ازاي تبقي حرة وتعيشي حياتك رغم وجود النرجسي فيها ؟ ..... كوثر سند

ازاي ترجعي احسن مما كنتي قبل ماتعرفي النرجسي
نسيت يعني ايه افرح واضحك او ابتسم
ليه بنوصل لكدة ؟
أسباب فيكي انتي بتخليكي كدة بغض النظر عن الحياة الصعبة اللي انتي عايشاها ، لكن انا مهتمة بيكي انتي مليش دعوة باللي حواليكي ولا بالظروف ، انا عايزاكي تكوني قوية وتوصلي انك تبقي انسان سوي ودة مش حيحصل لو فضلنا قاعدين في مكاننا نبكي على اللبن المسكوب ، عشان كدة حقول لك الأسباب اللي بتعطلك وتمنعك من انك تحسني حالك وتغيري وضعك ولو قدرتي تنفذي اللي حقوله لكي حتقدري تغيري وضعك وتتغيري وتعرفي تضحكي وتفرحي تاني
ايه اللي بيتحكم فيكي وفي تغيرك وليه مش بيسمح لك تكوني سعيدة ؟
عقلك !!! عقلك مش بيسمح لك تتغيري ولا بيسمح لك تكوني سعيدة ليه؟
١- عقلك كسول ومخلص لكي ، يعني ايه الكلام دة ؟ عقلك كسول يعني ايه يعني عقلك بيحب يحط شغله على الطيار الالي ، عارفين الطيار الالي كل الطيارات دلوقتي الطيار بيطلع بداية الطيران لحد ماتستقر الطيارة فوق وبعدين يحطها ع الطيار الالي برنامج بيسوق الطيارة وساعة النزول ينزلها الطيار اللي مش آلي ، المهم بقى عقلك بيعمل كدة بيظبطك ويبرمجك ويسيبك على كدة ومش كل شوية حيغير البرمجة لانها بتاخد مجهود وطاقة ، وطبعا من ضمن الحاجات اللي بتمشي كدة الهضم والدورة والدموية والتنفس ، بس كدة لاااا دا كمان المشاعر والاحاسيس الناتجة عن المواقف بتكون كدة ازاي يعني ؟ يعني الاسوياء لما حد يموت بيحزنوا صح؟ هل ممكن يغيروا دة هل ممكن يفرحوا؟ لا طبعا ليه؟ لانهم عقلهم مبرمجهم على كدة ، طيب لو كنا نقدر نعرف اللي مات راح الجنة ولا راح النار تفتكروا كنا حنحزن على كل اللي بيموتوا ولا على اللي راح النار بس ؟ واللي راح الجنة حنعمل له فرح ؟ القصد من الكلام ان حتى المشاعر متبرمجين عليها وردود افعالنا متبرمجين عليها عارفين ان حاجات معينة لما تحصل لازم نغضب وهكذا ، فلما عقلك يبرمجك ويحطك ع الطيار الالي عشان يوفر طاقة يبقي عقلك كسلان ومش عايز يهدر طاقة ويخليكي على وضعك الا اذا انتي وقفتي وقلتي لا لازم نعيد البرمجة وحقولك ازاي في الاخر
كمان عقلك مخلص لكي ازاي ؟ عقلك مخلص لكل اللي اتعلمتيه واكتسبتيه وبيتمسك بيه وبيدافع عنه حتى لو كان غلط ، عشان كدة بنقول ان عقلك بيدافع عن اللي بتعتقديه وبيحاول يثبت صحته حتى لو كان غلط ، يعني انتي صدقتي واقتنعتي ان حياتك مع النرجسي عمرها ما حتتحسن ولا عمرك حترتاحي ولا حتشوفي السعادة ولا حتى حتقدري تسيبيه ولا حتقدري تشتغلي ولا حتقدري تقنعيه او تفرضي عليه أي حاجة انتي عايزاها ، لو دة اقتناعك وعتقادك فعقلك حيفضل يدور على كل الأسباب والأدلة اللي تثبت انك صح ، ايه دة طيب نعمل ايه ؟
قبل ما أقول لك نعمل ايه حنبهك لنقطة مهمة جدا ، الاتجاهات عندنا دايما بتكون اما فوق او تحت ، اما يمين او شمال ، يعني ايه ؟ يعني لو انتير كنتي عربية على منحدر يعني ارض مايلة من غير ما ترفعي الفرامل حيحصل ايه ؟ العربية حتنزل ولا حتطلع؟ طبعا حتنزل أي حاجة لو مكناش نزقها لفوق حتقع فورا لتحت ، نفس الحكاية في تفكيرك حتزقي تفكيرك لفوق بالعلم والاطلاع حيطلع معاكي ، حتسيبيه في مكانه حينزل لازم حينزل لان كل يوم فيه جديد كل يوم معلومات واكتشافات جديدة واللي مش بياخد كل يوم معلومة بيصبح من اهل الكهف مش عارف ايه اللي بيحصل ، ولو مرفعتيش عقلك ووجهتيه في اتجاه الإيجابية حيروح فين حيروح ع السلبية لو مراحش يمين حيروح شمال مفيش غير كدة ،خدي بالك جدا من النقطة دي انتي لازم تزقي ولازم تعملي مجهود عشان تحركي عقلك وتشغليه مش هو اللي يشغلك
طيب حنعمل ايه في نفسنا ؟ حنبرمج عقلنا ع اللي احنا عايزينه مش حنسمح له يحطنا ع الطيار الالي ابدا
١- اول حاجة ماتتسرعيش في تصديق كل شيء تفكريه فيه يعني ايه ؟ يعني مش كل حاجة تحسي انها على هواكي تصدقيها لانك لو صدقتيها وهي غلط عقلك حيعززها ويدافع عنها زي ماقلت لك ، يبقى لازم افكر بقى في معتقداتي وقناعاتي وافنطها كدة واحدة واحدة واشوفها صح ولا غلط لان مفيش حاجة بتأخر البني ادم اكتر من قناعاته زي ايه يعني؟ مثلا انتي مقتنعة انك مستوى ذكائك ضعيف فعقلك حيحاول يجيب لك كل الأدلة على كدة ، بالرغم من انك ممكن تكوني ذكية جدا لكن النرجسي أيا كان ابوكب امك زوجك المهم انه اقنعك انك مش ذكية وانتي بدون ماتفكري في قناعتك دي قبلتيها وسلمتيها لعقلك يرسخها وميسمحلكيش تغيريها ، وهكذا .... ونفس الكلام تطبيقيه على افكارك زي ماقلنا في حلقة ازاي تكوني اقوى من النرجسي (١)
كمان لازم تتعلمي تتحكمي في الأفكار اللي تتوارد على عقلك ، يعني ايه يعني متسيبيش الأفكار تكون زحمة ف دماغك وتبقى شبه الموسيقى التصويرية اللي ملهاش أي فايدة في المشهد غير انها تزيد توتر المتفرج ، الأفكار الكتير اللي ملهاش لازمة بتوترك وتزود الضغط عليكي ، خليكي واعية ومدركة لافكارك زي ما اتفقنا واختاري تفكري في ايه وايه الأفكار اللي تطرديها من عقلك واكتر حاجة بتساعد على كدة الاسترخاء افتحي فيديوهات الاسترخاد واليوجا واسمعي منهم بيقولوا لازم تطردي الأفكار وتوقفي تفكير عشان تعرفي تسترخي صح ، بالتدريج وبالتعود حتقدري وحتعرفي تعملي دة ، لو انتي عايزة تبرمجي عقلك مش هو اللي يبرمجك . تفتكري بقي عقلك حيستسلم للكلام دة بسهولة؟ اكيد لا احنا لسة قايلين كسول ومخلص لكل اللي اتعلمتيه واعتقدتيه وغرستيه فيه طول الوقت فبالتالي حيقاوم ويقول لك لا كتير وحيحاول يكسلك ويقول لك ماحنا كدة كويسين اهي عيشة ادينا ماشيين بكرة القيامة تقوم بكرة نخلص من الدنيا والكلام السلبي اللي يوقفك وطبعا انتي اقوى من انك تستسلمي له انتي حتغيري مفاهيمه وحتقرأي ، انتي حتقاوميه وحتبرمجيه وحتحاولي مرة واتنين وثلاثة وعشرة وعشرين حتعيدي تعليمه من جديد . جربي واذا مااستفدتيش مش حتخسري ، بس انتي جربي ، جربي تشغلي مخك وتخليه يبطل كسل
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress

[@icanfly7439]

حضرتك غيرتي حياتي كنت بجري للانهيار وانا مش عارفه أوقف اي حاجه بتحصل بجد وجودك خلاني وقفت الجري ده ولحقت نفسي قبل الحافه مع أن اني اخصائيه نفسيه بس النرجسي خلاني نسيت كل كل حاجه تخيلي حضرتك ربنا حط فيديو ليكي قدامي زي رساله من ربنا وانا من وقتها وانا بعشق حضرتك لانك انقذتي حياتي بقيت بضحك بعد مانسيت الضحكه حتي الي حواليا لاحظوا كده جدااا وفرق معايا في شغلي جداااا بحبك جدااا

[@user-zn1cj5cr3c]

وأنا كمان غيرت حياتي ❤️🥰😘

[@user-wf9px5of5h]

ولن يجدوا من يحزن او يبكي عليهم عند فنائهم

[@user-hq7ng7gg3t]

ارجوكم اعملوا جمعيات خيرية لمساعدت زوجات النرجسين الي معاهم اولاد لإنقاذ الأبناء حتى يكونوا مثل الآباء النرجسين ويضروا المجتمع

[@mohamedbeni701]

المجتمعات العربية و الاسلامية مازالت رافضة او ناكرة بوجود النرجسية بدليل لو كانت الام نرجسية و توصل ابنها او بنتها الانهيار و يضطر للهروب يقولوا عليه عاقل او الزوجة اذا ما قدرتش على الطلاق تروح تخرج عن سيطرة زوجها النرجسي يقولوا عليها منحرفة و مسيطرة النرجسي الخفي يحظى بتعاطف الناس لانه يمارس نرجسيته داخل البيت

[@user-ur1mw6tp1p]

من استعان بحولي وقوتي ألنت له الحديد (لاحول ولا قوة الا بالله العلي العظيم)

[@aichaayoub6254]

سيادتك يا ست كوثر، مثال للمرأة الراقية، المثقفة، القوية، في ميزانك كل الي تعمليه ،مزيدا من النجاح

[@nabilahussien]

تحكم العقل جميل وانا حكمت عقلي كلامك صح ممكن نتغير حبيبتي وانا جربت ونجحت وعايشه احلي حياه الحمدلله

[@NouranWalid-dy8vi]

ربنا يديمها عليكي نعمه يارب

[@sarashawky1177]

اللهم انت ربي لا اله الا انت خلقتني وانا عبدك وانا علي عهدك ووعدك ما استطعت اعوز بك من شر ما صنعت ابوء لك بنعمتك علي وابوء بزمبي فاغفر لي انه لا يغفر الزنوب الا انت

[@umrand8782]

اللهم صل وسلم على نبينا محمد وعلى آله وصحبه أجمعين وسلم تسليما كثيرا

[@madehamohamed9015]

صعب اوي التعامل مع النرجسي زوجي صعب جدا علي طول انتقاض وعلي طول هو صح رغم انه بيكدب كتير واناني مبيحبش اهله وخاااااين اتزوج مره عرفي وقفشته وعشت ماساءه رهيبه انا وبناتي ودلوقتي بيكلم واحده مطلقه وبيتفقو يتجوزو عرفي وبرضه قفشته ونفسي يمشي ويسبنا بناتي نفسيتهم وحشه اوي عمره ماقالي كلمه حلوه ابدا رغم اني مهتميه بنفسي وبناتي واحفادي وبيتي وف شغلي وعمري ماقصرت ولا فيه ولا بيتي ولا بناتي انما هو اناني جدااااا حسبي الله ونعم الوكيل نفسي اشوف فيه يوم بجد

[@user-uj9oe2xe5r]

الله يعينك ويعوضك واجرك على الله

[@emadmoody2474]

ربنا يهون عليكي بس ليه حضرتك مكمله ممكن ترفعي عليه قضيه بسبب جوازه والقانون مع الزوجه وفي صفك وتقدري تحبسيه بسبب انه اتجوز عليكي بدون موافقتك قلبي معاكي و بنا ينتقم منه اشد انتقام ان شاء الله

[@Miada15]

لاتنتظري منه شي لانه نرجسي . اطلعي مع بناتك امشوا روحوا اسواق ملاهي اعملوا رياضة زوري اهلك قرايبك صاحباتك , قللي تواجدك أمام زوجك حتى تبعدي عن أذاه ولاتكثري معه كلام. ربي يصبرك ويعوضك ويفرحك في بناتك ويجعلهم سند وقوة لك وللمسلمين

[@omseif8599]

الله يقوكي ويعينك

[@suadelamin7607]

عندك احفاد ولسه منتظرة منو حب واخلاص....لاحولا ....أرمي العفن خلفك اسعدى نفسك...انسيه .دة مايستحق ..منك حزن ..والمتابعة ولازعل

[@user-wf9px5of5h]

ولا ينبغي التجاوب لنقل العدوى والتصدي لسلوكهم بالاذكار والاستعاذه

[@user-wf9px5of5h]

عندما ينسى الإنسان السعاده بسبب سرقتهم فرح الناس لأنهم في اكتآب دائم من حسدهم ويبغون الناس مثلهم مرضى واوغاد

[@walaashapan8680]

گن معي يا الله حتي وإن گنت لا استحق.. 🖤🥀

[@sohahassan3661]

جزاكي الله عني خير الجزاء 🤲🤲اشهد الله اني احبك في الله لأن محاضراتك على اليوتيوب سببا اساسي في راحتي النفسية دكتورة كوثر ❤️❤️❤️

[@zaziamb7926]

٠0

[@soadsherif2209]

‏ ‏أتحزَنُ والسعادةُ عند ربي ستَهطِلُ بعدَ أحزانٍ ثقيلة🌸 أتجزعُ والبشائِرُ قادماتٌ لِتَشفي الجرحَ والروحَ العليلة🌸 غداً يأتي الصباحُ بكُل شوقٍ ودِفءٍ خلفَ نِسمَتهِ العليلة🌸 وروحكَ سوفَ تحتضِنُ الأماني وقد كانت تراها مُستحيلة🌸 فقُل لفؤادكَ الموجوعِ صبراً فخلفَ الصبرِ أشياءٌ جميلة 🌸 🌿🌿🌿🌿🌿🌿🌿🌿🌿 💐🌸🌷💐🌸🌷💐🌸🌷

[@user-qh3vy6eg3f]

اهلاً اهلاً الله يكثر من أمثالك إنسانه طيبه تساعدي المحتاجين لمن ينقذهم 🌹🌹🌹🌹

[@meriemmahmoudi6563]

احنا تعودنا علي الحزن والاكتئاب مادمنا عايشين مع هذا الكائن المتوحشة 🤕🤕😪😰

[@hegfxgjfhffj2353]

سبييييييييه.احرميييه من كل شييي.بيحب.انا حرمت من كل شييي.ارتحت.

[@loubnaghazal9315]

ياااااااه.....موضوع اليوم في الصمييييم جدا جدا....بس والله صعب جدا اننا نبرمج نفسنا .اصل النفس دي هي المحور.لازم نروضها وندربها على كل ما هو ايجابي.شكرا لك سيدتي على التوضيح

[@Glamour_Egx]

فعلا صح حمد لله انا بعرف اصحى من حلم مزعج او اجبر نفسى انام يعنى هنام او انى ماخليش المشكلة او الموقف أين كان ياخد مساحة بتفكرى اكتر من الازم او انى اطرد مشكلة او موضوع واحجمة ومكبروش ولا اكنوا حصل وانا اسعد نفسى بنفسى زى ايام العيد اللى بكون لوحدى فيها ويوم الجمعة واى عبادات او مواسم او تهنءة بكون مش معايا غير ربنا. رغم وجود النرجسى معايا بالبيت وبكل تفصيلة بحياتى بس عايشة زى غيرى فى تجاهل وصمت وانانيه وتقليل وتشوية وطاقة سلبية ملهاش حدود.. وبهادى نفسى بنفسى.. كل دى قوة ارادرة وثقة صحيح بكون مجروحة وبداوى جرحى والمى بس مخليهوش يزيد وأوقف اى نزيف يوجعني من النرجسى بحياتى واتفهة من اى مشكلة وبكمل وبعمل حدود. لحد ما ربنا أنعم عليا انى بقيت اعرف هو بيفكر ازاى والمتوقع منة. وبتلاعب انوا ميعرفش انا بفكر ازاى.. وفعلا مرة زمان كان بيقولى انوا خايف مى. عشان غامضة بالنسباله. و والحقيقة انى عقلانية وبوزن الأمور بما يرضى الله ولما فهمت النرجسى فضل من ربنا عليا.. ارتحت حسيت اكنى كنت مريضة وربنا جبر خاطرى بالشفاء.

[@soadsherif2209]

فعلًا استاذتنا الفاضلة كوثر لازم نعيد البرمجة والبوصلة الايمانية لردود أفعالنا ونتذكر اننا من المفترض مصدر الأمان والطمأنينة لأبنائنا

[@rahik75]

الحمد لله حبيبتى كل ما ما عليكى فى الفاخرة دى أقوى نفسك بنفسك سواء كنا معاه او بدونه شوفى الفيديو ده حيساعدك كتير زى ما ساعدنى وربما معاكى حبيبتى kzbin.info/www/bejne/gJKVk4F6g7hre80

[@DeveloppeirMania]

الله يطول بعمرك لي معه اربعة ابناء و ليس لي استقلال مالي صعب اخلص منه الله يعوض علينا

[@abeereid532]

حضرتك انسانه جميله جداااا ومحبه للعطاء ربنا يجازيكي كل الخير يارب

[@user-be7ni1sb7k]

ارد عليه بنفس اسلوبه و لا اتجاهله ارجوكي يا حبيتي ردي عليه بارك الله فيك زادك من من فضله وعلمه

[@newphone3912]

احبك في الله أالاخت الملاك كوثر ه أنت راىعة كلك تفاىل وأمل بارك الله فيك أنا انتصرت عليه بعد سنوات طويلة فاقت العشرين سنة صحيح عدت كما كنت زمان الشباب

[@laylasleem8838]

اي والله نسيت افرح وانبسط وصلت للاكتئاب الحاد عاوزه افضل نايمة واهرب بنومي كل فيديوهاتك مجبره للخواطر ومدعمه للنفس جزاكي الله خيرا

[@suadelamin7607]

عمرك راح يضيع منك

[@newphone3912]

انك تكوني صعيبة غامضة قوية لك حدود حمراء شديدة في مواقفك هادىة لا تردي الفعل بدون تفكير برمجي نفسك على انك تكوني مرتاحة وما يهمك في أي تعليق أو تعكير جو خليك ماسكة المقود وقتها فقط تكوني منتصرة وفي سلم النجاة أكثر كلما زادت المدة كلما سهلت المهمة

[@maimonahmohammed7765]

فعلاً كلامك صحيح انا تربيت في بيت نرجسي خفي وماماتي نرجسيه ولقيت اخواتي بقوا قاسيين جداً على نفسهم وعليا

[@youssef8077]

الرحيل وبس

[@maimonahmohammed7765]

@@youssef8077 الى اين

[@nanafalha9245]

@@maimonahmohammed7765 الله يكون معك ويقويك على مشاكل الحياة

[@maimonahmohammed7765]

@@nanafalha9245 آمين يارب أصبحت أجهز للرحيل عنهم فلا أذى في حياتي الا منها

[@user-yt6km3te3y]

من المغرب الشقيق كل الحب والتقدير والاحترام للدكتورة والشعب المصري الطيب الاصيل ،🇲🇦💕🌹🌹🌹🌹

[@user-be7ni1sb7k]

ازي احمي اولاد من استفزازه ليهم و شتيائم اللي بيقولها و طبعا بتاثر على نفسيه الاولاد مع العلم ا اني مطلقه وباخذ منه نفقه

[@soadsherif2209]

بِسْم الله الرحمن الرحيم 💐🌷🌸💐🌷🌸💐🌷🌸 ألم نشرح لكَ صدرك (١) ووضعنا عنكَ وزرك (٢) الذي أنقض ظهرك (٣) ورفعنا لكَ ذكرك (٤) فإنَّ مع العسر يُسْرًا (٥) إنَّ مع العسر يُسْرًا (٦) فإذا فَرَغتَ فانصَب (٧) وإلى ربِّكَ فارغَب (٨) ] من سورة الشرح 💐

[@user-sq5hc4fu3o]

احلى واجمل لايك مثل قلبك الطيب..استاذة كوثر انت انسانة رانعة وراقية وحنينة جدا..ادعيلك بالخير والفرح وقضاء الحوائج..ام علي من العراق

[@molysabry2026]

كل حلقه لوحدها مفيده وفيها معلومه جديده ، مش عارفه اشكرك ازاي ،جزاك الله الجنه

[@Om-ze8ro]

كنت بحاجه هالفيديو جدا ،بشكرك كتير وبعجبني كلامك وبشجعيني ع تقدم يجعلها في ميزان حسناتك ي رب

[@user-wb5gi2gc1d]

حلقة فى قمة الروعة بارك الله فى حضرتك ❤️

[@manafsas5555]

جزاكي الله خير الحزاء وبارك الله فكي الدكتورة كوثر💞

[@salaflower23]

ربنا جعلك نعمة في حياتنا ان شاء الله ستجدين أجرك يوم القيامة كجبال احد يثقل موازينك لتدعيمك المستمر وكلماتك التي تطبطب على قلوبنا الجريحة جزاكم الله خيرا ياقلبي

[@user-qt2vc8ry2r]

البرمجة سهله اذا استعان الواحد بقوة الله لكن الوقت لازم تاخذ وقتها ..

[@amalkolkila1585]

انتي جميله اوي اوي ياريت عرفناكي. من زمان كانت حياتنا اتغيرت تمام ولله الحمد ابتلاء صعب جدا دعواتك يا غاليه والله بحس انك اختي الكبيره ربي يكبرك بطاعته ويوفقك وييسر امرك

[@omanas2526]

اللهم صلي وسلم وبارك على سيدنا محمد اللهم اهدي اولادي واولاد المسلمين اجمعين يارب

[@fatizahrahassan5872]

تحياتي الخالصة . شكرا جزيلا على المجهود الكبير الي بتعمليه لضحايا النرجسية . كل التشجيع والحترام 👍♥️🧡💛💓❤️🧡💛

[@user-jp1xq5ek8k]

الله يجزيك الجنة ويكتب لك الأجر والثواب، ،فعلا صحيتينا

[@user-kd8jl2vj3p]

الله يجزاك خير على هذه المعلومات القيمه شكرا لك

[@user-nr3vo7mm6b]

بسم الله ماشاء الله.... الفبديو اكتر من رائع... 🌼🌼🌼تحليل دقيق فوق الوصف وشرح جميل وو افي 😍😍😍😍😍مش لاقيه كلام اوصفه بيه غير اني اقول لحضرتك ربنا بزيدك علم علي علم ويجعلك سبب في الخير للناس..... وربنا يحبب فيكي خلفه امين بارب👍👍👍

[@omosha3448]

جزاك الله خيرا كثيرا على كل المواضيع ديه ونفع بك

[@rawday3692]

سبحان الله القوى ماشاء الله عليك استاذة كوثر انت مافى مثلك فى اليوتيوب كلامك جميل .

[@marwasamer195]

حضرتك ناس بدأت تألد وتتكلم في نفس الموضوع بس حضرتك افضل اسلوب وشرح بحبك جدا جدا جدا ♥️♥️♥️♥️♥️♥️♥️♥️

[@emadeldinibrahim1078]

سبوبة ومدخل ملفت للنساء واليوتيوب بيدفع كويس

[@batoulfadhel8682]

يارب تكوني من سيدات الجنة يا احلى سيدة كوثر

[@user-py7mq6mz5z]

شكرا حلقة مفيدة جدا الله يجعلها في ميزان حسناتك

[@manalabdelazeem3268]

حلقة اكثر من روعة بارك الله فيكى ومتعكى بالصحة والعافية

[@aishaabdullah6466]

د ايه حضرتك انسانة جميلة ربنا يجعله ف ميزان حسناتك

[@user-tb7xz9uu6r]

انت سيدة محترمة حسيت إني بدأت ارجع ثقتي بنفسي

[@mahaalbetar3572]

اسعد لمجرد رؤيه وجهك البشوش وثقة في شخصك الكريم اضع الايك قبل مشاهدة الفيديو

[@user-yf8nq5zu8t]

ما شاءالله اللهم بارك....ربنا يجازيكي خير ع اللي بتعمليه معانا❤❤❤❤بدعيلك وانا بصلي ..ربنا يتقبل

[@lailahosny3430]

❤❤❤ اللهم علق قلوبنا بالله والرسول واشغلنا بطاعة الله واهلنا واولادنا وازواجنا وجميع المسلمين والمسلمات

[@solafamasarwa3310]

الله يجازيكي كل خير يارب كلام قمة الروعه

[@geniusmindsmanarelsheref2678]

جزاك الله كل خير يا حبيبتي ربنا يسعدك

[@fatenabdo567]

ما شاءالله لا قوة الا بالله بجد كلامك مفيد جدا يادكتورة زادك الله من فضله

[@hamada.ah149]

اكيد ان شاء الله هنقدر طول منتى معانا💪 ربنا يبارك فيكى ❤️❤️❤️❤️❤️

[@Mamamom1039]

جزاك الله خير و ربي يحفظك و ينورك زي منورتينا

[@asmaaalaoui6144]

اله يكرمك حقيقة كلامك كله حقيقة بدل التشكي والبكاء الى القوةوالاجتهاد

[@EmanMohamed-dj2nt]

ربنا يبارك فيك ويزيدك علم ❤

[@ommansour9177]

لو الوحده عندها دخل مادي واحباب يدعونها معنويااا وعشان ماتصير تحتاج له في اي شي لان اذا ماعندها دخل بيذلها مادياااا

[@refaahgh298]

الله يجزاك خير يادكتوره كل الي بتقوليه في زوجي وانا ضحيه باذن الله بسمع مقاطعك واستفيد

[@sssmmm3018]

والله قناتك تستاهل توصل مليون مشترك لانها احسن الف مرة من القنوات التافهة المليونية لانك غيرتي حياة ناس كثير واصلحتي نفسيات كثير مدمرة وميتة وهي عايشة لكن اسأل الله العظيم ان يعطيك اجر كل راحة وكل بسمة كنتي السبب فيها يعطيك اجرها اضعاف مضاعفة واذا قصر او قل المردود الدنيوي لعملك اسأل الله ان يرزقك الفردوس الاعلى بلا حساب ولا سابقة عذاب

[@moshiramohamed6154]

جزاك الله كل الخير🌹

[@besure277]

فعلا كان عقلي يقلي جوزك لازم تسمعي كلامه لدرجة لما انصدمت فيه انه نرجسي اكتشفت انه تجاوز حدوده معايا وحرمني من الناس والشغل ومخي كان مقتنع انه بدا الشي ..ان شاء الله اتشافى منه و الاقي نفسي يارب 😢

[@sabasaba5689]

بنحبك جدا استاذتنا الغالية، محبيكِ ومتابعيكِ من العراق، 🌹❤️🇮🇶🇪🇬

[@naglabaraka1744]

هو بتضايق انك تبقى مبسوطه فلا زم يعكنن عليكى يصعب عليه انك تكونى مبسوطه

[@user-yp4um1yx7y]

استاذه كوثر ربنا ينور حياتك زي نور تحياتي ويجازيكي خير يا رب

[@walaa7255]

السلام عليكم استاذة كوثر بعد اذن حضرتك عايزين حلقه عن النرجسى بيعملنا كانى مش موجودة كانى مجرد خدمه فى البيت مع انى متعلمه وكنت بشتغل

[@user-dz9cu7qr8d]

ياريت والله لنا الله

[@user-dy2mm1ju4u]

انا خلاص ميته وانا حيه حاسه اني مبرمجه

[@aaa1977are]

ارجعى اشتغلى وخلى ليكى كيانك الخاص

[@amalhmd4463]

انا كان بيعاملني زيك بس بعد ماتخطيت 15 سنه زواج وقهر وظلم بيقت اعامله بالمثل خليته يحاول ينتحر بعامله نفس الشي ولا كأنه موجود بينام لوحده زي الكلب من سنين حتى بتوجع من جوه بس بعمل قويه قدامه واخليه يحس انه مش بيأثر فيا اطلاقا صدقيني المعامله ببرود تيجي على نفسك وهوا لما يشوفك كده هيتجنن لانه عايز يكسرك دايما

[@dalisarra4751]

هههههه. هادى ابسط معاملة احنا تعودنا خلاص

[@sanbafatiha2103]

🌹🌹🌹🌹الله يطول في عمرك ويجزيك بالف خير...

[@roqaiaeid7378]

انتى فعلا بتفيدينا جدا والله انا فى مرحلة انا هعيش بالطريقه اللى تناسبنى واللى تريحنى واللى مش هكون فيها بما هو عاجبنى عندى استعداد للانفصال بشكل كبير فى اى وقت

[@ghadahamdy7266]

جزاكي الله خيرا 💜

[@ashtytaha480]

جزاكي الله خيرا وبارك فيك يا رب

[@hendali54]

احلى لاىك لاحلى دكتور ه جزاك الله خيرا الكلام مهم جدا ولازم يكون في عقلناعشان تبقى احسن واقوى ملىون شكر على مجهودك وتعبك

[@rahik75]

فعلا حبيبتى دائما بردد لنفسى لازم نرجع من تانى اسوياء واقوياء ربنا يجعل الخير ده فى نيوتن ماما كوثر وكل انسان محادثة ساعدتنا باخلاص شوفى حبيبتى الفيديو دهحيساعدك كتير زى ما ساعدنى kzbin.info/www/bejne/gJKVk4F6g7hre80

[@songjr7380]

احلى لايك لاحلى دكتوره

[@abeereid532]

حقيقي الحياه معاه بشعه وبعده ابشع لانه مش بيسيبنا نكمل حياتنا بهدوء بيظل يا ذينا ويدفعنا تمن خروجنا من حياته مدى الحياه خاصه لو اذنا في اولادنا

[@olaahmed543]

انا زيك بالظبط واسمي عبير برضو

[@abeereid532]

ربنا ياذيهم زي ما اذونا وحرمني من بنتي نور عيني@@olaahmed543

[@olaahmed543]

معلش ممكن اعرف ازاي عشان انا عندي اولاد وهو مش ساكت واحنا الموضوع دخل في محاكم

[@abeereid532]

@@olaahmed543 انا انفصلت واخدت بناتي ووفرت لهم حياه كريمه جدا افضل بكثير من حياتنا معاه وللأسف حرصت جدا على ان العلاقه بينهم وبين ابوهم تكون طيبه ويشهد ربنا عمري ماشوهت صورته بل العكس تماما البنت الكبيره كانت شاهده على كميه الاساءه والظلم اللي اتعرضت لهم وكانت دفاعي الأول ٧ سنوات وهو بيعمل لهم غسيل مخ وتشويه لصورتي لدرجه انهم بقوا يكذبوا عنيهم وصدقوه لان البنات بطبيعتهم بيميلوا للاب رغم اني سخرت حياتي كلها وعمري ليهم وشجع البنت الكبيره انها تسيبني وتعيش مع مراته عشان يثبت للكل اني ماتعاشرش وان بنتي نفسها فضلت مراته عليه واستغل َده وضيع شقى عمري وسحب لها ملفها من أكبر جامعه ف مصر عشان يكيد فيه ويضيع عمري اللي راح في تعليمهم ويكسر قلبي عليها

[@olaahmed543]

معلش الحمد لله كله مكتوب وده ابتلاء ولازم نصبر . ادعيلي بالله عليكي ربنا ينصرني عليه

[@shadarahma5249]

أستاذة كوثر يعاملني على اني أغبى مرأة في العالم وهو نرجسي خطير ومريض نفسي وعايز يوهمني إني مريضة وعايزة اتركوا وعندي اولاد وخايفة عليهم من الطلاق واقنع نفسي بالبقاء ونا متأكده انو خلاصي في تركه والكل يقولي اصبري ونا مش عارفة الحل.

[@sarashawky1177]

بصي انتي صاحبة القرار مش قدرة تكملي ابعدي ونجي نفسك ولو عندك صبر كملي بس في الاخر هتوصلي لنتيجة اصعب وهي ان اولادك هيكونو اتاذو من الوضع السئ االي عاشو فيه مع ابنرجسي

[@umaloosh9638]

حبيبتي والله العظيم مثلي دوم اكعد وابجي من تعامله وياي يلعب بيه لعب واني تمرضت وضغط صار بيه والدكتور يكلي توتر عندج واكعد وياه واكله انته السبب في حالتي هاي وحتى جهالي اخذاهم الجانبه ودوم بيكرهم بيه ويضربني ويهيني كدامهم ومن أطيح يتهمني بأن أني بيه حاله نفسيه وماأتحمل كلشى وهوة يعيني متحملني ووفي اليه ومتحمل مرضي كدام الناس وكدام أهلي وجه ثاني بس كدامي ابد مامحسيني بأمان وأطمئنان داخلي

[@shadarahma5249]

@@sarashawky1177 صحيح انتي كلامك صح بس دي الخطوة صعبة عندي وخايفة على اولادي منوا داهو يقولهم كلام مابيتقلش عليا ولما اواجهو يقولهم انتو بياعين وخداعين ويألمهم وبنقص في رجولتهم وهم صغيرين انا عايزة اتركه بدي قوة إدعولي عشان اكون قوية

[@shadarahma5249]

@@umaloosh9638 وانتي عاوزة ايه وعملتي ايه دلوقتي انتي ما عملتي حتى خطوة انا الحقيقة كلمت اخواتي واهلي وحطيت شكوى عند البوليس منو عشان الضرب والسب بس رجعتلوا كان خايف اوي وتعهد إنو مايكررهاش بس موفاش بعهدو عشان كدة انا افكر في الانفصال

[@sarashawky1177]

@@shadarahma5249 اهم حاجة فكري انك يكون لكي مصدر دخل وحافظي علي اولادك بانك تبيني لهم المرض دة وتعرفيهم وضعة واننا بنتعامل معاه علي انه مش طبيعي وحاولي تلفتي انتياهم لاشياء اجابية لهم

[@ayoubkhatimi6073]

كلام من ذهب والله

[@mnaleldoaa8424]

جزاكِ الله خير

[@user-yn9ww8ty5t]

تستاهلي مليون لايك💟👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍

[@samiramad9891]

جزاك الله خيرا

[@ahmadkharraz5643]

اكثر من رائع جزاكي الله كل خير

[@user-pl9mr8vj8i]

أستاذة كوثر.. ❤ بحبك

[@omarmahmood5217]

انا وصلت معه للنهاية وضاقت بي الدنيا لجأت الى الله بامر عبارات التضرع والرجاء لرفع هذا البلاء بعد ان انقطعت بي كل السبل وبعدها طلعت فيديوهاتك بوجهي وبدئت بمشاهدتهم وكتير استفدت وارتحت نفسيا نوعا ما وانا بالاساس في امور انتي بتحكيها انا كنت واصلتلها بنفسي بحكم تجربتي معه من دون ما اسمع راي العلم لاني احفظتو عن ظهر قلب وانا ما بعرف مسمى النرجسي . بس انا نفسي بشيء واحد فقط هو انو يتركني شوي عراحتي لانه كتيىر ساجني بالدار ممنوع لا اروح ولا اجي حتى ع اهلي على مزاجو

[@hindabdo4247]

ممتاز جدا فكره التوصيل

[@imadelche9282]

شكرا جزاك الله خير

[@user-ko5kl8kq2e]

شكراً بارك الله فيك

[@saharmoustafa1278]

حبيبتي ربنا يوفقك ويسعدك

[@ghadaibrahim739]

بارك الله فيك ما لا ينفعك يضرك

[@sabasaba5689]

اول تعليق🇮🇶❤️🌹ياهلا بيك ياعمري

[@user-yy3kv2yj9n]

حاسب وحابس انفاسي مستحيل احس بالسعاده

[@user-nr3vo7mm6b]

جميل اوي موضوع الطيار الالي ده....فعلا ده بيحصل معانا🌼😍🌼🌼🌼🌼🌼🌼🌼

[@user-wf9px5of5h]

ذنب لايغتفر من تصدقه اذا شكك في ذكاء وعظمة المتعاطفين هم اللي فشله وتزداد بلادتهم بتقدمهم في السن حتى يصلوا إلى نهايتهم بخاتمه سيئه

[@fatmakaram3569]

الله عليكي محتاجلك اوي اوي

[@omaima3431]

بارك الله فيك

[@jimmycherrouf4100]

ماشاء الله اللهم بارك

[@khawlachafik8681]

مساء الخير يا احلى أستاذة ❤❤❤❤❤❤❤

[@erjo405]

شكر ليك على كل ما تقديمها من معلومات قيمة ارجو منك أن تساعدين على تنزيل فيديو على حمية الأبناء من النرجسيى

[@ayakhalid9920]

جميلتي كوثر سند يسعدكي الله

[@hananfares8392]

الله يبارك فيك وبعمرك

[@nabilahussien]

كلامك روعه حقيقي استاذتي الفاضله طلعت ونزلت في حياتي كتير كل ما ابني حياتي مع ولادي بيهدها وارجع تاني ارجع ابني ويهد تعبت ومكنتش اعرف انه نرجسي انا لما عرفت حقيقته فرحت وبقيت نينه المتفائله ولم ولن اسمح بطاقه سلبيه تاني في حياتي وعرفت اشغل نفسي بشغلي وقناتي واسعاد نفسي واعطاء طاقه ايجابيه لكل من حولي في العمل بشتغل عند. دكتور امراض نسا وكلهم محتاجين طاقه وبيحبوني جدا وبحبهم وبسعدهم وسعادتي من سعادتهم اعطي السعاده للي حواليكي هتتسعدي وعيشوا يومكم بكل سعاده

[@mezh4007]

كملتي والا انفصلتي ؟

[@Aaa-yn1fl]

جزاك الله خبرا الفيديو ده جاء في وقته وكانه موجه لي مخصوص الف شكر ليك يا دكتوره