zati hak'da mahremi irfan olan anlar bizi

Zât-ı Hakk’da mahrem-i irfân olan anlar bizi
İlm-i sırrda bahr-ı bî-pâyân olan anlar bizi
___________________________________________
__________________________________________
Bu fenâ gülzârına bülbül olanlar anlamaz
Vech-i Bâkî hüsnüne hayrân olan anlar bizi
__________________________________________
Dünyâ vü ukbâyı ta’mir eylemekden geçmişiz
Her tarafdan yıkılıp vîrân olan anlar bizi
Biz şol abdâlız bırakdık eğnimizden şâlımız
Varlığından soyunup uryân olan anlar bizi
Kahr u lûtfu şey’-i vâhid bilmeyen çekdi azâb
Ol azâbdan kurtulup sultân olan anlar bizi
Zâhidâ ayık dururken anlamazsın sen bizi
Cür’a-yı sâfî içüp mestân olan anlar bizi
__________________________________________
Ârifin her bir sözünü duymaya insân gerek
Bu cihânda sanmayın hayvân olan anlar bizi
__________________________________________
___________________________________________
Ey Niyâzî katremiz deryâya saldık biz bugün
Katre nice anlasın ummân olan anlar bizi
___________________________________________
Halkı koyup lâ mekân ilinde menzil tutalı
Mısrîyâ şol cânlara cânân olan anlar bizi
NİYAZİ MISRI K.S. - Pir-i Galibi K.S. (Ruhu için fatiha maassalavt)