Рет қаралды 336
Azərbaycan-Özbəkistan iqtisadi münasibətlərinin inkişafı üçün böyük potensial var
İqtisadiyyat naziri Mikayıl Cabbarovun rəhbərlik etdiyi nümayəndə heyəti Özbəkistana işgüzar səfər edib, Buxarada iqtisadi sahədə birgə fəaliyyətin genişləndirilməsi məqsədilə yeni imkanlar nəzərdən keçirilib.
Özbəkistan Respublikası ilə Azərbaycan Respublikası arasında əməkdaşlıq üzrə birgə hökumətlərarası komissiyanın 13-cü iclası keçirilib.
Özbəkistanın investisiyalar, sənaye və ticarət naziri Ləziz Kudratovla görüşdə vurğulanıb ki, Azərbaycan və Özbəkistan dövlət başçıları iqtisadi tərəfdaşlığın möhkəmləndirilməsinə xüsusi önəm verir ki, bu da hər iki ölkəninin iqtisadi inkişafına töhfə verməklə yanaşı, regional inkişafı stimullaşdırır
Qeyd olunub ki, ötən il Özbəkistanla ticarət dövriyyəsinin həcmi 180 milyon ABŞ dollarına yaxın olub. Bu ilin ilk 5 ayında isə bu göstərici təqribən 70 milyon ABŞ dolları təşkil edib.
Hacıqabul Sənaye Parkında birgə layihə çərçivəsində avtomobil istehsal edilir. Bu il iyulun 1-nə olan məlumata görə, əməkdaşlıq çərçivəsində 5300-dən çox “Chevrolet” avtomobili istehsal edilib. Bundan başqa, birgə pikap, yük maşını və avtobus istehsalı həyata keçirilir.
Tədbirin sonunda iclasın yekunlarına dair protokol imzalanıb. Sənəddə iqtisadi-ticarət, enerji, nəqliyyat-tranzit, kənd təsərrüfatı, innovasiyalar və digər istiqamətlər üzrə tərəfdaşlığın möhkəmləndirilməsi əksini tapıb.
İşgüzar səfəri çərçivəsində Azərbaycan-Özbəkistan İnvestisiya Şirkətinin Müşahidə Şurasının iclası keçirilib.
Ümumi kapitalı 500 milyon ABŞ dolları olan Azərbaycan-Özbəkistan İnvestisiya Şirkətinin ölkələrimizin biznes dairələri arasında əməkdaşlığın, ticarət əlaqələrinin inkişafına yeni təkan verəcəyi vurğulanıb..
Səfər çərçivəsində, həmçinin, nümayəndə heyətinin Buxarada tarixi abidələrlə tanışlığı təşkil edilib.