر دائما بالنسبة له أنه صادق وانه لا يخطئ وان كلامه هو الذي يطبق انتي ليس عندك حق تقول خطئ سيقلق ويسب ان اردتي تصليح خطأه او صححتي غلطه شخصية مريضة يجب ان تتعالج

[@hodhod6300]

انا مش معاكى انها بتحاول بطريقة غلط هو انسان فاجر منافق

[@Eemmee77]

الله ينتقم منهم مجرمين .. شكرا الله يحفظك

[@ChicoFamily-u3g]

كلامك جميل والحمد لله عملت منه من تلقاء نفسي بس اتعلمت منك حاجات جديدة زي هنا والآن 👍. جزاكي الله خيرا

[@azzanawar3230]

فعلا كل كلامك صحيح وانا عملت ذى ما انت بتقولى بارك الله فيك

[@halaabdeen1112]

بتوصفبه بالظبط هههههههه شخصيه غريبه اووووووى بس بحبه جدا

[@emanuae5194]

النرجسي دايم يقول ماعندي فلوس بس برا البيت حاتم الطائي

[@غيداءحسن-ض1ب]

هذا اصعب شي واصعب حلقه كيف اطبقها لدرجة والله اني عدتها واحس بألم 💔💔💔

[@omyousof4643]

اللهم بارك كل الحلقات جدا جميلة ومميزه فى الشرح ،جزاك لله خيرا ونفع بك

[@ebtsamahmed6376]

ماذا افعل مع ابنى الذى. تجرع. كل أساليب. والده النرجس. وبيعانى أيضا من إحباط كل محاولات العلاج. منذ. الصغر. والتى كنت أسعى فيها حتى ساءت حالته والان بيتعااج من الاكتئاب. والاكثر من مره يفسد الاب ماتم. من مجهود فى العلاج وما بذلنا من أموال. والله المستعان

[@تحيامصر-د4ج]

منهم لله الظلمة لا بيرحموا ولاعاوزين حد يرحم ربنا يشفيه لك ويشفى ولادنا جميعا ربنا رزقنا بشوية حمقي بيهدوا المعبد ع دماغهم ودماغنا حسبنا الله ونعم الوكيل الفرج قريب إن شاء الله

[@abeirmohammed146]

الله يجزيك كل خير. ممتنة لك جدا 💜💐🙏🏼

[@rokiyamohmed504]

طب كويس الموضوع طلع ممتع يعنى ممكن انا اللى استفزه أو اوتره بالتجاهل والهدوء واللا مبالاه بجد يا أستاذه كوثر ربنا يجعله فى ميزان حسناتك كل الكلام اللى فى كل محاضراتك يكتب بماء الذهب

[@monahamada8801]

والنبي انتي فين وعملتي ايه تعالي كلمني

[@amalabduallah4354]

جزاك الله خير طيب لما يكون زوجي نرجسي خفي وخبيث وكمان بيتزوج علي ايش الحل

[@user-fb1ry1on6i]

انا مثلك يا أختي بالضبط

[@user-fb1ry1on6i]

ممكن أعرف كيف كانت ردة فعلك بعد زواجة من الثانيه

[@azzaelgazzar6525]

يغور في داهيه ولا يتجوز ولا يتجنز حتي بالعكس خليه والله بطلع عليه القديم والجديد ورمته رميه الكلاب وخدت حقي

[@mohamedali-ps5by]

ابني خدود ازاي بعد ١٥ سنة ما خلاص مش هاعرف اعمل حدود مع هذا الشخص المريض وبالذات لو كان الزوج

[@hodakhaled1734]

النرجسي عمره فى حياته ماقلى انا اسف بقالى ١٥ سنة عايشة معاه وسنة خطوبة

[@Nameertrabulsi]

جزاك الله كل خير دكتورة بس السؤال متل ماحضرتك اتكلمتِ أن النرجسي تقريبا كل تصرفاته خطأ هل يعقل أنا كل تصرف أصر عليه ليصلح خطأه.. النرجسي لما بحس انك كشفتيه وما نفع معك الغضب النرجسي وما قدر يخوفك رح يدور على ضحية تانية لتطعيه السبلاي ليقدر يكمل أنا برأي النرجسي ما بيتغير بالعكس لما بتفهميه انو هالموضوع زعجك بيمسكك من هالموضوع وبيتقصد يعيده أكتر وأكتر وبأحسن الأحوال لما ما بتتجاوبي معو وبتفرجيه انو مافي شي عم يعمله مأثر عليكِ بدور على حدا تاني يمارس نرجسيته عليه وبيتركك أنا هاد الي صار معي وبالأخر لما لقى مافي مني أمل وكشفت كل أساليبه طلقني

[@sharefa1163]

فرج الله عليك دنيا واخره اقسم بالله انتي قممممممه احببببك

[@shimaaahmed4596]

انا مش عارفه اوصل لحضرتك ازاى انك عظيمه و رااااااااءعه و ياريتك كنتى ف حياتى واقدر اكلمك و اتحامى فيكي و بيكى

[@هانيهالمحمدي]

اطلب الحاجه بشكل مباشر و لتفادى المراوغه و اعدي الغضب النرجسي و اطلب طلبي تاني في نفس اللحظه

[@AsmaaAboZaid]

للاسف أنا اتعاملت مع أسوأ أنواع النرجسية ، وهي النرجسية الروحية ممن يلبسون رداء المعلمين الروحيين وبيستخدموا التلاعب الروحي بطريقة من اسوأ مايكون

[@nageebmohmmed]

طيب ازي اخد حقي لما النرجسي يتهمني بشرفي ويقول انك مش بنت وهو ساتر عليا

[@fatihaotbot4657]

للأسف يادكتورة هذه المسائل لازم تدرس للأجيال في المدارس

[@merooomode3406]

الحلقه دي ممتازه اشكرك جدا والله جزاكي الله خيرا وبارك الله فيكي ونفسي كلامك مايخلصش تحياتي💋

[@aminadina7563]

اللهم انا نجعلك في نحور كلةالناس المؤذيين وعوذ بك من شرورهم

[@امسلطان-ظ4و]

الف شكر استاذه كوثر استفدت منك كثير

[@soniasony7068]

صح والف صح انتي كأنك عايشة معايا و عشتي معايا و مع طليقي. ....صح عمرو اعتدر مطلقة من خمس سنوات مشكلتي اني مش عارفة انسي قهرو ليه وخيانتو لية. ....إنتي يا دكتورة رجعتيني لسنة 2014...😢😢

[@Raniaelshhaby]

اول مرة اشوف فيديو لحضرتك مش صحيح للاسف الزن والإصرار ممكن يعرض الضحية للخطر الموضوع ممكن يطور لاكتر من الضرب حضرتك لازم تحظرى لان والله النزحسى اصلا مجنون ومعندوش اى تحكم اقسم بالله بيرفغ السكينة دة مينفعش معاهم غير المراوغة لانهم مجانين

[@user-id-kawthers-sanad]

حبيبتي مش كلهم زوجك هم مختلفين وكل واحد وله طريقة ومفروض كلامي يتجرب ودايما اقول كل واحدة عارفة شخصية زوجها وعارفة ايه ينفعها وايه لا ولازم نفكر قبل ماننفذ

[@azizataoussi425]

الله عليك ياريت حلقة خاصة على النرجسي الخفي

[@user-id-kawthers-sanad]

حاضر قريب ان شاء الله

[@hananebelk8161]

شكرا يا أستاذة بارك الله فيك في ميزان حسناتك

[@zozodz2684]

السلام عليك . هل انت صاحبة قناة سحر النادي ؟؟!!! انا متبعة مستمرة للقناة . وانا ضحية نرجسي شرس

[@user-id-kawthers-sanad]

لا حبيبتي انا مش صاحبة قناة سحر النادي ، استاذة سحر شخصية ممتازة

[@zozodz2684]

@@user-id-kawthers-sanad جزاك الله كل خير وشكرا على الاجابة. وانت ايضا ربنا يزيدك من علموا

[@wafyaaahmedahmed8491]

@@user-id-kawthers-sanad فعلا الاستاذه سحر ممتازه لكن حضرتك بتعلمينا ازاي نتعامل جزيتي الخير كله