Рет қаралды 7,989
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ازاي تكسري الصمت العقابي عشان تاخدي طلبات اولادك
الصمت العقابي هو احلى هدية يديها لك النرجسي لكن أحيانا بتكون مزعجة لما يكون فيه موضوع مهم ولازم يتناقش واهم المواضيع اللي بينك وبين النرجسي الفلوس عشان كدة دايما نقول حوشي اللي تقدري عليه عشان لما يعمل صمت يتفلق واشتغلي واعملي لنفسك مصدر دخل ومهما كان قليل حوشي عشان أيام النرجسي السودا تعدي على خير بس ماتبينيش ابدا ان معاكي فلوس يعني لو بتصرفي في الصمت العقابي اوعي تصرفي ادامه لانه حيعمل لك كل شوية صمت عشان يفلسك فالصرف يكون وهو مش موجود واكل ماتعمليش ولا تحطي له طالما ماشتراش ولا اداكي فلوس ، اطبخي ياجارية كلف ياسيدي ،
الكلام هنا للي مش بيضرب ومش ظاهر ولا ثالوث
طيب اذا الموضوع كبير ولازم نتكلم يبقى مضطرين نلاقي طريقة نكسر بيها الصمت العقابي وبعدين مفيش مانع ندخله تاني بعدها لو عايزين بريك جميل منه
حاجة مهمة كمان لازم تاخدي بالك منها ان مش كل مرة يعمل صمت عقابي حتكسريه لان أصلا عشان نخليه يبطل الصمت دة لازم نتجاهله ونفهمه اننا مش فارق معانا فهو مايلاقيش اللي هو عايزه فيبطل يعمله، كمان عادي ترجعي للصمت تاني بعد ماتاخدي اللي انتي عايزاه فيفهم انك ماكنتيش حتموتي عليه بس اذا اداكي اللي انتي عايزاه بدون مشاكل وبكرم خلاص اتكلمي عادي كنوع من المكافئات حتعمل اللي عليك حتتكافئ ، طيب
١- اول طريقة لكسر الصمت العقابي التجاهل التام للصمت يعني هو صامت انتي مش واخدة بالك انه صامت انتي اتعاملي ولا كأنك شايفة تكشيرته ولا كأنك فاهمة انه دخل في القوقعة ،عيشي كأنه بيتكلم وعادي جدا ، ولو كلمتيه ماردش عليكي بعدها ماتتكلميش ابدا ابدا الا اذا حد موجود معاكم بحيث هو يتكسف مايردش لا يتقال عليه قليل الذوق ودة طبعا في حالة الخفي اللي بيخاف على شكله ، ولو ماردش احرجيه ادام اللي قاعد وناديه بحنية مصطنعة حبيبي انت مش سامعني ولا ايه كذا كذا، ويكون الكلام عام مفهوش الطلب اللي انتي عايزاه اللي هو تخليه يقول هي ناوية تتكلم ولا ايه؟ وممكن في القعدات دي تحكي قصة صاحبتك اللي جوزها بخيل او اللي بيعاقبها بمصروف البيت واد ايه أولادها مساكين وابوهم مجوعهم ،
اللي هو ايه دة هي ممكن المرة الجاية تقول اسمي وتوقعي ان بعد الناس ماتمشي يقول لك انتي بتلقحي عليا تردي ايه لا طبعا وهو انت فيه حد في كرمك انت أصلا مش مخلينا عايزين حاجة هات بقى فلوس كذا وانتي هادية ومبتسمة واوعي تتهزي ولا يبان عليكي خوف من اتهاماته ولا غضبه والله كل دة فقاعة لو لمستيها حتفرقع وطول ما انتي هادية وكلامك قليل هو حيخاف منك
٢- تاني طريقة بقى انك تستخدمي مكسب مكسب يعني حاجة قصاد حاجة شوفوا فيديو مكسب مكسب بس انتي اللي حتدفعي الأول المرة دي ، احنا عادة بنقول التعامل مع النرجسي لازم يكون بأسلوب الدفع المسبق ايه الدفع المسبق دة احنا متفقين ان التعامل مع النرجسي لازم هو يدي الأول لانه لو اخد مش حيدي فتاخدي الأول وبعدين تكافئي لكن في حالة كسر الصمت العقابي لازم تدي الأول طيب حتدي ايه؟ حتعملي حاجة هو كان بيطلبها وانتي رافضاها لكن متكونش حرام ولا مؤذية لكي وتكوني تقدري تعمليها زي ايه ؟ مثلا زيارة لأمه او اخته او انك تتصلي بيها تسألي عليها وهي كانت مسخفة معاكي مثلا ، او أي حاجة مايكونش فيها إهانة لكي ، عايزك مثلا تبادري بالعلاقة الحميمة وانتي رافضة فانتي ممكن تبيني استعدادك لدة بس بذكاء وبتصرفات مش واضحة بحيث لو صدك تقولي له انت فهمت غلط أصلا ، حاجات زي كدة انتي تعمليها وتسكتي مش تقولي له هات كذا قصاد كذا لا خليكي ذكية قدمي الحاجة واسكتي او قولي زي ماهو بيقول انا عملت او أي خدمة او تقولي للأولاد ادامه انك مثلا روحتي لجدتهم او تقولي لهم اتصلوا بعمتكم أي حاجة بسيطة وتسكتي بعدها وهو حيرد عليكي بحاجة ولو ماردش بعدها بيوم تطلبي طلبك صريح ، ودة لما يكون طلبك فلوس طبعا لكن ابدا ماتطلبيش علاقة حميمة ابدا في الصمت العقابي ولما تلمحي لازم تفهميه انك مش قاصدة انت فهمت غلط عشان ماتبقاش عادة يعمل صمت عقابي عشان انتي تطلبيها .
في النهاية لولا احتياجك المادي للنرجسي عمري ماحقول لك اكسري الصمت العقابي عشان كدة من باب أولى أقول لك اشتغلي واجتهدي ولو تبيعي أي حاجة اون لاين احسن ما تكسري الصمت العقابي وساعتها هو أصلا حيبطل يعمله ، اجمدي واشتغلي
#النرجسي #الحرب #التعايش #الخداع #اللؤم #النرجسية #القوة #الذكاء #مشاكلـزوجية #زواج #ازواج #زوجات #اسرة #النرجسيالخفي #حبينفسك #النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي