Рет қаралды 33,975
Арнамызға бұрынғы әскери қызметшілер мен қазір Қорғаныс саласында еңбек етіп жүрген бір топ азамат шағым айтып, көмек сұрады. Олардың кейбірі заңсыз жұмыстан қуылдық десе, басым бөлігі еңбек өтіліміз 20 жылдан асса да, тиісті өтемақымызды ала алмай жүрміз дейді. Қорғаныс министрлігі олардың барлығы да бөтен елде білім алып, өзге мемлекетте белгілі бір мерзім аралығында еңбек еткен деп отыр.Сондықтан, 30 жылдан бері Қазақстан тарапы ТМД елдеріндегі қызметті еңбек өтіліне есепке алмайтынын айтады.
Жетігенде әскери бөлімнің аға маман жүргізушісі болған Саят Оспановты күтіп тұрған полиция оны ішімдік ішкен деген күдікке алыпты. "Ұрттамадым" деген ол, құзырлыларға сараптама жасауды өзім ұсындым дейді. Нәтижесінде, полицияға бөлек, Оспановқа бөлек - екі түрлі анықтама берілген.
САЯТ ОСПАНОВ, Алматы облысы Жетыген ауылы № 65229 әскери бөлімің бұрынғы аға маман жүргізуші:
- Үш әскери полиция медсетарға күш көрсетіп, жеңіл ішімдік ішкен деп күштеп жаздырды. Арада бес минут өтпей сол жердің врачы келді. Нарколог. Болған жайтты мен айттым. Ол маған сіз ішімдік ішпегенсіз, неге бұлай жасаған деді.
Ішімдік ішкен деген себеппен Балқаштағы әскери бөлімнің батальон басшысының орынбасары болып қызмет атқарған подполковник Мейірбек Әбдірахманов та қызметтен қуылған. Командирдің міндетін атқарушы, сол кездегі штаб бастығы өзінің лауазымын асыра пайдаланды дейді.
МЕЙІРБЕК ӘБДІРАХМАНОВ, Балқаш қаласы №53898 әскери бөлімінің МТҚБ жөніндегі батальон басшысының бұрынғы орынбасары:
- Командирдің орнына қалған штаб бастығы Асанов Азамат Нұрымович оныкі де дұрыс емес. Ол командирдің орында қалдым деп, бұрында арамызда өтіп кеткен әр нәрсені кейін асыра пайдалануы да заңға қайшы. Бұйрықта заңгерлердің қолы жоқ.
Әбдірахмановтың еңбек өтілі 21 жылдан асса да, бір тиын өтемақы берілмепті. Запастағы подполковниктан бөлек, бір топ офицер компенсация ала алмай сенделіп жүрміз дейді. Министрлік, өтемақы ала алмай жүрміз деп шағымданғандардың барлығы да өзге мемлекеттебілім алып, кейбірі әскери қызметінің бір бөлігін бөтен елде атқарған деп отыр. Тәуелсіздік алғаннан бастап, еңбек өтіліне ТМД елдеріндегі қызмет кезеңдері есепке алынбайды дейді.
ЕРЖАН БАЙТӨРЕНОВ, ҚР ҚМ Ақпарат және коммуникациялар департаментінің өкілі:
- 2018 жылы 1 қаңтарға дейінгі мерзімде қамтамасыз етілмеген қызметшілер әскери қызметшілер қызметтен шығарылған кезде теріс себептермен қызметтен шығарылу жағдайын қоспағанда олар тұрғын-жайға мұқтаж деп танылған күннен бастап қызметтің барлық кезеңінде бұрын жүзеге асырылған тұрғын үй төлемдерін сомасы шегеріле отырып, тұрғын үй төлемдерін алады.
Яғни, министрлік, тұрғын-үй жағдайын жақсарту үшін 2018 жылдан бастап ай сайын берілетін төлемнен әскери қызметшінің бас тартпағаны жөн деп отыр. Өйткені, теріс әрекеттері үшін қызметші жұмыстан қуылса, бұған дейінгі еңбек өтілі кезеңіне деп қаражат өндірудің мүмкін емес екенін айтады. Десе де, өзге мемлекетте білім алғандардың кейбірі ол мерзімді сот арқылы еңбек өтіліне қоса есептетіп алғандарын айтады. Қазір министрлік жүйенің қай жерінде кілтипан кеткенін анықтап жатыр.
Әйгерім Ердәулет, Сергей Шуйский
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#әскерилердің_өкпесі #ҚарулыКүштер #министрлік